2009年2月17日星期二

代價!!!


16~Feb~2009(一)


好大霧呀


濕漉漉咁,個人都憎啲!


呢兩日好黑仔


事原噚日已經踩足八個鐘OT


真係做到人都癲


放工梗係想盡快返屋企啦


點知仲要遷就人等多半個鐘


等咗半個鐘,攞埋位


仲要係餐廳坐咗半個鐘先見人


你話嬲唔嬲呀


 又唔係返工(星期日呀)


祇係係屋企睇碟咋


咪話佢煮好嘢俾我食好好呀


代價


 
 
 
 
 


唔怪得之youtube都成日有地鐵新聞


噚晚放工搭地鐵


隔離個女仔撓起隻腳


(最憎見到呢種人,咁做好自私)


個鞋差不多掂到我褲腳

佢無掂到我都算啦


點知到咗尖沙咀人多﹐佢想避開啲人


對鞋就掂到我褲腳,咪出聲叫佢睇住囉


之後,佢唔理前面企咗幾多人


依然撓起隻腳,幾無品呀


乜呢啲人咁乞人憎


 
 
 
 


今朝仲衰,撞到個瘟神


而家都巿日報都提醒巿民


閱報要顧及他人


呢個瘟神睇報紙"牙"起隻手


坐地鐵啲位根本唔夠你平放隻手睇報紙架


點知我隻手撞到佢隻手


佢話我專登撞佢喎


仲俾佢鬧我肥呀


乜肥人有罪呀


鬧我撞到佢咪算囉,做乜要人身攻擊


好慘呀


 
 
 
 


開完OT本應要煮飯


但又想抖多日


咁就出街食算囉


遇到咁多唔開心嘅事


都係時候整番啲甜品氹下自己先



【薑汁燉蛋】~(食譜按此)


唔該勁多薑汁呀



食完個甜品,舒服好多啦


但代價係又肥多幾兩!


 


 


 


42 則留言:

  1. (Empty)
    [版主回覆02/16/2009 21:02:00]今晚咁叻女呀! 

    回覆刪除
  2. 1
    [版主回覆02/16/2009 21:02:00]今次差少少啦!

    回覆刪除
  3. 3
    [版主回覆02/16/2009 21:07:00]呢度又做三姐啦!

    回覆刪除
  4. 我搭地MTR都有遇到好多唔開心ga事,下次我地有blog聚就講呢個話題啦!!!!!!
    [版主回覆02/16/2009 21:08:00]好,日日搭地鐵都不知幾多奇人怪事呀!

    回覆刪除
  5. 點解唔見主席呀?
    [版主回覆02/16/2009 21:09:00]主席可能去睇佢奶奶呀!

    回覆刪除
  6. 4
    [版主回覆02/16/2009 21:09:00](Empty)

    回覆刪除
  7. 唔好唔開心啦!而家啲人真係好冇品架!
    食番你個燉得好滑的薑汁燉蛋順番條氣啦!
    [版主回覆02/16/2009 21:13:00]所以咪整甜品氹自己囉,不過,都係唔夠薑汁!

    回覆刪除
  8. 哈哈~搞亞仔唔記得咗呀
    今日同亞仔出咗去好夜先返,功課都唔少,聽日中評下星期又英評都唔知溫得邊樣
    [版主回覆02/16/2009 21:12:00]小學階段真係好鬼忙架,一個星期兩次默書,又有小測,又有評估,不過我捱完啦,而家係佢地話事,溫唔溫我都管唔到架! 仲以為你去咗你奶奶度!

    回覆刪除
  9. 我早兩日都整咗薑汁撞奶 同SUGAR一齊食呀
    請妳食一碗 唔好嬲吓
    唔好同D無謂人一般見識 有失妳身份呀
    [版主回覆02/16/2009 21:28:00]多謝,不過我要食椰汁千層糕呀!  我都已經問佢鬧完未啦,點知一問佢仲鬧多啲!

    回覆刪除
  10. 嗱 俾妳啦 但我唔識整架 至多一陣我幫妳問SUGAR 攞埋個食譜過妳嘞
    [版主回覆02/16/2009 21:48:00]多謝,問咗等我整番個,不過應該要好好心機整架!

    回覆刪除
  11. 豬肝寶氣做完啦?
    我都無睇結局,可唔可以話比我知最後點呀???????????????????pls
    [版主回覆02/16/2009 21:49:00]咪媽咪死唔去,三個女乖番好番唔再鬧囉!

    回覆刪除
  12. 唔好勞氣 唔好勞氣
    食個甜品補翻~~~
    [版主回覆02/16/2009 22:12:00]得啦,整咗啦!

    回覆刪除
  13. 唔好勞氣 !
    唔好講地鐵丫, 連巴士咁窄的地方都有人撓腳, 撞到人唔講sorry不特止, 仲搞到好似係我整親佢咁
    [版主回覆02/16/2009 22:24:00]啲人都唔諗下個車廂咁細,撓咗腳人地仲點企啫!

    回覆刪除
  14. 如月妳快D去搵吓啦 mommy dearest 老爺好有童真,顺答如月, 椰汁千層糕食譜 可去为食猫网找!
    [版主回覆02/16/2009 22:24:00]點解要去搵MOMMY DEAREST呀?

    回覆刪除
  15. SORRY 係係我講得唔清楚  老爺好有童真,顺答如月, 椰汁千層糕食譜 可去为食猫网找! 係MOMMY DEAREST係我度答妳 我COPY過來俾妳睇啫 
    [版主回覆02/17/2009 06:04:00]早晨~明白晒!

    回覆刪除
  16. 慘呀你!!!!!!!! 所以我免得過都唔搭地鐵!!!!!!!!!
    [版主回覆02/17/2009 06:05:00]早晨~我一定要搭地鐵架,放工唔搭地鐵點買餸呀!

    回覆刪除
  17. 唔好勞氣。食咗甜品舒服D,咁就OK啦。
    [版主回覆02/17/2009 06:05:00]早晨~OK晒啦!啲嘢唔會嬲過夜架!

    回覆刪除
  18. 如月唔好嬲, 唔好勞氣, 食甜品會開心架, 我都有食,
    唔理咁多, 開心重要D, 我今年內都肥咗8 磅.
    [版主回覆02/17/2009 06:06:00]早晨~你肥咗8磅,我肥咗十幾磅,都唔明年紀越大越容易肥!

    回覆刪除
  19. 香港濕度高 未到三四月已經濕立立 有排挨
    [版主回覆02/17/2009 06:10:00]早晨~係囉,啲衫"朗"咗兩日都濕漉漉!

    回覆刪除
  20. 再見d咁o既人...拎部相機/電話出黎扮影佢...
    可能佢驚會俾人擺上網會縮都縮唔切...扮淑女喎...
    [版主回覆02/17/2009 06:14:00]早晨~我一激氣就乜都唔記得啦!

    回覆刪除
  21. 收到,OK~
    [版主回覆02/17/2009 06:31:00](Empty)

    回覆刪除
  22. 早晨呀~ 家陣d人公民意識太差啦 加上又多新移民
    [版主回覆02/17/2009 08:10:00]早晨~唔係新移民無公民意識,連啲學生都係咁,係地鐵食嘢,都唔知有冇讀書嘅?

    回覆刪除
  23. 早晨呀~!!
    可能係你呢幾日太辛苦
    而天氣又唔好
    個人燥及灰咗d
    果d人可能同你一樣啦
    不過你都叻女架啦
    識得自我調節
    做返個甜品俾自己食
    至於會肥幾多磅
    我又唔會覺得係乜野
    你咁辛苦巳消耗咗好多架啦
    食返小小算得乜野喎~!!
    最緊要自己開心呀~!!!!
    [版主回覆02/17/2009 10:04:00]早晨~你梗係唔覺啦,你咁瘦! 唔會架,你都見我幾忙啦,越忙越肥咁! 而家我都唔勉強啦,減唔減到都好啦,不過個衰婆咁鬧我真係好嬲!

    回覆刪除
  24. 嗰D人好衰呀!!!!!超無品!!!!嗰D人唔識同人相處,咁自私,一定無朋友,無人教,無人錫!!!
    如月,唔好勞氣,我錫番你啦!!
    [版主回覆02/17/2009 10:16:00]早晨~係呀,今朝都係,啲人企又要企係中間,佢企咗中間,其他企左邊又唔夠位企右邊又唔夠位!  一係就攬住條柱,無品!

    回覆刪除
  25. 嗰個咩人嚟咁寸,佢好瘦好靚ka,咩肥婆俾我鬧爆佢學你咁講使唔使人身攻擊...
    [版主回覆02/17/2009 11:11:00]早晨~佢又真係排骨精喎,咪係個無端端都要載mask嘅亞嬋囉! 佢鬧還鬧,鬧人肥婆就唔啱啦,肥人無罪架! 我都費事同佢嘈,我淨係鬧佢潑婦同八婆咋,我都唔識鬧人!

    回覆刪除
  26. 早晨呀如月,唔好勞氣吓, 食碗薑汁撞汁順番吓!
    [版主回覆02/17/2009 11:11:00]早晨~唔夠薑汁呀!下次要用一湯匙!

    回覆刪除
  27. 而家好多香港人都好自私架 ....
    我地做家長嘅其實都有責任教好下一代 .....
    [版主回覆02/17/2009 12:14:00]早晨~所以我都係咁教囡架!叫佢企埋一邊,咁可以多啲人企到!

    回覆刪除
  28. 薑汁燉蛋要多薑先正呀
    [版主回覆02/17/2009 14:15:00]係呀,一定一定要勁多薑汁!

    回覆刪除
  29. 到,遲少少再留言!
    [版主回覆02/17/2009 14:16:00]又去陪.................跑呀? 

    回覆刪除
  30. 呢個世界乜人都有, 幾衰都有, 我真係好怕坐地鐵, 尤其是返工時候, 真係好恐佈, 好彩我返工行路啫
    [版主回覆02/17/2009 14:16:00]咁多人怕坐mtr,但我無得選擇喎!

    回覆刪除
  31. 通常我會撐番隻腳, 或用手頂番佢囉..我唔怕嘈架...
    人善俾人欺呀...
    [版主回覆02/17/2009 14:17:00]我怕上youtube嘛!      肥瘦師奶地鐵大戰....

    回覆刪除
  32. 係噃..我未看添....
    [版主回覆02/17/2009 14:39:00]早晨~快啲睇啦,嗰個師奶揸住把傘係咁指住人鬧!真係惡人先告狀!

    回覆刪除
  33. 找不到呀.....
    [版主回覆02/17/2009 15:01:00]我都係囡囡搵俾我架,今晚叫囡囡搵條link俾我,我再sent俾你啦!28號有冇你份呀?????

    回覆刪除
  34. How horrible of those guy who scolded you, terrible! No need to get angry with these "mad" ppl.
    My sister just IM me to say she made ginger milk in LA after their hotpot dinner, I never tried hers when I was there as always too full to eat it after meals, haa! 
    [版主回覆02/17/2009 15:46:00]你日日咁好餸仲點食得落呀!

    回覆刪除
  35. 天下賤人多的是
    [版主回覆02/17/2009 15:48:00]對!

    回覆刪除
  36. 冇呀...只係明天同FEIFEI, 下星期27同噹媽咋
    先多謝你條LINK先.
    [版主回覆02/17/2009 15:48:00]ok!

    回覆刪除
  37. 食完甜品心情會好啲。你唔好同啲動物計較,果啲唔係人,唔好激親自己呀!
    [版主回覆02/17/2009 17:13:00]動物............係呀係動物呀! 我激氣都係激一日咋,唔想死咁多細胞!

    回覆刪除
  38. 我都試過係巴士, 我會指住佢個鼻同果個人大大聲講 "收聲啦豬喱~~ 今日青山放左你出黎啊, 番入青山啦, 痴線婆", 我咁鬧番佢, 跟住我起身唔坐啦, 走去第二到, 你睇下得唔得啦, 通常講完走左去, 佢地就唔會再鬧架啦, 咁我咪唔洗咁瘀囉.
    [版主回覆02/18/2009 06:09:00]但佢鬧我肥喎,我仲點鬧佢豬啫?

    回覆刪除
  39. 香港地真係好多尼d人,比我實鬧返佢
    [版主回覆02/18/2009 16:56:00]我都有鬧番佢,但再鬧落去傷身,算!

    回覆刪除
  40. 我今朝都遇到個女仔, 撞到我唔講sorry, 見佢一抽二抽我幫一幫佢, 唔該都冇句就走左去... 宜家d人都唔知點解咁冇禮貌!!
    [版主回覆02/18/2009 22:39:00]係呀,襟住部lift俾人,啲人入到嚟都唔識講聲唔該架!

    回覆刪除
  41. 我如果一個人出街,除左巴士 & 小巴,其他交通工具係唔會做架!
    而且我個樣,簡直生人勿近地,企埋一邊,通常都無乜事發生 ~
    如果有人逼埋來,我就會一路冷眼望住佢,直到佢知趣行走,再逼埋來,我就會出聲架啦!  試過有個男人只腳差唔多踩到我,仲未踩埋來,我已經叫到好大聲,嚇到佢同朋友即刻彈走 ~~ 
    呢個男人真係無品,咁樣話妳,實有報應架 ~~~ 
    [版主回覆02/25/2009 21:57:00]乜你咁惡咩?  呢個唔係男人喎,係衰女人呀!

    回覆刪除
  42. 我唔講野既樣,又真係唔多友善既 ~ 
    [版主回覆02/25/2009 22:44:00]我個樣都係咁架!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^