2008年12月1日星期一

中五!!!


中五啦


亞囝,你仲要玩到幾時呀,


由小一開始都已經好担心你,


以為你大啲會乖啲,會勤力啲!


點知等呀等呀.......


到而家中五,你有你嘅想法,


有自己嘅主見,有自己嘅朋友,有自己嘅天地!



你仲聽唔聽亞媽嘅話呀,


中五........仲要先生打電話嚟話你無交功課?


仲要我兩老為你担心,


唔知係咪而家你呢啲年紀係咁,


做學生都有學生嘅責任呀,


一日係學生都要對學校對老師負責,


唔係你覺得無需要呢科,就可以置之不理,


同你講道理,你好似仲有道理過我地咁,


你太天真啦!你以為樣樣都好簡單!


你幾時先會明白呢?



父母已經唔期望你可以升上中六,


祇望你對自己嘅前途着緊少少!


社會......唔係你想像中的簡單,


社會係現實的,無學歷就會無地位,


兩老唔望你養活我地,


祇望你可養活自己,


未來嘅路會好行啲,會平坦啲!


其實你已比其他幸福了!


(可惜你看唔到我呢篇blog啦)

28 則留言:

  1.  為人父母,兒女的健康及前途已是我們的最大希望,
    現代的小孩真的不知他們的想法,我細個讀書都唔好,
    所以,更把所有希望轉到女兒身上,希望她成積好一點,
    將來條路好行一些.   我二家姐個女也是一樣,
    讀書成積明明很好的,就是因為太好,佢考試考到夠分就唔考,
    我二家姐真係比佢吹漲,但~佢成十六歲女,已不可能打打罵罵的了,
    做家長對著這些"半熟"兒女,真的少一點EQ都不行,
    希望您囝囝及我姨甥女早日開竅吧~
    因為大學生都通街都係了,不要說只得中五的畢業生,
    成積張證書"靚D",將來出來社會做事,都機會多D嘛~唉~~
     
    [版主回覆12/01/2008 10:44:00]我嘅情況同你二家姐差不多! 半生熟.......真係麻煩,佢地覺得自己好識諗,噚晚個化學老師call大老爺(好彩call佢等佢知道都好),話囝囝已經無交好耐功課,用囝囝講佢話淨係無交網上功課,因為忘記password,咁我地叫佢去校務處攪番個password啦,佢話都仲有兩三個月啫,攪嚟做乜,你話係咪俾佢吹漲?仲有佢話如果要佢理埋化學咁係咪唔使讀經濟?又關事?佢話要六科之ma,讀七科做乜?我同佢講多一科多一個保障!佢都唔同意,無晒辦法!

    回覆刪除
  2. 現年青人亞媽提點佢就話亞媽*哦*佢,又話你唔明佢,冇辦法~
    你仔仔如冇興趣讀可以搵 香港專業教育學院 (IVE) 黎讀,都唔錯
    [版主回覆12/01/2008 10:52:00]都預咗佢考唔到會考,睇下可唔可以重讀,如果唔得都要諗IVE!

    回覆刪除
  3. 唔好意思,我只是路過的, 我沒有想到要中五還是這樣,我的小女是小五我已經教到好辛苦和很擔心,現在的她心散得很,想盡辦法都沒有用 我已為她們到中學會自律,時常聽到人家的小朋友怎麼的好成績,唉!!!自己好唔開心但又不敢同人講.byebye
    [版主回覆12/01/2008 12:01:00]多謝你的留言! 大家都係咁話,我而都係咁同個女講,唔好好似哥咁無得返轉頭先後悔!

    回覆刪除
  4. 我當日都係同你一樣,講到口水乾都係無用,佢都係當我唱歌,依家出來做嘢,先開始知味道。做人父母 都只能做到無愧如心,條路點行始終係佢哋自己揀。真係只能講一包good luck!
    [版主回覆12/01/2008 12:02:00]都預咗佢考唔到會考,睇下可唔可以重讀,如果唔得都要諗IVE! 佢諗得好簡單,同佢講返學早啲出門口,佢都係咁遲,佢話早返去無用喎,佢唔會預有特發事發生架!

    回覆刪除
  5. Sigh.... really can just wait for them to think for themselves.  I also lecture my son no end, and now he graduated from Polytechnics and STILL can't think of what to study in university when he comes out of army (IF university will take him that is)... what to do?? Can only continue to support them and encourage them!!!
    [版主回覆12/01/2008 11:56:00]都預咗佢考唔到會考,睇下可唔可以重讀,如果唔得都要諗IVE! 唯有繼續同佢講下啫!

    回覆刪除
  6. 我基乎要將你篇網誌copy去比我個仔睇!
    我既情況同你一樣,擔心佢又唔知,同佢講又唔聽,成日同佢講你已經比一般人幸福佢又好似聽唔明廣東話咁,激到我心都痛埋。近年都唔敢用重語氣話佢了,又要辦天真同佢溝通,希望佢地早日開竅改下啦!
    [版主回覆12/01/2008 13:35:00]係呀,同佢地講嘢要放輕語氣架,如果唔係一句都咪使至意同佢地講到! 你俾佢地睇都無用,佢地領悟唔到架!

    回覆刪除
  7. 請問妳的愛女有多大???我應該如何或有一些好的方法去教,真是不想她呆下呆下.
    [版主回覆12/01/2008 13:36:00]14歲,成日係度hea都唔知點算,佢知自己懶但做唔到喎! 點解人地啲咁叻架!  

    回覆刪除
  8. 您個仔果間學校有冇得上網查功課的?
    我表姐個仔果間中學可以的,如果可以的,
    您試吓可唔可以,每晚做完家務後,捉佢出來逐樣同佢對功課??
    (不過~如果佢真係咁放"pair",都未必用得著的~唉~ ~)
    [版主回覆12/01/2008 13:33:00]佢而家17歲,無呢支歌仔唱啦,啋你都傻!

    回覆刪除
  9. 我好幸運 仔女讀書都唔洗擔心 (其實系小學時 同佢地打好基礎)
    [版主回覆12/01/2008 13:37:00]我地返工嘅,都無得我地話事,我以前佢地小學,真係教到心力交瘁!

    回覆刪除
  10. 唉.....宜家D學生真係要激到D阿媽嘔晒血安落啊!! 我個大囡咪又係一樣.....懶蟲上身啊!!
    [版主回覆12/01/2008 13:38:00]我個囡千年蟲上咗身呀!

    回覆刪除
  11. 哎呀!係咪之前對佢放得太鬆,而家管唔番呢?
    不過,又真係好難。細路仔,嚴啲又驚佢跳樓,唔嚴佢對又得戚。
    好在而家我個仔仲細,仲可以"操縱"佢…
    [版主回覆12/01/2008 13:39:00]我地返工嘅,都無得我地話事,我以前佢地小學,真係教到心力交瘁!啲叻嘅同學啲媽咪都唔使返工,因為同大老爺意見分歧,所以以前我仲辛苦!

    回覆刪除
  12. 我地行過咁多路,知道乜野係會衰,但對於年青人來講,好似我地講緊多餘廢話,係都要自己撞過板至知衰。只能用水滴石穿o既心態等待,到有一日希望佢哋明白。其實諗起自己後生時,老媽子講o既野都吾多願聽,因為實在覺得好遙遠,吾實在。佢哋依代更加啦,因為吾駛為生活煩惱,點都有得食有得住,又點會諗咁多呢!
    [版主回覆12/01/2008 13:41:00]佢地唔會明白,女仔會好啲! 但我個囡都好懶! 等佢地明白都已經太遲囉!

    回覆刪除
  13. hi, 你好, 路過見到, 好有身同感受的感覺.....! 雖然我阿女而家只係小三, 但我都已經激氣到想吊起佢黎打咁滯喇, 唉! 做人阿媽, 仔女細時, 又驚佢地食唔飽, 穿唔暖, 身體唔好, 好喇到大d, 又驚佢地亂咁識朋友同放棄讀書, 再大d又驚佢地搵唔到食, 到老左都可能仲驚佢地嫁得好唔好.....! 
    [版主回覆12/01/2008 13:42:00]總之係由細激到啦,同佢地講都要深思熟慮,啱唔啱聽咁!

    回覆刪除
  14. 我發覺現在小朋友生活太幸福,無論怎樣講都當你耳邊風,有時好想放棄由得佢自生自滅
    [版主回覆12/01/2008 13:43:00]係呀,但做亞媽嘅做唔出呢!

    回覆刪除
  15. 我諗大部分時下的青少年都係咁既心態, 我的囡囡今年也是中五, 佢由幼稚園開始已經唔肯做功課, 小學更加嘔血....唔交功課....直到中二先稍為好少少, 即係自己做功課果種...真係迫都迫唔唻...會考打到埋唻喇, 仲一日到黑上下網, 聽下歌咁, 好似自己識晒, 真係唔知出面競爭幾大....做阿媽既只係可以不斷咁細細聲同佢講下, 囡都仲好d呀, 如果我個囝, 妳話一句, 佢直頭即刻閂埋門....都費事答多一句....
    既然妳囝囝真係唔鍾意讀化學, 唯有叫佢俾心機讀好其他六科, 慢慢再同佢講, 點都好啦, 唔鍾意都交埋d功課丫, 好過被阿sir打電話唻講丫....不過我諗妳最好同佢兩個人 單獨講, 或者外出講, 用另一個環境, 等佢平心靜地, 可以傾到計的....試下啦....
    [版主回覆12/01/2008 15:21:00]咁都要交功課架?咪老師日日都call我地架!

    回覆刪除
  16. 可憐天下父母心.....有無機會比你囝囝睇吓呢篇blog呢??
    [版主回覆12/01/2008 15:49:00]有都無用,佢唔會明,祇會覺得你好煩!

    回覆刪除
  17. 做父母難,今時今日在香港更難!
    [版主回覆12/01/2008 15:49:00]無法啦!

    回覆刪除
  18. 唔係講風涼話,興幸兩個仔都冇呢d問題,不過你都唔好咁激氣啦,因為依家都控制唔到佢,(男女男)都冇用,為有多d關心佢,感化佢啦!  
    [版主回覆12/01/2008 16:05:00]我都唔係激氣,係担心佢啫!

    回覆刪除
  19. 我好體會到你嘅心情,因為我而家對呀 Kelly 都係咁諗法呢~ 佢都係無心向學,成日好逸惡勞,真係冇眼睇呢。。。。
    [版主回覆12/01/2008 17:07:00]哈哈.......你寫緊呢個回應時,我又係你度寫緊回應! 我仲有個女日日係屋企hea緊呀! 

    回覆刪除
  20. I am back.
    the time almost off duty!!!!
    [版主回覆12/01/2008 17:21:00]知係你啦,個心已經放咗工啦!

    回覆刪除
  21. ∞∞∞∞∞∞∞∞∞ Ðädä ∞∞∞∞∞∞∞∞2008年12月2日 上午1:21

    養兒一百歲,長仔九十九。做父母真係咩都要為子女擔憂!
    [版主回覆12/01/2008 18:56:00]真係架,而家啲人咁長命!真係要憂99年架!

    回覆刪除
  22. 死啦...我現在先開始....不過而家小朋友真係要當係朋友咁傾計..你常時下............
    [版主回覆12/01/2008 18:55:00]每個階段都在學緊同佢地溝通!

    回覆刪除
  23. 依家已經咁大個, 好多野都會有自己既唸法, 但唔讀多 d 書, 將來條路會比較難行, 依家真係週街都係大學生,  我地以前個代中學畢業都可以, 讀唔成書都仲可以做工廠, 學一門手藝, 依家做地盤, 做看更都要考牌, 希望你 囝囝可以快 d 明白啦 !
    [版主回覆12/01/2008 18:54:00]係呀,佢連預科都無呀! 第日都唔知做乜好?

    回覆刪除
  24. 如果一向冇讀開,得幾個月又真係讀都冇用,不過,真係要俾心機讀有把握嗰D科喎!!
    [版主回覆12/01/2008 20:51:00]係呀,根本無諗過佢會考到,但都要交齊功課,唔可以咁喎!

    回覆刪除
  25. 中五都係咁 我咪有排...嘆
    [版主回覆12/01/2008 21:45:00]haha......你諗過啦,所以我都話你唔係最慘囉!

    回覆刪除
  26. 而家做父母一 d 都唔容易....
    我都成日同個大仔講 : 做學生要做返學生的責任.....
    可能佢仲細, 都仲肯聽我講, 同埋好多時, 我當佢好似朋友咁傾計....
    但將來, 真係唔知佢仲聽唔聽....
    [版主回覆12/02/2008 14:35:00]唉.......做人父母真係好難!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^