2009年1月7日星期三

晨早!!!


6~JAN~2009(二)


晨早


雖然放假,我都好早就去到街巿買餸架,


我鍾意晨早的街巿,樣樣食材都好新鮮,


行咗兩轉,樣樣都想買,


又平又靚

真係好鬼正!


買到拎到拎唔到呀!



唔好以為放假一定好嘆,仲忙過返工!


返工大個藉口~無時間,樣樣都求求其其,


呢樣無時間整嗰樣無時間整,


但放假梗係想整啲好嘢啦!


平時要用好多時間預備嘅餸,


今日就可以整啦!


點解放假啲時間都唔夠用架!




~燒排骨~(詳細食譜)


之前見Motonako A個大少整啲燒排骨咁鬼靚,


引到我流口水!


今日有時間仲唔買番塊排骨,

覺下人整下先!


一大塊排骨都成五十幾蚊,


仲貴過買斤現盛嘅!


好得意Motonako A個食譜全部都用兩嘅?


咁即係幾多湯匙呀?


唯有自己約略咁算數,又唔記得買南乳!


求其咁整咗,唔知有冇大少咁好食呢?


嘩.........啲骨好難斬呀,把刀都斬難啦!



~中式牛柳~


呢個餸好開胃



~西蘭花炒魚鬆~



仲有仲有.................靚湯呀!


~蕃茄薯仔南瓜牛肉湯~


好好飲喎!



35 則留言:

  1. 1
    [版主回覆01/06/2009 21:08:00]係度攞番個第一喎,恭喜!

    回覆刪除
  2. 2
    [版主回覆01/06/2009 21:08:00](Empty)

    回覆刪除
  3. #1 好彩
    [版主回覆01/06/2009 21:08:00](Empty)

    回覆刪除
  4. 明明攞第一..如月
    [版主回覆01/06/2009 21:09:00]你都知係2囉,點解話係第一呀?

    回覆刪除
  5. 哈哈~我今日又係炒魚鬆呀
    好唔底呀,盲毛遲咗返所以我又要開多一次飯,所以攞唔到第一呀
    [版主回覆01/06/2009 21:10:00]咁啱!我地夾囉!  咪梗係要服待老細先啦!如果唔係下個月扣家用!

    回覆刪除
  6. 今日你煮餸同湯我全部都好鍾意食..正
    哩個我仲係至愛飲
    [版主回覆01/06/2009 21:20:00]今日個湯落多咗水!

    回覆刪除
  7. 點知道你一次過出兩篇
    [版主回覆01/06/2009 21:22:00]哈哈........你仲未知我嘅習慣咩? 我會先出食譜,再出主blog呀! 以前我啲食譜出主blog度,好鬼難搵,後來咪分開出囉!

    回覆刪除
  8. 哈哈~仲扣 唔好嚇我喎 都已經好少啦
    我又沖咗涼啦,而家又去吹頭 點解唔見小丸子
    小丸子妳係邊樹呀
    [版主回覆01/06/2009 21:25:00]咁你係咪搵我架,定係搵小丸子呢?????????? 小丸子))))))))))))))主席搵你呀!

    回覆刪除
  9. 我整都係柱侯醬排骨醬乜醬物醬 求其是但咁醃 無份量架 
    成條當金沙骨咪唔使斬囉 反正係屋企食 我亞仔話仲正 連手指都LAM埋
    試下煲呢個湯先
    [版主回覆01/06/2009 21:38:00]我呢條排骨好長喎!下次叫亞姐斬半先! 呢個湯最好加埋紅蘿蔔!

    回覆刪除
  10. D燒排骨睇見都流口水啊!!!
    樣樣嘢都啱我口味呢~~
    正!!
    [版主回覆01/06/2009 22:13:00]咁你食飯未呀?

    回覆刪除
  11. 做宵夜得唔得啊~~~
    速遞過嚟喇 唔該~```
    D排骨整到好似出面買個D甘啵!!
    [版主回覆01/07/2009 06:01:00]早晨呀,早餐啦! 

    回覆刪除
  12. 你好好好。。。無陰公哪(本人姓赖名人),我正在減肥中,行完街做exercise回来同你報到,就俾我最中意食的排骨 睇 。。。我要食啊
    [版主回覆01/07/2009 06:03:00]早晨呀,我都唔減肥,你又話減嚟做乜啫!   原來你流口水,呢個你都會做,聽日整番件先啦,後日再減過!

    回覆刪除
  13. 我唔敢斬野架, 只會用較剪的
    我噚晚都係食魚鬆, 係娘家拎番黎的,
    你煮餸勁呀
    [版主回覆01/07/2009 06:29:00]早晨呀,我剪同刀都用埋啦,都斬唔到!所以咁肉酸!

    回覆刪除
  14. 我來啦,成晚比009用咗部電腦,E家先有得用呀!!!!!!!!
    如月,個湯好正喎,洗唔洗煲好耐架?
    主席,你好掛著我呢?我系道呀,放心我住呢道好安全,D鄰 居唔鍾意食人架
    好野星期四見啦.
    [版主回覆01/07/2009 06:28:00]早晨呀,咁你買番部囉,咁咪唔使爭囉! 呢個湯唔使好耐,不過加埋紅蘿蔔仲正,煲一個鐘都得用牛肉碎架! 主席遊咗去第二度啦(我知佢無咁早瞓)! 你啲鄰居唔食人,但我怕你會喎! 

    回覆刪除
  15. 我睇到都流晒口水呢 係啵 點解你今日有假放既?
    [版主回覆01/07/2009 06:25:00]早晨呀,我過你度,恭喜你又加入我地個行列!因為囡囡考試呀!

    回覆刪除
  16. 之前大少喺香港學嗰陣係用両架!咁我個磅係有両嘅,所以咪係咁囉! 你整得簡直就係超正啦.........一睇就知好味啦! 我冇斬呀!一條條骨咁食先至過引嘛!哈哈!其实係我怕斬難把刀呢!
    [版主回覆01/07/2009 06:24:00]早晨呀,味道都ok,但仲未夠腍!我又求其咁用自己方法醃!但我條骨成尺長喎!

    回覆刪除
  17. Motonako 個燒排骨真系好正,等我都揾日試試先!
    [版主回覆01/07/2009 06:23:00]早晨呀,但佢個份量用兩嘅?不過佢個排骨真係好正,我呢個得50分咋!

    回覆刪除
  18. 原來您是忙於煮嘢食,對了,我兩個家姐昨天去了九龍城搵食,
    佢話有間茶檔好正的,您幾時有空,我找您結伴試試先~
    [版主回覆01/07/2009 06:48:00]早晨呀,邊檔茶檔呀,係咪街巿嗰間呀?呢個星期你我都忙,看看下星期六得唔得?我要返工,12點先放工,去到應該要1點幾!看你有冇時間啦!

    回覆刪除
  19. 好整呀!我上星期六都在sunnybank買咗肉排,我係條上,不斬呀!會斬崩刀架~~~~
    [版主回覆01/07/2009 09:41:00]你以買一排短啲整,因為一排嚟焗啲肉先唔會咁乾!焗好再分開一條咪得囉!

    回覆刪除
  20. 我以前都整濄燒排骨,但好難斬呀!!!結果都係一條條骨咁切~~~~你點斬架??係咪你有強勁臂力??
    [版主回覆01/07/2009 09:40:00]早晨呀,就係有一段段斬唔到囉,你唔見有一條特別長咩?

    回覆刪除
  21. 燒排骨的色水好靓!應該好好味!我都想食。
    [版主回覆01/07/2009 09:39:00]早晨呀,色水唔夠靚呀,人地整到啲肉都深色架!味道都唔錯,囡囡一路食一路話好味!

    回覆刪除
  22. 個燒排骨好靚呀!
    我都覺得放假仲忙過返工. 時間特別唔見使. 唉
    [版主回覆01/07/2009 11:11:00]早晨呀,大家都有同感!因為平時返工唔會做的都係放假做晒!

    回覆刪除
  23. 個燒排骨好鬼惹味喎,我都想整呀!
    係呀,放假有時重辛苦過返工,體力勞動多,又多濕碎嘢要理。
    [版主回覆01/07/2009 11:14:00]早晨呀,個排骨唔難整,記得唔好買咁長呀!因為平時返工唔會做的都係放假做晒!

    回覆刪除
  24. This time I must TRY to lose some weight, I have gained so much I couldn't even put on my old pants, aiyaaaa.... I can't hide anymore! Actually it is for my back problem, if I gain too much my back will hurt!
    [版主回覆01/07/2009 11:56:00]午安呀,咁你盡量好啦,小心身體,我都係咁,個膝蓋時不時都會痛,但做運動都係減唔到,我都唔俾壓力自己啦,做到就做啦!

    回覆刪除
  25. 我尋晚整咗餅呀!!!仲第一次寫入blog呀~~得閒睇睇!!
    [版主回覆01/07/2009 11:53:00]咁我食完晏入去睇下!

    回覆刪除
  26. 早晨呀!晨早街市D野真係新鮮D,不過如果o個晚要食魚,咁又要夜D落多次街市喎。
    [版主回覆01/07/2009 11:58:00]早晨呀,魚就要行多轉啦,我都唔鍾意雪係冰箱,但我呢度去街巿要搭車架! 

    回覆刪除
  27. 我呢度既街市就要等到下午大概 3 點先會有好野 ( 海鮮之類既 ),太早去無驚喜 ~~ 
    [版主回覆01/07/2009 14:32:00]海鮮同魚都係下午買好! 但係其他生果呀菜呀......同肉都係最靚呢個時候!下午好多時都買唔到啲靚嘅肉!

    回覆刪除
  28. 早晨呀,今日天氣太凍啦,所以11點半先起身
    [版主回覆01/07/2009 14:31:00]午安啦,仲早晨?我都食完晏囉! 天氣剛剛開始凍咋!乜你今日唔係要返工咩?

    回覆刪除
  29. 個燒排骨好正咁啊!!
    [版主回覆01/07/2009 14:32:00]哈哈.......多謝!

    回覆刪除
  30. 樣樣都好好味咁喎!!
    [版主回覆01/07/2009 14:33:00]咁食多兩碗飯啦!

    回覆刪除
  31. 下星期六唔得呀,約了小玄,Ruby,滕田裕美,肥blog blog唱K,
    您來不來join我地??
    [版主回覆01/07/2009 15:15:00]去邊度幾點呀,我下星期六要返工呀!

    回覆刪除
  32. 燒排骨引到流晒口水,
    [版主回覆01/07/2009 18:29:00](Empty)

    回覆刪除
  33. 條排骨切D肉得唔得呀??長長哋一條條咁嗰D呢!
    [版主回覆01/07/2009 18:44:00]我條排骨有成尺長呀,所以我話下次買要佢斬開一半先得!

    回覆刪除
  34. 呢排剷雪剷到廋晒~咁正的燒排骨啱我,我要成塊,唔該!
    [版主回覆01/07/2009 20:02:00]咁不如你請我去剷雪啦,我想瘦啲呀!

    回覆刪除
  35. 我一向都唔覺得你煮野求其喎...    放假有時間就仲有心機添...讚!! ^^
    [版主回覆01/08/2009 10:30:00]哈哈......大老爺成日話我煮無乜水準架!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^