2009年1月19日星期一

清潔日!!!


18~Jan~2009(日)


清潔日


今日有成19度,中午仲好曬,好鬼熱,


咁就啱晒我地去做清潔,


 
 



窗~就抺晒,


廚房又執過抺過,


大老爺將全屋啲風扇洗乾淨!


可以到下個星期洗地啦!


星期三好日先貼揮春,抺大門!


 
 


攪完間屋,又要攪下個白髮頭,


忍咗半個月先等到今日染髮,



噚日飲茶,見商場新開一間髮品店,


仲有幫人染髮同

電髮,


不過就無剪髮同髮型師!


好抵咁喎~$58染髮,


入去問咗,又話要架髮前護理,


差不多要$150,計過都抵過髮型屋,


因為我又無需要剪髮,


好過自己係屋企整!



 
 


<佳寧娜~九龍城廣場>~(詳細資料)


我地個個星期日都係九龍城飲茶,


飲開嗰間好鬼寸,


過時過節又話要限時間,


4人枱限1個半小時交枱,


成日我地係出面排隊,裏面十幾廿人熟客係度打尖!


而家對面又開咗間酒樓,


咁我地有選擇,邊度有位咪去邊度囉!



29 則留言:

  1. 1
    [版主回覆01/18/2009 21:41:00](Empty)

    回覆刪除
  2. 見你大掃除,令我感覺返D以前喺香港過年既氣氛~~~好掛住香港呢!!!
    [版主回覆01/18/2009 21:43:00]你地無新年氣氛咩?

    回覆刪除
  3. 2
    [版主回覆01/18/2009 21:43:00](Empty)

    回覆刪除
  4. 我昨日執衣櫃 真 係又整到隻手啦
    [版主回覆01/18/2009 21:44:00]櫃..........成日都要執架啦!

    回覆刪除
  5. 啱啱先返黎咋 呢間天然我都想入去好耐啦,不過唔知係咪呃人咁
    [版主回覆01/18/2009 21:47:00]都係少少啦,無$58佢一定要係做頭皮護理同頭尾護理,咁就$148!又有套票嘅,買十次送兩次囉,呃唔呃人睇你需唔需要啦!如果好似我咁,成日都要染,都抵過髮型屋架!

    回覆刪除
  6. 咁妳即是買咗十次嗎 我只係想電髮咋
    [版主回覆01/18/2009 22:14:00]電髮你就唔好去啦,佢地啲髮型師唔係同人造型架,又唔係咁平!

    回覆刪除
  7. 我都係在今日大掃除呀~!!
    天然..我這裡附近都有呀
    但係實在太平
    我覺得唔係太安全呀
     
    [版主回覆01/19/2009 06:10:00]早晨呀,你日日都得啦,你話你係吉屋一間,咁應該唔係好多嘢啫!我間屋就.....唉...............

    回覆刪除
  8. 我今日食第一餐团年飯,正!
    你今天一定好攰,听到你流咁多野已经攰C我
    [版主回覆01/19/2009 06:09:00]早晨呀,都唔係做好多嘢啫!大老爺都有幫手!

    回覆刪除
  9. 我以為我先至要頻頻染髮啫,原來如月姐姐都……。
    [版主回覆01/19/2009 06:05:00]早晨呀,你都叫我姐姐啦..........咁老仲唔需要染髮咩?不過越染越密,越染越少頭髮!

    回覆刪除
  10. 我今日先去入貨,大掃除可能星期四先做!!!!
    [版主回覆01/19/2009 06:04:00]早晨呀,咁你係咪放成個星期呀?

    回覆刪除
  11. 我都已經搵人幫我大掃除左喇…但我諗過幾日自己都要抹多次呢!
    [版主回覆01/19/2009 06:03:00]早晨呀,搵人我都想,但一開口同大老爺講,我知佢一定話唔好架!

    回覆刪除
  12. 執好晒间屋啦!Yeah!
    [版主回覆01/19/2009 06:36:00]早晨呀,你就好啦~

    回覆刪除
  13. 好快手喎...
    [版主回覆01/19/2009 11:09:00]我做咗好少咋!仲話快手?

    回覆刪除
  14. 今年我搵鐘點抹,年年做到我CC下 隻手瘀、傷晒,
    [版主回覆01/19/2009 11:10:00]我諗大老爺一定話唔好,所以我都無諗過!

    回覆刪除
  15. 我重未大掃除呀!
    我依家都係用印度henna 粉染,o係屋企自己搞,每次都係一個幾毫,慳好多,又唔駛去髮型屋坐餐懵。 不過就要一個月一次,唔係啲白髮走出來抗議。
    [版主回覆01/19/2009 11:11:00]返工真係無乜時間! 印度henna粉係邊度買呀? 我噚日係呢間做咗焗油(好貴)但啲頭髮真係滑到"扇"手喎!

    回覆刪除
  16. 你真係好勤力呀!  我都好想自己可以咁比心機執屋呀............
    [版主回覆01/19/2009 11:12:00]一年先勤力一次咋!

    回覆刪除
  17. 咁平d質料好唔好架?
    [版主回覆01/19/2009 16:07:00]我終於用咗好多錢整個頭!今晚你睇下咪得囉!

    回覆刪除
  18. 咁多野做,你應該好攰吧!好好哋休息哇!
    [版主回覆01/19/2009 16:11:00]麻麻地啦,我都係咁易抺下咋!

    回覆刪除
  19. 嘩嘩嘩~~~~~個間嘢做乜真系甘抵啊!!!!!!!!
    甘快就貼揮春喇????
    聽日大寒喇~~~會唔會煮 糯米飯 啊??
     
    [版主回覆01/19/2009 20:29:00]間嘢都唔係抵,58無可能架,都要百幾蚊啦,但都平過髮型屋囉! 揮春..........未貼喎! 今晚已經番風啦!屋企人唔鍾意食糯米飯,所以唔會煮!

    回覆刪除
  20. 做完大掃除,要好好休息啊,不要累壞了~~
    [版主回覆01/19/2009 20:28:00]知道啦,我又放咗年初四同年初五,所以下星期都放假,抖番夠!

    回覆刪除
  21. 新的一年就有grand A唔錯唔錯.
    今日去完花墟啦,買咗吋吋金&銀柳,仲想買蘭花不過d野好重,so無買.
    全合未買,留待明天吧,好攰呀,要休息下啦.
    琴晚又夜瞓,因為仔仔起風爛去咗睇夜診.成一點鍾先有得瞓.
     
    [版主回覆01/19/2009 20:27:00]我會到年廿八先買花囉,怕咁快買會謝晒! 我都買定啲糯米粉,看看有冇時間蒸糕! 你仔仔可能感冒咗咁耐,抵抗力弱咗,所以起風爛,咁睇咗醫生之後醫生點講? 大家姐話你可以用燒酒同佢抺身都得喎,我細個時又係身體弱,所以成日都起風爛,好鬼煩,我亞媽就用片糖同我沖涼!

    回覆刪除
  22. 依家都覺有新年氣氛啦~~~~大掃除~~
    [版主回覆01/19/2009 20:31:00]迫到埋嚟,都要逐啲做囉!

    回覆刪除
  23. 如月~妳個blog 好靚呀 !!!
    [版主回覆01/19/2009 20:31:00]都未整好,要有新年氣氛嘛!

    回覆刪除
  24. 個間染髮店會 sell 你買乜買物,又要一定加錢做護理才染髮,所以 $58 呢個價錢係出唔到門口的,買左套票後,每次去都有野 sell ,都幾難甩到身!
    [版主回覆01/19/2009 20:23:00]我都有咁感覺,好似做facial咁,但又整得把頭髮好滑喎,我今次買咗pack焗油,計落都係百幾蚊一次焗油!我會小心啲架啦! 我book之前已經問咗係百幾蚊一次染髮,都係平過我用開嘅髮型屋!我做開係300一次染髮!焗一焗又300幾呀!好貴!

    回覆刪除
  25. 哈哈,我阿媽叫左我成個月我都未開始執過房呀!
    [版主回覆01/19/2009 20:33:00]我明呀,我都有個仔架,叫極佢都唔郁,淨係換咗張床單!    你終於出現啦!

    回覆刪除
  26. 咦咦咦~~~個版面換左啵~~~
    系咪如月自己只玉手啊??!!!~
    唔中意食糯米飯!!!!!!!!!!!!!! 太驚訝啦~~~
    我超中意食糯米飯的~~
    [版主回覆01/19/2009 21:24:00]係呀,新年嘛!

    回覆刪除
  27. 我琴日都去左剪頭髮 加左價呢 今年真係加得快呀
    [版主回覆01/19/2009 21:25:00]去親髮型屋都成六七百蚊,好貴!

    回覆刪除
  28. 我既頭髮要等到過左年先去染啦!  因為遲左、近過年,好多人呀!  老闆落手都做唔切 ~  我之前試過,過左年先去,得我一個人,慢慢整,都不知幾好 ~~ 
    [版主回覆01/19/2009 21:25:00]年初一二實無人啦!

    回覆刪除
  29. 新年到,媽媽級就係最辛苦啦!
    [版主回覆01/20/2009 17:00:00]你知就好啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^