2009年2月5日星期四

乜形!!!



4~Feb~2009(三)


今日囡囡囝囝都要返學啦


囝囝下個星期仲要考畢業試


點解仲可以日日出街玩架


同佢講佢又話"得啦"


得乜先得架,又唔多見佢溫書


真係唔知點算?


囡囡就好似好咗啲


希望佢能夠保持


但成績仲有好大距離呢!


 
 
 
 
 


放工去咗做瑜伽


次次做完都好鬼C攰架!


買咗煎釀三寶食,仲有美味嘅生菜魚湯


好鬼C正架!



其實係唔應該架


做咗等於無做,又忍唔到當前美食


 
 
 
 


1~Feb~2009(日)


<乜形>


呢個係講番,星期日係屋企做咗件失敗產品


~無形棉花糖~



點解會咁,因為用錯咗唧咀囉


食譜話用12mm嘅唧咀


我又無呢種唧咀,又懶醒咁


以為呢個花花唧咀都得啦


見酒樓啲白兔棉花糖有花紋嘅



以為用個花花唧咀都得啦


睇下我唧成點,

唧極都唔成形



終於唧晒出嚟算數,切一段段咁



唉,早知做長方形棉花糖咪成功囉!


下次買番個啱嘅唧咀先再試!


今次打蛋白打成個鐘


手都軟埋!點解次次打蛋白都唔係好得咁?


44 則留言:

  1. 1
    [版主回覆02/04/2009 21:13:00]主席好嘢,你終於攞番個主席位啦!

    回覆刪除
  2. 1
    [版主回覆02/04/2009 21:13:00]叮噹馬頭!

    回覆刪除
  3. 三個1.
    [版主回覆02/04/2009 21:13:00](Empty)

    回覆刪除
  4. 4
    [版主回覆02/04/2009 21:14:00]亞四仲未瞓覺?

    回覆刪除
  5. 唉 明天在黎過......
    [版主回覆02/04/2009 21:14:00]好繼續努力!

    回覆刪除
  6. 哈哈~仲唔係我 今次無碌過龍啦
    [版主回覆02/04/2009 21:14:00]無碌過龍未必可以攞到第一架!

    回覆刪除
  7. 明天我一定攞番第1.....主席
    [版主回覆02/04/2009 21:15:00]你挑戰主席呀!

    回覆刪除
  8. G唔系太長LOOK過龍low.
    [版主回覆02/04/2009 21:15:00]你又賴碌過龍?

    回覆刪除
  9. 好呀 有本事就.......
    [版主回覆02/04/2009 21:15:00]開戰啦! 

    回覆刪除
  10. 見到D煎釀三寶好想食,不過始終都無以前細個時食D咁好味.
    [版主回覆02/04/2009 21:16:00]油麻地呢檔三寶好正好大件架!

    回覆刪除
  11. 主席,你附近有無好食ga煎釀三寶呀?
    [版主回覆02/04/2009 21:16:00]都話油麻地囉!觀塘都好多喎,裕民坊有檔串燒超正,你知唔知?

    回覆刪除
  12. 油麻地邊道呀?
    [版主回覆02/04/2009 21:22:00]碧街~地鐵出口!

    回覆刪除
  13. 我唔去觀塘架。
    因為主席同我住得比較近,AND我鍾意過佢個道買野。
    [版主回覆02/04/2009 21:24:00]你想撞主席嘛?

    回覆刪除
  14. 會5會撞親佢呢?
    [版主回覆02/04/2009 21:28:00]咁你有冇肥到呀?主席咁.............

    回覆刪除
  15. 小丸子係呢樹問我野
    街市都有一檔幾好架,仲有一檔買瓊魚肉都好正架
    [版主回覆02/04/2009 21:54:00]咁我答唔答你好呀?

    回覆刪除
  16. 個小白兔難唔難家 ? 我又想學呀 !
    大姐都係過兩個星期就考畢業試啦 !
    [版主回覆02/04/2009 21:54:00]個白兔係酒樓架,我都唧唔到,個棉花糖唔難,但唧個白兔形就好難囉! 唉............我個仔都唔識C!

    回覆刪除
  17. 個魚肉細細粒好得意喎
    [版主回覆02/04/2009 21:55:00]係呀,平時係一條條,呢檔係正方粒粒架!

    回覆刪除
  18. 打蛋打成個鐘?
    成個鐘我整完,食得入個口喇bor,整咩你搞咁耐?
    [版主回覆02/04/2009 22:25:00]我都唔明,打蛋白對我嚟講真係有難度! 啲蛋係雪柜攞出嚟分咗蛋白同蛋黃,開始打企都成半個鐘都係好勉強OK咋,你通常打幾耐呀,我係用中速打係咪慢得滯呀? 跟住加咗糖再打咗成20分鐘都唔企身,咁就算啦!咁出現乜嘢問題呢?

    回覆刪除
  19. 我無用蛋白喎,我only水+糖+魚膠粉咋,不過都係唔成型
    [版主回覆02/04/2009 22:33:00]哈......啲食譜係咁寫喎!

    回覆刪除
  20. 可以叫做 個性棉花糖!!!!!!!
    以後可唔可以整 貓型啊??~~
    [版主回覆02/04/2009 22:34:00]似貓屎多啲!

    回覆刪除
  21. 真係點解呢?
    我個日整一個蛋白,打…我估3mins內就可以打到倒轉都唔會滴落,然後分幾次加糖水再打,我估都係大約10分鐘內完成,雪一陣然後唧花,整個過程真係一個鐘內有得食。
    你肯定器皿係乾爽?你用咩mixing bowl?係咪太大個?太大個都會影響打唔起。
    [版主回覆02/05/2009 06:08:00]我都唔明,己經將個不锈銅bowl用熱水洗過抺乾,驚佢會油!我個打蛋器有個速度,係咪要用到最高速架? 3mins一定唔得喎,我次次都要打起15分鐘,但真係唔明,有啲人話蛋白要回室溫,有啲人話凍先得,咁究竟出現乜嘢問題,所以我而家聽到要打蛋白嘅食譜都好驚,bowl點樣先叫大呀,我個都好大喎,咁要乜嘢bowl先啱呢,請你教下我啦     如果我識打蛋白咁我乜都唔驚囉!~

    回覆刪除
  22. 呢個棉花糖唔岩妳食 係咪請人食呢?
    [版主回覆02/05/2009 06:19:00]我通常都係整嚟俾人食,因為我覺得個白兔好Q嘛!

    回覆刪除
  23. 我打蛋白通常都係 5 分鐘之內就企, 支棒同個 bowl 都要乾, 唔可以有水 & 蛋黃, 個 bowl 我會先放係雪櫃 2 ~3 分鐘......點解你成日都打唔到 ?!
    [版主回覆02/05/2009 06:18:00]我已經早一日預備咗個bowl啦,一定亁仲用熱水洗過無油!syc話可能個bowl大得滯喎! 我都唔明,點解我次次都要打成十幾分鐘都唔係好得咁!係咪個打蛋器要用到最高速呀?(有三個速度呀)!

    回覆刪除
  24. 同我細佬一樣,再講過兩句,就會話我阿媽好煩啦!  次次都要我出馬去教訓佢,因全家佢只聽我話,因我夠惡 ~ 
     
    [版主回覆02/05/2009 06:33:00]哈哈............我都好惡喎!

    回覆刪除
  25. 我去果間酒樓食既話都會叫
    但係估唔到會咁難架
    下次有機會食既時
    真係要食真d呀
    [版主回覆02/05/2009 06:33:00]個食譜唔難,有啱嘅唧咀都應該唔係咁難,祇係我唔識打蛋白啫!

    回覆刪除
  26. 買個kitchen aid stand mixer 喇,唔駛打得咁辛苦!
    [版主回覆02/05/2009 06:32:00]係咪即係好大個嗰啲打蛋器呀?屋企無位啦!

    回覆刪除
  27. ∞∞∞∞∞∞∞∞∞ Ðädä ∞∞∞∞∞∞∞∞2009年2月5日 上午8:16

    棉花糖係咪唔使用焗爐架? 哩個長形棉花糖味道 ok 嘛。可否給我食譜呀?
    [版主回覆02/05/2009 06:31:00]唔使焗爐架,你可以做長方形會易好多! http://www.rthk.org.hk/elearning/dessert/cake_marshmallows.htm

    回覆刪除
  28. 哇~!打成個鍾?!?!?!? 我覺得係你打蛋器唔夠馬力呀~!你試下d蛋放回室溫用高速打,蛋白雪得太冰都唔容易打起架~!
    [版主回覆02/05/2009 06:21:00]唉,請師傅教下我啦,打蛋白點解我次次都唔得架?  高速打係咪最主因?點解有啲BLOG友教要蛋白要凍個bowl都要凍呀?咁即係室溫定係凍先得呀?

    回覆刪除
  29. 整得都唔錯吖!味道應該都唔錯.
    我都想要食譜,可唔可以分享呀?
    [版主回覆02/05/2009 06:30:00]你可以參考下呢個網 http://www.rthk.org.hk/elearning/dessert/cake_marshmallows.htm

    回覆刪除
  30. 就係咁囉!我啱啱同jo姐講完電話!佢話依加重好,佢都唔比面你,你重乜比面佢啫!依加我就把心一橫,係個blog道舒發出嚟,就算佢地同我斷絕來往我都唔使顧細路妹嘅感受嘛!任由我嘅細路妹鐘意點就點啦!反正我呢個家姐都冇人專重咯!好可惡呀呢個弟婦!
    [版主回覆02/05/2009 08:26:00]早晨早晨!我剛剛係你個blog返嚟咋! 我都係咁話,你係大嘅你要話事,唔好讓佢,你如果返香港聚會,你叫人佢唔出席你咪同細佬玩得開心啲囉,當佢透明最好,你見到佢都可以唔同佢講嘢架,咁會心涼啲! 我睇完啦,你唔使唔啋你細佬妹,我相信血濃於水,你祇要當佢身邊嘅透明就得,你咪淨係同你細佬妹講嘢囉,使乜要睇佢地面色啫!你可以約你細佬妹架,唔需要佢地帶埋一個有樣無心嘅人出嚟聚會呀!

    回覆刪除
  31. 失敗乃成功之母, 如月, 加油 !!!!!
    囝囝出街可能是和同學一起温習呢, 妳有冇問清楚?
    [版主回覆02/05/2009 08:56:00]早晨早晨!佢出去唱K同睇戲呀!

    回覆刪除
  32. 我係用最高速家 - 部機係 250 W.....
    [版主回覆02/05/2009 08:55:00]早晨早晨!我幾乎打到個打蛋器消咗呀! 咁下次我用最高速試下,因為我未用過最高速,打牛油我都係用最低速咋!

    回覆刪除
  33. 早晨~咁的棉花糖味道如何 ?
    我想問焗爐空燒要用幾多度 ?
     
    [版主回覆02/05/2009 09:13:00]早晨早晨!味道OK喎,我減咗甜,不過唔知可唔可加啲牛奶會香啲呢? 你用180度空燒啦!我諗空燒幾分鐘都得啦!

    回覆刪除
  34. 你好用心機整,需然唔知乜嘢形,但係唔緊要啦最緊要好食...瑜珈哩家嘢要有恆心...比心機
    [版主回覆02/05/2009 11:07:00]早晨早晨!我就係無恆心囉!

    回覆刪除
  35. 棉花糖 ---- 好吸引喎! 等我得閒又試下先 (好多野想試 )
    囝囝嘛~~~ 算吧~ 後生仔係咁上下, 可能係 '少年不知愁之味' 卦. 迫都迫唔黎. 比妳迫到佢坐定定咁又點? 掛住遊魂都冇意思啦~ 講多兩句, 比佢嫌妳長氣咪仲衰.
    唉~ 一諗到小朋友大個左, 唔再聽自己話, 都會失望定先~
    希望佢有一天諗得通, 可以主動 d 讀書啦~
    [版主回覆02/05/2009 11:55:00]早晨早晨!等佢地諗得通都怕要佢地撞咗板先知啦!

    回覆刪除
  36. 唔緊要啦,自家製,好味咪得囉,我覺得幾好玩喎。
    囝囡一到中學,唔好話讀書,好多方面都唔到我哋管,佢哋係獨立個體,有自己諗法,只好順其自然,盡咗自己能力就算。
    兒孫自有兒孫福!一切睇佢哋做化喇。
    [版主回覆02/05/2009 11:54:00]早晨早晨!失敗乃成功之母嘛!

    回覆刪除
  37. 要按比例,即如著衫一樣道理。
    你諗下個mixing bowl太大個,d蛋白剛好平鋪係個mixing bowl,高度可能得1cm根本無可能打得起,將蛋白放入mixing bowl後個高度地碼要有2-3cm咁上下,咁先會容易打得起,另外我自己就無分話室溫唔室溫,兩者都無所為。
    [版主回覆02/05/2009 11:54:00]早晨早晨!咁我會留意下,再試完話你知!

    回覆刪除
  38. 我唔介意型狀....我可以清架.
    [版主回覆02/05/2009 15:47:00]哈哈......下次有機會見你,整盆俾你食啦!

    回覆刪除
  39. 我都好耐未食過棉花糖喇
    [版主回覆02/05/2009 20:55:00]可以係街買嚟食,唔使整得咁辛苦!

    回覆刪除
  40. 你D綿花糖好正,見到好想食.一定好好味啦.
    [版主回覆02/05/2009 20:54:00]麻麻地啦!我諗可以仲好啲!

    回覆刪除
  41. 等佢地諗得通都怕要佢地撞咗板先知啦! <-- 好似學行咁, 唔跌又點知痛呢~ 跌下痛下, 下次就會學精喇~ 成世扶住, 佢又點識行呢??!!
    我覺得不至跌到太危險便算了~
    青少年, 一係搵人作 '樣版' 睇下佢可唔可以領略到囉~ 如果佢硬係要自己跌先知痛, 都冇計.
     
     
    [版主回覆02/05/2009 20:54:00]所以我都係口頭同佢地講道理,唔係鬧! 你講得啱,太保護唔係一件好事,佢地要浪費自己時間我都無計!

    回覆刪除
  42. 你咁有耐性嘅????打成個鐘?????俾我一早唔整lu!!!!!!!!!
    [版主回覆02/06/2009 06:19:00]我以為係咁耐嘛!

    回覆刪除
  43. 我好耐之前都想跟 "美味 DIY" 試做棉花糖, 但要買栗膠, 我又次次都唔記得買
    [版主回覆02/06/2009 06:19:00]栗膠好易買喎,間間烘焙店都有架! 不過我呢個食譜無用粟膠架,我唔記得跟邊個網啦,但都有留抵咗個食譜俾自己第日再試,而家開俾你睇啦,你可以試下,我寫得未必啱! http://hk.myblog.yahoo.com/ngsksandy/article?new=1&mid=21300

    回覆刪除
  44. 嘩!  你棉花糖都整埋!  真係好犀利呀!
    [版主回覆02/25/2009 16:56:00]仲話犀利,咁肉酸!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^