2009年1月1日星期四

Happy New Year 2009 ~ 回顧!!!

 



新嘅一年啦!唔好嘅嘢遠離我地!



新嘅一年


祝各住BLOG友仔


健康快樂


事事如意


日日有工開


時時有得食


家庭和睦!!!!



祝願


世界和平


經濟繁榮


無災無難




回顧........2008



 


我本來是一個平凡師奶,


日日放工煮飯揍仔,


生活枯燥乏味!!!


起身~返工~放工~煮飯~瞓覺


完全無驚喜!


自己仲成日都唔開心,


因為有好多嘢都諗唔通!!!



自己個圈子祇限於工作同家庭!


完全無諗過會識到咁多朋友,


仲要世界各地都有,


加拿大、新加坡、澳洲、美國,國內...


有啲仲有機會見過面添


因為日日都可以同blog友傾計,


個人都變得開朗咗,


開心咗!



係自己唔開心嘅時候,


寫咗出嚟,又有人聽我訴苦,


真係好開心!!!


自己又可以去睇下人地嘅生活!


見識下自己以外嘅世界!



開始寫blog都係想寫抵自己唔開心嘅事,


來發洩一下!!


點知寫下寫下變咗寫餸!


又學識整包,

真係萬萬都想唔到!


由5月11日開始,


我未試過一日無出blog


(除咗電腦壞咗嗰日)


算唔算乖呀?


定係唔想再睇呢???


 


寫blog佔了我都大部份時間,


有時真係覺得自己太小時間啦,


成日掛住寫blog,


家務都做唔到!!


真係唔知自己會維持幾耐!!



多謝各位嘅支持!!!





 


新嘅一年,


我希望同大老爺日日都咁恩愛,


仔仔囡囡聽話讀書!!!

沒有留言:

發佈留言

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^