2008年12月5日星期五

勁烚!!!


呢兩日出咗五篇BLOG,


真係好攰,要抖番下先得!



抵呀


又出血啦,


都話唔出街少破財啦,


行過莎莎,

見到咁平,


面膜加保濕面霜$330,



一盒面霜都要件380啦,咁抵唔買點得,


咁又買咗一盒,女人呀女人,


天生購物狂!



火鍋


一到冬天,


我家幾乎個個星期都打邊爐,


大老爺本來前call我話打邊爐,


但我已經買齊餸,


所以今晚買料打邊爐!



今日想個湯底特別啲,


~南北杏無花果青紅蘿蔔湯底~



打邊好燥,

希望咁樣會潤啲,


剛料真係多到嚇C人,


我相信......我啲火鍋料可以夠人地一家四口食兩餐!



 


 


淨係肥牛都2磅,勁唔勁?


再咁食法,我

唔得啦,實肥C!


食來食去都係呢隻水餃好食,


仲要係正常size嗰啲先最好食喎!



一陣我無得早瞓啦,


因為有特別任務呀,


要子時先做得,咁我咪要成點先有得瞓?


Mommy Dearest我諗今晚可以攞第一囉!


嘻嘻嘻..............


40 則留言:

  1. 1
    [版主回覆12/04/2008 21:04:00]食飽飯未?

    回覆刪除
  2. 哈哈~我就黎俾盲毛話啦,我做做吓嘢又走咗過黎呀
    [版主回覆12/04/2008 21:05:00]盲毛會唔會以為你同情人傾計呀?   盲毛仲去唔去泰國呀?(星期六)

    回覆刪除
  3. 哈哈~我日日都係六點半食架,不過盲毛今日夜返,所以第二次嘅碗都仲未洗,個頭就滴緊水
    [版主回覆12/04/2008 21:12:00]個頭仲滴緊水............唔使咁趕喎,小丸子都唔係度!

    回覆刪除
  4. 3
    [版主回覆12/04/2008 21:24:00](Empty)

    回覆刪除
  5. 哈哈~佢就緊係想去啦 不過....... 都唔到佢話事
    我又洗到一半碗咋,因為亞妹沖涼我就唔可以開水架
    隻蠔係同妳一樣架 只係洗果陣都已經......
    [版主回覆12/04/2008 21:26:00]咁即係點啫? 點解沖涼同你開水有乜關係呀? 蠔........就一定好鯹,咁你點煮呀,平時有冇食蠔架?

    回覆刪除
  6. 因為有特別任務呀, 要子時先做得.---->>> 很好奇啊~
    [版主回覆12/04/2008 21:26:00]十二點同姑奶個女上頭呀,佢聽日出嫁!

    回覆刪除
  7. 呀?呀???????????呀??????
    [版主回覆12/04/2008 21:28:00]呀 乜呀? 

    回覆刪除
  8. oh!NO ,WHY I'M SO LATE?????????????
    WHY.................................................
    [版主回覆12/04/2008 21:28:00]你係咪沖涼沖耐咗呢? 

    回覆刪除
  9. 我也喜歡呢隻牌子的水餃;無錯,就是要正常size個隻, ya!
    [版主回覆12/04/2008 21:29:00]細粒嗰啲都唔夠味嘅!

    回覆刪除
  10. 我今日都煲左南北杏青紅蘿蔔栗米湯
    [版主回覆12/04/2008 21:40:00]呢啲天氣呢個湯最好!

    回覆刪除
  11. 上頭!
    我同009結咗婚之後有一次傾計先知原來結婚要上頭,初初唔知仲好白痴咁問"點上呀?嗰頭一向都系嗰頭道啦,要上實d呀?"
    原來先自人人結婚都上頭呢架野,系我無咋!!!!!!!!於是我就同我啊媽講,我啊媽就講"咩黎架?唔知喎!咁奇怪?"
    [版主回覆12/04/2008 21:40:00] 真係俾你兩母女笑C啦,  乜你地係咪中國人呀,唔通真係火星人? 009都知,咁009係咪有上頭呀?

    回覆刪除
  12. 好豐富喎! 我覺得藏姑娘餃子都唔夠自己包的好味呀!
    [版主回覆12/04/2008 21:41:00]我要返工無咁多時間自己包!

    回覆刪除
  13. 我啊媽就系咁,以前未有手機,有時出咗街講底咗如果有電話搵我,就問下系邊個,因為好多時系去見工,咁可能有d工會打電話叫你再in.點知佢彩你都傻,正系會話唔系道,之後就收線.
    [版主回覆12/04/2008 21:44:00]乜伯母仲可愛過你架!  

    回覆刪除
  14. 009緊系有上頭呢part啦!!!!!
    我奶奶好pro架.
    [版主回覆12/04/2008 21:47:00]伯母唔識,你都識掛,乜你無睇電視咩,唔好成日掛住瞓先得架!

    回覆刪除
  15. 諗起我哥哥都應該無呢part,我啊媽有d仲搞笑ga野,就系佢唔知龍鳳x的原意,系要成對送,啊媽話一隻送比新娘,一隻自己要. 差d比啊媽嚇c.
    [版主回覆12/04/2008 22:20:00]好彩你呢樣無傻啫,識得同亞媽講,唔係就笑C襯家呀!

    回覆刪除
  16. 哈哈~如果有人沖涼我洗碗係會搶水,咁佢個水溫就會變架
    我都唔知幾鍾意食蠔呀,想當年去黃金海岸食到痾添
    盲毛話星期六都無得去啦
    [版主回覆12/04/2008 22:14:00]會咁架咩? 咁我又唔覺得啲日本蠔好鯹喎! 睇你開心到咁!

    回覆刪除
  17. 咁你明日洗唔洗反工呀?今晚咁夜瞓!!!!!!
    [版主回覆12/04/2008 22:16:00]係呀,聽日一早要去姑奶屋企呀!所以聽日會好眼瞓!

    回覆刪除
  18. 主席,你反黎啦,個頭仲有無滴水呀?
    [版主回覆12/04/2008 22:17:00]成個鐘仲唔乾咩! 主席洗碗呀!

    回覆刪除
  19. 哈哈~我一路都係樹架,不過有時又走咗去做嘢呀,吹咗個頭啦,個鑊仲未洗,開咗個洗衣機,而家迫緊亞哥訓 超忙
    [版主回覆12/04/2008 22:18:00]點解唔朝早洗頭啫? 而家開洗衣機,咁幾時"long"呀?點解你啲嘢唔係朝早做?

    回覆刪除
  20. 你真係個個星期都打邊爐喎 ! 唔怕燥呀 ? 我成家人輪流喉嚨痛呀, 太乾燥呀 !
     咁你今晚咪要去姑奶到囉 ?
    [版主回覆12/04/2008 23:11:00]我多數都用芫茜加皮蛋,今次諗新嘢! 一陣出門口啦!

    回覆刪除
  21. 你又嚟一次?? 我都想試吓下個星期自己滾個湯底呀!!
    [版主回覆12/04/2008 23:10:00]你又話俾我睇你個蛋糕浮嘅? 係呀,湯底我都試過竹庶茅根呀!

    回覆刪除
  22. 嘻嘻嘻..........Number 3 is not bad already !  what lovely hotpot... all those oysters and clams are killing me!
    [版主回覆12/05/2008 06:05:00]點解?你好似好少打邊爐喎!幾時上機?

    回覆刪除
  23. 子時先做得.. 哈哈~ 上頭呀!! 又打邊爐... 哎呀, 要食飽先可以黎睇你個blog!! 好肚餓! 係咪有芋頭? 我未試過打邊爐用芋頭喎...
    [版主回覆12/05/2008 06:04:00]聰明! 咁我個blog多數都係講食ma! 芋頭,而家次次都要買架,大小姐勁鍾意,好粉!

    回覆刪除
  24. good morning
    [版主回覆12/05/2008 15:35:00]Good afternoon! 

    回覆刪除
  25. 好正啫,我都想食火鍋,不過我唔飲得涼茶之類,好燥呀... 所以少食為妙囉...
    BIOTHEM我都用開的,最好用當然係AQUASOURCE,仲有一支精華叫SOURCE THERPIE,好補濕架﹗冬天必備。
    [版主回覆12/05/2008 15:37:00]我地晚晚都想打邊爐,我幾嘆呀,唔使煮,洗完就得! 而家呢套好抵喎,平時Aquasource都要三四百蚊啦!

    回覆刪除
  26. 我老公成日都話火煱燥熱,所以到今日為止都未有得食呀!
    嘩,係幾大食喎,咁多野,等我來幫下口啦!我流哂口水喇!
    [版主回覆12/05/2008 15:35:00]未凍都已經開始打啦,我多數用芫茜加皮蛋真係無咁燥架,係咪煲埋五花茶俾佢飲囉!

    回覆刪除
  27. 祝姑奶個女...新婚快樂!
    [版主回覆12/05/2008 15:31:00]多謝!

    回覆刪除
  28. 你有仔有女有個幸福家庭,搵你上頭好兆頭呀!正
    [版主回覆12/05/2008 15:32:00]人地話係咪要搵三代同堂嗰啲呀,我咁後生! 

    回覆刪除
  29. 好多野食喎~ 要時時黎下先得, 因為有時無頭緒煑咩 野食~等煑野食時多 d 點子~ 謝謝分享~
    [版主回覆12/05/2008 15:31:00]係呀,歡迎,我post啲餸都係想方便人! 煮得唔係好好食咋!

    回覆刪除
  30. 好豐富海鮮~打邊爐
    祝姑奶個女...新婚快樂!
    [版主回覆12/05/2008 15:30:00]多數都有幾樣海鮮! 多謝!

    回覆刪除
  31. 好豐富的......十o下十o下呀!!
    呢幾日凍番呀!! take care!!
    [版主回覆12/05/2008 15:29:00]次次打邊爐都係咁多料,如果唔係都唔會係勁烚啦!   多謝心心!

    回覆刪除
  32. 聽晚係咪食蛇呀?我應該無問題,仲有幾多人應承呀?-->>
    要改期了~個個都唔得閒,只有可可媽與她先生.亞PAL,
    我同個女,您之前又沒Confirm~
    亞pal話人多才熱鬧,所以,改期了~到時再通知您吧~
    [版主回覆12/05/2008 15:29:00]改期到幾時呀????我呢個月都好忙喎,26-28去旅行,20-22上祈福,下個星期又可能要同姑仔食飯(佢係加拿大返都未同佢食飯)!

    回覆刪除
  33. ~~一回家入來探你即變了排40th,究竟係幾時出架?
    [版主回覆12/05/2008 15:34:00]噚日喎,我通常都係香港時間晚上9:00出架,除非打唔切,方便人地攞第一ma!

    回覆刪除
  34. 改期到幾時呀????---->>亞 PAL說,齊8個人便去了~
    幾時??您問他好了~

    回覆刪除
  35. 差點唔記得答你的問題:
    HK2:00AM = VANCOUVER 10:00AM
    HK8:00AM = VANCOUVER 4:00PM
    [版主回覆12/05/2008 16:29:00]咁我咪你地清晨5:00出blog囉

    回覆刪除
  36. 唔怪之得!那時我仲做緊 呢!!
     
    [版主回覆12/06/2008 17:19:00]唔緊要啦,你入嚟探我已經當你係第一架la!  

    回覆刪除
  37. 你屋企人真係好有口福 好幸福呀~
    [版主回覆12/06/2008 17:18:00]多兩個人好買餸啲啫!

    回覆刪除
  38. 係浮呀!咪底面反轉咗用囉,傻妹!!
    [版主回覆12/06/2008 17:18:00]最幣我嗰個又浮唔晒呢,唔上唔落都唔知點算!

    回覆刪除
  39. 呢排凍,真係成日打邊爐,不過打一日我已經勁熱氣,爆哂瘡呀
    [版主回覆12/09/2008 09:23:00]唔好意思,咁遲先覆你! 噚日yahoo又short咗,噚晚我屋企上綱又壞咗! 我都要抖番個星期唔好打邊爐啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^