2008年10月31日星期五

動力!!!


一早就發生咁嘅事,


攪到自己鬼咁唔開心,


將啲唔開心寫晒出嚟,就去瞓咗兩個鐘!!!



無人同我去離島,咪自己行下街囉,


我成日都一個人去shopping,


又有好多嘢嘢要,咁今日夠晒時間啦!!!


 
 


去完銀行,再行花園街,


因為要幫MAmiPOHpoh買大少奶本書,


行去馬健記,睇下有得買啦,



之前係三聯搵唔到,


真係俾我買到,仲有八折


心情即刻好咗,仲買多兩本新書!



一本係講伴手禮,因為星期一又要見T & P,


唔想又係整合桃酥喎,想搵啲新嘢整!


跟住又要諗下今晚整啲乜俾囝囝囡囡食!



老實講,整啲好嘢食俾屋企人食,


就係我呢個肥師奶最大的動力!


見到屋企食到唔停口,個心就甜晒!


整得幾辛苦都會忘記!


   
   


係旺再搭車去九龍城街巿買餸,


再行去買忌廉芝士,因為下星期要整蛋糕俾老豆慶祝生日!



返到屋企,收到個電話,令我好驚喜呀!


係Mommy Dearest嘅來電,


佢好有心,知我唔開心,


特登越洋問候我!


同佢傾得好開心!


"真係唔好意思,我居然聽唔出你把聲,


下次見你,記得罰我請你食飯呀!"



因為心情唔好,想整上次嘅意大利奶凍嚟食,


今次俾我買到芒果,想整多層芒果凍係上面,


點知自己心急,啲奶凍未凝固就煮咗芒果凍啲料,


咁唔可以等,咪隨意咁落咗啲芒果料入奶凍度,


都唔知出嚟係乜嘢樣添,


心情唔好整嘢都亂晒籠!


呢個樽係九龍城買架,好得意,


做咗兩杯淨奶凍,好正喎!


~意大利奶凍~



又整咗個"迷你土司",今次個方法有少少唔同,


係跟第二本書,


~迷你土司~(詳細食譜)



 


成個下午都不停咁做,無停過!


所以都無時間俾我諗啲唔開心嘅事!



今晚會整pizza,

上次整完仲有半枝pizza醬,



仲整咗兩欵意粉,


~肉醬意粉~



~白汁吞拿魚意粉~



~煎雞鎚~



~油菜~



食完飯,攞杯奶凍嚟食,


正到暈呀!!!!



 

【迷你土司-噴水焗法】~附食譜

麵包【迷你土司-噴水焗法】


2008年10月30日星期四

失敗!!!


放咗幾日假,


諗住今日約老公去南丫島行下,


平時佢絕對唔會主動話同我去行下街!


我又唔鍾意假期同人迫,


平時可以好輕鬆咁入去行下,


已經同佢前後講過兩次,


佢都無出聲(呢個係佢嘅習慣),


我對佢就係咁,我已經講過佢無反應就算,


如果佢係想咪去囉,如果佢唔鍾意我係唔會勉強人嘅!


一心諗住等今日出去玩下,


之前兩日佢都問我係咪去大嶼山?


噚日都仲問緊我係咪入西貢定係長洲?


大老爺就係咁,


永遠我同佢講時佢又唔出聲,


都唔知佢收到定收唔到?


咁見佢係咁問我去邊啫,


以為佢祇係唔記得去邊啫,仲記得我約咗佢!


今朝一早起身,就上網check船期,



點知聽大老爺個鬧鐘響喎,


咁即係點呀,佢要返工?佢無請假?


我叫自己千祈唔好發脾氣,


佢唔去咪算囉!



等到大老爺梳洗完之後,


我平心靜咁問佢"你唔係放假咩"


大:唓,你唔係話因為OT所以先放咩(心諗:乜我講過而唔放咩)


大:咁星期日同你去囉!


如:乜你唔知你老婆唔鍾意同人迫咩?


大:(大聲)問你又唔講?


如:(平靜咁)你做乜仲大聲過我啫?次次我同你講嘢時,你都唔答人,咁我點知你係收到定係收唔到啫,你咁我都唔知原來你收唔到!(其實個心真係好唔開心)


大:(隔咗陣無出聲)咁下星期五同你去囉!


如:唔去啦!(放咗成個星期假仲放咩,都已經無晒心情去啦)



連同佢食早餐都無去啦,對住佢唔知想喊定係想鬧!


我唔想再係佢面發脾氣,發咗又有乜用呀?


我想當叫自己當無事咁,做自己嘢囉!


但係唔得架

,個心真係好唔開心,點解啫!


我少少要求你都唔可以用心去記住!


一年到晚佢都無話放假同我去行下!


生日都要我自己要求佢做乜!


佢祇係識問我去邊度食飯呀,


一家咪出去食完飯返屋企囉,


咁同平時假期出街食飯有乜分別啫?


最多係食貴啲囉!



我唔鍾意唔鍾意,我好重視自己生日的!


好想係嗰日過下二人世界,


今次生日係星期日先叫佢放假陪啫!


啲仔女又唔鍾意去街!


而家無啦,本來想自己去都得架,


又唔係唔識去,不過無心情囉!


今晚買餸煮飯,再post出嚟啦!


而家等我睇下有乜可以做囉!


今晚再續...................




 

BLOG(4)~主席~小丸子!!!

   


差不多放六日假,


唔係去旅行喎,係之前諗住會OT,


咪OT前放下假囉,


點知OT取消咗,成個假期都約晒人,


咁又可以懶多幾日囉!呵呵


~伴手禮~



暫時我最有信心做嘅都係合桃酥,


因為放工先整,呢個剛好夠時間做!


唔知幾時先有其他好嘢送俾人呢?


今次用咗(低筋粉 300g、梳打粉 4g、泡打粉 8g、固體菜油112g、豬油40g、糖 120g、蛋汁 24g、糖漿 8g、水 30g、蛋黃 1 隻)


做咗42隻(每隻15g)


今次做細啲添,想做到一口一個!


47_20259_ebefefde3a926a6_8sMvA4tYxy.gif image by sharing_08
~開工啦~



靚唔靚呀?超簡單,無乜技巧!


不過最好留多啲空位俾佢發大,咁仲會靚仔啲,


因為時間關係,擺得好密!





AC4AEC00D436888AB926E58C572F3FEB_6R.gif image by sharing_08


今日個blog聚係約咗主席小丸子


主席之前見過,我仲日日都探佢架,


小丸子我就未見過啦,

47_20259_46a5493234886f1_K3JQUxhEeI.gif image by sharing_08
有啲人話佢唔知係男定係女!hahaha.........


話你知啦,佢係.............................女人嚟呀,


係一個靚靚媽咪,佢真係好鬼C得意,又好傾又鬼馬!


我地三個女人真係一個墟!


有傾唔完嘅話題,緣份真係好奇妙呢!


為咗尊重佢地,有影相不過唔可以post出嚟啦!


  
  
 
  


今日去咗西灣河,食車仔麵,


呢間係太安樓嗰檔車仔麵,


經亞蘇介紹之後,搬咗嚟呢度,


千祈唔好以為而家太安樓嗰檔係亞蘇介紹嗰檔呀,


"好記"


係之前問同事先知個地址,


以為搬咗入鋪會大啲,

47_20259_51dc939b75e3006_e6il3mcYEu.gif image by sharing_08
原來得四張椅咋!



但個亞姐真係好nice,啲嘢都好味,但無灣仔晏頓街嗰間好食囉!


睇下我地食乜?



之後坐小巴過海入將軍澳,好方便喎,


好快入到去,


因為小丸子話想食糖水,


聽聞將軍澳有間好出名嘅糖水鋪"聰嫂"


今日去試下先!



我梗係搵啲特別啲嘅食啦,呢個係薑汁涼粉,


啲涼粉好似意粉咁架,之前係雜誌都睇過,好想試,真係唔錯!



20070901_0a1a761a82036d0a1106zrp6hB.gif image by sharing_08
都唔知點解個個出嚟見面嘅blog友,

都fit過我,係咪時候又要keep fit呢!

47_20259_9681be8bfe26ee9_LHug6B68Rh.gif image by sharing_08


 
 
 
 


47_20259_a7f762b69c36e2a_qgjhHw06zc.gif image by sharing_08
今日仲好心,收到今年第一個生日蛋糕呀!
47_20259_a0871a017976ed6_9BtJIOEj8H.gif image by sharing_08


係主席係百忙之中,用寶貴嘅時間做俾我架,


佢居然記得我生日啊!

47_20259_94df373f40e1a0f_qt2UnliFcW.gif image by sharing_08


我係第一次收到朋友親自整嘅蛋糕!


主席為咗整呢個蛋糕,仲整隻手呀!


多謝晒!



而小丸子............就送咗成打麵包俾我!


好得意喎!



20080709_3bd1adad3ddbbca4660bimr-1.jpg picture by sharing_08


本來想偷懶唔煮飯,


但又唔想再出街,咪買嘢返打邊爐囉,


洗咗就得,簡單好多!

47_20259_eed884f02377a52_dxXzpyAUyx.gif image by sharing_08



今次係用我妹妹介紹嘅豆漿湯底,佢話好好味喎,


清熱又有一片片類似腐竹的係湯面架!


好好味!



我打邊爐啦!


47_20259_1ccb05ac501cdf2_P8DUgB8MpU.gif image by sharing_08