8~Feb~2009(日)

今日係第二日開OT
星期日要返工真係好唔願意起身
朝九晚六
做足成日,仲係要搬上搬落
唔係坐係度打啲嘢咁簡單
要落手落腳將啲FILE搬來搬去
十足苦力咁
都咪話唔辛苦
亞囡啲錢唔易賺呀!
一到冬天,真係唔可以唔認老
年紀大咗皮膚自然無咁好
冬天時仲亁過我個荷包
唔可以用普通沖涼液
一定要用啲特別呵護的沖涼液
但呢啲沖涼液又無泡又無味
好鬼難頂
行開藥房咪問下有乜honey成份嘅沖涼液
店員介紹咗呢隻日本嘅蔗糖沐浴露

$48一支~我都覺得唔貴架
(嗰啲乜鬼敏感皮膚轉用的成百蚊一支)
試用咗之後又覺得幾好喎
唔會因為佢係蔗糖而會好甜
啲味道仲好香添
佢地仲話買三送一,咁咪即係$36一支
嘩...平十幾蚊一支
我呢啲貪心嘅師奶仲差少少上當添
點知上次漢和blog聚
師奶仔話
冬天佢都係買蔗糖沐浴露俾佢啲囝囝用
(但唔肯定係同一牌子)
次次都旺角間彩豐行入貨
佢話平啲喎,但無話平幾多
我咪摷番師奶仔之前個blog
見到真係同一隻牌子呀
即刻上網search到呢間公司
睇完價錢表真係好平喎
仲有好多樣產品!
呢隻蔗糖沐浴露祇係買$21
咁我咪買貴咗$27
即刻落order定咗幾支
仲買咗啲其他產品試下
我仲買咗幾隻沖涼液同洗頭水

連白蘭花味嘅沐浴露都有
白蘭花個味道我好鍾意架
但沐浴露我就未試過
留番夏天用咗再報俾你地知!

真係要做過精明啲嘅師奶先得!
.gif)
1
回覆刪除[版主回覆02/08/2009 21:23:00](Empty)
2
回覆刪除[版主回覆02/08/2009 21:24:00]今晚好靜喎!
我黎啦都有三少奶做
回覆刪除[版主回覆02/08/2009 21:41:00]今晚好靚喎!
妳係咪係彩豐行訂呀?而家要幾多錢先送貨呀?聽人講有隻芒果沐浴露都好好喎
回覆刪除[版主回覆02/08/2009 21:42:00]係呀,好似三百都送喎!有呀,不過我怕會好甜!
我都有去彩豐買嘢架, 我要用honey嗰隻至得.sugar對我黎講唔夠潤
回覆刪除[版主回覆02/08/2009 21:54:00]你買邊隻honey呀,我都想試喎!
A1987 蜂蜜柔潤沐浴露
回覆刪除[版主回覆02/08/2009 22:03:00]唔該晒,我會訂番枝用下!仲有冇其他好介紹呀?
我第5,有jo姐份!一打開就見到我個名,原來係沐浴露, 嘩你一次買咁多呀!
回覆刪除[版主回覆02/09/2009 06:12:00]早晨早晨~乜係你個名咩? 都係兩支啫,一支係洗頭水!
我係話冇jo姐份,因為佢重訓緊覺覺豬呀!
回覆刪除[版主回覆02/09/2009 06:11:00]早晨早晨~所以咪好靜囉!
彩豐行的用品,我早兩年前都有訂過~
回覆刪除當時訂貨送去我舖頭的,仲送一堆樣辦比我地試,
產品幾平,但~我就唔係幾鐘意用,家陣我個洗手間
仲有彩豐行幾款未開既產品在~~
您下次訂貨可到這網址: http://www.choi-fung.com/index3.php?cat=69
[版主回覆02/09/2009 06:10:00]早晨早晨~網址我有啦!我地定咗,我都係想定佢隻沐浴露啫!
我以前都訂過喎!!!!!!夏天用好D!!!
回覆刪除[版主回覆02/09/2009 06:09:00]早晨早晨~你講邊隻先?
HI HOW ARE YOU DOING EVERYBODY I'M BACK
回覆刪除[版主回覆02/09/2009 06:09:00]早晨早晨~你咁夜先back個個都瞓咗啦!
我d護膚品都係響彩豐行買架....quality唔差又經濟好多...
回覆刪除旺角同tst都有shop.....你可以去慢慢試慢慢揀架...
呢.......約埋果隻主席去咪得囉....
不過如果你地買沐浴露就真係送貨好...唔係拎死你...
[版主回覆02/09/2009 06:09:00]早晨早晨~約主去食飯啫! 護膚品佢有好多隻牌子,唔知邊隻好! 我地無乜時間都係送貨好啲!
嘩…你駛唔駛買咁多咁狂呀?就黎凍完喎!
回覆刪除[版主回覆02/09/2009 08:19:00]早晨早晨~我有鋪天生購物狂癮, 唔該幫我問下蘇師傅,有冇乜嘢陣可以制止我鋪買嘢癮啦!
如月, 大老爺真幸福, 有個咁精明的太座
回覆刪除[版主回覆02/09/2009 10:28:00]早晨早晨~但係我嘅缺點大過優點喎!
你好犀利好精明,如果俾我一早落疊左,
回覆刪除[版主回覆02/09/2009 11:34:00]早晨早晨~平時一早已經落搭啦,不過支沐浴露太大支無地方放!
嘩, 加加埋埋你咪買左好多沐浴露 ?
回覆刪除[版主回覆02/09/2009 11:34:00]早晨早晨~係三支!公司同事仲要定呀!
我宦係用哩隻,價錢唔貴又大支
回覆刪除[版主回覆02/09/2009 12:22:00]嘩~咁你係咪係門巿買呀?
用完呢支嘢沖凉
回覆刪除會唔會忍唔住 食自己嘎???
[版主回覆02/09/2009 12:22:00]咁又唔會,不過,我驚大老爺見我咁甜,瞓瞓下會咬我啫!
妳幾點食午飯呀
回覆刪除今日我同SUGAR去咗飲茶 再去買相機 仲係我家食晚飯呀
[版主回覆02/09/2009 12:21:00]嘩~你瞓醒啦,我食1點! 你決定買邊隻相機呀?
咩瞓醒呀 我呢邊係11:40PM呀 好眼瞓就真
回覆刪除買咗部SAMSUNG L200 US$129.99+ TAX 試吓唔啱再去退
[版主回覆02/09/2009 14:08:00]呢部係新model喎係咪?試下唔得又退?你有冇睇過canon呀?
重食到好鬼開心㖭!多謝jo姐姐嘅飲茶同晚飯㖭!重要多謝cy教識我咁多電腦嘅野呀!你話我係咪好幸福呢!我呢個衰人都有人鍚㗎! jo姐姐又買左好多手信比我兩個女呀!
回覆刪除[版主回覆02/09/2009 14:38:00]係啦,你知就好啦!咁幸福!
好利害呀你!仲好精朋添呀!
回覆刪除[版主回覆02/09/2009 16:22:00]咁梗係啦!
呢這沐浴露我依家用更,不錯的.彩豐行嘅mask都ok.
回覆刪除[版主回覆02/09/2009 16:22:00]但台灣嗰隻仲正喎!
彩豐行既產品真係好多人用架
回覆刪除[版主回覆02/09/2009 16:52:00]講落又真係好多人用緊喎!
哈咯~元宵节快乐~
回覆刪除[版主回覆02/09/2009 16:53:00](Empty)
恭喜!就黎收得工啦.
回覆刪除[版主回覆02/09/2009 16:51:00]你等我就嚟收工先恭喜我呀 但你放咗料啦,我今日開OT放9點呀!
9點?
回覆刪除[版主回覆02/09/2009 17:37:00]開OT嘛!
元宵節快樂!!!
回覆刪除[版主回覆02/09/2009 17:54:00](Empty)
多謝好介紹, 都要試下先
回覆刪除[版主回覆02/09/2009 18:14:00]BLOG友話仲有一隻仲潤啲喎!叫做HONEY架!
呢次我就真係剛瞓醒啦 妳OT到9點咁夜 咁有無得放食晚飯架
回覆刪除呢部係新model喎係咪? 我唔知道喎 但SUGAR同CY都話幾好
試下唔得又退? 30日內可以退貨或換貨嘛
你有冇睇過canon呀? CANON無減價呀
[版主回覆02/09/2009 18:35:00]我而家開OT啦,你要同我傾計要等到十點我返屋企先得,因為開OT無得睇電腦架!
起初我唔識呢隻牌子的, 係兩年前我家附近做宣傳免費派試用, 但佢地派的唔係試用裝, 而係好似你張相個支咁大的, 之後開始用, 唔錯唔錯 !
回覆刪除[版主回覆02/09/2009 19:33:00]係藥房介紹俾我用的! 但經BLOG友介紹我先可以買到咁平咋!
仲有50分鐘就收工啦!!!!!!!!!!!!
回覆刪除恭喜!恭喜!
[版主回覆02/09/2009 20:34:00]係仲有26分鐘呀!
now is still have 24mins
回覆刪除[版主回覆02/09/2009 20:37:00]Yes!!!!!!!!!!! 59))))))))))))
009今晚幫我洗碗.
回覆刪除20MINS
[版主回覆02/09/2009 20:44:00]所以你咁得閒???????係咪元宵所以幫你洗碗呀?
十點幾先放工,要多d休息呀!
回覆刪除[版主回覆02/09/2009 22:06:00]我而放工啦,不過要瞓覺啦!
妳買個只話係日本牌子既沖涼液,我屋企樓下都有得賣,我都差 d 中招去買返屋企,但越睇越覺得唔妥,都係唔買住先 ~ 返到屋企上網先知兩者既包裝幾乎一樣,只係個名唔同 ~
回覆刪除[版主回覆02/24/2009 18:32:00]哈哈........聰明!