2008年11月30日星期日

小blog聚2911~(1)!!!


小BLOG聚


因為得三個人,算係小BLOG聚啦,


開BLOG以來,認識到唔少朋友,


Frances & Rachel都認識咗半年,


係Frances個blog成日都會見到呢個小妹妹,


個活潑可愛,

口齒伶俐,


我真係好鬼C鍾意佢架啫!


之前我地已經見過兩次面,


Rachel小妹妹係一個好熱情嘅小朋友,


唔知點解我同佢好好傾,


佢都幾聽我話架,我同佢好有緣,



唔知係咪自己啲仔女大咗,


見番啲小朋友都好喜歡!


Frances成日話佢煩,我又唔覺喎,


我好鍾意拖住佢隻小手,


一路行一路傾!




十二月三日係佢六歲生日,


我胆粗粗咁應承咗送蛋糕俾佢,


應承小朋友嘅一定要做,


雖然我唔係好識整蛋糕,


都要硬着頭皮整個蛋糕出嚟!



之前烘焙姐姐俾咗個芝士凍餅嘅食譜我,


噚日放下晝假返屋企整餅,


第一步,做個海綿蛋糕先,


呢個都算係我第一個海綿蛋糕,


都算幾成功!



跟住整個cream芝士﹐



加糖打蛋加魚膠加cream芝士,



點知放好個海綿蛋糕,倒入芝士餡後,


好特別嘅情就出現啦,


C啦C啦..........點解片海綿蛋糕會升咗上嚟嘅?


以為片蛋糕唔夠重,嗱嗱聲放多片落去,


點知仲衰,攪到一pat pat咁,


好肉酸呀!救命呀!



有冇人話到俾我知發生乜事呀?




好彩屋企仲有材料,


今次唔敢再放海綿蛋糕啦!


因為再失敗的話,今日就無貨交啦!


用番之前做嘅芝士餅底,


再攪一次cream芝士餡,


雪咗就出去同大老爺食飯,


返到屋企即刻再開工,


其實我有兩種生果想用嚟做餅面裝飾,


士多啤梨同桃,最後都係用咗大路嘅士多啤梨!



士多啤梨芝士凍餅~(詳細食譜)



仲將多餘的啫喱做咗幾杯士多啤梨啫喱杯!



咁個失敗嘅蛋糕點處理呢?


佢係食得嘅,不過醜樣啲啫!


今朝大老爺見到都話唔食,點算?


哈哈...........加啲可可粉係餅面,


咪可以變咗Tiramisur囉!




點知探完Frances返到屋企,


呢個如月版Tiramisu食淨咁少咋,



好彩都有番一件自己試下,


啲cream芝士索晒入啲蛋糕度,


所以淨番啲cream芝士係底部,


所以好似食蛋糕多過似凍餅,


希望整俾Rachel嗰個好味啲啦!

【士多啤梨芝士凍餅】~附食譜

2008年11月29日星期六

驚驚驚!!!





驚驚驚



我今日又挑戰難度,



攪個大project,



呢樣嘢其他人可能覺得好易,



但對於我來講,



真係第一次!(無錯,真係第一次)





今日特登放下晝,



雖然今朝好凍,得13度,



但中午真係好好天,

睇下我個倩影,





獅子山呀!

不過,我就覺得佢似狗仔多啲啦!





我屋企呀..............邊間..........你估下!





因為要趕工,

所以求其咁煮咗個麵俾自己做午餐!





之後即刻開工,做咗一個鍾,



終於成功咁,



做咗一個好成功嘅海綿蛋糕~(詳細食譜)!







做咗成個下晝,唔好似為我好成功呀,



我都話我係蛋糕白痴架la,



又烏龍百出啦!



詳情聽日先續!



 



本來應該有時執下囝囝囡囡啲冬天衫,



點知黑到痺,

想打blog時又話無網絡,



終於我要出門口時先可以上到網,



所以今晩遲咗咁多!


  
  


今晚又同大老爺出咗旺角食飯,


DIF



又裝潢過,多咗好多卡位,


我鍾意食嘅石碢飯配酥皮湯!



晚安啦...我仲有嘢做呀!