2009年2月6日星期五

點見人!!!


5~Feb~2009(四)


呢排晏晝都唔去跳舞


所以都可以安排同啲fd食下飯


生活寫意好多


因為成日都有好嘢食嘛


(我係為食師奶)


 
 
 
 


今晚大老爺難得約咗佢啲中學同學食飯


本來我都好想去


但自從肥到咁之後


都唔係好想出去見人


因為起碼肥咗兩個碼


無謂係佢同學心中嘅形像無晒!



今晚得三個人都唔知食乜好


噚日佢地食咗麵


真係諗到頭都爆!




是日晚餐


~金菇黃芽白煮小丸子~



~煎煙豬手~



主菜


~日式冷烏冬~(食譜按此)



好啦食完又係做家務嘅時候


平時有大老爺洗碗執枱


今日要自己攪掂


而家先知大老爺嘅可愛之處



 


 

32 則留言:

  1. 1
    [版主回覆02/05/2009 21:03:00]賽事好精彩喎!

    回覆刪除
  2. 哈哈~一人一次打和
    [版主回覆02/05/2009 21:03:00]平分春色!

    回覆刪除
  3. 今日到我喇..如月
    [版主回覆02/05/2009 21:04:00]一人一次喎!

    回覆刪除
  4. 哈哈~打和喎 我唔係頭先攞咗第一,妳點會呢板第一呀
    [版主回覆02/05/2009 21:06:00]二分鐘喎,我覺得無關係囉!

    回覆刪除
  5. 哈哈~知啦咩 我都話妳個老爺肯執枱洗碗都已經好好啦
    [版主回覆02/05/2009 21:06:00]我今晚佢返嚟錫佢一啖囉!

    回覆刪除
  6. 我黎啦.
    [版主回覆02/05/2009 21:07:00]食完飯啦? 

    回覆刪除
  7. 今晚009幫我洗碗呀
    [版主回覆02/05/2009 21:08:00]一晚咁多啦!

    回覆刪除
  8. 哈哈~又話10:00先返?好肯定係無兩分鐘架
    [版主回覆02/05/2009 21:17:00]我話開OT時先係呀,都話7號先開始囉! 我SET個BLOG一個係58分一個係00架!

    回覆刪除
  9. 可能佢 d 同學都係肥左呢......
     
    [版主回覆02/05/2009 21:48:00]梗係唔係啦!之前我地都有見架,呢兩年我真係肥咗成廿磅呀!我試過減到同而家輕40磅呀,唔知點減完又肥番,仲越嚟越肥!

    回覆刪除
  10. 唔係吖!你個樣都唔係好肥啫!我覺得少少肥先可愛嘛!
    [版主回覆02/05/2009 21:58:00]你知我有幾多磅呀?我呢排又肥咗四五磅啦!

    回覆刪除
  11. 如月,呢個人好煩,成日開新名入我blog胡言亂語,要我成日delete佢d留言!重離間我班兄弟姐妹㖭!真煩呀!我家出了這個新抱,真該煨囉!
    [版主回覆02/06/2009 06:03:00]呢個人真係好無聊,咁你真係要諗下有啲blog列為私人啦!呢個世界乜人都有!

    回覆刪除
  12. 如果我改為只限朋友,咁佢就睇唔倒㗎! 如果我想佢睇倒,但又唔想佢攪攪震,咁係唔係冇辨法呀!
    [版主回覆02/06/2009 23:17:00]係呀,祇會係你列為朋友嘅BLOG友先可以睇到,咁會少咗好多人睇你個BLOG啦! 咁真係無辦法啦! 又或者你寫咗唔俾人回應咪得囉,每篇BLOG下面都有得揀"可回應"同"不可回應"!

    回覆刪除
  13. 我同妳剛好相反,我好鐘意洗碗架!  次次三哥煮完飯,俾三嫂洗既話,d 碗碟通常都唔乾淨 或 油,所以依家都係我來洗 ~
    我都要減肥呀!  呢兩晚訓得唔好,今日喉嚨好痛,已經少講野啦!  飲左幾杯柑桔水,希望聽日把聲可以返來啦!  我睇開既中醫要等十五先開診呀 ~
    [版主回覆02/06/2009 06:32:00]咁你可以試下第二間,你要唔要試,要我俾地址你!你問主席攞我電話啦!

    回覆刪除
  14. 大老爺已不錯的了~我以前要番工,要煮飯果日,
    都係由我洗碗的~~
    [版主回覆02/06/2009 06:30:00]咁林生又有佢可愛之處喎!

    回覆刪除
  15. 有時冇左一樣野 先會發現佢係重要 人就真係咁鬼麻煩呢
    [版主回覆02/06/2009 06:28:00]係架,我都知佢好,但有啲方面又好激氣喎!

    回覆刪除
  16. 減乜鬼,健康咪得囉!!!!!!!
    [版主回覆02/06/2009 06:30:00]我次次去clinic睇病都俾姑娘捉咗去磅,一磅又話肥咗啦,又要同我傾計,我都同佢講,朝朝都係一個包一杯茶,仲想點啫!咁唔通樣樣都要烚下烚下咩?

    回覆刪除
  17. 煙肉豬手好吸引呀!
    [版主回覆02/06/2009 06:24:00]呢個現盛架!

    回覆刪除
  18. CEO煮飯 我執台洗碗洗煲
    [版主回覆02/06/2009 06:23:00]應該兩個人分担家務嘅!

    回覆刪除
  19. 大老爺已好好了,我要番工,要煮飯重洗埋碗同埋做所有的家務,我覺得我似工人多啲囉!
    你都唔算肥,可能大老爺的舊同學的太太重肥過你呢!
    比啲信心啦!
    [版主回覆02/06/2009 06:22:00]我都係咁覺得喎,我成日同大老爺講,我係個會出糧俾老細嘅賓妹! 我呢兩年肥咗成廿磅呀,點見人啫?信心真係無乜,出嚟見你地啲blog友,我都要著啲睇落無咁肥嘅衫!

    回覆刪除
  20. 如月....你好過我好多喇~! 都係捉你上磅~!
    我呀~!上次去做婦科檢查,隻Doctor要轉介我去心理醫生度check下呀~!佢話我夜晚唔瞓覺唔妥喎~!幾想拎個茶壺"鏗"暈佢a~!
    [版主回覆02/06/2009 07:55:00]咁你又做乜夜晚唔瞓呀,你好少咁早起身喎!

    回覆刪除
  21. 我生完b都肥咗好多.....都唔敢返hk見人啦......
    [版主回覆02/06/2009 08:55:00]早晨呀,我都有睇你啲想,你咁後生可以減,我地老咗想減要好辛苦架!

    回覆刪除
  22. 人到咁上下年紀係咁o架喇,我都係近依幾年係咁肥,又懶到死,無特登減。不過我自我安慰,只要身體健康,肥少少無所謂啦!
    講真,你都唔係好肥啫,佢果啲同學或老婆,可能重無你keep得咁好。
    [版主回覆02/06/2009 11:00:00]你又有幾肥啫,邊個夠我肥,講起肥個個瘦mou mou都話自己肥! 我都係想健康啲,所以先想減少少!

    回覆刪除
  23. 你就好啦
    我老公無幫我洗碗架
    都唔知有冇試洗過呀~
    [版主回覆02/06/2009 10:59:00]你唔好忘記,你唔使返工架!

    回覆刪除
  24. 你點都唔會夠我勁,三年肥三十磅la,我至o係正牌肥 c 拉啊
    [版主回覆02/06/2009 11:02:00]咁你重幾多呀,三十磅都啫,你個底無我咁肥,我個底子都好勁喎!

    回覆刪除
  25. 唉~ 減肥呢家野, 都係女人有苦自己知.
    羊媽睇書講, 儲存脂肪係女性的生埋本能, 懷孕過程, 就更加........... 但要減去嘛 ......... 要花上百般的努力.
    我相信, 除非唔使返工/ 湊仔/ 做家務. 有時間 + 恆心去做運動的話, 一定減到的! 又或者 ..... 有好多錢, 去美容院比人攪掂都得!
    但 ....... 我相信能夠做到的人唔多囉~
    哈~~~ 羊媽又一大理論支持妳之餘, 支持埋自己了~
     
    話時話, 妳 d 小朋友冇幫手做家務架咩? 咁大個喇喎! 煮埋飯都得啦~
    [版主回覆02/06/2009 11:47:00]我試過跟營養師減,減完又肥番!成日食啲無味嘅嘢都好辛苦,返工已經好辛苦,我唔想飲杯奶茶都唔得! 我啲係大朋友,囡囡有幫手,成日話自己啱晒嘅囝囝就無啦!

    回覆刪除
  26. 我都係咁...唔敢見C佬既朋友

    回覆刪除
  27. 等大老爺番黎先洗嘛!heeheeee
    [版主回覆02/06/2009 14:00:00]想佢有藉口休咗我咩?

    回覆刪除
  28. keep下都好。其實你唔算太肥,都幾均勻。
    我最高紀錄係168磅(唔係懷孕前後wor),後來發覺身體有毛病,經醫生勸告,調節飲食慢慢減輕體重,不過e+都係肥肥地
    [版主回覆02/06/2009 14:01:00]我keep過啦,但無恆心,同大老爺出街食飯,我仲會覺得自己食好少嘢,但同同事出街就知自己大食啦! 我個磅係你最高記錄倒轉呀!你明嘛?

    回覆刪除
  29. 哈哈哈```驚住無曬形象就唔好 甘為食啦~~
    [版主回覆02/06/2009 14:02:00]咪係囉!

    回覆刪除
  30. 妳好似俾左個手提電話我架!  6 字頭架 ~
    多謝!  暫時唔使住,可能係我呢兩個訓得唔好,而同時我每逢一轉季就會作病,都慣左啦!  過幾日應該會無事啦!
    搞惦我老公呢範緊要 d ~
    [版主回覆02/06/2009 15:18:00]係呀!點呀,你今日好啲未? 唔緊要,祝你老公早日康復!

    回覆刪除
  31. 跟營養師, 我都唔會. 佢地建議的, 真係好難跟. 除非三餐自家煮啦~
    我自己覺得, 要正視問題根源先得. e.g. 成日食零食的, 戒零食一定減到. 常飲凍飲而唔飲清水的, 戒 softdrink 都得. 食量大的, 小食多餐都可以.
    之但係 ........ 我全部都唔係. 都冇得減. 好在, 都冇重到.
    只係生一個, 重 10 磅. 兩年生兩個, 就重左 20 磅喇~
    如果比我減到呢 20 磅, 真係開心 C 囉  而家, 都有少少自信心不足架~
    好在, 唔使點見老公 D 朋友. 只係佢公司有大 function 時, 怕失禮老公咋~
    [版主回覆02/06/2009 21:33:00]跟營養師要斷六親架,凍飲我介唔到呀!

    回覆刪除
  32. 我返嚟啦 !!! 今日先返工
    你唔駛驚,肥少少可愛好多,起碼有內在美
    [版主回覆02/06/2009 21:34:00]好耐無見,你去咗邊呀? 內在美唔知大老爺覺唔覺喎?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^