2009年2月20日星期五

無緣!!!


19~Feb~2009(四)


無緣


囝囝囡囡


讀書以來都與奬項無緣


因為佢地都唔係讀書嘅材料


又可能我唔識教佢地


 
  
 
 


囝囝係一個聰明仔


但佢唔鍾意讀書


又自以為聰明,無心向學


今年會考啦,仲成日去玩


噚晚


居然係佢房發現個奬牌


係佢最鍾意嘅籃球


 
 
 
 


佢真係好鍾意玩籃球


為咗呢個籃球賽,成日都去練習


小學時候佢係乜嘢球類都無興趣架



仲有兩張班主任寫俾佢嘅字牌


(噚日係仔仔上堂嘅最後一日,之後考完畢業試後,就無需再上課啦)



唔知佢明唔明白老師的一番心意呢


(囝囝每班都有兩個班主任的)


囝囝


今日開始考畢業考試


比心機呀!!!!



至於囡囡


(今年中三啦)


佢思路比較慢,亦都唔係讀書材料


小學都唔能夠直升中學


嚟到呢間中學,程度比較啱佢


但中一、中二成績都係一般


可以講唔係咁好添


成日見佢都唔多讀書


我知佢係未盡力架


仲有進步空間!


但又成日搵籍口俾自己


話自己蠢,我成日同佢講


最緊要將勤補拙

但講極佢都係咁!


亞囡


唔好再搵籍口俾自己啦!


 
 
 
 


今年中三入咗班輔導班


(因為中二時中文科唔合格)


聽講呢班人唔多讀書


成績麻麻地


今次考試

囡囡居然攞到三張奬狀




囡囡有幾科都入咗三甲(本班)


以為佢今年成績會好啲啦


(其實佢無乜點溫書架)


但出來嘅全級成績,我同佢都好失望


其實佢有預到唔會太好


(因為佢知有兩班好勁)


但都無諗過排名會咁後


(成績低超過半級人)



我都有鼓勵佢架


佢無乜點溫書都有咁嘅成績


如果佢肯努力啲


一定有更好嘅成績


亞囡


媽子等你努力呀


你唔係蠢架

我知你得嘅!


(((亞囡好想我將佢嘅喜悅同你地分享架,佢知我會post上blog,不知幾開心,

仲話post咗記得通知佢喎)))


 
 


星期四嘅麵餐


我煮咗幾味送麵


~煎火腿腸仔鴨胸~



~瑞士雞翼~



~黑椒洋蔥牛仔骨~



 


58 則留言:

  1. 1
    [版主回覆02/19/2009 21:08:00](Empty)

    回覆刪除
  2. (Empty)
    [版主回覆02/19/2009 21:08:00]醒目喎,唔知自己係第幾,笑下咪得囉!

    回覆刪除
  3. 1
    [版主回覆02/19/2009 21:09:00]三姐點呀,服未呀?

    回覆刪除
  4. look到我手軟
    [版主回覆02/19/2009 21:10:00]年紀大,要做多啲運動呀! 

    回覆刪除
  5. 遲咗!!
    [版主回覆02/19/2009 21:10:00]今日熱鬧咗啲!

    回覆刪除
  6. 今晚無菜菜呀!!!!!!!!!!!!!!!!!!!!!
    [版主回覆02/19/2009 21:11:00]唔記得報告,個麵底係白菜仔呀!

    回覆刪除
  7. 有個 4 wor
    [版主回覆02/19/2009 21:12:00]五仔先啱喎!數下手指先啦

    回覆刪除
  8. 哈哈~咁多位唔好意思啦
    亞囡好叻呀,知妳比咗好多心機架,加油
    [版主回覆02/19/2009 21:13:00]我無比心機呀,係先生俾機會佢就真,入班咁差嘅!佢全班考第五,但全級就...................xx1呀!

    回覆刪除
  9. 原來第 5 ....
    [版主回覆02/19/2009 21:14:00]係呀........

    回覆刪除
  10. 幾驚又起唔到身呀
    [版主回覆02/19/2009 21:14:00]三姐,食咗早餐未啫! 

    回覆刪除
  11. 亞女繼續努力呀, 你一定得架 ))))
    [版主回覆02/19/2009 21:15:00]希望佢會啦!

    回覆刪除
  12. 哈哈~唔記得仲有個亞仔添
    亞仔打籃球都好叻,你知唔知叔叔以前都係打籃球架,所以我都覺得好叻囉
    [版主回覆02/19/2009 21:15:00]叔叔係邊個呀?盲毛???

    回覆刪除
  13. 小丸子唔失憶時都會幾醒目架!!!!!!!!!!!
    [版主回覆02/19/2009 21:16:00]係噃,你都知架! 

    回覆刪除
  14. 我今晚煮菜飯,好好味
    [版主回覆02/19/2009 21:16:00]又無得睇!  

    回覆刪除
  15. 我即刻改番啦, 你睇唔睇到呀
    [版主回覆02/19/2009 21:17:00]哈哈..........見到啦,你又玩呀????

    回覆刪除
  16. 如月,我都要同你囡囡講聲~~~加油呀!!!!俾D心機讀書呀!!你得架!!
    [版主回覆02/19/2009 21:21:00]囡囡剛才問我有乜回應,我會俾佢睇架!

    回覆刪除
  17. 人地都話一早就已經叫咗妳做老師啦 
    [版主回覆02/19/2009 21:22:00]你想我教你啲乜啫?

    回覆刪除
  18. 哈哈~人地係話 亞囡俾咗好多心機 呀
    小丸子無頭痛咩?
    [版主回覆02/19/2009 21:23:00]咁我一陣俾佢睇囉!

    回覆刪除
  19. 哈哈~係呀,盲毛都係打籃球架,佢都有有打比賽架,不過生咗仔就已經無打啦
    [版主回覆02/19/2009 21:24:00]你生仔又唔係佢生仔,有乜關係啫!

    回覆刪除
  20. 囝囝運動好的,可以考慮"體藝"嗎??
    同囡囡說,她是叻女,只要付出多點努力,
    她一定得既~~跟她說好多姨姨在看著她的,
    叫她考個好成績回來~~我們為她祝福~~
    [版主回覆02/19/2009 21:33:00]好......又唔係最好喎,因為都無公開比賽過! 囡囡.......我有同佢講架,佢今次祇出咗三分力,肯溫下書一定進多幾十名啦,但佢都聽唔入耳! 你個餅好靚呀,卓高幾時生日啫?

    回覆刪除
  21. 嘩 .... 咁快去左咁多喇
    [版主回覆02/19/2009 21:58:00]去咗咁多??????????????

    回覆刪除
  22. 今晚同你地有緣呀
    [版主回覆02/19/2009 21:59:00]點解咁講呀????

    回覆刪除
  23. 亞仔,亞妹, 奸巴爹 。
    [版主回覆02/19/2009 21:59:00]亞囡收到!

    回覆刪除
  24. 我大少中六時班主任同我講過 越聰明嘅學生就越唔會去溫書嘅 因為佢地其實係識嘅 同恃住自己聰明 以為咩都得 咩都識哂 妳就由得佢自由發揮 唔好逼得咁緊 只係同佢講吓D利害關係 成績好同唔好會點 有咩分別 佢係識諗嘅 當然好啦 如果唔係 妳點講點逼都係無用架  讀書呢樣真係要講書緣架 各人自有各人福 隨緣 慢慢教啦 我D仔都係咁啦 大少二少中學時攪到我都唔知點教呀 好彩佢學校嘅老師同社工都好幫忙 我至無咁慘咋 而家二少都算係生性同識諗咗啦 大少就仲爭D CY就算最唔使我點擔心啦 唉 做阿媽嘅都係咁喇 加油啦 姊妹 
    [版主回覆02/19/2009 22:04:00]佢唔係識晒,係計得太精啫!我無逼佢,祇係從旁勸解啫! 囝囝已成定局,中四叫佢補習佢話因為中三補咗,唔補,結果英文得廿分,中五先補又追唔番,都係諗下有邊條路可以行,我同佢講如果佢考到十四分,我仲開心過中六合彩呀,不過可能佢四分都無呢! 囡囡.........我都有用亞哥俾佢做例子,叫佢俾心機,機會過咗係無得追,唔好做啲自己會後悔嘅事!

    回覆刪除
  25. 去到 2 x 個 回應呀
    [版主回覆02/19/2009 22:05:00]我都無留意添!見到你地整糕餅咁叻,我都幾失敗架!

    回覆刪除
  26. 你咪問我係咪又玩 ?
    我今晚咁 arm 入到你個 blog, 見你地開始傾計, 咪加入玩下, 所以話同你地今晚有緣呀  
    [版主回覆02/19/2009 22:06:00]佢地晚晚都係咁玩架!

    回覆刪除
  27. 我又手快快CLICK咗出街啦   都好 俾佢地睇埋喇  囝囝 囡囡你地要加油呀 讀書係為自己打好基礎 唔係為別人 咪令爸媽擔心已經係俾佢地最好嘅禮物啦 
    [版主回覆02/19/2009 22:07:00]無所謂,個個媽咪教仔都係咁架啦! 一陣叫佢地睇!

    回覆刪除
  28. 唔該仲有無?我好想食呀!
    [版主回覆02/19/2009 22:17:00]你話呢,不如用你個十蚊樽交換呀?

    回覆刪除
  29. 我日日早餐都係咖啡一杯咋 
    [版主回覆02/19/2009 22:20:00]包都無??/ 

    回覆刪除
  30. 阿仔既專長係運動
    咁佢會唔會想在這裡發展呢 ??
    **
    阿囡囡好叻呀~!!!!
    有進步唔簡止係囡囡既鼓勵
    連父母都必定好開心
    *
    我都識得兩個女仔
    佢地真係唔駛點溫書架
    但係就永遠無高分
    不過就一定合格既
    其中一個重搞笑呀
    佢每每考試都會在考場出面先溫半個鐘
    平時唔溫架, 但咁就合格架啦
    佢最後都完成大學畢業架
    所以話
    有d人真係咁架
    可能咁
    佢地既受壓時間會比人短
    可能咁會開心d~
     
    [版主回覆02/19/2009 22:28:00]但佢而家係grand C咋,一級得ABCD四級! 佢唔係高分,又未盡力!

    回覆刪除
  31. 其實我都係呢半年先開始愛上整蛋糕, 曲奇果 d , 我唔叻架
    我覺得你好叻就真啦, 又返工, 又煮飯, 又要照顧屋企, 仲整咁多美食出黎
    [版主回覆02/20/2009 06:22:00]我相信如果我多啲practise都會好啲架,可惜無乜時間!

    回覆刪除
  32. 無呀 不如妳整俾我食啦 
    [版主回覆02/20/2009 06:21:00]等我遲啲整俾你食!

    回覆刪除
  33. 阿媽既點會唔希望仔女讀書成績好丫,有時我聽到朋友d仔女成績幾好幾好,我都羨慕到暈o係度咁滯。不過我知讀書好講天份,迫都迫唔尼,唯有等佢自己開竅啦。我阿仔自小成績都好差,我都無曬辦法,希望佢再大d識得諗之後再發奮啦
    [版主回覆02/20/2009 06:20:00]如果佢地已經盡咗力,我無話可說,但佢地一日都唔見佢地溫書呢!

    回覆刪除
  34. 唔好咁擔心,你囝囝囡囡唔係太差,只係未開竅,俾多D鼓勵和positive thinking D , 他們自自然然就會好上進啦 !做父母的要耐心D等孩子成長和進步。
    [版主回覆02/20/2009 06:19:00]未開竅???囝囝...........我已經由小學等到中學畢業啦,都唔知仲有冇得讀書? 有呀,但佢地聽唔入耳,大老爺就唔係咁啦,俾佢激C,成日話個囡蠢,攪到佢成日都以呢個藉口唔溫書!

    回覆刪除
  35. 我3個女,3種唔同性格.大女就好似你個仔咁,人好聰明但練精學懶.上到highschool 因競爭好大,先至開始識驚入唔到大學.而家佢已經好緊張讀書,因為佢join啲club如果成績唔好唔可以出外比賽.而我個細孖女就好似你個女咁成日話自己蠢,但佢好勤力,張勤補拙,放假都情願唔去玩在家温習.而家3個之中以佢成績最好!
    [版主回覆02/20/2009 06:17:00]囝囝已經讀中五啦,驚佢連預科都無得讀呀! 囡囡作日話蠢,係想唔使讀呀,成日掛住玩!

    回覆刪除
  36. 我勁鍾意食牛仔骨, 幾時請我食呀
    [版主回覆02/20/2009 06:15:00]咁你有冇自己煮呀,我驚請唔到啫!

    回覆刪除
  37. 兩個未發力都有唔錯嘅成績,證明不乏天資!! 俾心機呀!!!!!o靚仔o靚妹!!!!!! 呀E以前會考朝8晚12咁温書,做人唔付出唔會有運行ga!!!!!!!!
    [版主回覆02/20/2009 06:14:00]囝囝今年會考........會唔會遲咗啲?  佢地明白就好啦!

    回覆刪除
  38. 囡囡好叻~~ 加油呀~~
    [版主回覆02/20/2009 06:13:00]我會話佢知啦!

    回覆刪除
  39. 點鮮主席日日都第一架? 你d送依然係甘好味? 早2日見你個湯,我流曬口水呀。
    讀書叻不代表什麼,只要不留級,年青人有目標,知道自己要什麼,才是最重要的。
    [版主回覆02/20/2009 06:12:00]主席..........你去問佢呀,可能我朝朝係佢度攞第一啦! 唔好餸要炒魷魚架! 但係囝囝今年會考啦.........都唔知咁樣有乜出路?

    回覆刪除
  40. 我個女都係咁架..........好懶温書,成日要我提佢。每次測驗後都会同佢賽後檢討,我話你只是留心啲勤力啲就唔会錯埋啲 careless 嘅嘢啦!点知佢話媽咪我攞 B 有咩問題唧............先生話 C 就已經合格架啦!唉吔!瀲死我呀!
    [版主回覆02/20/2009 06:11:00]咁咪係囉,佢地都無上進心,啱啱好就得啦!

    回覆刪除
  41. 每一個做父母的都會擔心自己的兒女.
    [版主回覆02/20/2009 06:08:00]係呀,一世兒女債!

    回覆刪除
  42. 睇倒妳對仔女既心聲  對佢地好期望 囝囝會考應該冇問題 囡囡能夠囉倒獎狀 證明佢都好叻 下年應可以升上高一級 囡囡努力 妳可以做得到
    [版主回覆02/20/2009 15:04:00]係有期望,但無得勉強!

    回覆刪除
  43. 早晨如月!真是天下父母心,我今朝六点起身就是为幫孩子看今早要交的critique,这些功课以前是自己的都不会咁紧张,所以你担心我好明白,我囝囝從小學到现在畢業都 未開竅,所以你囝囝还有希望,你继续鼓励他啦,看評語他为人也很好,乐於助人,又叻,有一日一定掂,14分無問题啊老师話。
    Carrie,姨姨我小时也是在家四姐妹兄弟中成绩最差的一个,移民前的大考簡直是尾后五名 之内,我时时覺得自己蠢,连赛跑那些都輸人(of course because I was so fat),好無自信,但去了美国后(14歲),因为英文差,一定要學懂,就死死地去努力讀书,才發现自己一路成绩不好是因为我放弃學习,勤力一點竟然成绩慢慢的进步,到最后,我有奖学金讀大学。我不是编故事来哄妳,我娘家应该还有我的红红成绩表。看到妳上學期的成绩卓著,很为你開心,继续努力,不要同别人的成绩比较,向自己的目标前进,我深信,你的努力,你妈妈的鼓励,你一定掂的。
    如月,請讓Carrie看我给她的留言,现在你知道我的小学成绩多屎。。。哈哈
    [版主回覆02/20/2009 07:52:00]早晨,嘩,   乜你咁早打咁多字呀???? 一定呀!carrie噚晚都睇晒其他留言,我都希望對佢有點鼓勵,我同佢講得太多,佢都無點相信我!佢太冇自信啦,成日覺得佢係呢班差先有咁好嘅成績,係佢自己否定自己! 你咁用心去打咁多字,我一定會叫佢睇完再覆你的!

    回覆刪除
  44. I myself am amazed I had the patience to type SO many Chinese words too, heee.... But I really like to encourage kids to study hard because their futures are at stake and time won't come back.  Only wish they understand EARLIER and not too late n regret.  I also tell my kids as long as they do their best, it is all I ask already.  That is why I really feel for you, my sonny is the same case.  Let's continue to encourage them and encourage one another.
    ADD OIL, yeah to all MAMAS!
    [版主回覆02/20/2009 10:09:00]我都係咁同佢講架,時間係無得返轉頭! 我祇係想佢地盡力去做,但佢地都未盡力! 大家加油啦!

    回覆刪除
  45. 心理學家話 成日比人話蠢就會自我意識慢慢変蠢,
    所以千祈唔好話囝囡蠢, 囡囡, 妳要話比自己知,
    妳如果肯用功, 用心思去聴書, 温書, 妳一定會上到大學的,
    每天洗完面時,
    對著鏡肯定地,有自信地說一次: 我一定可以上大學的!
    李小龍未成名前就是每日對自己說一次:
    我一定會成名, 大紅大紫 !
    囡囡, 妳要對自己有信心,妳可以做到的
    [版主回覆02/20/2009 10:44:00]但大老爺成日同我唱反調,有一次佢教囝囝數學,囝囝唔明,佢居然話佢好似囡囡咁蠢,又成日同佢講~你一定唔合格啦一定升唔到啦~之類,你話我幾激氣呀! 你呢篇我會俾囡囡睇啦,多謝先!

    回覆刪除
  46. 看來妳更要比大老爺睇, 要說服他改變敎囝囡的方法.
    [版主回覆02/20/2009 11:11:00]盡人事啦,幾十歲男人好難改架!

    回覆刪除
  47. 囡囡好叻啊!
                      繼續努力喇!
                                          加油啊!
    [版主回覆02/20/2009 12:03:00]收到啦!

    回覆刪除
  48. 我還未做人地母親, 但有做過人地仔女, 都好明白父母對自己的期望, 仔女對讀書沒有興趣都沒有辦法的, 做父母只能盡量去幫助及協助佢地, 你的兒仔學業成績不太好, 但對籃球有興趣, 我覺得你要鼓勵佢, 幫佢找途徑發展一下, 可能將來佢係MBA籃球教練呢?, 至於你囡囡發掘一下其他興趣啦, 其實用平常心看似朋友仔對待就可以了, 有沒有獎不是重要, 將來佢地有佢地選擇的路, 父母也管不來的, 只要大家都開心快樂, 身體健康就是最好了, 希望可以給你意見啦
    [版主回覆02/20/2009 12:02:00]我都係用平常心啦,如果唔係實俾佢地激C呀! 要佢地撞下釘先知錯架!

    回覆刪除
  49. 我個大囡都係咁啦,佢就係唔夠勤力,無心向學。我都好心up o架。
    不過自己都要阿Q 啲,讀書唔係生命o既全部,能夠讀得好,固然開心,讀得唔好,都希望佢可以獨立,正經做嘢。尤其是係佢,身體好啲,保重自己,唔好嚇我,我就好心滿意足。
    講到底,無得勉強。
    [版主回覆02/20/2009 12:04:00]我祇係分析利害關係俾佢地知,佢地唔碰過跌過係唔知驚架!

    回覆刪除
  50. 而家d細路冇乜邊個話蠢架喇, 都不之幾咁精靈, 差在唔夠努力者....幾乎大部分都係溫室長大, 個個都有父母呵護, 衣食冇憂.....唔似得我地細個時咁要捱要摶......
    我個囡都係今日開始放假, 直到下個星期考試.......之後就等會考, 我都冇乜見佢溫書, 真係唔知佢點打算.....
    [版主回覆02/20/2009 15:05:00]佢地搵藉口去懶之嘛! 囝囝下星期考試,之後就會係屋企hea啦!

    回覆刪除
  51. 讀書成績都係其次, 最緊要係個人人格要高尚, 咁先至有所為...
    讀書點叻品行唔好, 等同流氓一樣... 
    不過我估你都係好識教小朋友...加油呀....
     
    [版主回覆02/20/2009 15:06:00]人品暫時無問題,但咁細個唔讀書做乜呀?

    回覆刪除
  52. 你o的囝囡都好叻呀!!!!
    [版主回覆02/20/2009 15:02:00]佢考得麻麻地咋!

    回覆刪除
  53. 其實做父母最擔心仔女健康、成長路,需然求學不是求分數,但HK教育唔係咁講呢!!
    [版主回覆02/20/2009 15:56:00]講得啱,唔係父母係社會要求!

    回覆刪除
  54. 其實 你仔仔有一技之長都幾好啊 話唔埋以後可以入 NBA呢~~
    我覺得我同你女女幾似 又系唔多用工個種
    希望你女女比D心機喇~~
    [版主回覆02/20/2009 15:57:00]佢嗰個係學校咋,唔係公開比賽呀! 我都希望!

    回覆刪除
  55. 一陣亞仔約咗貴師傅個仔游水呀,所以攞唔到第一啦 留番個位俾佢地啦
    [版主回覆02/23/2009 21:52:00]原來係咁!

    回覆刪除
  56. 現在不好好讀書,將來他們肯定後悔.到時候就要半功半讀,不是更辛苦嗎?!囡囡拿到好幾張獎狀,她一定很高興.
    Carrie,如果你喜歡這種被肯定的感覺,那你就要努力好好讀書啦!起碼,你有努力過,不會對不起自己.
    [版主回覆02/23/2009 21:53:00]係架,但佢地唔會明白架,等於我地細個都唔聽老豆老母講啦! 囡囡真係好高興架!

    回覆刪除
  57. 同你囝囝囡囡講 : 努力加油呀 ! 唔係一定要做最好個 d, 但一定要盡力, 對得住自己......我由細到大都咁要求 d 女家
    [版主回覆02/23/2009 21:53:00]我會啦! 佢地盡力我就開心啦!

    回覆刪除
  58. 唔知阿女會唔會睇到呢個留言, 希望你努力呀!! 聰唔聰明唔係最緊要, 做人一定要對得住自己, 一定要盡力! 要加油呀! 每次測驗考試都認真溫書, 到臨會考就唔會咁大壓力咁辛苦呀~ 呢d真係一點一滴累積架~ 加油!!
    [版主回覆02/23/2009 21:53:00]佢而家睇緊啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^