2009年2月21日星期六

業務!!!


20~Feb~2009(五)


今日整咗個麵做午餐


~鮮冬菇椰菜火腿燴鮑魚麵~


多多菜多多菇少少麵


yummy yummy



好耐無行街啦


花園街.......

.........我嚟啦


過年時好忙


過完年又要開OT


今日終於要去..........巡視業務啦


通常星期五放咗工


都會行下花園街


shopping...shopping...shopping


跟住就同大老爺食晚飯


 
 
 
 


天氣回暖咗好多


啲時裝店已經換晒春裝


又係要入貨嘅時候


唔好問我舊年無買衫咩


女人永遠都有買唔完嘅衫


 
 


再戰"馬豆糕"


之前整嗰個馬豆糕好滑,但係腍咗啲!


今次用咗K同事個食譜


因為之前佢整過紅豆糕請我食


我都覺得幾好食


所以用嚟試下有乜分別


~椰汁馬豆糕(2)~(食譜按此)



落模落得唔夠均勻,

好肉酸!



呢個係花奶版


好香但好heavy架


做法基本同上次T&P差不多


祇係材料差少少


今次用咗花奶,仲係黑白牛牛牌


又加咗大菜


咁樣個糕就彈牙啲!


但係我都係覺得仲係差少少


仲要研究下點樣又滑又彈牙呢!



"地鐵見聞"



呢啲就係我今朝所見所聞


真係不吐不快


(一)


一個媽咪同仔仔(小四小五左右)一齊返學


媽咪梗係幫佢攞埋書包


個仔就乜都唔使攞


淨係企係度睇報紙


個亞媽就從仔仔個功課夾


攞出份作文(有四頁紙)


企係度逐個字逐個字檢查


最奇怪係佢用擦子膠擦去錯字


幫佢改正,唔靚嘅字佢就加兩筆


唔係化


咁個仔咪永遠都寫錯永遠都寫唔靚


點解唔俾老師改佢


要咁幫佢呀?


啲小朋友要撞下板


佢地先識得成長架!


 
 


(二)


另一個媽咪帶住個仔仔(小一二左右)


一見有兩個位就想埋去坐


點知坐位前面有個白髮伯伯都想坐


伯伯見佢地想坐就讓咗俾佢地



個亞媽好自然同仔仔一齊坐咗落去


喂,人地亞媽咁你點樣教仔架


仲要係坐一個站之嘛


使唔使咁樣呀,企下唔會C架



你咁做法,個仔點識讓坐俾有需要人仕呀


仲要係個伯伯讓位俾佢地


要唔要面架



天呀


而家啲亞媽太痛錫啲仔女啦


點解唔教下啲正確行為俾啲囝囝囡囡呢


你地愛佢反而害咗佢架!


 
 
 
 


(三)


有個爸爸日日陪囡囡返學


我相信佢囡囡應該有中二中三咁大


因為時間差不多,位置都係咁上下


好多時我都會見到佢地架


每次都係見到個囡囡瞓咗係爸爸大脾度


(咁你地可以想像囡囡瞓係邊啦)


日日都要瞓到佐敦落車


做爸爸嘅驚

囡囡會瞓少一兩秒


要列車到站差不開門(又或者已經開咗門)


先會叫醒個囡囡落車


點解點解


唔夠瞓咪早啲瞓囉


咁大個女要瞓都唔係瞓係爸爸個大脾度


好肉酸呀!!!



 

42 則留言:


  1. [版主回覆02/20/2009 21:30:00]雙冠軍!

    回覆刪除
  2. 1
    [版主回覆02/20/2009 21:31:00]都係亞二喎!

    回覆刪除
  3. (Empty)
    [版主回覆02/20/2009 21:31:00]點呀你?

    回覆刪除
  4. 又係阿二 
    [版主回覆02/20/2009 21:31:00]係呀

    回覆刪除
  5. 我次次行親花園街一定會大包細包咁搬番屋企, 買野買得好放好爽
    [版主回覆02/20/2009 21:32:00]我都係咁話,但肥咗咁多之後,買唔到好多啦! 

    回覆刪除
  6. 依家的小朋友太受保護喇, 完全經唔起挫敗, 所以我都好讚成某些事要佢地去撞下板就最好喇 !!
    [版主回覆02/20/2009 21:32:00]係呀,要訓練佢地,唔好太保護佢地呀!

    回覆刪除
  7. 55555
    [版主回覆02/20/2009 21:47:00]五仔!

    回覆刪除
  8. EEE...我係阿四
    [版主回覆02/20/2009 21:48:00]係呀,做亞四你做唔做呀!

    回覆刪除
  9. 66無窮
    [版主回覆02/20/2009 21:48:00]你喎,你真係六仔喎!

    回覆刪除
  10. 今天去街市買咗幾包CHEAP CHEAP 士多啤利,好酸呀!今晚準備整果醬,先張士多啤利用糖醃一晚,明天再煮.
    [版主回覆02/20/2009 22:02:00]使唔使醃一晚呀?

    回覆刪除
  11. 手手好香士多啤利味
    [版主回覆02/20/2009 22:02:00]而家士多啤梨好平喎! 點解今晚唔見主席嘅??

    回覆刪除
  12. 如今D父母簡直就太縱容D仔女 有求必應 要乜俾乜 自己唔食唔著都買名牌俾佢地 攪到D細路就完全唔知生活艱難 要求多多想一得二  都唔知佢地係點樣教仔女呀  我三個仔自返幼稚園開始 都係自己攞書包 換校服 小學因為近 就自己返學放學嘞 到中學因兩個學校係同一條街 又啱時間 老爺先至車佢地返學咋
    [版主回覆02/20/2009 22:05:00]我由細到大都灌輸唔要名牌嘅意想俾佢地架! 咪係囉,咁多人睇住佢都同佢仔改作文喎?

    回覆刪除
  13. 我好中意行花园街,一定買好多野!
    [版主回覆02/20/2009 22:17:00]買咗少少咋!

    回覆刪除
  14. 太過保護小朋友其實係害左佢地, 佢地將來會唔識應付架 ...
    [版主回覆02/20/2009 22:18:00]我都係咁話,而家啲媽咪太緊張啦,係地鐵成日見啲媽咪同個囝囝囡囡背書呀!

    回覆刪除
  15. 我返黎啦 今日咁長要慢慢睇喎
    [版主回覆02/20/2009 22:23:00]去咗邊呀?

    回覆刪除
  16. 我係D仔細時成日同佢地講 你寫D字唔好 就好似你無衫著咁 點出去見人呢 ""字為人之衣冠" 嘛 
    [版主回覆02/20/2009 22:31:00]咁我個你咪無着衫囉?

    回覆刪除
  17. jo姐姐:咁我個仔成日都唔著衫去見人啦
    [版主回覆02/20/2009 22:32:00]乜你跟我講啫/

    回覆刪除
  18. 無湯飲?係邊呀?
    [版主回覆02/20/2009 22:35:00]係17號呀,今日係無飯煮婦呀,逢星期五係我同大老爺嘅二人世界呀!

    回覆刪除
  19. 咁 我 個 你 咪無着衫囉?>>  我/你     主席SPECIAL CASE 唔算 
    [版主回覆02/21/2009 13:08:00]
    我係話我個仔呀,佢啲字同主席個仔無乜分別,細細個比佢學執筆都無用,佢唔識裝字架,寫個字好似分屍咁!

    回覆刪除
  20. 咁多反面教材d野都被你撞到...一樣米養百樣人,現今d父母真係過度緊張d囝囡.唉!
    [版主回覆02/21/2009 13:10:00]
    見到人做法我會同個女講,所以佢家見到啲媽咪同啲好大嘅仔仔囡囡攞書包都會話佢地唔啱架!

    回覆刪除
  21. 我唔會同佢改作文 只會俾意見佢 同CHECK有無寫錯字囉  但我好鍾意做佢地D美勞功課喎 
    [版主回覆02/21/2009 13:10:00]
    咪係囉,嗰個亞媽仲同佢逐個字咁寫番好,咁佢以後都唔會寫得靚架啦!

    回覆刪除
  22. 家陣d父母真係大愛惜自己仔女, 講得岩呀, 有時真係愛佢變成害佢....
    [版主回覆02/21/2009 13:11:00]
    錫係錫,但要懂得教囉!

    回覆刪除
  23. D小朋友點解咁懶,答案俾你揾到嘞!!!!!!!! 話時話,佢哋嘅家長一世人捱兩世苦,係人中之龍就真!!!!!!!!!
    [版主回覆02/21/2009 13:12:00]
    而家唔係個小朋友唔肯改,係個亞媽同佢改啫,都唔知佢都乜咁忙,夜晚唔改,坐車先改??

    回覆刪除
  24. 嗯嗯
    而家D家長真系超縱D小朋友呢~~
    其實 我一直都唔清楚 馬豆究竟系乜豆呢
     
    [版主回覆02/21/2009 13:13:00]
    馬豆咪係馬豆囉! 

    回覆刪除
  25. 我返嚟喇!這幾天病了,好唔舒服,而家仲係咁!
    你的甜品好靚,好吸引呀!
    車上見聞真令人 ,咁都得!
    [版主回覆02/21/2009 13:15:00]
    你好啲未? 今晚仲有另一款甜品呀! 仲有好多都未講呢? 以前搭邨巴,有個亞媽日日都要係車度喂個女食麥皮喎!  點解唔早啲起身呢?

    回覆刪除
  26. 我都係咁話!依加d媽咪太溺愛d小朋友,小學一年級己經有nintendo玩,有wii玩,我kristen四年級完左,重要成績攞到最高level,入埋精英班,姨媽先至買部nintendo奬勵佢咋!kristen之前係乜都冇,冇game玩,冇電視,冇電腦,不過佢每日都好忙,放學後又要游水,我只帶佢去圖書館借書睇,所以佢有睇書習慣。
    [版主回覆02/21/2009 13:16:00]
    你好識教囡囡,我就唔識教啦,日日俾佢地睇電視玩機!

    回覆刪除
  27. 依家啲父母太竉,太保護小朋友喇, 啲小朋友完全經唔起挫敗, 我都見過響地鐵呀媽抱著個小一小二咁上吓的小朋友瞓覺,初初我以為小朋友唔舒服,點知唔係.係個呀媽驚死個仔唔夠瞓..所以我都好希望好好教育呢一代的父母,仔女呀!!
    你個馬豆糕好正喎!
    [版主回覆02/21/2009 13:17:00]
    係呀,呢啲現象真係見唔少,細路仔咪等佢捱下囉!

    回覆刪除
  28. 你個麵好豐富呀!我好少落咁多餸,費事整嘛!最多加隻旦咋!
    [版主回覆02/21/2009 22:20:00]係架,自己整梗係足料啦! 哈..........得椰菜同鮮冬菇架,點樹多餸呀?

    回覆刪除
  29. 我個仔寫得唔靚,我會擦晒佢,叫佢由頭寫過,我真係唔會幫佢修修補補,佢咪成世都唔會寫得靚囉?
    [版主回覆02/21/2009 22:21:00]擦咗佢等佢自己改係啱,但嗰個媽咪係幫佢改喎!真係離譜!

    回覆刪除
  30. 小朋友要敎!!
    但現在很多父母都更要受教育 !!!!!!!!!!!
    [版主回覆02/21/2009 22:23:00]係呀,佢地都唔識教仔! 我寫字樓有個同事,請咗姐姐仲要個亞媽係度睇住,但都話個亞媽搞唔掂個仔仔喎,有冇攪錯!

    回覆刪除
  31. 右真係好肉酸....而家仲有的中學生會同爸爸咁close既咩!!
    [版主回覆02/21/2009 22:23:00]仲要成車睇到喎!

    回覆刪除
  32. 如月
    [版主回覆02/21/2009 22:24:00]報到咗啦!

    回覆刪除
  33. 早晨呀~OVER OVER 如月去咗邊
    [版主回覆02/21/2009 22:24:00]去足成日,而家先返屋企!

    回覆刪除
  34. 如月姐姐今日真係好忙呀!
    [版主回覆02/21/2009 22:24:00]去足成日喎,真係好忙!

    回覆刪除
  35. 依家 d 小朋友唔知係幸福定唔幸福, 萬千寵愛在一身, 要乜有乜, 自己唔識照顧自己, 自細有工人姐姐照顧 (我 4 個都係, 依家我要好努力咁教佢地 )
    但我從來唔同仔女書包, 試過帶細佬搭保終姆車都比人話 (唔止一次) : 陰公囉, 咁細個要書包....個個小朋友返學都要書包家啦, 有乜咁陰公呢 ?!
    同佢地改好晒 d 功課, 老師咪唔知佢地唔識囉 ?!
    我唔同佢地執書包, 唔睇功課, 唔溫書家, 但唔識問我就一定教啦......如果唔係, 我邊夠時間用呀  我同佢地講, 呢 d 係佢地既責任, 我既責任係照顧佢地, 爸 b 既責任係搵錢比我地用  大家要分工合作......
     
    [版主回覆02/21/2009 22:26:00]係囉都唔咁錫佢地係為佢地好定係害咗佢地! 啱............錯咗要佢地知先得,下次咁識改過囉! 啱呀!做得好!

    回覆刪除
  36. 咁大個女仲訓爸爸大比!?個爸爸唔會覺得難為情既咩?真係奇怪...
    [版主回覆02/21/2009 22:27:00]真係好肉酸囉!

    回覆刪除
  37. 我都鍾意行花園街,好多野買呢!
    [版主回覆02/21/2009 22:27:00]係呀,又平又靚!

    回覆刪除
  38. 一d都唔覺你個馬豆糕肉酸呀!! 呢d家長真係... 愛你變成害你~ 第時大個點算!!
    [版主回覆02/21/2009 22:28:00]都整得唔好! 大個都唔識自己執生呀!

    回覆刪除
  39. 其實有時留意下身邊既人同事 都係一份樂趣呢
    [版主回覆02/21/2009 22:28:00]係架,千奇百怪乜都有!

    回覆刪除
  40. 你搭地鐵咁多奇聞真係唔怕悶呢!
    [版主回覆02/22/2009 10:12:00]早晨~但有時好激氣喎!

    回覆刪除
  41. 一樣米養百樣人,但係地鐵特別多嘢睇!
    [版主回覆02/23/2009 16:06:00]真係可以出書咁滯呀!

    回覆刪除
  42. 呢 3 個見聞,真係..... 
     
    [版主回覆02/25/2009 22:09:00]係呀,好離譜,你不如試呢個版本嘅馬豆糕啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^