2008年12月10日星期三

年青人!!!


無端端返到屋企上唔到綱,


好悶,

平時一食完飯,


就開始好忙咁打blog,上載埋啲餸!


再巡下blog,好充實!


無咗電腦,原來咁得閒!


可以做平時無做到啲家務!




噚晚發生啲事,攪到自己鬼咁唔開心!

自問盡量做到最好,


外人都明白,點解反而屋企人唔明白啫!


讚就一定無,講多句嘢都俾人話!


做得咁辛苦,

唔通講多兩句都有罪咩?


乜我呢個媽咪唔值得尊重咩?


做咁多嘢佢地根本唔領情,


仲會覺得你好煩,係咪咁架?


定係我做得唔好呢?係我對佢嘅說話太介懷?


係咪啲年青人一定唔會明白父母的心?


十幾歲以為自己好識諗,


其實連自己嘅前途都摸唔清!


而家做人父母唔係大晒,


仲要學習點同啲年青人溝通!




今日屋企唔到網,


雖然公司可以上網,但上載唔到相片,


今日都係出番之前做過嘅餸!


~蠔仔煎蛋~(詳細食譜)




各位


唔好意思,你地嘅回應,


我會盡量聽日覆你地!!!!!!!

31 則留言:

  1. 1
    [版主回覆12/10/2008 08:30:00]
    早晨呀!好乖喎!

    回覆刪除
  2. 22222
    [版主回覆12/10/2008 08:30:00]早晨呀!你都好捧場喎!

    回覆刪除
  3. 細路仔噶 叛逆期 系甘噶喇~
    互相 理解下喇~~~
    [版主回覆12/10/2008 08:31:00]我都知!等緊佢成熟! 我想問你個BLOG名點讀呀?

    回覆刪除
  4. 唔好唔開心! 佢大個就知道你對佢好!
    [版主回覆12/10/2008 09:03:00]早晨呀!有你支持我會好開心!

    回覆刪除
  5. 平心靜氣攤出嚟講啦,講你自己嘅感受,然後罷工一星期,日日做D令自己開心嘅事,你其實需要放吓假,仔女大個,唔駛日日煮掛!!!???
    [版主回覆12/10/2008 09:03:00]早晨呀!好少機會架,佢成日都係房! 罷工.........我做唔出,之前俾大老爺激到CC下咪又CC地氣咁煮飯!唉............ 我成日都放假架啦,我呢兩個星期返得兩三日工咋!我得番三十幾日假咋!

    回覆刪除
  6. oh,I'm too late again!!!!!!!!
    [版主回覆12/10/2008 09:01:00]早晨呀!點解又咁遲呀?

    回覆刪除
  7. 你話得佢多,又話你煩,唔提點佢,有驚佢行錯方向,要心平氣和慢慢同佢傾、講~
    [版主回覆12/10/2008 08:59:00]早晨呀!我今次都唔係話緊佢,我話緊大老爺啫!

    回覆刪除
  8. 我同妳既情況都係一樣, 我諗而家的年輕人都係咁既....
    [版主回覆12/10/2008 08:59:00]早晨呀!可能係啦!

    回覆刪除
  9. 自問盡量做到最好, 外人都明白,
    點解反而屋企人唔明白啫!--->> 因為他當您是"親人",
    他們已習慣您的照顧了~而且 ,後生仔會覺得亞媽照顧個家,
    是"應份"的,唉~~
    您試吓聽卓高意見,罷工一星期,家中沒您照顧,
    他們便知您的"好"了~
    [版主回覆12/10/2008 08:59:00]早晨呀!因為太熟? 我做唔出罷工,我又會CC氣咁煮飯俾佢地食!我會罷口啫!我噚晚自己裝咗飯自己食,無叫佢無理佢無啋佢! 反而囡囡知我唔開心,自動自覺咁幫我手!

    回覆刪除
  10. 我都好怕好驚我將來個小朋友好唔聽話, 唔知我人大左, 覺得尊重別人係一定最緊要, 我發覺依家呢一代的人, 全完唔識咩叫禮貌, 所以我教小朋友第一件事, 一定要有禮貌要識尊重別人.
    你唔好太在意小朋友講什麼喇, 做好做媽媽的本份就得喇....  開心D啦....
    [版主回覆12/10/2008 08:57:00]早晨呀!所以我教佢地一定要尊重老人家同長輩!長輩講錯嘢或唔啱聽都最多唔出聲唔准佢地唔尊重老人家,所以佢地都好尊重老人家! 可能佢唔覺得我係長輩啦,唔識得尊重我! 我見好多新一代媽咪爹地唔識教仔女(同事),成日以為啲bb細唔識聽,我勸你仔女要由bb開始教架,佢唔識聽會感受到你嘅語氣!

    回覆刪除
  11. 我想問由細到大你囝囝聽唔聽你講.?...佢聽你講定爸爸講仲有平時同囝囝溝通會唔會擺媽咪款?.. 多唔多同囝囝傾計.?
    我知道是下青少年你同佢講多句都話你煩.. 鬧交時最唔好不停話佢點衰點錯.. 因為一講就出事..反抗仲大,應該好似朋友般跟囝囝相處和溝通,佢自自然然有咩都會同你講 。
    [版主回覆12/10/2008 08:53:00]早晨呀!由細到大佢都係跟住爸爸,爸爸唔會打佢地唔會哦佢地,佢好錫爸爸!由細到大出街爸爸抱哥哥我抱妹妹! 而家做人媽咪無得擺媽咪款架,仲要就住咁同佢地講嘢,好似朋友咁,唔鬧得! 我無話佢衰,我淨係同佢嗌點解我講多兩句都唔得,佢咁識講道理,咁又唔見佢知道我有幾辛苦,朝朝6點起身做到晚上9點,佢聽完祇會覺得我煩,佢都唔領情!

    回覆刪除
  12. 唉…唔好咁啦! 我都認同,而家同年青人相處係要學,但係同時間佢哋又好反叛,唔聽父母講,以為自己好叻…
    [版主回覆12/10/2008 08:48:00]早晨呀!你啲仲細,好似我啲你就知,以前媽咪一有嘢就鬧,我而家做人媽咪同佢地講嘢都要就住,尤其是男仔,好啋你同我一樣有個囡囡,囡囡真係好錫媽咪架,我話要食甜筒,佢噚日放學都記得買甜筒俾我食!

    回覆刪除
  13. 我刚在六点下机了,又要收拾行李,快速洗衣,希望今天有大太阳,上海我到达时零下一度,冻到丫!
    你真是好妈妈,照顾到十足十,他们俩不领情就無辨法了,身在福中不知福,如卓高說,不理他们試下點,头头一定死開心,慢慢就会知道味道。你要忍口不講話,讓他们感受一下無人哦(同照顾)的滋味.
    我在上海也有很多时间同囡囡倾計,也跟她談談我的心事,或者試下反过来同他们單對單的談天,如你的工作,人生觀,不要談學业,睇下有什么反应!
    [版主回覆12/10/2008 07:57:00]早晨,你返來啦!如無意外,今晚會整好個modem架! 上海好唔好玩,黃浦江夜真係靚過香港維景架! 我噚晚食飯自己裝完自己食,無叫佢無裝佢啲飯,我唔會再哦佢!有時我都會同佢傾,我覺得無乜用囉!
    反而囡囡聽完我地嗌交,噚晚好乖咁,我煮完一碟佢就幫我攞出去,自動自覺,因為囡囡最了解我,佢知亞媽有幾傷心!

    回覆刪除
  14. 唔好嬲,D年青人系咁架嘞.我屋企個三個公主咪又系咁,有時咪又一句說話"得"埋黎,真系想一腳kick佢出街,有時諗我有咩錯啫,已經你想点就点嘞,你要去边做乜嘢都盡量安排,都唔足夠滿足.我認同Mommy咁講,比D時間同佢去行吓街食下嘢,唔好成日哦佢,讚多D佢,佢幫你做咗嘢,就話你真系乖,等媽咪冇咁辛苦,好體諒媽咪"唔好淨系睇佢嘅短處,多D稱讚佢嘅長處,我地呢D生長於傳統中国家庭的家長,好少讚自己仔女,因為驚讚壞佢地.試下多D讚佢,多D同佢溝通,明天會更好!
    [版主回覆12/10/2008 08:46:00]早晨呀!我同佢講嘢不嬲都要就住,話又唔得哦又唔得!我個晚都唔係話佢,我係度話大老爺之ma,佢好錫個老豆架! 我唔啋佢,佢自己識得出嚟食飯咪食囉,唔識咪無飯食囉,做乜我要服待佢地啫!做得幾好都無人讚,哦多兩句就收我收聲!

    回覆刪除
  15. 早晨 !!
    今年過冬無雞吃 .
     
    [版主回覆12/10/2008 10:09:00]早晨呀!我無拜神又唔鍾意雞!媽子就慘囉!

    回覆刪除
  16. 係呀, 我都見好多爸媽, 都唔識教小朋友, 一係打到佢死, 一係就理都唔理, 我都唔明, 唔識教小朋友就好生啦, 棧害左下一代,
    其實我都驚唔識教小朋友, 不過我唔會打小朋友囉, 我覺得越打越反叛, 我會用賞罰分明方法教小朋友, 至於零用錢方面, 我會教他好用買股票方式, 一來又可以學習一下如果正當咁搵錢自給自足, 二來可以訓練佢獨立, 唔好下下灘大手版問屋企人攞錢...唔知WORK唔WORK呢?
    [版主回覆12/10/2008 10:09:00]早晨呀!係街見得多啦,個亞媽好似怕咗個小朋友咁! 小朋友唔使打架,我都唔打嘅!做父母教仔女時要認真,佢先會感覺到! 哈哈......你咁快教佢買股票?太快了嗎? 要佢覺識儲蓄就真!

    回覆刪除
  17. 早晨....心情好了沒有....常時叫爸爸同囝囝傾下...   
    [版主回覆12/10/2008 10:00:00] 

    回覆刪除
  18. 咪就叫  貓的假期 咯~~
    [版主回覆12/10/2008 10:00:00](Empty)

    回覆刪除
  19. 等我試煮蠔仔煎蛋至得
    係呢,d蠔仔係街市買果d蠔仔丫,定係打邊爐果d日本蠔呢?我見好似好大隻咁
     
    唔睬佢一星期都無反應?睇尼你阿仔都好硬頸下wor,性格問題,你激氣到無用喇,等佢大d自己反醒啦唯有。諗下今晚又煮乜仲好啦
    [版主回覆12/10/2008 22:26:00]係呀,街巿買嗰啲! 我都無激氣囉!

    回覆刪除
  20. 真相就是你話大老爺,你啲仔仔唔鐘意?如你所說,由細到大,仔仔都好錫爸爸,咁佢當然不喜歡你話佢老豆啦。嘗試不要在仔女面前數佢地嘅爸爸,你有唔滿意的地方,私地下解決。還有的是,依卓高話:放自己假,做自己鐘意的事吧!仔女都咁大,無需要24小時服侍佢地啦!加油啊!如月。
    [版主回覆12/10/2008 10:41:00]早晨呀!咁好難架,當你到唔順眼都會出聲! 我會努力啦!

    回覆刪除
  21. 你同大老爺點相處好影響你同囝囝o既關係,因為你囝囝好錫老豆。你哋要表面上比囝囝睇到你哋行動一致,思想一致o架。
    平心靜氣同大老爺傾吓啦,你有無問過佢覺得你有乜做得吾好,有乜唔啱佢心意呢?等大家了解吓雙方o既諗法,行出第一步,條路好長,可能好難行,但點都係個開始。
    [版主回覆12/10/2008 10:43:00]早晨呀!我肯大老爺都唔啋我啦!結婚以來我同大老爺太多分歧啦,連仔女發燒佢都話唔使睇醫生嘅!補習又話唔使!.......... 我同佢傾佢唔同我傾呢!我問佢乜佢都唔會出聲!

    回覆刪除
  22. 小朋友日後長大會明白媽媽 ge la
    [版主回覆12/10/2008 12:13:00]希望啦,多謝你!

    回覆刪除
  23. 自己都後生過,以前既我服從性好高,邊敢唔聽阿爸阿媽既說話呀 ~
    雖然有時都會嫌阿媽囉唆,但都唔會駁嘴,我同我阿媽既感情還算好,
    可能係男仔既關係,我阿哥細佬同我阿媽都係無解傾架,
    阿女應該會好少少啦 ~~ 
    [版主回覆12/10/2008 16:00:00]我地個個年代,邊有得話亞媽!

    回覆刪除
  24. "沉默是金"   一於黎一招乜都唔啋 乜都當睇唔倒 當佢地透明
    聽番首歌輕鬆下 唔好嬲親自己
    [版主回覆12/10/2008 15:50:00]唔會嘅,我唔啋佢囉!

    回覆刪除
  25. 上海 trip was a bonding trip with my daughter.  She shopped a lot and I just be there to pay and carry the stuff.  Had a good time eating though and the hotel is very nice! Just treasure the time I have with babe and she is very happy!
    上海 is just like another big city, went to all the places of interests, but nothing much; ate a lot though
    [版主回覆12/10/2008 15:50:00]咁有冇肥到呀?可以同囡囡行街食飯傾計,真係好享受呢!

    回覆刪除
  26. ...唔...我都唔知點安慰你好...我自己都唔大唔細....
    唔...如月媽媽...不如你右試下去相信他們,學習放手..
    雖然他們唔係真係好似大人有咁多經驗,但好多野都會有新既一頁去開始...失敗的話就讓他們自己去負責。
    多多得罪了。
    [版主回覆12/10/2008 21:01:00]我都已經放手啦,都無理佢,祇係時不時勸下佢!呢次係佢話我多口呀,我都唔係話佢!

    回覆刪除
  27. 講唔點搵老公出馬啦!
    [版主回覆12/10/2008 21:00:00]唔好講大老爺,佢一句都無幫過口!

    回覆刪除
  28. 好多時候年青人會以為自己好成熟, 已經識好多野, 所以會變得目中無人! 但當佢地大d, 見多咗世面, 就會發現自己原來係有咁多缺點嫁喇.
    [版主回覆12/10/2008 21:00:00]就係咁,唔生唔熟!如果識諗就好囉,但祇係天真以為自己大個咗!

    回覆刪除
  29. 每個年輕人都有呢段反叛期呱... 我都做過頂嘴王, 仲要只頂阿媽嘴, 我諗當年佢都好似你咁, 好傷心架, 但細個唔會識諗阿媽會傷心, 只覺得佢好煩好囉嗦. 我覺得自己知自己要做的事, 佢唔駛下下叫我溫書練琴! (但我真係會自動做好架, 讀書一向都唔駛家人操心) 後來都係屋企另一d長輩同我傾, 咁人又大個d, 慢慢就會明白阿媽都係關心~ 呢d係溝通問題, 阿媽想關心, 方法係去講去問, 我覺得自己大個懂事, 阿媽問長問短係管住晒... 罷工唔係辦法, 阿仔未必會明... 或者試下叫姑媽或表哥表姊同佢傾la...
    [版主回覆12/10/2008 20:58:00]我明白,但佢唔係自動讀書個隻! 今次,我都唔係話佢,係話老公之ma! 我無罷工,我係罷口啫,我唔會叫佢做呢做那!佢鍾意食飯就食飯,唔出嚟我都唔會叫!

    回覆刪除
  30. 算啦~ 我地自己都年青過, 或多或少都明白佢地的.
    只係我地所經歷的, 佢地未經歷到0者~
    當佢地面對多 d 挫敗 + 人生經歷更多風雨, 就會識諗好多架喇~
    小朋友唔跌都唔識行啦~ right? 只要唔好跌到危險地方便是了~
    我地應做的若已做足, 其他的都冇法了~ 唯有希望佢地 ok 啦~
    若長氣有用, 佢地都聽左啦~ 唉~~ 難攪~~~
    [版主回覆12/11/2008 12:01:00]係呀,無法啦,都要等佢成熟,做咗人地爸爸先會明!

    回覆刪除
  31. 男人同細佬都係有又煩, 無ヌ煩....
    [版主回覆12/11/2008 15:42:00]咁要等佢諗啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^