2009年2月7日星期六

甜一甜!!!


6~Feb~2009(五)


.


.


今朝返工突然間諗


創作blog世界嘅人目的係乜呢?


本來一個人嘅圈子真係好細


但經過blog嘅渠道


令個人嘅世界擴闊咗好多


令到平凡的世界增添好多色彩


令到無可能遇到嘅人變成朋友


令到空虛的內心變得充實


開心嘅時候會同你分享


唔開心嘅時候又有人同你分憂



C啦C啦,前日做瑜伽時


做到成身汗,咪叫MISS開冷氣囉


點知個機淨係吹住我


就係咁............


結果,而家好似有啲........



聽日仲要開OT架


唔可以病架!




甜品


亦都係一種好奇妙的食品


當你不如意時


食少少甜品,人都會舒服好多


甜品亦都有好多種


本人唔多鍾意食糖同朱古力


但對於冷熱糖水都特別喜好


平時回家煮飯食飯已經好夜


好少會煮糖水食


但偶而都會做少少令自己開懷啲



~蕃薯糖水~


蕃薯有好多種類.........


黃肉、橙肉、紫心、日本.......


今次用咗兩種蕃薯煮


yummy yummy yummy



大家記得唔開心或者遇到不如意時


請為自己預備一份甜品


咁好快就無事架啦


42 則留言:

  1. 1
    [版主回覆02/06/2009 21:34:00](Empty)

    回覆刪除
  2. oh~~really??i am no.1??
    [版主回覆02/06/2009 21:34:00]yes!

    回覆刪除
  3. 2222222
    [版主回覆02/06/2009 21:35:00]知啦!亞二!

    回覆刪除
  4. 糖水好靚呀, 好想食
    [版主回覆02/06/2009 21:35:00]你嗰度有間好出名呀,出去食啦!

    回覆刪除
  5. 主席同Oscar唔通未返屋企??
    haha~~今晚瞓覺好既!!
    蕃薯糖水我都鍾意呀!!又簡單又好味!!!正!!!
    [版主回覆02/06/2009 21:36:00]主席可能去咗九龍城打邊爐喎! oscar可能未瞓醒喎! 你度幾多點啫?

    回覆刪除
  6.  
    保重呀如月,食粒維他命C啦,
     
    [版主回覆02/06/2009 21:37:00]今日食咗三次幸福,加杯多薑汁嘅檸蜜,而家食兩粒藥早啲瞓!

    回覆刪除
  7. 我已經病倒了 ~~  轉季期間就會係咁,已經好小心架啦!  但都係打敗了 ~
    我都好鐘意蕃薯糖水架!  但因為太甜,所以少食 ~
    [版主回覆02/06/2009 21:38:00]我係做瑜伽時俾個衰鬼冷氣攝親架! 自己煮咪唔甜囉!

    回覆刪除
  8. 如月~保重 !!!
    [版主回覆02/06/2009 21:39:00]知啦,仲有OT錢要我賺架!

    回覆刪除
  9. 我亞媽前幾日都煮左啊~~
    橙色噶番薯 都系第一次見咋
    [版主回覆02/06/2009 21:39:00]香港有幾種蕃薯喎,橙蕃薯係街都有煨!

    回覆刪除
  10. 我都好鍾意食蕃薯糖水, 仲係要重薑味個隻
    哈哈, 我依家又好想食, 所以叫左老公落街買
    [版主回覆02/06/2009 21:41:00]我都係,但煮咗得我一個人食咋,屋企人都唔鍾意食! 哈哈............咁你老公咪多得我...........唔少囉!

    回覆刪除
  11.   做您家人真幸福,我越來越懶,
    連入廚房都不太願了,天天都得
    我同個女兩個人食,整到冇心機,
    今晚我都好想整吓拌手禮,不過~
    仍在掙扎中........................
    蕃薯糖水---------->>>唔該~"嗶"多兩碗啦~~
    [版主回覆02/06/2009 21:40:00]係喎,聽日你又要見BLOG友喎! 林生唔返嚟食,梗係無心機啦!

    回覆刪除
  12. 祝你
    ~早日康復~
    [版主回覆02/06/2009 21:55:00]我未開始病,作緊喎!

    回覆刪除
  13. 我覺得飲咖啡都可以令人放鬆D架!!!!!!!!!
    [版主回覆02/06/2009 22:29:00]但我唔飲咖啡喎!

    回覆刪除
  14. 我都好想食番碗呀,  我都要多薑
    好好保重, 早 d 瞓 .....
    [版主回覆02/06/2009 22:58:00]係呀,我落好多好多薑架,聽朝都整番杯勁薑檸樂先!

    回覆刪除
  15. 好認同你的說話呀, 亦都認同甜品係可以治療和令人開心的東西呀.
    [版主回覆02/06/2009 23:20:00]係呀,唔開心就想食啲甜嘢平衡下!

    回覆刪除
  16. 你點呀?
    E家好D未呀?
    [版主回覆02/06/2009 23:22:00]你咁夜呀,你仔仔睇完醫生好啲未? 我作病,食緊藥,無乜嘢,有錢等住我去搵架,唔病得!

    回覆刪除
  17. Kitty過嚟探你喇, 仲有一個星期就係情人節, 諗咗去邊到慶祝未呀
    [版主回覆02/06/2009 23:23:00](Empty)

    回覆刪除
  18. 我都鍾意食糖水架.....
    [版主回覆02/07/2009 08:10:00]早晨,我最鍾意係紅豆沙!

    回覆刪除
  19. 蕃薯糖水我都好鐘意, 不過其餘兩位家庭成員唔喜歡, 所以我都好少煲.
    但係當我好想食嘅時候, 都會煲嚟慰勞吓自己.
    食完真係好開心, 好滿足嫁~~
    [版主回覆02/07/2009 08:10:00]早晨,我都係咁! 想食自己煮會好味啲!

    回覆刪除
  20. 你的蕃薯糖水,令我想起未嫁時,媽咪整的蕃薯糖水…
    我老公麻麻地鍾意食,同你相反,最鍾意朱古力任何嘢…
    [版主回覆02/07/2009 08:09:00]早晨,我成家都唔食架,所以好少煮,係上次整湯丸淨咗,咪煮咗做糖水囉! 唉............你地咁鍾意食朱古力甜品,都咁fit,我唔食呢啲雪糕呀,朱古力呀都咁肥!

    回覆刪除
  21. I love anything that comes come sweet potatoes.  I'm loving it.
    [版主回覆02/07/2009 08:22:00]早晨,咪你試過煨蕃薯味呀!

    回覆刪除
  22. 講得好好呀! 等我都甜一甜先!
    [版主回覆02/07/2009 08:17:00]早晨,你唔開心咩?

    回覆刪除
  23. 我都好耐未食過蕃薯糖水囉....
    你用2種整好正啊.....見到令我好想食添...
    [版主回覆02/07/2009 08:16:00]早晨,我想用三種最好加埋芋頭添!

    回覆刪除
  24. 保重呀!你病咗你家人就冇啖好食架.
    甜嘢我好鍾意食架,任何甜的食物我都唔放過.
    [版主回覆02/07/2009 08:15:00]早晨,我會啦,佢地都未驚過,我唔煮咪出街食,佢地都唔欣賞我整啲嘢!

    回覆刪除
  25. 一睇就知係蕃薯糖水,我D小朋友好鍾意食..
    [版主回覆02/07/2009 08:15:00]早晨,我啲小朋友同大朋友都唔like呀!

    回覆刪除
  26. 早晨呀!都唔可以話係唔開心................個女成日都話唔聽,講完又唔記得,日日都要提吓佢嗰种呢!好鬼勞氣呀!十一歲開始係反叛期..........唉!有排煩呀!
    [版主回覆02/07/2009 08:33:00]早晨,你囡囡十一歲?係啦.....佢地都要日日我叫佢地起床架,我而家咁早起身咪因為要叫少爺起床囉!

    回覆刪除
  27. 有唔開心嘢,有人聽你呻,分享下都好,唔會咁唔開心!

    回覆刪除
  28. 我唔好甜嘢,所以好少出街食甜品,想食時會自己煮,食咗係會開心啲,好似個世界都甜啲。依家自己叫做識啲整吓cake就更加好,中意幾甜就幾甜。
    寫blog係好事,唔係都唔會無啦啦同你傾計傾得咁開心。
    [版主回覆02/07/2009 10:31:00]早晨,以前我都唔好架,唔知點解而家行過糖水鋪都會好想食!

    回覆刪除
  29. 有時識得既朋友都未必可以完全講到自己內心所有心聲。
    但自己既blog就可以不保留咁打出理,而大家都不太相識,有緣而願意睇落去,再留言真係好開心,無論係鼓勵或否,都可以知道第三者既想法!
    [版主回覆02/07/2009 10:31:00]早晨,開口好難講到嘢架!寫出嚟會容易啲!

    回覆刪除
  30. 起初寫blog, 係想記低發生過的事. 慢慢地越來越多人黎睇, 就好希望同大家分享下我o既生活. 學你講, 開心唔開心都有一班blog友呀!! 我唔開心, 會去食雪糕架~ 哈哈~ 食完就會開心番! 小心身子~ take care
    [版主回覆02/07/2009 12:54:00]起初寫blog係因為唔開心,想寫抵佢抒發下啫,點知見人寫煮餸咪又學人寫下囉,寫下寫下咪日日都係度見大家囉!

    回覆刪除
  31. 蕃薯糖水我都好喜歡食的.........................
    [版主回覆02/07/2009 12:53:00]我嘅最愛係紅豆沙呀!

    回覆刪除
  32. 我見倒你碗糖水已經心都甜哂喇!呢幾日唔好嘅心情因為你碗糖水而掃走d無謂嘅人喇!真係要多謝你碗糖水呢!聽日我都自己煮先。 我都要甜一甜先! 我都唔記得話你知點解我知佢留言比你㖭,因為佢留言比我時比 ‘軒士’ 我囉!所以我咪知囉!但我冇諗到佢比咁多你啫!重有joejoe嗰面都好多呀!而另外梗係有我嘅好blog友話我知啦!佢咁樣做,你估d人超底能咩!無啦啦d blog友會識你係乜水咩!又冇追過佢嘅blog,佢講到天花龍鳳都得啦!真白痴!
    [版主回覆02/07/2009 12:38:00]你改咗名喎,聽日記得煮一碗糖水俾自己食下,放鬆啦! 都唔係好多,有啲係我個fd俾私人我架! 所以話你無謂擺係心度,唔好再掛住呢啲無謂嘢,邊個對個老人家好,個老人家最清楚,同我地講都無乜用! 繼續為兩個女煮多啲好嘢食俾佢地呀!

    回覆刪除
  33. ok!
    [版主回覆02/07/2009 12:47:00]我而家係公司,要開OT呀,你仲唔瞓?唔舒服飲杯熱milk會好瞓啲架!

    回覆刪除
  34. Wow! Moon!!The new look of your blog is soooooo beautiful!!!
    [版主回覆02/07/2009 15:03:00]梗係啦,情人節嘛!

    回覆刪除
  35. 湯水好養顏啊!
    [版主回覆02/07/2009 18:00:00]係架!

    回覆刪除
  36. 今日好番 d 未呀 ?  今朝有無飲勁薑檸樂呀 ?
    [版主回覆02/07/2009 19:26:00]一陣煮!

    回覆刪除
  37. 我早幾日都煮左湯水呢 食時仲有d感觸呢~
    [版主回覆02/07/2009 19:26:00]做乜有感觸呀,慢慢嚟啦!

    回覆刪除
  38. 我呢度快hk三個鐘,所以每晚十二點,睇完你個blog咪瞓lor!!
    [版主回覆02/07/2009 22:03:00]早抖!

    回覆刪除
  39. 好同意,所以我office一定會有朱古力,每當怒火衝天,我一定會食返粒朱古力,咁就會熄晒火。
    仲有,你碗糖水超吸引呀!
    [版主回覆02/08/2009 08:22:00]都唔及你個浴缸吸引!

    回覆刪除
  40. 我返來喉嚨痛聲音啞 飲咗開聲茶都無用呀
    [版主回覆02/09/2009 16:25:00]點解會咁架?

    回覆刪除
  41. 我可能唔夠瞓+無湯水囉
    所以昨晚返來之前 已經打電話叫老爺煲定羅漢果白菜紅蘿蔔湯俾我飲 一入門口就飲咗兩大湯碗啦
    [版主回覆02/09/2009 20:39:00]唔夠瞓最幣! 咁而家好啲未?呢次旅程好唔好玩?

    回覆刪除
  42. 多謝妳 好DD啦
    都OK好玩 但早晚凍到我要著哂所有衫上身 有FD仲著羽絨呀 C唔C 
     
    [版主回覆02/11/2009 09:44:00]唔係去曬太陽咩?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^