2009年2月16日星期一

完滿!!!


15~Feb~2009(日)



今日天氣好潮濕


仲有微微雨


  
  
  


終於捱完呢次OT啦


6:30放工後



一切又回復正常


又可以做番我嘅煮飯婆


下星期開始又可以一展身手


煮番啲好嘢俾自己食下先


仲有...我嘅麵包事業停頓咗好耐


係時候又要練習下


我仲有好多好多嘢想學整


好彩有班好同事

肯同我哽咗啲試驗品


如果單靠屋企嗰幾件


真係唔食得幾多


我又咁鬼鍾意整嘢


食就唔好靠我啦


因為我實在太肥囉!


   
   


噚晚跟T&P整咗馬豆糕


我未整過馬豆糕同紅豆糕


(其實

我有好多嘢都唔識整)


今次跟足T&P整


祇係減咗啲糖,唔想食太甜


~椰汁馬豆糕~(食譜按此)



今次整得唔係咁好


好似啲豆腍咗啲


自己減咗糖又唔夠甜


仲有唔知點解唔夠杰(即係腍得滯)


應該仲可以改善...........


無論好唔好食


今日都拎咗番寫字樓俾同事做甜品


下次嘅目標係我鍾意食嘅紅豆糕!


51 則留言:

  1. 1
    [版主回覆02/15/2009 21:23:00]意粉屋嗰篇出錯時間呀,你唔覺得點解無字咩?

    回覆刪除
  2. 哈哈~我而家可以去沖涼啦
    [版主回覆02/15/2009 21:24:00]我沖完涼先覆你地架!

    回覆刪除
  3. 2
    [版主回覆02/15/2009 21:24:00]意粉屋嗰篇出錯時間呀,你唔覺得點解無字咩?

    回覆刪除
  4. 哈哈 主席做乜咁趕啫
    [版主回覆02/15/2009 21:24:00]因為主席事務多囉!

    回覆刪除
  5. 哈哈~我仲未沖呀,俾亞妹沖先啦
    [版主回覆02/15/2009 21:25:00]咁你而家沖咗啦???

    回覆刪除
  6. 哈哈~而家個頭仲滴緊水
    [版主回覆02/15/2009 21:33:00]你好似日日都係夜晚先洗頭喎? 

    回覆刪除
  7. 哈哈~時間出錯
    jo姐妳個第一咪無咗囉
    [版主回覆02/15/2009 21:35:00]乜你咁開心啫? 

    回覆刪除
  8. 哈哈~係呀 我日日都洗頭架,仲係沖涼果陣洗埋
    [版主回覆02/15/2009 21:40:00]點解你咁似我個女架,唔沖涼唔可以洗頭架!

    回覆刪除
  9. 我唔制 妳明天要俾番個第一我 
    [版主回覆02/15/2009 21:41:00]一定叫主席留番個第一俾你!   我今日踩足八個鐘,人都散埋!仲要係餐廳等足半個鐘先見人! 

    回覆刪除
  10. 哈哈~咁我洗唔洗叫妳做亞媽呀
    沖涼連洗頭個頭唔會暈架,所以我唔上得r66啦
    [版主回覆02/15/2009 21:53:00]唔區呀,記得得閒孝敬下亞媽呀! 乜嘢道理呀? 

    回覆刪除
  11. 哈哈~妳都幾醒喎 知我孝順
    淨係洗頭烏底個身好起身果陣個頭會好暈架
    我奶奶做節隻雞多數都等我返去斬架,不過佢要我係個地下斬,次次斬完我個頭都暈暈地架,叫盲毛同佢亞媽講唔好要我係個地下斬得唔 得 呀,個衰佬話因為我平時少做野先會咁,如果做多d就無事喎
    [版主回覆02/15/2009 22:07:00]有冇攪錯,咁都唔幫老婆! 我今日踩足八個鐘,放工叫大老爺7點落嚟食飯,佢話要7點半喎,咁都要我行足半個鐘?佢話一係我返屋企先喎,我返到屋企都7點3啦   ,咁坐3個字又出門口呀,你知我啦,我地出街都要搭巴士架嘛,玩我咩! 點知我7點半係餐廳等足半個鐘先等到佢地咋!

    回覆刪除
  12. 嘩! 心形馬豆糕呀, 妳想延續浪漫情人節呀???
    [版主回覆02/15/2009 22:23:00]都唔係,情人都唔識欣賞!

    回覆刪除
  13. 你都鍾意整包呀? 我遲下又去學整包呀.
    [版主回覆02/15/2009 22:38:00]我非常鍾意整包架!

    回覆刪除
  14. (Empty)
    [版主回覆02/16/2009 06:05:00]早晨!

    回覆刪除
  15. 哈哈~不過妳個大老爺係咪做緊野架,佢遲都無辦法喎,盲毛如果要見客我都好少理佢架,因為佢就連聽我一個電話都唔得架,所以我寧願自己食都唔會等佢架
    [版主回覆02/16/2009 06:06:00]早晨!噚日係星期日呀,你係屋企睇碟咋!成日咁大,佢可以早啲睇架?

    回覆刪除
  16. 正呀!!!!你開完O.T,又可以出招lu-------我哋大飽眼福啦!!!!!!!!
    [版主回覆02/16/2009 06:07:00]早晨!出蕉呀.............好呀! 

    回覆刪除
  17. 終於開完ot喇,咁咪又係你大展廚藝的時候?
    [版主回覆02/16/2009 06:07:00]早晨!咁咪又要跟你學嘢囉! 

    回覆刪除
  18.   我呢個星期都好想整包包,但~唔知點解,總是提不起勁的~~
    您家人又開始有口福了~
    [版主回覆02/16/2009 06:08:00]早晨!嘩............我隻好痕啦,仲同我講包!

    回覆刪除
  19. 忙完公事(開OT) 跟住忙私事(煮飯做包做甜品) 妳越忙越開心
    [版主回覆02/16/2009 06:08:00]早晨!你真了解我啦!

    回覆刪除
  20. 每次見倒你啲公仔我都会好開心咁笑咗出嚟!真係好得意好鬼抵死架唧!
    [版主回覆02/16/2009 06:09:00]早晨!我就係覺得咁先過癮!

    回覆刪除
  21. 整得唔錯吖!
    [版主回覆02/16/2009 06:09:00]早晨!你咁日呀! 

    回覆刪除
  22. 食得是褔呀.........
    唔食野個人會唔開心架....
    [版主回覆02/16/2009 06:46:00]早晨!你見我都成個福嬸咁啦!

    回覆刪除
  23. 早晨! 我現在在公司喇!
    [版主回覆02/16/2009 07:56:00]早晨~你咁早返咗公司,剛才留言係屋企嘛! 我而家都係公司,通常我都係8點前返到公司架! 仲嘆緊奶茶呀!

    回覆刪除
  24. 做咩今朝俾人鬧你肥婆?咁寸?
    [版主回覆02/16/2009 09:06:00]早晨~差啲上youtube添!地鐡咁窄,個衰人坐係度又要睇報紙,我隻手踭撞到佢(佢隻手唔牙起我點撞到佢啫),佢話我特登大力咁撞佢,佢鬧我先,我問佢講完未(唔想同佢鬧),佢仲繼續咁鬧,又話我咀妙妙(佢自己咀妙妙都無人見到啦,佢戴咗mask架),俾你鬧唔同我笑笑口對你咩,佢話我肥,我叫佢唔好侮辱人,佢仲話一睇就知你肥啦,唔使講都知!真係好嬲(嬲到震),肥有罪呀,唔係生咗兩件我使咁肥????????

    回覆刪除
  25. 咁跟住邊收科呀?
    你唔鬧番佢?你話我肥好過你樣衰,無面見人呀!唔係駛乜戴住口罩呀?呀呀詐詐,不知所謂
    [版主回覆02/16/2009 09:42:00]我費事同佢嘈咪瞓覺囉!但個人激到震呀! 無嗱嗱戴mask都知佢份人幾奄尖(佢無感冒架)! 你嬲人時咪收埋對手話佢都無撞到隔離個男人囉!

    回覆刪除
  26. 如月早晨呀,終於都回復正常啦,我等睇你既麵包成果呀~~你今次整馬豆糕我都想整好耐,等我試吓先
    [版主回覆02/16/2009 10:21:00]早晨~係呀,回復正常啦,但今晚仲未想煮飯喎! 麵包要等星期六日有時間先可以整架!

    回覆刪除
  27. 早晨呀~唔明妳點解話我星期日係屋企睇碟 都好忙呀,盲毛帶咗亞妹出去,我就帶住亞仔要去睇奶奶,因為今日我要帶亞仔去覆診
    禽晚我食飯果陣食咗杯凍奶茶之後成晚眼光光到三點幾
    [版主回覆02/16/2009 10:20:00]早晨~哈哈......嬲得滯講錯咗,係大老爺係屋企睇碟咋唔係返工!  你奶奶無事嘛!搵到人睇住佢未? 年紀大就唔好咁夜飲茶啦!

    回覆刪除
  28. 你都好早返公司喎!我返7:30架!
    [版主回覆02/16/2009 10:18:00]早晨~我返8:45架!

    回覆刪除
  29. 早晨呀~唔係化 睇碟遲到係唔可以原諒架
    個奶奶話要去油麻地做針灸呀,禽日三姑奶陪咗佢去啦,佢想我今日陪佢去架,不過我唔等閒,應邀咗佢聽日再陪佢去囉
    我年紀大都知唔洗提啦 亞媽
    [版主回覆02/16/2009 10:31:00]早晨~佢就係咁先激C人,佢永遠唔會做一樣嘢諗下人地先架!佢鍾意幾時睇就幾時睇!遲到係佢嘅習慣!試過大住個肚都係街等佢半個鐘(佢通常都遲半個鐘架) 亞女................

    回覆刪除
  30. 早晨呀
    你整得好唔好食係好個人既
    但係就好鬼靚喎~!!!!!!!!!!!
    [版主回覆02/16/2009 10:51:00]今次真係嘛嘛,因為太趕!

    回覆刪除
  31. 我好想做你同事呢
    [版主回覆02/16/2009 10:52:00]早晨~可惜呢度唔請人喎!

    回覆刪除
  32. 你真勤力喇!咁早返到公司,公司請著你真走運喇!
    [版主回覆02/16/2009 14:42:00]我係一個超守時嘅人,又唔鍾意開工食早餐! 咪早啲同囡囡一齊出門口,早啲返公司食早餐睇報紙,唔係開工架!

    回覆刪除
  33. 心型馬豆糕, 你 HONEY 一定好 SWEET 了..........
    [版主回覆02/16/2009 11:48:00]早晨~唔知佢覺唔覺得喎!

    回覆刪除
  34. 你唔講真係唔知唔好味哦!單看外表已經係very good!
    [版主回覆02/16/2009 11:48:00]早晨~其實麻麻地咋!

    回覆刪除
  35. 早晨呀, 我 終於都 返工
    [版主回覆02/16/2009 11:48:00]早晨~我一路都有返工喎!仲係返足九日無停手呀! 

    回覆刪除
  36. 紅豆糕我都中意食呢~~~
    好香啊~
    做你同事實在太幸福啦~~
    [版主回覆02/16/2009 12:05:00]早晨~我都係鍾意紅豆,已經買咗啦,搵日整!

    回覆刪除
  37. 你整得好靚呀!!!
    [版主回覆02/16/2009 13:54:00]好睇唔好食呢!

    回覆刪除
  38. 馬豆糕睇落唔錯喎! 我今晚又喺jo姐屋企包餃子食呀!包一盤都食哂呀!
    [版主回覆02/16/2009 13:55:00]差少少架,要再研究! 而家食完返咗屋企?

    回覆刪除
  39. 咁我坐定定等你 call 我黎食喇
    [版主回覆02/16/2009 14:43:00]咁你咪有排等?

    回覆刪除
  40. 舊糕好靚喎,我都要試,我中意唔甜o既。
    其實我想整好耐o架,而家有譜,等我得閒至整嚟嘆下。
    [版主回覆02/16/2009 14:44:00]好睇唔好食喎! 等我有好出品一定call你食,你俾唔俾面先? 我仲想搵個煙un啲嘅食譜喎,不過,你都可以試呢個,因為呢個好易整!

    回覆刪除
  41. 今日成十一點幾先走,所以到依加先去你個blog囉!因為我大女喺jo姐屋企會霸住部電腦,我同jo姐又掛住整野食,又唔得閒,所以一番屋企就開電腦睇你個blog喇!你話我乖唔乖吖!
    [版主回覆02/16/2009 14:47:00]哈哈......你幾時睇我都無任歡迎啦! 乖啦乖啦!

    回覆刪除
  42. hehe,有嘢食我即刻飛撲過嚟呀!你請我食係你比面呀!
    [版主回覆02/16/2009 16:38:00]聽講你係女強人喎,又要開會又要開工! 咁點敢約你呀,我呢啲小職員咋!

    回覆刪除
  43. 如月
    [版主回覆02/16/2009 16:52:00]早晨啦!

    回覆刪除
  44. 嘩~ 心形馬荳糕,駛唔駛冧成咁呀~
     
    我都想整馬荳糕呢~ 等我都跟你個食譜整吓先~
    [版主回覆02/16/2009 18:45:00]哈哈............佢冧我,我咪冧番佢囉,唔係下年無鮑魚食lu!  今次個食譜差少少,我過兩日整同事俾我個食譜,應該會彈牙啲!

    回覆刪除
  45. 我都有整過紅豆糕,卜友教好好味,馬豆糕就未試過,但你外形幾靚
    [版主回覆02/16/2009 18:46:00]我又買咗紅豆啦,咁你有冇寫低個食譜架?

    回覆刪除
  46. 我又要食心心馬豆糕呀 我既麵包事業又係停頓左好耐 見妳甘講又手痕喇
    [版主回覆02/16/2009 18:44:00]我都無整包,點解你會手痕啫?

    回覆刪除
  47. 開完OT, 又要食飯先可以上黎你個BLOG! 唔係見到你d美食, 會好肚餓呀~ 馬豆糕紅豆糕我都想試下整, 等番過去試下先~ 係香港, 阿媽唔比我霸住個廚房亂黎
    [版主回覆02/16/2009 20:01:00]唔係睇咗會飽咩? 我遲啲會試另一個食譜,你等埋再試啦!

    回覆刪除
  48.    红豆糕材料:-
    紅豆1/4杯, 粟粉3/4杯, 砂糖3/4杯, 鮮奶1杯, 椰漿1小罐, 水2杯
    1).先將紅豆洗浄隨凍水放入煲內煮*林*取出隔乾水份
    2).用1杯清水將粟粉調匀備用
    3).將1杯清水同砂糖煮至滾
    4).加入鮮奶同椰漿煮滾,再加入紅豆,最後慢慢加入已調匀的粟粉水,
        徐徐伴勻(留意此時漸漸變成糊狀)
        把糕糊倒入糕盆內,涼後可放進雪櫃.
    [版主回覆02/16/2009 20:00:00]我會抄低,但我同事話要加大菜,等我試下先,你呢個同我個馬豆糕個份量差不多!少咗1杯水!

    回覆刪除
  49. 個心心馬豆糕好靚呀
    我鍾意紅豆糕, 你整左記得請我食喎  
    [版主回覆02/16/2009 21:06:00]我都係鍾意紅豆糕,等我研究好請你食!

    回覆刪除
  50. You are very busy both at work and at home. Of course you are both good at work and at home.
    [版主回覆02/16/2009 21:07:00]哈哈......真係幾忙架! 不過,所有媽咪都忙架啦! 多謝!

    回覆刪除
  51. 我做妳紅豆糕既試驗品,我最紅豆架啦 ~~ 
     
    [版主回覆02/25/2009 21:55:00]好呀,等我整咗叫你試下!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^