2009年1月21日星期三

拖得就拖!!!


20~Jan~2009(二)


唔知乜嘢原因,


最近兩三個月,腳踭都好痛,


由其是着平底鞋時仲厲害,


反而着高跟鞋就無咁痛!


我又唔鍾意着波鞋,都唔知點先會好?


 
 


呢個月又開始咗健康舞個course,


上次跳咗第一堂,跳到腳底好攰,


都要睇多幾堂,


看看隻腳嘅情況,需唔需要停!


 
 


大老爺噚晚通知我,佢會由23/1放到2/2,


即係會由星期五開始放假,


希望佢今年唔會年初一嚟拖地啦,


都唔知係咪佢年年都係咁,


所以年年都無錢淨???


 
 
 
 


佢係一個

唔迫到埋身都唔會做嘢嘅人,


唔會預早幾日做嘢,


次次都係年三十晚,食完團年飯,


返到屋企,當人人都瞓晒的時間,


佢先會抺嘢拖地,


過咗12點咪即係年初一啦!


亞媽話年初一唔好掃地架,佢仲咁徹底咁掃!



~日式醬汁雞翼~(食譜按此)


呢個係係報紙度學的!囝囝話好味喎,


我次次整咗都會問佢有幾多分架,


因為我唔食的!



噚日見亞蘇又整慈菇(芽菇),


又挑起我條根,襯而家啲慈菇咁靚,


再整多餐食!


~蓮藕慈菇炆排骨~(食譜按此)



~蒜茸炒菜心苗~



 


晚安啦!


 

41 則留言:

  1. 2
    [版主回覆01/20/2009 21:07:00]有進步!

    回覆刪除
  2. 瞓得着lor~~~
    [版主回覆01/20/2009 21:07:00]早抖!

    回覆刪除
  3. 3
     
    [版主回覆01/20/2009 21:07:00]你又嚟呀,食咗飯未呀?

    回覆刪除
  4. 哈哈~乜妳出咁多板架
    [版主回覆01/20/2009 21:08:00]你又唔記得囉,我餸還餸,實有一篇主版架! 

    回覆刪除
  5. 阿二都好
    [版主回覆01/20/2009 21:09:00](Empty)

    回覆刪除
  6. JUST整完馬豆糕,明天仔仔學校有活動,我整咗馬豆糕.
    [版主回覆01/20/2009 21:30:00]你又出馬啦,咁年糕、蘿蔔糕、馬碲糕呢????????????

    回覆刪除
  7. 咁早就瞓啦,今晚唔睇啊SO呀?
     
    [版主回覆01/20/2009 21:29:00]邊個話我瞓咗啫?我仲要睇so呀,我跟咗佢噚日教整啲嘢啦!聽日出blog你睇下啦!

    回覆刪除
  8. 食咗啦~妳個blog每晚5~8人爭no.1
    妳試下浸腳~真係好好架
    佢先會抺嘢拖地~ 妳叫佢由門口掃入屋
    [版主回覆01/20/2009 21:36:00]唉.........食完飯,又要趕住upload啲相,邊有時間呀! 大老爺係唔會聽我支笛架!

    回覆刪除
  9. 嘩, 大老爺肯幫妳做咁多家務, 我屋企果個唔會架......
    [版主回覆01/20/2009 21:41:00]講落大老爺係好鍾意清潔架,我前排先搵個針線盒搵到C呀,因為佢同我收埋咗係個柜度!

    回覆刪除
  10. 講起羅白糕原來系用粘粉整架,我一直都以為羅米粉整.原來羅米粉同粘粉唔同架,我仲以為系同一樣野但系有兩個名.
    [版主回覆01/20/2009 21:40:00]你又唔問我,我細細個都跟亞媽做糕架啦,包角仔,做糖環,炸脆麻花都識架! 我今日先買咗粘米粉,但無手拎蘿蔔啦!

    回覆刪除
  11. 掃都唔緊要, 叫佢千祈唔好倒埋垃圾呀!!!
    [版主回覆01/20/2009 21:43:00]佢乜都做齊啦!今年我已經嚴重警告佢架啦,我叫佢不如乜都唔好做!

    回覆刪除
  12. HAHAHAHA~
    唔怕啦
    你d錢係尼頭洗完
    果頭又游返去你果度
    有來往至好架ma~
     
    [版主回覆01/20/2009 21:48:00]啲錢俾大老爺掃晒出去啦!

    回覆刪除
  13. 如月,你知唔知點可以另到小朋友唔嘔奶呀.我就有辦法啦.
    [版主回覆01/20/2009 22:04:00]哈哈..............唔俾奶佢食囉!

    回覆刪除
  14. you are right.
    [版主回覆01/20/2009 22:13:00]哈哈..............我係咪好聰明呀?

    回覆刪除
  15. 有D肚餓.
    [版主回覆01/20/2009 22:14:00]哈哈..............你未食飯咩?囝囝啲風懶點呀,好番未呀?

    回覆刪除
  16. 我要食菜心苗!
    喂,你的腳痛不要运动啊!
    [版主回覆01/20/2009 22:34:00]我都唔知呀,都痛咗咁耐,再睇多兩堂先啦!

    回覆刪除
  17. 我都開咗一堂Jazz呀,依家唔想跳lu!!好近你,喺ccdc!! 點解要初一先至拖地咁怪嘅??
    [版主回覆01/21/2009 06:16:00]早晨,ccdc係邊呀? 我上次嗰都係funky jazz嚟,好辛苦又要過海,而家都無跳囉!你做乜唔跳呀? 大老爺仲有好多怪習慣架!

    回覆刪除
  18. 隻腳痛使唔使睇醫生? 小心d呀!
    你原本唔食雞翼! 我就食雞翼唔食皮。
    [版主回覆01/21/2009 06:17:00]早晨,腳踭痛咋,食雞翼唔食皮好高難度喎!

    回覆刪除
  19. 今晚又去左姑婆到..明日準時報到
    [版主回覆01/21/2009 06:18:00]早晨,你點樣加啲字入啲公仔度架?

    回覆刪除
  20. 我都係咁,每年年尾都掛住玩蒸糕,所以每年最得閒就係年三十晚食完團年飯的時候,我都會年初一先清潔屋企,因為之前整糕會搞到屋企好亂。
    其實嚴格黎講過佐十一點已經係初一,子時係11:00-1:00,一到子時已經係另一天的開始,所以你話比大老爺知要十一點前好拖好個地喇!
    [版主回覆01/21/2009 06:19:00]早晨,好開心架,次次見你都會有一大段字! 我都好想蒸糕呀,手都痕埋啦,但又無時間!今次我好嚴厲咁同佢講唔准佢拖地啦!

    回覆刪除
  21. 記得12点前掃地.......記得記得,多謝提点!
    [版主回覆01/21/2009 06:20:00]早晨,我怕係大老爺唔聽話咋,佢成個大細路咁!

    回覆刪除
  22. 你大老爺咁得意嘅、年初一先黎拖地! 我在另一個網到睇到有個新抱話佢奶奶年年年初一都煲 竹蔗水 比佢D新抱同仔飲,終於有一年新抱叫佢唔好再在年初一煲嘞,搞到D仔年年要同銀行 借 錢喎!
    [版主回覆01/21/2009 06:22:00]早晨,笑C人啦,乜咁嘅奶奶都有嘅! 大老爺啲習慣好得意架!

    回覆刪除
  23.   您同我兩個家姐一樣,中哂"So Bad"既毒了~
     
    [版主回覆01/21/2009 06:25:00]早晨,我唔係樣樣都中架!有啲我唔會跟佢架!

    回覆刪除
  24. 咁不如你自己打掃啦~~haha~~大老爺係咪想你做咋??~~
    [版主回覆01/21/2009 07:54:00]早晨早晨,所以我同佢講不如你乜都唔好做!

    回覆刪除
  25. 痛可能都有開天氣轉的問題..http://hk.news.yahoo.com/article/090119/3/aavx.html
    我昨晚半夜條腰已經痛到我想喊....訓唔到呢!! 點好吧!! 可能半家庭主婦既我地...真係....倦死我地。
    [版主回覆01/21/2009 10:12:00]早晨早晨,唔係天氣架!但朝早起就仲痛!我地係雙職主婦呀!

    回覆刪除
  26. 哈哈~同我老公一樣唔逼到埋身都唔做,但你老公好D都會拖地,我隻佬拾書房自已野都有排 ,隻腳痛會唔會骨膜發炎,我試過~
    [版主回覆01/21/2009 10:13:00]早晨早晨,唔會掛,等我抖下先!咁會係乜嘢感覺架,我其實成個月都無跳舞架啦!

    回覆刪除
  27. 記得要睇醫生呀,痛就唔好跳健康舞住,要快D找出原因;腳痛會影響精神呢!
    [版主回覆01/21/2009 10:13:00]早晨早晨,我都唔係好想睇醫生,又唔係咁嚴重,睇定啲先啦!

    回覆刪除
  28. 細細個阿媽已經教我地年初一唔好掃地, 可以用布抹地, 但都要由門口抹入, 快 d 教下大老爺啦 .....
    [版主回覆01/21/2009 10:48:00]早晨早晨,唉......大老爺唔聽我支笛架!

    回覆刪除
  29. 妳著慣高跟鞋  所以著平底鞋會痛?
    [版主回覆01/21/2009 11:36:00]早晨,你加咗名喎! 唔會掛!

    回覆刪除
  30. 咁你果晚收埋支地拖啦!
    你隻腳踭點呀?我聽個網友講佢啲關節又係成日痛,佢買個osim o既按摩器來按摩吓,係有改善o架,唔知你有無興趣試吓呢?
    [版主回覆01/21/2009 11:35:00]早晨,不如我貼身跟住佢仲好啦! 我唔係關節痛喎,係腳板底痛喎!

    回覆刪除
  31. 你可能有尿酸哦!盡量唔好食豆類,睇下有無好番先.如果總係痛,咁就要睇醫生啦!我姑仔及姑姐都有腳踭痛,原因就係尿酸.
    [版主回覆01/21/2009 12:38:00]早晨,唔係嘛?唔係防震嘅問題咩?咁我試下唔食豆類啦!

    回覆刪除
  32. 如月 乜妳唔知11點已經係子時咩
    我今日好慘呀 遇到個新手 拮到我兩隻手都瘀哂呀
    [版主回覆01/21/2009 12:39:00]早晨,我梗係知啦,我最信呢啲嘢架啦! 聽講你醫生叫你休息,咁你咪唔使整糕囉!

    回覆刪除
  33. 今日都同E生講我腳痛 佢話我重咗壓住D唔知咩 形成肌腱炎
    叫我要做多D運動~~~減肥喎
     
    [版主回覆01/21/2009 14:11:00]我都知同我嘅重量有關!我都想減呀,聖誕新年總共肥咗5磅呀,減5磅就幾年都唔得! 

    回覆刪除
  34. 整呀 叫隻為食鬼CY幫手刨蘿蔔囉 唔係乜都唔俾佢食
    [版主回覆01/21/2009 14:10:00]係啦係啦..........你出口講佢出手做囉! 

    回覆刪除
  35. 要休息, 夜晚沖涼後, 搵D暖水浸下, 會舒服D, 起碼兩星期先會完全好返架, 唔好心急, 停下唔好跳住先
    [版主回覆01/21/2009 14:10:00]但我已經成個月無跳舞都係咁喎?

    回覆刪除
  36. 系呢系呢```我都聽D人講 話年初一唔好掃地.
    點解甘嘎呢???習俗真系多啊...
    我都想學 亞蘇 整炸慈菇片...奈何亞媽唔比~~
    [版主回覆01/21/2009 14:09:00]哈哈.............我噚晚整咗啦!好好味! 可能你亞媽迷信,所以唔俾你炸慈菇,你今晚過嚟睇下我整成點啦!

    回覆刪除
  37. 佢咁得意o既, 咁夜仲拖地???
    [版主回覆01/21/2009 14:15:00]佢有好多嘢都好得意架,佢唔聽人講架!

    回覆刪除
  38. 可能已經幾嚴重啦, 有無紅腫?可能係發炎
    [版主回覆01/21/2009 14:22:00]無呀,唔行唔痛架!跳舞時都唔痛架!

    回覆刪除
  39. 我亞媽唔系迷信唔比我炸慈姑
    系因為 驚熱氣 喔~~~
    你尋晚炸左 今晚post出嚟??好啊!!!!!!!!正!!!
    [版主回覆01/22/2009 15:36:00]少少唔怕啦!

    回覆刪除
  40. 我阿媽都教過我話初一唔可以掃地,幾骯髒都唔可以掃,就算跌左 d 醬汁,都只可用布一抹,第二日先拖 ~
    我就訂左只豬手,我老公鐘意食蓮藕燜豬手 ~
    [版主回覆01/22/2009 15:48:00]我媽子都係咁話! 我都鍾意食蓮藕架!

    回覆刪除
  41. 雖然話初一唔比掃地, 但我阿爸年年都係咁掃架... 有時唔係太大塵, 佢無無聊聊都會去掃下.. 哈哈~ 你試下平底鞋加d好d o既鞋墊先著? 自己雙腳, 要好好保重呀
    [版主回覆01/22/2009 21:09:00]哈哈哈.........我就係著平底鞋先痛,已經加咗鞋墊,但係平嘢,好啲嘅鞋墊成3百幾蚊呀,唔捨得呀!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^