2009年2月23日星期一

工作!!!


22~Feb~2009(日)


工作


開咗兩個星期OT


間屋亂到唔識講


雖然平時我都好少執屋


但都末至於咁亂,好多嘢等住做


連我最愛整嘅包都唔得閒整


要等我做好"亞媽"份工先


     
     


天氣回暖


又係要執衫嘅時候


亞仔就日日問我啲短袖衫係邊


仔仔間房又立立亂


一堆一堆練習


都唔知佢點可以搵到嘢嚟溫書


唯有我呢個亞媽出手


幫佢分好啲工作紙


呢堆就係仔仔呢年學校派嘅練習紙



我用咗兩個鐘幫佢分開一科科


最慘我都未讀過Phy、Che、Bio


都唔知佢邊科打邊科


一路執一路要問大老爺呢張係邊科


經過成個鐘之後,

初步完成嘅情況



好啦,終於大功告成



希望可以幫佢啦


佢下個星期考畢業試啦


  
  
  
  


好抵


我期期都會係吉之島買呢本"味道"


因為會平幾蚊(原價$15)~$12


仲時不時有嘢餸


今次仲送成枝頭抽(normal size)


裡面仲有好多食譜,

可以幫到我搵到靈感


煮多啲好嘢俾佢地食


我無乜嘢可以幫到仔仔囡囡


祇可以做啲美食俾佢地


等佢地食啲好嘢,可以輕鬆啲開心啲!



雖然唔做得乜嘢


都整番碗我最鍾意嘅"紅豆沙"



一碗少甜嘅紅豆沙


我都係覺得唔夠豆,我要多豆多豆呀



 



 


 

54 則留言:

  1. 1
    [版主回覆02/22/2009 21:16:00]又係你,得咗! 

    回覆刪除
  2. 1
    [版主回覆02/22/2009 21:16:00]做亞二呀,你制唔制呀?

    回覆刪除
  3. 3
    [版主回覆02/22/2009 21:17:00]得咗! 

    回覆刪除
  4. 係呀,好似唔係好起沙咁
    [版主回覆02/22/2009 21:17:00]係喎,但啲紅豆已經散啦!

    回覆刪除
  5. 兩位姐姐又係我呀
    [版主回覆02/22/2009 21:17:00]三位亞姐先啱喎!

    回覆刪除
  6. 媽媽真辛苦, 偉大
    [版主回覆02/22/2009 21:41:00]見到佢咁唔做都唔得啦!

    回覆刪除
  7. 我係美加區#1
    [版主回覆02/22/2009 21:42:00]哈哈..........咁如果patpat都嚟,咪係澳洲代表no.1囉! 

    回覆刪除
  8. 我會先煲滾 , 然後攤凍~放入冰箱 , 雪一晚 ,第日在煲~咁就會起沙 .
    妳下次可以試下呢個方法 !
    [版主回覆02/22/2009 21:46:00]好呀,我試下,咁要煲幾耐呀?點解呀?

    回覆刪除
  9. 仔仔間房又立立亂>>> 呢D嘢做咩唔俾佢自己執喎 係佢嘅責任嚟呀 妳太廿四孝啦 
    [版主回覆02/22/2009 21:46:00]佢間房好細啫,但啲練習紙成枱都係,唔執點溫書呀?

    回覆刪除
  10. 煲紅豆沙係要煲吓 熄火焗吓 又再煲吓 咁D豆先會唔散架 
    [版主回覆02/22/2009 21:52:00]係呀,我係咁煲喎,但我鍾意食到一粒粒豆架,所以唔會煲到起沙架,咁咪無一粒粒紅豆囉?

    回覆刪除
  11. 第一次煲大約半個鐘~然後第二日再煲 , 妳見到起沙就ok . (我無睇時間)
    點解要放入冰箱 ~ 好似話D豆快D淋喎 !
    [版主回覆02/22/2009 21:56:00]咁我下次又試下先!

    回覆刪除
  12. 咁都係佢嘅責任嚟 點解唔放好D 呢  間房亂亦唔代表溫唔到書 呢個係妳俾佢嘅籍口 咁就到係妳嘅問題啦 
    [版主回覆02/22/2009 22:02:00]佢話無問題架,佢話佢搵到架,係我唔抵得幫佢之嘛,聽日就考試啦!

    回覆刪除
  13. 等我遟吓俾我少爺們間房妳睇啦 簡直戰場咁呀 我係唔會同佢地執嘅 佢地仲細呀 因為我係佢地阿媽 唔係巳管家呀  妳話要做好阿媽呢份工 咁佢地都要做番自己嘅本份嘛 
    [版主回覆02/22/2009 22:18:00]仔仔間房祇係啲工作紙成房都係,但就唔係通地都係嘅,我睇唔過眼自己話要執啫!  話就會話,但話完又咪同佢地執! 

    回覆刪除
  14. 我看過電視, 佢地教要加陳皮, 而d陳皮係要攪爛晒至放入去煲
    [版主回覆02/22/2009 22:31:00]有放陳皮呀,但無攪爛喎!

    回覆刪除
  15. 我都中意紅豆沙呢~~速遞一份嚟啊唔該.
    但系呢幾日好似又涼翻D咯
    要注意身體~~
    [版主回覆02/22/2009 22:31:00]咁遠唔好啩!

    回覆刪除
  16. Let your son to tidy his own room, it's his own responsibility ma. If my kids forgot to make the bed in the morning, they need to pay a fine of $5 to the money box. haha
    [版主回覆02/22/2009 22:48:00]咁我個仔咪要俾好多錢囉? 平時我唔會理佢架,床單都係佢地自己換的,啲衫收咗都係佢地自己放入柜,但有啲嘢我做亞媽都要執手尾的!

    回覆刪除
  17. 如月姐姐,唔好玩啦,嗰碗點睇都唔似紅豆沙啦。
     
    [版主回覆02/22/2009 22:46:00]咁似乜呀?

    回覆刪除
  18. 你真係好野, 可以執得咁好  我唔可以幫佢地執書家, 佢地會話我整亂, 連哥哥都係..... 
    [版主回覆02/22/2009 22:56:00]仔仔都話唔使架,我話要執之嘛,我唔想佢搵藉口話搵唔到嘢唔溫書呀!佢地啲房都係佢地執架,我唔係日去攪佢地啲房,因為佢地都唔俾啦!

    回覆刪除
  19. 呢D唔單只係亞媽份工,仲係亞爸份工呀,陰公。
    我個女張書檯,直情係垃圾崗呀。D衫褲鞋襪書薄紙張,就廳一D,我間房一D,佢間房又一D。揾親嘢,就好似玩尋寶遊戲咁呀。
    [版主回覆02/23/2009 06:05:00]係喎,我仔仔好好多,祇係啲工作紙成房都係啫!

    回覆刪除
  20. SORRY  如月 唔好意思 可能妳唔認同我嘅教仔方式  但下面兩段都好想送俾妳囝囝   和別人分享你的知識,那才是永恒之道! 要 善待我們的 母親,    忙自己該做的事。
    [版主回覆02/23/2009 06:06:00]唔好咁講,每個人都有佢嘅教仔方法,我成日都覺得自己唔夠嚴厲架! 我會俾仔仔睇啦!

    回覆刪除
  21. 咁底既 支豉油都唔止呢個價錢呢
    [版主回覆02/23/2009 06:09:00]係噃,呢支係頭抽喎!

    回覆刪除
  22. 你果然係一個廿四孝媽咪, 我要多多向你學習
    我用左你送比我的矽膠模整左個甜品, 有時間過黎睇下
    [版主回覆02/23/2009 06:10:00]唔好向我學習啦,我應該叫佢自己執,我都做唔到,你好好訓練欣欣要自己執好間房呀! 即到!

    回覆刪除
  23. (Empty)
    [版主回覆02/23/2009 06:16:00](Empty)

    回覆刪除
  24. SORRY 隻MOUSE唔聽話 SEND咗咁多次  如月老師 知妳唔食牛肉 呢碟係蝦腸 但又唔記得落豉油喎 
    [版主回覆02/23/2009 06:18:00]你錯,我好鍾意食牛肉架,不過唔食肥牛,唔食屋企煎嘅牛扒咋! 我次次去飲茶都無腸粉食架,因為佢地鍾意食义燒腸咋,我最鍾意食嘅係牛腸呀!

    回覆刪除
  25. 蝦腸落咗豉油啦  下面碟係妳話要睇嘅牛腸呀 
    [版主回覆02/23/2009 06:19:00]好正呀 老乜鬼師啫,我都唔識整腸粉! 

    回覆刪除
  26. 咦 點解妳換咗張花花蝴蝶圖嘅  但有咁多美食係度   我都好鍾意呀 
    [版主回覆02/23/2009 06:20:00]我想整好耐啦,而家先識整!

    回覆刪除
  27. 你真係一個廿四孝媽咪呀!好偉大,好犀利呀!咁亂都比你執到咁整齊,如果比著我,我會叫佢自己執番,因為呢啲係佢啲資產嚟架.同埋真係都唔知邊科打邊科?????
    [版主回覆02/23/2009 06:21:00]我都唔識教仔,都叫唔掂佢自己執,但考試迫近無法啦!

    回覆刪除
  28. 幫小孩收拾是最辛苦的一環~~
    [版主回覆02/23/2009 06:45:00]鬼叫我叫唔到佢自己執好呀!

    回覆刪除
  29. 如月,我覺得你同我係同一系嘅媽咪!我好多時都會好似你咁㗎!都會幫下個女,執拾下,尤其是見過女忙做工課,忙睇書,忙做project,忙游水,呢d我又幫唔倒佢嘅!佢重邊有時間執野吖!所以我咪做呀媽應該要做嘅野囉!打理家頭細務!照顧好兩個女,我覺得係應該嘅!反而我覺得你重辛苦㖭,又要返工,又要打理家務,又要煮食[雖然係你嘅嗜好]每日都好辛苦㗎!你真係一個廿四孝媽媽呀! 而jo姐姐係另類媽咪嚟㗎!!唔好嬲呀jo姐!
    [版主回覆02/23/2009 07:54:00]朋友嘅,我好少嬲架,各有各性格,無得比架,仲有教唔教到係好睇個小朋友架,有啲一教就聽有啲可能教一世都教唔到呢!

    回覆刪除
  30. 你個heading我做極都都唔倒嘅!點樣resize佢㗎!你比jo姐嗰個我都download左,不過真係唔知點開同點用㗎!我係用apple mac機,所以好多時你地d野我係做唔倒㗎!
    [版主回覆02/23/2009 07:56:00]heading係用嗰個softwave嚟做的,開咗一張相,再point一啲相入去,個size無得set架,係逐張逐張自己縮細,所以都唔齊咁,我唔知apple mac得唔得,我淨係識用機,其他我識好少架!

    回覆刪除
  31. 如月,你真係一個好媽媽呀!
    [版主回覆02/23/2009 07:57:00]大家咁話啦!

    回覆刪除
  32. 好同意你嘅講法!真係要好睇個小朋友嘅性格㗎!
    [版主回覆02/23/2009 08:17:00]係呀,個個亞媽都想啲仔囡獨立,但我兩件都係日話夜話都係咁,唔理又唔得,功課我幫唔到佢啦,家務我就幫下手啦!

    回覆刪除
  33. 我個仔仲細,所以我要每一日同佢將每一科嘅練習紙同測驗卷分好file好,希望佢大個唔駛我幫佢啦~
    [版主回覆02/23/2009 09:14:00]小學我都係咁,但中學我都無理啦,不過今次係會考,唔到我唔理,生死由關呀!

    回覆刪除
  34. 一個家庭主婦係好忙架
    一個親職既家庭主婦更加唔駛諗啦
    辛苦你啦~!!!!
    [版主回覆02/23/2009 11:23:00]唔辛苦!

    回覆刪除
  35. 有頭抽送咁抵???
     
    [版主回覆02/23/2009 11:23:00]超抵!

    回覆刪除
  36. 以前呀仔溫書時都係滿地都係呀 但佢唔被執 因佢先知邊份打邊份 所以CEO唔會竇佢D野架
    [版主回覆02/23/2009 11:24:00]我係問過佢架,唔問過係唔掂得架!

    回覆刪除
  37. 如月早呀,我屋企係經常性混亂
    [版主回覆02/23/2009 11:26:00]我屋企都唔見得好好多,唔執會被大老爺收埋啲嘢架!

    回覆刪除
  38. 多謝哂妳呀  原來咁呀 C啦 呢樣我完全唔掂喎 睇嚟真係要搵CY至得啦 
    [版主回覆02/23/2009 11:27:00]我都唔多掂,都係問大老爺咋!

    回覆刪除
  39. 你講得啱!我都係同你一樣,讀書就幫唔倒佢地,家務就盡量幫啦!好等佢地專心讀好佢地嘅書啦!大家咁話啦!
    [版主回覆02/23/2009 11:47:00]係架,中學啲科目我都唔識啦!點教佢呀!

    回覆刪除
  40. You are such a good MAMA, bravo!
    "我無乜嘢可以幫到仔仔囡囡, 祇可以做啲美食俾佢地"
    that is exactly how I feel too, at least boost up their health!
    [版主回覆02/23/2009 11:46:00]都唔係,好多媽咪仲做得好過我啦!

    回覆刪除
  41. 我次次睇完你嘅blog都對你讚不絕口.你好勁,右要工作右有煮飯,右將間屋打理都整整齊齊.給你十個叻.
    [版主回覆02/23/2009 14:52:00]都唔係,好多媽咪仲做得好過我啦! 我間屋企好亂架!

    回覆刪除
  42. 嚇死人啊,咁多work sheet,你咁好心機,囝囝個心一定會感激你!比好嘢佢食,已經係好好o既鼓勵!
    [版主回覆02/23/2009 16:27:00]仔仔學校都落好重本呀! 唔會喎,我諗佢都會覺得我好多餘架!

    回覆刪除
  43. 向 SUPER MOMMY  致敬!
    [版主回覆02/23/2009 19:53:00]你咁夜都唔瞓呀,你度幾多點呀?

    回覆刪除
  44. 用兩個鐘分工作紙.......服咗你啦!!!!希望你囝囝明白你既苦心,努力讀書啦!!
    [版主回覆02/23/2009 19:53:00]差不多啦,鬼叫我自己睇唔過眼呀!

    回覆刪除
  45. 一年班時同老C講咗啦,不過呢個同學又黎啦,呢個同學屋企管教好嚴,我估個同學張對父母ga不滿發洩系我仔仔身上.我老公話仔仔五年班啦,應該自己去面對呢d野喎
    [版主回覆02/23/2009 20:48:00]當個小朋友無法處理時,你都要出面喎,咁你仔仔個反應係唔開心,咪應該要同學校講囉!男人個個都話唔使理架,做醜人嗰個都係女人! 你可以同仔仔傾下,睇下佢嘅心理係咪好困擾,如果佢無法解決,你都要出手同學校講下,又或者搵學校社工都得,社工應該可以幫到你個仔同嗰個同學!

    回覆刪除
  46. 哈哈~如月妳我個見解都一樣喎
    [版主回覆02/23/2009 21:03:00]梗係啦,我地大家都有個仔喎!

    回覆刪除
  47. 我大仔又係勁多 suupplementry paper 呀, 不過我要佢自己負責執返, 要分返開每一科 ....
    你為佢地煮咁多美食, 佢地一定感受得到 ....
    [版主回覆02/24/2009 06:06:00]無時間啦!考緊試啦!

    回覆刪除
  48. 凌晨2:45AM 心跳得快,瞓唔着!
    [版主回覆02/24/2009 06:05:00]係咪食咗藥先會咁架?

    回覆刪除
  49. 唔係,我冇吃藥啊。
    [版主回覆02/24/2009 07:54:00]早晨呀~咁你真係要詳細check下啦! 你唔使做baby sit咩?

    回覆刪除
  50. 剛剛babysit完,今早帶埋孫囝囝去驗血。
    [版主回覆02/24/2009 08:50:00]早晨呀~但你唔夠瞓咁可唔可以抽血呀?點解孫囝囝又要驗血呀?

    回覆刪除
  51. 對唔住!令你誤會左! 只係我去驗血,但又要babysit,咁咪帶埋孫囝囝去囉!
    [版主回覆02/24/2009 10:16:00]哈哈........係我誤會啫! 

    回覆刪除
  52. 我對仔女都好似你阿仔咁,D書同埋work sheet堆到成座山咁高,見到都頭痕,好彩你哩個阿媽好有心機有要返工又要執屋重要煮好餸俾仔女食 ~
    [版主回覆02/24/2009 11:10:00]
    哈哈........放工就執唔到啦,都係放假執啫!
    哈哈........

    回覆刪除
  53. 呢度一碗多豆少湯既紅豆沙呀 ~  唔該 ~~  ( 好似遲左少少哦 ~   )
    嘩!  一個中五考試,要做咁多試題架?  連我都要投降囉 ~ 
    [版主回覆02/25/2009 22:24:00]哎呀,我食紅豆沙又係鍾意食多多多豆架,咁咪要且你爭? 無法啦,香港教育制度嘛!

    回覆刪除
  54. 我阿媽以前都成日話我食晒 d 豆,剩低 d 水俾佢呀 ~~ 
    [版主回覆02/25/2009 22:41:00]我都係咁架!但整親紅豆沙都得我一個人食咋,但又唔鍾意食街買嗰啲,半碗豆都無!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^