2008年6月21日星期六

DIF

今日又係HAPPY FRIDAY啦

!即係代表假期嘅開始,因為而家已經實行五天工作啦!


近年都好喜歡去呢間食西餐,貪佢可以定卡位,會坐得舒服啲(因為我地兩個都係大大大size)。


這間餐位於通菜街(女人街),而家嗰度開咗好多好多特色的食肆,不過我最鍾情都係呢間,可能我個人比較專一啦!


\


入到去你會見到好靚嘅水晶燈,好多餐廳都無咁光猛

,又有咁多咁大嘅水晶燈!



 




這是我至愛的酥皮海鮮湯,每次我都一定飲

,真係好好味架!



呢款又係我喜歡的菜色~煙三文魚凱撒沙律~啲煙三文魚好fresh!



今晩我選嘅菜色係~蒜茸虎蝦天使麵。



大老爺每次都會99%叫佢嘅~牛仔鞍

(佢每次睇咗數分鍾memu,最後都係話"唔該牛仔鞍呀")
,但餐廳最近攞唔到貨,所以次選西冷牛扒。


2008年6月19日星期四

洋蔥牛肉飯

雖然今日都係唔舒服,下午會再去睇多次醫生。

男人係咪咁架,我病咗咁耐都無問候一句,
乜講句嘢咁難咩?


既然放咗假,咁就要照顧囝囝囡囡嘅午餐,今日都係煮啲簡單嘅餸菜。



洋蔥牛肉飯


[肥牛一盒、洋蔥一個]


Step 1:先將肥牛解凍,再切半,用胡椒粉、雞粉、薑汁、糖、豉油醃半小時。


Step 2:洋蔥切條,起鑊爆香加少許糖會好味啲。


Step 3:洋蔥軟身之後,加入肥牛,落少許鹽,炒至牛肉轉色變熟,加入2湯匙燒肉汁(下圖)


囝囝囡囡嘅結論係好味!


(點解我要問佢地?

因為我肥唔敢食肥牛囉!講笑咋,不過我真係唔係好鍾意食,我自己就食杯麵算囉!)


這瓶$22

金菇真姬菇炆玉子豆腐~咸蛋蒸豬肉~紹菜炒土魷


雖然唔舒服,但都想煮啲清清地嘅餸菜食!


係度要多謝咁多位關心我嘅blog友


金菇真姬菇炆玉子豆腐


[金菇一包$3.5、真姬菇一包$5、玉子豆腐2條$3.5]


Step 1:先將玉子豆腐切厚片,燒熱油鑊炸至表面燶燶地,盛起。      Step 2:用蒜頭爆香,棄掉蒜頭,倒入真姬菇加入少許雞湯、少許蠔油、一茶匙糖略煮,再加入金菇煮至軟身。


Step 3:倒入之前炸好之玉子豆腐,炆一會,埋獻,OK。



咸蛋蒸豬肉


[咸蛋2隻、豬肉$10]    


Step 1:將豬肉切片,用豉油、糖、胡椒粉、雞粉]醃半小時。             Step 2:打開咸蛋倒入1隻半咸蛋蛋白,撈勻豬肉。


Step 3:將2隻咸蛋蛋黃切細放在豬肉面。


Step 4:用鑊燒滾開水,放入咸蛋豬肉蒸12-15分鐘,OK!



紹菜炒土魷


[紹菜1個、土魷3片]


Step 1:先將土魷浸至軟身(不可浸太耐,會令土魷無味)。              Step 2:將紹菜切粗條。


Step 3:燒熱油鑊落數片薑爆香,先爆土魷,落少許酒,再倒入紹菜加鹽、糖、雞湯蓋上鑊蓋煮至菜軟身,OK!







【咸蛋蒸豬肉】~附食譜

咸蛋蒸豬肉[咸蛋2隻、豬肉$10]    

Step 1:豬肉切片,用豉油、糖、胡椒粉、雞粉醃半小時。
Step 2:打開咸蛋倒入1隻半咸蛋蛋白,撈勻豬肉。
Step 3:將2隻咸蛋蛋黃切細放在豬肉面。Step 4:用鑊燒滾開水,放入咸蛋豬肉蒸12-15分鐘,即成。

2008年6月18日星期三

感冒

今日好唔舒服
好不容易捱到放工
,都係要俾錢醫生賺!
所以都無買餸煮飯囉!希望明日會好啲啦!

2008年6月16日星期一

芙蓉蛋飯~青瓜煎魚柳~咖喱薯仔雞翼~馬蹄土魷肉餅~粉葛紅蘿蔔唐排湯


今日唔係好舒服!

其實噚日已經開始喉嚨痛,今朝起身仲痛,快啲食番兩粒"幸福"!


本來唔係好想煮午餐俾佢地食,但出去又唔知食乜,終於整咗


芙蓉蛋飯 [蛋4隻、义燒$10、銀芽$3、蟹柳3條]         Step 1:將义燒、蟹柳切絲,打蛋加少許鹽。           Step 2:炒一下义燒,將銀芽一齊同义燒炒軟,盛起。  Step 3:燒熱個鑊,落油,將蛋汁倒一半落鑊,再將一半义燒材料放係蛋面,煎好一面,慢慢將蛋反轉,再煎另一面。                                                       Step 4:將"甜豉油"加一茶匙糖煮溶,做飯汁。



我就因為太肥,所以食米粉好啦!



"晚餐啦"


咖喱薯仔炆雞翼~青瓜炒魚柳~馬蹄土魷肉餅~蒜茸炒白菜仔~粉葛紅蘿蔔唐排湯


咖喱薯仔炆雞翼                                             [雞翼10隻、薯仔2個、紅蘿蔔數片、咖喱粉]             Step 1:先將雞翼解凍,用雞粉、胡椒粉、豉油、酒、糖醃半小時。                                                   Step 2:薯仔、紅蘿蔔切件。                            Step 3:先起油鑊爆香雞翼、薯仔、紅蘿蔔,再落咖喱粉,加水,炆至乾水。



青瓜炒魚柳                                                   [青瓜2個、魚柳1件]                                      Step 1:將魚柳解凍,用胡椒粉、薑汁、酒、雞粉醃半小時。                                                      Step 2:撲小許生粉於魚柳面,切件,用平底鑊煎香(可加蒜鹽),盛起。                                              Step 3:起鑊炒青瓜至熟,加入魚柳,上碟。


係吉之島買嘅!


馬蹄土魷肉餅                                                [豬肉$15、馬碲3粒、土魷2片(中size 2片,大size 1片)]Step 1:先浸軟土魷(唔可以浸太耐,土魷會無晒味),馬碲、土魷切粒。                                               Step 2:挅好豬肉,加入土魷粒、馬蹄粒、雞粉、豉油、生粉、糖攪均,記得加少許水,肉餅會無咁硬。            Step 3:蒸10-15分鐘,收水就OK!



滿足呀!