【南乳蛋散】
細南乳一樽
麵粉(低筋粉) 150g
發粉(泡打粉) 1/2茶匙
蛋 1隻
固體菜油(可用豬油) 30g
水5茶匙
(7/4/09搵到嘅食譜，未試架，麵粉100g，豬油(菜油)25g，南乳1茶匙，鹽1/4茶匙，五香粉1/4茶匙，蛋1隻，水適量)
(麵粉，鹽同五香粉混合，加入豬油，用手指搓勻，南乳用2茶匙水混合好，加入蛋汁中，再加入麵粉中搓成麵糰)
做法：
(1) 麵粉同發粉混合好過篩。
(2) 南乳用一湯匙水攪均。
(3) 將南乳漿加入麵粉中攪均。
(4) 再將蛋汁同水加入粉糰中攪勻。
(5) 最後加入固體菜油攪均。(不要搓到起筋，會唔脆的)
(6) 蓋上保鮮紙讓粉糰靜置半小時。
(7) 取出擀成薄片(越薄越好)，分割成長條形(約1"闊)，再分割成3"長的長方形。
(8) 在每塊中間用刀仔介開，向頭向中間穿過。
(9) 起油鑊，中細火炸熟，放上廚紙上索油，待涼即成。
(第一鑊炸得太燶)
(今次係失敗之成，因為落多咗水，加咗粉，所以唔脆)
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
呵呵! 我第一個有蛋散食 !
回覆刪除[版主回覆01/29/2009 10:35:00]早晨~你做第一，少有呀!
(Empty)
回覆刪除[版主回覆01/29/2009 10:35:00](Empty)
我要食 我又要食 我好鐘意食蛋散呀 ING
回覆刪除[版主回覆01/29/2009 10:36:00]早晨~我呢個做得唔好，下次一定做得好好，我呢年學識整好多嘢呢，做餅嘅時候係我最平靜嘅時候!
我都係來咗呢邊先學焗蛋糕麵包咋 之前係讀書壓力大 一個學期瘦咗十幾磅 我都係靠整嘢食嚟減壓咋
回覆刪除[版主回覆01/29/2009 10:49:00]一個學期瘦十幾磅))))))))))))))唔掛得之我咁肥啦..............因為我讀書少囉!
妳有用YAHOO MESSENGER嘛 咁樣傾計方便D
回覆刪除[版主回覆01/29/2009 10:53:00]早晨~無呀，開咗個msn都唔記得個account!
係早幾年我剛來到又見無聊 幾十歲先學人至執返個書包 乜都攪唔掂啫
回覆刪除我而今咪係肥到 咁
[版主回覆01/29/2009 11:05:00]早晨~你有得執番個書包都好呀，我淨係執住鑊剷咋! 我年年都話減肥，但一年肥過一年都唔明白?唔知係咪年紀大咗減唔到呢，我又做唔到連奶茶都唔飲!
妳而今可以再開嘛
回覆刪除[版主回覆01/29/2009 11:06:00]早晨~遲啲啦，一陣又同囡囡去shopping，而家我有部notebook，我開咗話個account俾你知，再傾好嗎?
好呀
回覆刪除SHOPPING 買多D啦
[版主回覆01/29/2009 11:17:00]亞囡一定唔同我慳架!
女仔都係咁啦 我都係
回覆刪除[版主回覆01/29/2009 11:25:00]哈哈..........我相信無人及我咁瘋狂喎，我買好多衫架，每年都要掉好多!如果唔係實有錢淨啦!唔使咁窮!
我以前係HK都係咁啦 買到一屋都係嘢 我媽仲鬧我敗家呀
回覆刪除但而今無得買嚕 抵C
[版主回覆01/29/2009 11:40:00]哈哈..........咁我地咪好夾囉，我唔買名牌架，買一件名牌可以買十件八件其他架啦!一陣同亞妹去葵芳廣場呀!
BINGO 最鐘意去D細鋪買 我以前都係荃灣葵青區買多架
回覆刪除[版主回覆01/29/2009 11:47:00]哈哈..........我娘家就係葵涌!我都係葵涌長大的!
我娘家在樂富妳山下呀 來美之前住青衣喎
回覆刪除[版主回覆01/29/2009 12:00:00]哈哈..........咁一定係樂富撞過你啦!我係樂富遊咗十幾廿年啦!你有冇見過我啫?
我結婚後 廿多年仍然每星期六回娘家 可能真係撞過都唔定架
回覆刪除[版主回覆01/29/2009 16:46:00]哈哈..........星期六我好少係樂富囉!
但妳又唔多覺有見過喎
回覆刪除如月 妳有冇發覺 成朝得我同妳兩個咋 其他D人去哂邊呀