2008年5月30日星期五

落雨天

成日都落雨

幾時先停呀?行到邊都濕漉漉!


今晚老公唔得閑同我食飯。我會同囝囝囡囡食飯。


 

2008年5月29日星期四

一齊放工

2008年5月29日(星期五)雨


噚日放工接到老公嘅電話,佢話係灣仔過緊嚟,係金鐘地鐵join我。真係奇怪,老公最唔鍾意搭地鐵,係灣仔佢可以搭過海巴士返屋企,佢好似特登咁坐地鐵過金鐘同我一齊放工!SWEET!!!!!


 

2008年5月28日星期三

好心的香港人

噚日發生咗一件令人好開心嘅事!


囡囡好唔小心咁留低咗個手電係巴士度,當佢call我話這個消息俾我知的時候,我都還開始嬲,已經接到一個由囡囡手電打出嘅call,即刻問佢係咪執到個電話?係一個女仔嚟,我問佢可唔可以俾番個電話我,佢仲好人到攞到我屋企樓下俾番我個女,我用這件事去教訓個囡,將來可以幫到人的時候,記得幫番人。


香港真係有好人㗎,如果個個都係咁,香港就好太平la。


點解我咁講,因為上星期五,囝囝係籃球場打波,將啲書包放咗係籃球架下面,以為好安全,點知有啲貪心嘅人,偷咗個仔個PSP,好彩無偷佢個銀包同電話咋,我估一定係啲貪心嘅細路偷,如果偷慣嘢的人就唔會唔偷埋佢個銀包la。


多謝噚日個細路女,多謝晒!!THANK YOU!!!!

2008年5月24日星期六

犀利

一個人居然咁犀利,可以利用咁小嘅事攪大佢!我都唔弱,俾咗小小顏色佢睇,佢唔好以為可以玩到我,我一啲都唔介意,佢鐘意玩乜由得佢,點解啲人自己唔得可以講到係人地令佢咁,可以將是非顛倒,黑白不分,其他啲人聽到會相信佢,我就俾人插到背脊都花晒。


昨日本來想老公同我分享一吓佢咁多年管人經驗,但佢咁反應令我退步。今日佢居然話返龍翔食齋,佢都未試過,我覺得好奇怪,佢約我7點3,7點2佢嚟唔到仲call話俾我知塞緊車,咁咪好囉,大家有溝通,我唔介意等,但我都想知為乜要等!見到佢之後,一路我都同老公講個ca啲嘢,佢一路聽後來都俾咗啲寶貴嘅意見我!


今日買咗一本"活在當下",我都想做人做得輕鬆啲!

2008年5月23日星期五

出煙!

乜有啲咁嘅人架!今日真係好忙好忙,仲要俾個小人com我針對佢喎!係呀!我係唔鐘意佢,由一開始佢已經唔接受人地意見,一同佢講佢就話我針對佢,我真係無咁多時間玩佢呀,我根本唔當佢存在,明知佢唔話得,我都好少話佢,不過佢真係成日都做錯嘢,有好多嘢我都攪掂算數,但有好多嘢都要交代架。


一心想返到屋企同老公講吓,但講唔夠兩句,佢淨係望住個電視,根本無心聽我講嘢,我真係好想佢同我分享吓,見佢無在意我講乜,咪停口囉,佢居然唔覺我停咗口,繼續睇佢個電視,唉,點解我最親的人係唔可以傾計架?乜知己唔可以係老公啫?真係好無癮,想同佢講吓啫,你無意見都聽吓我講嘢呀!

2008年5月19日星期一

激氣

兩個仔女真係好難教,噚晚12點幾已經叫佢地瞓覺,點知到咗1:22見到佢地仲未瞓。激到死死吓,點解咁大都要我管住佢地先會早瞓,每朝都咁早返學,日日咁夜瞓朝早邊有精神上堂,所以佢地啲成績好差!老公仲同我投訴囡囡星期五睇電視睇到三點幾先瞓,唉!唔通我日日教鬧鐘叫佢地瞓覺咩!我一唔係度佢地就無晒規矩,瞓到12點先起身,老公又話叫唔到佢喎!唉.................................發生乜事,佢地仲要考試但就日日都唔見佢地溫書喎。點算>.<


我俾佢地激到發惡夢呀!係個夢裏我仲想跳樓!真係俾佢地激得好緊要!


今晚我祇係叫佢唔好將佢啲襪同我地啲底衫褲一齊洗啫,點知佢居然反駁我話咁不如我啲底衫褲唔好同佢地啲一齊洗,我好唔開心,佢隻腳一路都係咁佢又唔理,我唯有盡量避免,佢啲襪就同啲牛仔褲一齊洗,咁樣會好啲,無謂將啲菌傳染俾啲仔女,叫佢醫好對腳佢又唔理,仲咁同我講,我仲可以講乜啫,我俾佢激到好唔開心,我為咗呢頭家盡心盡力,但點解佢可以唔顧他人的勸告,而仲要傷我的心呢!佢啲習慣永遠都唔顧人,咁我仲可以做乜,唯有盡量自己做囉,唔通同佢鬧交!唉................,我做人老婆連講一句為家人好的說話都會俾人駁返轉頭!

祈福之旅

5月16日放工同兩位同事上祈福玩兩日,未上之前都有些担心,唔知會點,因為呢兩位同事我都未同佢地去玩。上到去都已經十點,執好間屋就瞓咗!


5月17日星期六,佢地兩個係喜歡自遊行的人,已經去過好多好多地方,同我去旅行的方式好唔同,我係一個好依賴的人,覺得去旅行係想休息,最好什麼都不用諗,全部有人安排好就得啦!但喜歡自遊行的人,係好懂得享受旅遊的樂趣,我好佩服呢的人,我都好想跟佢地去旅行,因為可以好玩又唔使自己安排,幾好呀!我地坐車去海珠廣場,去到華僑大廈落車,跟住去食咗啲嘢,再去萬菱廣場行,個度實在係一個批發巿場,啲貨品都好熟口面,但價錢就好平,我地行了六層樓(全座有八層)已經頂唔順,好倦亦都買咗好多嘢,好開心!但都無去到北京路,因為我都好倦,如果係佢地一定再去行埋北京路,我地4點幾搭車返祈福,6點幾返到去藥膳坊食晚餐,之後返屋企坐咗一陣再出動商場修甲。


5月18日星期日,食咗早餐行商場,我地都買咗好多嘢,大家收穫豐富,中午食日本餐,之後返屋企執搭車返香港。


成個旅程都幾好玩,不過我最喜歡的沐足就無做,因為佢地都唔喜歡所以下次先做!

2008年5月14日星期三

卡拉OK

昨日係我一生人第二次去卡拉OK,呢嘅地方老公係唔會帶我去,佢都未去過(我諗)。噚日放咗半日同Florence和Kathy去玩。唱完K之後去德昌食魚蛋粉,不過唔係幾好食。返翠竹老公仲未同啲仔女食飯,再同佢食飯!


睇到四川地震啲消息,好多父母無咗啲仔女,好慘!覺得自己好幸福,仔仔女女都係身邊,應該好好咁享受呢幾年,啲仔女大啲就唔會成日係你身邊!佢地會有自己的生活!所以老公就係我個伴,老公你一定要健健康康同我白頭到老呀!


 


 

2008年5月13日星期二

佛誕

佛誕,對於香港人來說,祇係多咗一個公眾假期。


噚日都係執個女啲嘢,好多好多垃圾,一個女仔間房可以咁亂,我都要好好教育一下佢啦!不過,執咗啲位之後,間房光猛咗好多,佢可以開心啲咁做功課!幾好!


老公都係咁啦!佢覺得母親節係仔女同亞媽慶祝的日子,同佢無乜關係,但我係電視上見到啲男人,都會為老婆而驕傲,因為老婆為佢帶來可愛小朋友,都會為仔女買花俾老婆!可惜我家這個男人係唔喜歡咁做,我祇好認命!


 

2008年5月12日星期一

勞氣呀!

呢個就母親節,同平時一樣我都會想像有冇人俾驚喜我,但又一次失望。


囝囝係就係教咗鬧鍾,但響咗兩次佢都唔醒。咁老公咪搵位俾我飲茶囉,但我叫咗佢仲要等佢成個鍾先落到酒樓。中午係屋企執個女間房,亞仔就請咗我食下午茶。夜晚仲勞氣,我都無諗過佢地會同我去邊度食飯,叫佢地出門口係一件成日令我勞氣的差事。老公永遠都會係你預備好出門口個時,佢就會掃地拖地,仔仔見亞爸咁佢又會唔出房住,老公見到仔仔瞓係房,佢又會拖耐啲,咁我咪越等越勞氣囉,次次都係咁,連母親節都唔例外。唔同我慶祝都唔使我咁勞氣得唔得。我已經問佢地出得門口未,先去裝身,估唔到都要勞氣。個天點解俾呢兩個男人我呀?

2008年5月11日星期日

母親節

一早見老公起咗身,仲以為佢去搵位俾我飲茶,點知出房見佢又係度攪電腦,真激死,可能佢見咁早,佢就係咁,就算知好多人飲茶都祇係會早小小,唔似我咁情願自己傻傻地咁係度等佢地,都要好早好早咁去等位!囝囝個鬧鍾九點幾就係度叫,不過叫咗兩次佢都無起身。


我咪曾經話過自己做唔好一個媽咪,會避開佢地,一個人出去靜下,不過我始終無咁做,佢地喜歡點就點,同唔同我慶祝亦都唔係我可以控制,老公十點出去搵位啦,但都唔係因為我,係佢喜歡飲茶啫!

2008年5月10日星期六

母親節啦!

今朝老公同我食咗早餐先去跑步!佢今個禮拜都幾勤力!我諗我要六月先去跑番步!


每年母親節都好忙咁同兩位母親食飯,同人地慶祝!但就無人同我呢位母親慶祝嘅?乜我仲未有資格嗎?


母親節同亞媽食飯祇係一種表示啫!最緊要係平時多啲關心啲老人家,你嘅一個電話都會令他們好開心,已經唔同住,得閑同佢地食吓飯飲吓茶,係仔女應該做架!不過都唔係每個仔女都知要咁做! 

2008年5月9日星期五

生活

每次老公去跑步,見到佢嘅背影,我都會好矛盾,一方面想佢多啲運動,另一方面又担心佢有事,我係唔可以無咗佢㗎!唯有祈求佢平安,見到佢回家才會鬆一口氣!


仲有兩日就係母親節啦!可能乜事都無發生,老公唔會有乜行動,佢都唔會感激我為佢生咗兩個可愛的仔女!


天下母親都係咁偉大,所有母親"母親節快樂"

生活

每次老公出去跑步,見到佢嘅背影都會好担心,心情係好矛盾,一方面想佢多啲運動,另一方面担心才就會鬆一口氣!


昨日睇到個女寫嗰個weblog嘅內容,如驚訝,啲內容我都寫唔到,唔知佢係咪係第度抄番嚟呢?


內容係"♥ ……感性的傻瓜…… ♥   一個傻瓜在生日那天許下一個願望,她希望以後都不要哭,漸漸地她變得很堅強。她學會在別人面前裝起一副假笑臉。由這一刻開始,喜怒哀樂就開始遠離她了,連感覺也變得遲緩了。即使她對事情變得不夠敏感,可是她仍然愛哭。尤其在夜深,她寂寞的血液會走遍她的全身,使她回想起每一幕傷心的時刻。這時,被迫糾纏在不幸中的她會痛哭一場。她沒法去控制自己失控的情感,真是一個感性的傻瓜。如果你愛哭,就痛哭一場吧!心要受傷已經夠難受了,身不能讓感覺舒坦,這是一種死亡的窒息感。心還能感受時,就是生存的感覺,活著就是要擁抱著愛"


睇完我都好有同感。


 



 

2008年5月8日星期四

生活

今日睇到個女個blog,唔知點解佢可以寫到啲咁嘅嘢,係咪係邊抄番嚟!我睇完之後好有同感!


同亞女都無乜嘢啦,始終個女係我嘅!


噚日同亞女去做健康檢查,亞女各樣都好正常,祇係瘦咗啲!不過佢居然話自己有個小肚腩喎!呵呵呵


有時我都會諗自己其實好幸福,唔知點解成日諗嘢都咁灰!

2008年5月7日星期三

母親節

今日放假,下午會接女放學去做身體檢查!


今朝好想老公同我食早餐,不過諗一諗老公一定唔肯,所以都無同老公講!算吧!


噚日俾個女激到死,又咪要幫佢買泳帽,做媽咪係咁!