2008年12月9日星期二

無網!!!

各位好友


好掛住你地呀!



屋企上唔到網,



最快要到星期三晚,


待維人員上門修理!


希望星期三有功課交啦!



而家返公司先可以覆你地,



好慘呀!


唔好唔記得我呀!!!!!


35 則留言:

  1. 111
    [版主回覆12/09/2008 08:13:00](Empty)

    回覆刪除
  2. 尋晚好多人等妳 !!
    [版主回覆12/09/2008 08:14:00]我知呀!無法啦!上唔到綱,等人嚟維修! 噚晚同亞仔炒大鑊,你地個個覺得我做得好咩,屋企人唔覺呢? 講多咗兩包,亞仔叫我收口啦,我有乜地位呀,心淡,喊足成晚!

    回覆刪除
  3. 亞囝唔似無禮貌喎 .
    而家嘅年青人,唔知點解,個個都係敢.
    不過我個女有時都會激我.
    [版主回覆12/09/2008 08:51:00]佢唔係無禮貌!你係說話傷到我啫! 佢唔明我點解咁小事都會話佢,又唔鍾意我講番以前啲嘢!

    回覆刪除
  4. 趁呢兩晚無電腦用,同亞囝傾下.
    話比佢知,佢傷咗您個心. 
    [版主回覆12/09/2008 08:50:00]無得傾架,男仔同女仔唔同,佢十幾歲會覺得自己好識諗!

    回覆刪除
  5. 早晨~我一路都覺得囡好過仔架,因為我d哥哥兩個都幾曳吓架,激到我亞媽cc吓 不過我個亞媽又唔知點解有乜事都好想搵佢地喎 其實都明知佢地係幫唔到手啦
    [版主回覆12/09/2008 09:17:00]我係唔明點解我講多兩句,佢次次都會叫夠啦,唔通我俄兩句都唔得咩?唔好講話鬧佢呀,自己講嘢都罪呀!

    回覆刪除
  6. 早晨~我而家要湊亞妹返學啦
    [版主回覆12/09/2008 10:23:00]早晨呀!返嚟再傾!

    回覆刪除
  7. Morning..
    對我地嚟講,冇腦用仲過冇飯食
    [版主回覆12/09/2008 10:23:00]早晨呀!我屋企個上唔到綱,已經call了維修,最快要星期三晚先可以上綱!而家返工司先可以上網!無法啦,都要等,好彩公司可以上綱!

    回覆刪除
  8. 我想好多年青人都唔鐘意父母講番他們以前啲嘢。他們在這個年齡是非常敏感的,想學做大人但又沒得,有時他們也不知道自己講了不該講的話也難控制自己的情緒。給他一點時間吧!他會知道阿媽對他的好。現在,放鬆你的心情,試下放手,讓他成長。Let him know that you LOVE him and will be there for him anytime he wants you...
    [版主回覆12/09/2008 10:27:00]早晨呀!係呀,佢地唔人知佢地嘅語氣唔好架,淨係話亞媽好忟憎!佢上次係餐廳當眾話我唔識教仔佢都唔知自己錯架!佢唔做人老豆係唔會明架!我都已經好放手,係佢唔俾我講嘢呀,我前都講唔夠十句! 而家同佢講嘢我都要就住啦,佢又唔知? 佢知我有多愛佢就好啦! 唔記得你上次俾我個綱址呀,你再俾我呀,你成日嚟探我,我唔探你唔好意思呀!

    回覆刪除
  9. 邊會唔記得你..我噚晚等到今朝...仲諗住排第一..點知排第5...我下次一定要排第一...等我如月...
    [版主回覆12/09/2008 10:28:00]早晨呀!我屋企個上唔到綱,已經call了維修,最快要星期三晚先可以上綱!而家返工司先可以上網! 我一返公司即刻上綱啦,今晚都有嘢出,我係公司打定囉,不過要聽朝先可以覆你地!今晚睇你攞唔攞到第一啦!

    回覆刪除
  10. 喊足成晚?唔好ar,好易老嫁,豬
    放鬆d自己,盡量唔好係阿仔面前表現失控,佢地唔會明白,仲會自以為是一句咁(duck)埋尼,搞到肉緊到死既阿媽即時七孔流血、心到痛埋。我既方法比較阿Q,見佢地唔arm時,盡量唔即是出聲,殘酷講d就係睇下你點c先,等佢碰釘後知衰,再搵日大家心情好好地,半開玩笑嘻笑怒罵咁(連本帶利)教訓佢一頓!
    唔好激心喇!老呀
    [版主回覆12/09/2008 10:30:00]早晨呀!我屋企個上唔到綱,已經call了維修,最快要星期三晚先可以上綱!而家返工司先可以上網! 唉,你未做媽咪你唔明架,一句無心之言可以令我好難受!我好易喊架! 我上次唔啋佢成個星期,佢都唔知係自己錯架!

    回覆刪除
  11. 我諗仔仔 唔係有心講...可能衝口以出叫你收口..佢同你嘈完可能知道自己做錯呢... 慢慢傾下la....
    [版主回覆12/09/2008 10:31:00]佢係無心,但我好難受MA,都講唔夠十句,佢話我講咗成十幾分鐘喎,亞爸俄佢幾耐佢都唔會駁咀架!我上次唔啋佢成個星期,佢都唔知係自己錯架!

    回覆刪除
  12. 如月姐,唔好咁啦,我都經歷過呀,我都比個大囡激到扎扎跳,抱頭痛哭。我自問唔能夠做到100分,但都係盡咗力,年青人無乜受過挫折,亦吾明白做父母心情,大家世代唔同,我哋想佢行自己心目中行o既路,可 惜,佢哋有自己諗法,無法勉強,只能順其自然,盡左自己責任就算,一切各安天命!
    我跟你個譜做咗個 益力多芝士凍餅 ,但緊係無你做得咁靚啦!
    [版主回覆12/09/2008 10:44:00]你最明白我!我喊都係發洩下啫! 我都係咁話,一早6點起身做到夜晚9點!有冇人明白我有幾辛苦呀?次次開飯佢就瞓咗,叫幾次又唔鍾意!我會啦,我會唔啋佢,睇佢自己識唔識得出嚟食飯!唔食就算,無佢咁好氣! 我個餅唔係好好味咋,實咗啲,但我個食譜已經改咗,係咪好啲呀?你話我知呀?

    回覆刪除
  13. 今次真係無網之災
    [版主回覆12/09/2008 11:02:00]係呀,好慘!

    回覆刪除
  14. 我今晚至食呀,食咗話你知。喊咗出來會好啲,同埋得閒上來呻吓,吾係真係抑鬱病呀!
    [版主回覆12/09/2008 11:03:00]我會啦,等啲媽咪聽我呻下,如果唔係屋企個個都唔明白我架!

    回覆刪除
  15. 乜呀!我個仔同你個仔差唔多大嫁,16歲嫁喇
    [版主回覆12/09/2008 11:05:00]吓,我仲以為你未嫁添,因為都係最近先識你!你都仲好後生啫!

    回覆刪除
  16. 我個囝都係咁呀, 真係一句都唔話得, 同佢講一句野咋, 即刻閂門費事聽我講呀....真係囡好好多呀....
    [版主回覆12/09/2008 13:45:00]講得啱!

    回覆刪除
  17. 無 pc 用, 真係好慘喎!! 盼望快o的整好佢啦!!
    [版主回覆12/09/2008 13:46:00]約咗星期三嚟整!

    回覆刪除
  18. 細路唔好同佢計較唔好放係心啦,只要盡了自已的責任,其他人要點諗點睇已唔重要,包括你仔仔,試問我地細個時何常唔係好似佢地咁,但邊個對自己好實在心中有數。
    [版主回覆12/09/2008 13:47:00]收到啦!多謝你!

    回覆刪除
  19. 又無網!!?? 不過好快就星期三晚啦!!
    [版主回覆12/09/2008 13:58:00]係個"mothem"(唔知點串)壞咗呀!要換!

    回覆刪除
  20. click入『留言』就可以回應啦!
    [版主回覆12/09/2008 15:24:00]等我試下!

    回覆刪除
  21. 下~~~~~原來無得上網!!!!
    我會等等等等等你!!!!!睇唔到你既blog日子好難過啊!!!!!
    其實因為睇咗你個blog,幾年無開爐既我,已被你引出山啦!!!~~~近排跟你做了蛋撻,牛油蛋糕,紙包蛋糕,曲奇~~~不過一焗完老公同個仔食晒無影相~~~等你啊!!!!
    [版主回覆12/09/2008 15:26:00]唔使等,我有少少料係度,今晚都有得出,不過無腦覆你地啫! 原來你都識架,我係6、7月先開始咋!咁我想問下你,因為我試過打蛋白失敗,你點打蛋白架?啲蛋要凍定要室溫呀?

    回覆刪除
  22. 您用邊間電訊公司的??我用網上行,
    今天打去比他們,翌日便上門的了~
    點解連Modem都可以用壞的呢??犀利~哈哈哈~
    點會忘記您呢~明天見吧~我要出門了
    [版主回覆12/09/2008 16:36:00]
    我用和記!Modem得番一粒燈着! 今晚都有blog呀,係公司預備架!

    回覆刪除
  23. 上唔到網真係好悶架
    [版主回覆12/09/2008 16:36:00]係呀,今晚都唔知點過?

    回覆刪除
  24. 我真係好掛住你。。。。
    [版主回覆12/09/2008 16:51:00]唔使掛,我今晚都有嘢出!而家未放工,仲可以同你傾計!

    回覆刪除
  25. I'm back!!!!!!!!!!!
    [版主回覆12/09/2008 17:01:00]我仲係主席度話掛住你添? 今晚都無腦用,不過你仲可以入嚟攞第一架!記住呀!

    回覆刪除
  26. 其實男仔都覺得亞媽好煩,樣樣都唔啱,亞爸無咁挑剔,佢地未做過亞媽唔會明白o家啦!
    [版主回覆12/09/2008 17:02:00]係呀,佢地真係唔明架!唔出聲個個咪最好囉!

    回覆刪除
  27. haha~~~我係嗰D跟食譜做既人嚟架!!好多嘢都唔識架~~~
    [版主回覆12/09/2008 17:03:00]唔好話自己唔識啦!

    回覆刪除
  28. 等繄睇你的搵靈感嫁,快d好番啦?
    [版主回覆12/09/2008 17:04:00]星期三嚟整!

    回覆刪除
  29. I'm miss you too!!!
    仲有唔夠半個鍾就收工啦.
    同仔仔和好未呀???????
    [版主回覆12/09/2008 17:07:00]係呀,仲可以傾半個鐘咋!聽日見啦! 噚日嗌完,今日都未返屋企!上次我唔同佢講嘢成個禮拜,佢都無同我講嘢喎,佢都唔覺得自己有唔啱!

    回覆刪除
  30. 錫番啦!!!佢又係衰D嘅!!!
    [版主回覆12/09/2008 17:07:00]你放工啦?攰唔攰呀?

    回覆刪除
  31. 仲有15分鐘,諗到今晚食咩未?
    [版主回覆12/09/2008 17:15:00]洋葱豬扒,芋頭臘鴨脾,菜心,隔夜湯!

    回覆刪除
  32. 無咗電腦又真係幾慘 ,希望聽日攪掂喇!
    [版主回覆12/10/2008 15:47:00]今晚嚟整啦,希望得啦!

    回覆刪除
  33. 快o的整好個網啦﹗慘...
    [版主回覆12/10/2008 15:47:00]今晚嚟整啦,希望得啦!

    回覆刪除
  34. 哇…壞腦真係人間悲劇呀!
    [版主回覆12/10/2008 15:48:00]我都係咁話!好悶呀!

    回覆刪除
  35. I know 好慘, my pc fan was spoilt last week and HOW difficult to pass the time!!
    [版主回覆12/10/2008 15:48:00]今晚嚟整啦,希望得啦!無得傾計....

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^