2009年2月24日星期二

戰績!!!


23~Feb~2009(一)


天氣好差


勁大霧,乜都睇唔到



 
 
 
 


戰績


以下相片有可能令各位不安














係咪好肉酸呀?


呢隻手...........無病架


隻手係大老爺嘅


好可憐,傷痕纍纍咁


係情人節嗰日


大老爺整情人節餐時


俾油彈親架


你話佢幾論盡


真係有小小心痛呢


 
 
 
 


仔仔今日進入倒數階段啦


今個星期考畢業試


考完呢個試


就要告別學校啦


唔使再返學


(都唔知仲有冇書讀)


最怕佢係屋企唔係溫書


但担心都無用


佢溫唔溫我都控制唔到


唔知仔仔會唔會


唔捨得讀咗11年嘅母校呢


6年小學5年中學生涯


都係呢間學校渡過


 
 
 
 


記得佢小學畢業禮


校長係台上演講嘅時候


我已經好感觸咁流下眼淚


點解


諗起仔仔小學嗰6年


我真係敎得好辛苦


諗盡方法幫佢都幫唔到


補習社都搵咗幾間


同佢去啲社區中心做測試


又話佢唔係最大問題嗰個


無得輔導


佢做功課可以做3-4個鐘


(係我坐係佢身邊)


日日都同佢做功課做到十一二點


手冊又寫唔齊

字又肉酸


其實我係懷疑佢係專注力不足


但又無法証明


以為男仔係咁


諗起這一切一切先會咁感觸


唔知佢中學畢業禮


我會唔會又....................


而家都咁,到時都要攞定條毛巾啦!


 
 


今日有煲湯


~蕃茄薯仔洋蔥紅蘿蔔牛腩湯~


最鍾意呢個湯


飲湯無湯料食唔正嘅



~芋頭臘鴨脾煲~



前幾日係快餐店想食又無得食


咪自己整番煲嚟嘆囉



~沙茶蒜心炒牛肉~


又有蒜心啦,$5一札好抵



用嚟炒牛肉最啱,加兩茶匙沙茶醬


真係好香好香呀!



~蒜茸炒椰菜~


剩餘物資,是但咁炒咗佢啦



仲有我明日嘅午餐盒


~生炒牛肉飯~


切少少牛肉整個飯咪得囉


但而家買到$20牛肉好似以前嘅$15咋


啲牛肉又貴咗啦!



簡簡單單又一餐


好滿足!!!



 


 


 

38 則留言:

  1. 1
    [版主回覆02/23/2009 21:05:00](Empty)

    回覆刪除
  2. 2
    [版主回覆02/23/2009 21:05:00](Empty)

    回覆刪除
  3. 2
    [版主回覆02/23/2009 21:05:00]三姐呀! 

    回覆刪除
  4. 哈哈~我今日又係炒蒜芯呀
    [版主回覆02/23/2009 21:05:00]又咁啱,蒜芯當灶嘛!

    回覆刪除
  5. 哈哈~又係兩位姐姐唔好意思啦
    [版主回覆02/23/2009 21:05:00]咁你又唔讓姐姐?

    回覆刪除
  6. 哈哈~隻手係咁..好心酸咩
    我成日都係咁..架啦,好彩係有帶眼鏡咋
    [版主回覆02/23/2009 21:14:00]唔肉酸咩?唔知以為佢有乜病呀! 

    回覆刪除
  7. 我今晚又係煲蕃茄薯仔大眼雞湯
     
    [版主回覆02/23/2009 21:30:00]真係啱啦!

    回覆刪除
  8. 我家大少二少咪又係咁 我幾乎見老師多過見阿媽 連學校D校工阿姐阿哥們 都知道我去搵邊個呀 真係面懞膏都搽咗唔知幾多擔 好彩佢地D老師同社工十分幫忙 我至無咁慘咋 我家老爺由就朝去到晚 咪話叫佢幫手教仔 佢連D仔係圓係方都唔知呀  
    [版主回覆02/23/2009 21:29:00]仔女事都係女人去理多,乜嘢家長日呀,見老師呀,都係亞媽去,囡囡今次攞成績表都係唔俾亞爸去,佢話驚亞爸亂講嘢,又話亞爸都唔知頭唔知路!

    回覆刪除
  9. 囝囝方面 ,都係隨緣啦 !
    而家D年青人~有佢個套想法 !
    妳有無幫佢報定 IVE 呀 ?
    [版主回覆02/23/2009 21:27:00]都係咁啦! IVE都諗緊,唔知邊間好,又要佢可以跟住報副學士先修班先得!

    回覆刪除
  10. 又係做阿四
    [版主回覆02/23/2009 21:38:00]你咁聰明,無理由唔知點樣可以攞第一喎! 不過,我係你度攞咗第一啦!

    回覆刪除
  11. 我個囡囡又係呀, 上星期五已經唔使返學架喇, 呢個星期五就開始考試, 仲日日出去話同同學一齊溫喎 都唔知佢點架...
    [版主回覆02/23/2009 21:42:00]佢起碼話係同同學溫書呀,好過我個仔都唔知做緊乜!

    回覆刪除
  12. 準備手巾甘夸張~~~
    嘩嘩嘩```大老爺搞到甘 你要負責任啵!!
    [版主回覆02/23/2009 21:43:00]我一定負責............煮多幾餐俾佢食囉!

    回覆刪除
  13. 我HK有朋友D仔女都係讀IVE 好似話旅遊同酒店管理都唔錯 妳可以考慮吓 但副學士就要搵間可以一定銜接到大學嘅 因為有D係唔承認架 睇阿仔以後想向邊方面發展 同佢好好傾下囉
    [版主回覆02/23/2009 21:49:00]IVE係一個好出路,但要搵啲可以銜接上副學士嘅IVE先得,而家好多大專都有開IVE同副學士架!

    回覆刪除
  14. 快 d  錫番大佬爺啦 !
    哥哥有 d  同學都係咁, 做功課做到十一二點, 個家長最後由得佢欠交, 十點半要佢瞓,  因為唔夠瞓又無精神上堂, 佢話由得老師罰下佢.......好好彩,我 4 個仔女都無呢個問題, 一般一個鐘內一定做完功課..... 
    [版主回覆02/23/2009 22:14:00]我仲以為你我快d去你度添! 我都唔明日日睇住佢寫都係咁耐,而家都大咗啦!

    回覆刪除
  15. Oh,what a pity of yr husband ar. never mind, he will recover very soon. don't worry, all of us will add oil for yr son and I will remember to pray for her every night b4 I go to sleep.
    [版主回覆02/23/2009 22:18:00]梗係無事啦,咁少事!不過好好笑之嘛! 多謝你先!

    回覆刪除
  16.  甘叫簡簡單單呀
    [版主回覆02/24/2009 06:15:00]家常便飯!

    回覆刪除
  17. 大老爺咁唔錫身煮飯, 快 d  佢啦 ...
    我好眼深淺架, 個大仔第一次上台表演已經喊左出黎, 幼稚園畢業更加唔駛講, 我諗之後小學, 中學, (希望有埋大學啦 ) 每次出席一定喊濕成包紙巾呀
    [版主回覆02/24/2009 06:16:00]你仲眼淺過我喎!

    回覆刪除
  18. 大老爺又真係幾傷喎
    但比我見到心痛之餘仲好甜喎~!!
    唔知我係咪變態呢 ???
    **
    唔好諗咁多啦
    讀唔返原校都有好多出路既
    原來你都試過經歷座三四個鐘睇功課既經歷
    我依家仲未到這階段
    唔知到時我會點呢 ???
    不過點都好啦~!!!
    可能到佢升唔返原校既時候, 佢會發力讀到大學畢業
    仲再進修都唔定架, 到時可能攞埋個碩士/博士學位返尼俾你睇呀~!!!
    人既際遇好奇怪架
    有書讀時唔珍惜
    到冇得讀至會發現讀書係最好架
    所以年青人真係話唔埋架~!!!!
    [版主回覆02/24/2009 06:16:00]而家乜都講唔定架!

    回覆刪除
  19. 大老爺隻手,嚇得我…,我仲以為同我一樣,有老人斑添。
    [版主回覆02/24/2009 06:10:00]你有冇咁老呀?

    回覆刪除
  20. 我依家好眼淺, 舊年我女有份上台表演, 我都喊到CC下
    [版主回覆02/24/2009 06:09:00]我都好眼淺架!

    回覆刪除
  21. 隻手真係好似老人班咁喎!
    [版主回覆02/24/2009 06:07:00]似呀似呀!

    回覆刪除
  22. 快d同大老爺搽番D蘆薈或秀碧除疤膏啦
    [版主回覆02/24/2009 06:38:00]無呀,等佢無女追都好架! 你點知卓高今日生日呀!

    回覆刪除
  23. 大老爺既戰績都係為咗tum你,佢都應該無咩所謂既~~~
    [版主回覆02/24/2009 08:53:00]早晨呀~佢唔會介意架,當晚食嘢時佢都無話俾我知!

    回覆刪除
  24. 真係有小小心痛呢
    (好似唔只小小喎 )
    [版主回覆02/24/2009 08:52:00]早晨呀~小小小小咁啦+小小小小感動!

    回覆刪除
  25. 那些是爱的印記!
    囝囝畢業礼,要帶面巾才夠,我一想起我老公做陪讀就 ,人人見到我囝囝就話,他的好成绩全夠老爸,好彩他也懂得老豆的苦心,你話啦,做人父母好好艱難。。。真是哪!我们加油!
    [版主回覆02/24/2009 08:52:00]早晨呀~做父母都想子女好,但要佢地明白祇好等佢地做人家父母,大老爺成日都話叫囝囝將來結婚一定要生幾個,等佢明白做人父母有幾難!

    回覆刪除
  26. 慘囉慘囉, 你快些錫番老爺啦.
    [版主回覆02/24/2009 09:47:00]啦!

    回覆刪除
  27. 好鈡意食臘鴨肶架!煲仔上勁正呀!
    [版主回覆02/24/2009 10:30:00]早晨呀,臘鴨脾真係好好味呢!

    回覆刪除
  28. 唔好比自己咁大壓力啦,仔仔已經大過仔 ~ 嘩...果然係牛魔王之家
    [版主回覆02/24/2009 10:30:00]早晨呀,無牛不歡架!

    回覆刪除
  29. 唔好咁擔心亞仔啦~ 擔心都擔心不了~
    [版主回覆02/24/2009 11:29:00]早晨呀~都無得担心啦!

    回覆刪除
  30. 你點知卓高今日生日呀--->>> 我昨晚十一點幾看到她
    留言比我,便去她的blog看,有否更新,結果...
    比我看到"卓高"留比"Mommy Dearest"的留言,
    佢話0:00後.咪知她今天生日囉~
    [版主回覆02/24/2009 11:44:00]你真聰明,我已經mark低咗啦!

    回覆刪除
  31. 陰功lor!如月你有無 "呵"番大老爺呀咁?
    [版主回覆02/24/2009 12:21:00] 啦!

    回覆刪除
  32. 係啦....真係好憎而家個天氣呀!!!!!!
    大老爺好可憐呀! 咁耐都未好番呀?? 你快d鍚番佢啦...
    我諗你見到囝囝畢業果日, 你實忍唔住喊啫~   因為換轉係我都會><"
    [版主回覆02/24/2009 13:40:00]呢啲天氣真係好煩惱,啲衫朗極都唔乾! 無事啦! 一定啦!

    回覆刪除
  33. 如月你老公好錫你啦, 為左整餐好比你食, 受小小傷你都覺得心甜. 你仔仔的事順期自己咯, 結果係點大家心中有數啦, 仔仔出去做野就會識自己諗架啦, 不用擔心
    [版主回覆02/24/2009 14:09:00]佢論盡啫! 我都無得勉強!

    回覆刪除
  34. 囝大囝世界,等佢自己諗將來條路dim行啦!現在最重要的是囝囝無學壞,咁應該好好彩嘅啦!
    [版主回覆02/24/2009 14:21:00]條路真係要佢自己行出嚟架!

    回覆刪除
  35. 有啲人係要環境帶住佢行,迫佢行某一條路;無得諗,自問有盡心盡力教細路,將來係點要睇佢哋自己做化啦!
    香港教育係唔適合大部分學生讀,係制度問題,唔係點會讀到大部分都死死吓!
    [版主回覆02/24/2009 15:27:00]香港無足夠學位係最大問題! 乜你呢排好忙咩,無乜出品嘅?

    回覆刪除
  36. 忙到晚晚失眠呀!有出品都唔係好出品。
    你唔好為個囝咁操心呀!我係過來人,捱過咗個讀書期後,同佢商量吓佢有乜諗法,實際啲重好。
    [版主回覆02/24/2009 17:10:00]操心,都無啦,順其自然啦!搵定ive囉!

    回覆刪除
  37. 養兒一百歲,長憂九九,很有同感
    [版主回覆02/24/2009 20:39:00]係呀,都係順其自然啦!搵定ive囉!

    回覆刪除
  38. 妳真係好眼淺哦 ~  咁真係要拎定紙巾啦 ~
    好似 Carol,都係讀港專,又或者 IVE,但都要睇下妳既仔仔對邊科有興趣?  如果唔係讀讀下先覺唔適合自己,又會浪費時間 ~ 
    Carol 既家姐開頭話讀美甲,讀左一段時間先話唔鐘意,之後又話讀美容,但到依家又唔乜興趣了 ~~  我阿嫂係希望佢練好英文,佢畢業已經快 2 年,都仍然無所事事,都唔知點教 ~~~  唉 ~~
    [版主回覆02/25/2009 22:32:00]係架,有時聽啲新聞我都.............. 我咪驚亞仔囉!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^