2009年1月4日星期日

Bye!!!



3~DEC~2009


BYE BYE


三妹返美國啦!


三姊妹又淨番兩個,


我唔係好鍾意一家要分開,


記得好多年前,妹妹要到美國定居,


實在萬分唔捨得!


有時都唔係好明白,


一家人點解要分開兩地,


相信好多香港家庭都有咁嘅情況!



機場...........每年都會嚟一次,


因為妹妹每年都會回港一次,

三個星期嘅時間咁快就過咗,


同妹妹玩過幾日,去過旅行,


又係要送機嘅時候!


我地梗係唔會唔記得影番三姊妹的相啦!


 
 
 
 
 


機場都好靚喎!




本來妹妹係搭下午機回美國,


攪好手續後,又話明日先走喎,


仲攞到富豪一晚,包餐卷,正呀!


咪多俾多次機會佢買嘢啦!


不過聽日我唔會嚟送你機啦!


 
 
 
 


我無等佢就去咗東薈城行OUTLET,


因為想買件雪褸,


但唔知係咪呢幾日凍咗嘅關係,


都無乜貨係度咁,


淨係買咗兩件風褸!


 
 
 
 
 


送完機買完衫,


又要趕返奶奶度食飯,


所以好夜先返到屋企,


今日乜都無做過,半日係機場,


跟住係奶奶度食完飯就返到屋企!


21 則留言:

  1. 1
    [版主回覆01/04/2009 09:10:00](Empty)

    回覆刪除
  2. 哈哈~咁都有第一攞
    原來去咗機場咁就真係要一日啦
    [版主回覆01/04/2009 09:11:00]真係估唔到又係你喎!

    回覆刪除
  3. 2
    [版主回覆01/04/2009 09:45:00](Empty)

    回覆刪除
  4. 可以每年回港一次團聚都幾好呀 ! 可能佢覺得美國既生活比較適合佢呢 !
    [版主回覆01/04/2009 09:56:00]早晨呀,都係架,佢順便SHOPPING!

    回覆刪除
  5. 我今朝一早已經擔定"登"仔等妳啦
    點知妳咁晏至出卜 而今要做阿二
    [版主回覆01/04/2009 09:29:00]早晨呀,唔好意思,因為去機場去咗成日,又要同奶奶食飯,我要返去幫佢煮飯架!佢八十幾歲啦!

    回覆刪除
  6. 移民有好有唔好啦~~~不過總會掛住香港!!太多好嘢食啦!!!
    [版主回覆01/04/2009 09:28:00]早晨呀,我唔係話移民好唔好,總係唔明一家人攪到要分開兩地啫!

    回覆刪除
  7. 你地三姊妹感情真系好好呢~
    甘你得閒都可以過美國探距地嘛~~
     
    [版主回覆01/04/2009 10:33:00]早晨呀,都係架!我無錢過美國喎!

    回覆刪除
  8. 攪好手續後,又話明日先走喎--->> 咁奇怪既??
    她的是stand by位是嗎??
    [版主回覆01/04/2009 10:33:00]早晨呀,係航空公司overbooking啫!咁咪搵下邊個可以讓位出嚟囉,俾少少着數咁啦!

    回覆刪除
  9. 咪咁啦 我同妳開玩笑咋
    梗係去送亞妹緊要D啦
    妳呢個家嫂真係唔話得
    我娘家嗰位 開飯至駕到 煮飯嗰個係我呀
    [版主回覆01/04/2009 10:31:00]早晨呀,我都係早少少去到幫佢煮餸啫,佢啲女又唔識煮,賓賓又唔識!我大老爺就食飯先到,如果我等埋佢就乜都幫唔到啦!

    回覆刪除
  10. 早晨呀~!
    香港生活緊張,
    人和人之間極多隔膜,
    教育制度又滿有問題,
    道德倒退,
    現實可悲
    可以搬離這地也不是太壞,
    我相信你心是不捨
    但你都想她活得開心,
    **** 
    個妹要返美國梗係唔開心架啦
    因為你同佢感情好丫ma~!
    其實 這 就最緊要,
    如我老公二哥
    真係一年都見唔到幾個鐘
    連上年我個仔新年都沒收到他利是,
    他定居香港 (其實連奶奶都唔知佢o係邊)
    雖然係咁,
    二哥和大哥間出現問題
    弄至這, 那他住邊都沒有關係啦~!!
    只要感情好,在那裡都記掛對方
    那不是俾住在香港但 不願記起對方 好嗎 ??

    回覆刪除
  11. 我算唔算係移左民來香港?  哈哈 ~~ 
    如果有得選擇,我都希望返檳城住,環境簡單、純朴好多 ~
    不過,大城市有大城市既好處,去邊度都好方便,樓下就有齊銀行、食鋪、超市之類既野,所以我老公都計劃,退左休就兩邊住 ~ 
    3 月返檳城時,影 d 我屋企 & 檳城島既相,post 上來同妳分享呀! 
    [版主回覆01/04/2009 17:35:00]你自算係架!祇係移民香港啫!你有無姊妹呀? 返檳城記得帶手信俾我呀!  仲要影好多好多相俾我睇呀!

    回覆刪除
  12. I got the same feeling with you, my second big sister leaving to Hong Kong today too........
    [版主回覆01/04/2009 17:33:00]唉.......咁啱嘅!佢係咪都每年去你度一次架,我妹妹因為老豆媽子係度,所以每年都會回港一次!

    回覆刪除
  13. 我上有一個阿哥,下有一個細佬,姊妹就無啦!
    妳鐘意食榴槤嗎?  有只榴槤朱古力好好食,我帶返來俾妳呀 ~ 
    又或者妳想買乜野土產嗎? 
    [版主回覆01/04/2009 18:05:00]如果有姊妹就好啦!咁你亞媽咪好唔捨得囉? 我記得我細妹移民搭飛機嗰一刻,我媽子真係好唔捨得架! 我成家都好鍾意食榴槤架,買襯都要買大個先夠食! 我講下笑啫,你唔使咁客氣啦!我都唔知你嗰度有乜嘢土產?

    回覆刪除
  14. 天下無不散之延蓆,只要相聚的時間係快快樂樂的,不論長短也是回味呢,好快又一年喇!
    [版主回覆01/04/2009 18:50:00]咁又係呀,我出去都玩得幾開心架!不過出年佢未必返囉!

    回覆刪除
  15. 我阿媽比較外向,好少係屋企,我走個時當然會唔捨得,但就都 ok ~
    之後,我阿媽輕微中風,糖尿病影響到對眼,唔可以駕車、行路唔係咁方便,次次我返去、要回港時,更加唔捨得!  我在家中係調解角色,而且我比較居家,會陪阿媽週圍去,我阿哥細佬就無呢 d 耐性啦!
    我只知道檳城好似係馬來盞 ( 磚狀 ) & 豆蔻最出名 ~
    [版主回覆01/04/2009 20:39:00]男係梗係無耐性,而且乜都擺係心度,邊有女咁好呀!豆蔻用嚟做乜架?

    回覆刪除
  16. 一家人分開兩地, 真係成日都心掛掛, 我宜家體會到la... 好在科技發達, 好多方法可以聯繫~ 或許試過分隔兩地, 才更珍惜共聚的時光~ 一年好快過, 到時你地又可以一齊shopping食野傾不停!
    [版主回覆01/05/2009 06:15:00]咁又係,不過分開嘅時候總有啲唔捨得! 係架,好快又可以shopping啦!

    回覆刪除
  17. 豆蔻呀 ~  新鮮食既又有 ( 好似係 )、豆蔻油來搽既都有 ~
    不過我都從未用過 ~~ 
    [版主回覆01/05/2009 06:17:00]豆蔻油聽過啦,搽蚊丁蟲咬架!

    回覆刪除
  18. 我二家姊巳經係美国居民架啦,但由於工作関係,所以咪一年番嚟美国两次,下一次見面要等到六月啦!
    [版主回覆01/05/2009 09:26:00]咁即係佢返香港工成啦!咁你多我一次喎!

    回覆刪除
  19. 姐妹情深嘛,當然捨不得啦!我也不捨得在新加坡的爸爸媽媽還有我的弟弟妹妹呢!
    [版主回覆01/05/2009 20:45:00]雖然話年年都見,但一過時過節就覺得有啲遺憾!

    回覆刪除
  20. 哈哈,真如妳所說overbook。。。I wil l be back soon, I always say that whenever I go home!
    [版主回覆01/05/2009 20:46:00]都係啫,大時大節唔可以一家人齊齊整整咁食餐飯! 

    回覆刪除
  21. 咁咪可以同妹妹見多幾面

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^