2009年1月18日星期日

打打掃掃!!!


17~Jan~2009(六)


今日一早要返工,


星期六返工

基本上無乜嘢做!



幾個月先要返一日,真係無無謂謂!


hea咗成朝,

到12:00啦............



 


 
 
 
 


之前放咗成個星期假,本來想趁嗰幾日執好間屋,


都唔知忙咗啲乜,間屋係未執過嘅!


趁今日暖番少少,

真係要"的"起心肝,


好好咁清潔間屋啦!



我地呢啲無工人嘅家庭,間屋真係好汚漕架!


成年都唔會抺廚房一次,成個廚房都係油蹟!


全屋啲窗都係一年抺一次!


 
 
 
 


見到間屋都好似無從入手咁,


都唔知做邊樣先!



講真,自從寫咗blog之後,


自己啲時間都唔夠用,


仲邊有時間理間屋呀?


真係想每日多12小時,俾我可以做多啲嘢!


再咁落去,大老爺真炸型架啦!



 
 
 
 


做咗成個下晏都係做得唔多,


仲有好多嘢都未執,


都唔知有冇時間整糕!



~煨蕃薯~(詳細食譜)


原來成日係街買嘅煨蕃薯,都可以係屋企做到,


方法又簡單,今次整唔係咁好,


應該少啲水,咁效果會好啲!



食落都唔錯喎,

起碼有煨蕃薯嘅味道!


 



 

30 則留言:

  1. 1
    [版主回覆01/17/2009 21:41:00](Empty)

    回覆刪除
  2. 要幫亞妹沖涼所以...
    [版主回覆01/17/2009 21:42:00]聽晚囉! 

    回覆刪除
  3. 3
    [版主回覆01/17/2009 21:42:00]有進步喎!

    回覆刪除
  4. 明天可能攞唔到第一tim...要去姑婆到....
    [版主回覆01/17/2009 21:49:00]咁你讓主席一次囉!

    回覆刪除
  5. 叫妳大老爺同兩個仔女幫手做嘛 我都係咁呀
    我執我自己嘅 老爺執佢嘅 仔間房D仔執 廚房老爺抺我執手尾 門窗同廁所D仔攪掂 廳同我個廁所就我嚟執 好公平人人有份做 唔係咁 我C得啦
    [版主回覆01/17/2009 22:05:00]仲好講,今日諗住係假期,飲完茶就返屋企抺屋啦! 點知大老爺話要去租碟睇,咁一去就去咗四個鐘呀,個商場都無咁多嘢俾佢睇啦,你話激唔激C呀?叫佢換kitchen啲錫紙,佢就話兩年換一次嘛! 

    回覆刪除
  6. 今年我隻手 痛 唔使做 係度手指指啫
    [版主回覆01/17/2009 22:05:00]你隻手仲未好呀? 佢人都唔係屋企,我點邊個呀?

    回覆刪除
  7. 一年先清一次????
    甘又真系要辛苦D啦~~~
    煨番薯最好味就系塊皮喇~~自己煨噶話
    塊皮都可以食埋!!!哈哈哈````
    [版主回覆01/17/2009 22:14:00]煨蕃薯..........我唔食皮架,祇係日本蕃薯我先會連皮食!

    回覆刪除
  8. (Empty)
    [版主回覆01/17/2009 22:12:00]乜你啲公仔咁得意!

    回覆刪除
  9. 一年先清一次真係會洗到頭暈呀!! 我都強迫自己勤力 d, 不過都係無咩成效囉......

    回覆刪除
  10. 咁咪等齊人先開工囉 佢地唔郁我都唔做 再唔係 就話丟哂佢地D嘢 實有人做
    咁隻手係我嘛 我話痛咪係 痛 囉
    [版主回覆01/17/2009 22:20:00]你就得,我又做唔出架!
    你好奸! 

    回覆刪除
  11. 煨蕃薯正呀
    我就習慣日日煮完飯都潔廚房,而且每星期有鐘 點大掃除,所以過年前唔洗大清洗
    [版主回覆01/17/2009 22:46:00]大老爺唔鍾意叫鐘點架,廚房都係佢洗,但大洗就一年一次咋!

    回覆刪除
  12. 唔係奸 屋企個個都有份 人人都要做
    食飽飯要幫手執檯洗碗 我煮咋唔洗碗架
    以前返工時 早一晚整好D餸 到時候D仔洗米煮飯 洗好菜 我返去煮囉 唔係9點都無飯食呀
    係HK我唔使返工 都要佢地幫手做 我係佢阿媽 唔係佢管家 知無
    [版主回覆01/17/2009 22:46:00]我都有叫仔仔囡囡自己換床單架! 哈哈.............用我一樣,結婚之後都係大老爺洗碗架,我結婚都係咁同佢講,又要煮又要洗我唔制架!

    回覆刪除
  13. 我一样那句。。。我睇佢唔到,我睇佢唔到,我睇佢唔到
    [版主回覆01/18/2009 06:18:00]早晨,

    回覆刪除
  14. 近來我都有大掃除, 但每日抺一度
    [版主回覆01/18/2009 06:19:00]早晨,我都係咁,一日做一啲,全部一日做唔晒架!

    回覆刪除
  15. 我早幾日才吸塵抺地,昨天又見到地下一大堆塵了,
    都唔知係邊度死入來的呢? 我已經下定決心了~~
    唔到連廿七,都唔再清潔屋企的了~~
    [版主回覆01/18/2009 06:28:00]早晨,你唔需要返工,幾時執屋都得啦!

    回覆刪除
  16. 今年淨係抹窗算啦!!
    [版主回覆01/18/2009 06:30:00]早晨,我噚日都係抺咗廚房...............度門咋!

    回覆刪除
  17. 我都系咁話,啲仔女嘅叫佢自己執番,我淨系執廚房同我間房咋,樓上系佢地嘅地帶就梗系佢地自己執啦!
    [版主回覆01/18/2009 06:34:00]早晨,佢地咪淨係換自己張床單囉!

    回覆刪除
  18. 你又番工,又要煮飯,又要寫 blog,巳經好辛苦架啦!大老爺一定體量你呢!
    [版主回覆01/18/2009 06:35:00]早晨,佢就係唔鍾意我成日掛住寫blog,乜都唔做!佢試過返工買餸煮飯,都係唔體諒我架!

    回覆刪除
  19. 哈哈..我同你一樣,真係無從入手,唔知做邊樣先好 仲有差唔多一個禮拜就過年,真係要的起心機開始先得
    [版主回覆01/18/2009 06:36:00]早晨,你唔使返工就容易啦!

    回覆刪除
  20. 我都同你一樣呀!又返工又要煮飯,做家務!你總好過我有大老爺同你洗碗,但我又要洗埋碗呀!
    過年真係好忙呀!我都冇時間大掃除,辨年貨呀!
    [版主回覆01/18/2009 06:38:00]早晨,講落又好似我好幸福咁喎!我都係抺得一樣就一樣啦,又無人嚟我度拜年都無所謂!

    回覆刪除
  21. 如月, 妳用的圖很可愛, 看得人會心微笑.
    [版主回覆01/18/2009 09:48:00]早晨,咁樣會睇得開心啲!

    回覆刪除
  22. 早晨.....我就唔洗點抹同執..平時都會做...你有大老爺幫手..好快做好....
    [版主回覆01/18/2009 09:48:00]早晨,佢行街都行咗四個鐘,點幫手呀?

    回覆刪除
  23. 拖地都系佢呀!so good!
    [版主回覆01/18/2009 13:25:00]咁佢咪要姓蘇囉! 

    回覆刪除
  24. 新年到又係忙住大掃除啦!
    [版主回覆01/18/2009 13:25:00]而家忙緊囉!

    回覆刪除
  25. 冬天食煨蕃薯就最正啦...^^    等我又跟你學下先
    [版主回覆01/18/2009 21:34:00]我都係學人啫!

    回覆刪除
  26. 煨蕃薯..........正啊!好9没有吃过咯!好怀念呢!
    [版主回覆01/18/2009 21:35:00]咁你試下啦!

    回覆刪除
  27. 今日暖返好多 即時迫自己去洗左全屋至麻煩既地方先 就係廚房
    [版主回覆01/18/2009 21:37:00]廚房我都係執!

    回覆刪除
  28. 我最怕就係執屋, 尤其係廚房D油煙, 諗起都驚......
    [版主回覆01/18/2009 21:38:00]油煙機係最難洗!

    回覆刪除
  29. 係喎好似濕咗D
    [版主回覆01/19/2009 11:09:00]因為我開頭係包錫紙焗,後來先打開錫紙!

    回覆刪除
  30. 我屋企都係有好多地方都唔知點落手執,好在廚房 & 有我老公幫我清潔,我只要係年 30 個日,掃下地、拖下地,就收工啦! 
    [版主回覆01/19/2009 21:21:00]你唔使返工喎,好多時間架! 你仲幸福過我!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^