2008年12月22日星期一

2012祈福之旅!!!


祝大家冬至快樂!!!


同屋企人食餐好嘅!!!!!!




20-Dec-2008(六)


一切由heavy開始!


坐七點八車,同囡囡食個早餐再上車,


呢個超heavy早餐,都有成十年八年無食過啦!


~菠蘿油~


都唔敢食晒塊牛油!



好鬼C眼瞓,前一晚打邊爐,


返到屋企又要打完BLOG先瞓,好夜!!!


所以要咁早起身好辛苦!


7:45上車啦!!!



今次同囡囡上去真係開心,

囡囡係我個心肝呀!


經過深圳灣口岸,好鬼多人,不過都好方便!


一地兩檢!



十點半就入到祈福,落車同爸媽細妹一家食晏先,


再坐邨車出廣州。


點解要咁趕?因為細妹想行下廣州,


如果聽日應該無時間行,


唯有我辛苦啲啦,

成日計埋足足坐咗六個鐘車!


真係辛苦!


呢個商場好多嘢買,

乜都有得買除咗時裝!



~萬菱商場~


有成8層樓嘅商場,

我地都係行咗5層,



貨品琳瑯滿目,

一般都係做批發,


好多香港人都係度攞貨!


呢度都可以零售,當然零售價格比批發高啲啦!


比起香港同樣貨品,

一般都會平30-50%!



上次我買過啲禮物袋

好抵,今次仲唔大入貨!


睇下我啲收穫!!!呢度都係七十幾蚊!



呢隻曲奇盒仔好正!好似係$1.7-$2.0唔記得!



廣州街邊嘅炒粟子!!!



返到祈福都六點啦!


晚上嘅祈福幾靚!呢度係會所!



又係晚飯嘅時間,都係去食街,


今次幫襯呢~農家菜~



呢個砵仔飯好正,



食完飯仲有好滑好滑嘅豆腐花做甜品!



21-Dec-2008(日)



今朝好早起身,同老豆兩個人出去飲奶茶先,


各人仲未起身,


都好多十年無同老豆兩個人食嘢啦,


俾佢老人家呻下都好!


老豆真係老咗好多啦!



各人起身之後,梗係出去醫肚啦!


~藥膳坊~



佢啲點心同餸菜都係以藥為名,餸菜都好特別!


亦有醫療效用!



老豆飲嘅~陳皮普"里"(唔識寫)~



跟住"兩表姐妹"去咗農莊騎馬,睇表演!


細妹個囡囡日日都去學一個鐘騎馬!



好趕咁又要執行李返香港啦,


坐三點車返到香港六點!


好攰,要好好抖一抖先!



 


 


 

20 則留言:

  1. 1111111111
    [版主回覆12/22/2008 06:16:00]早晨呀!

    回覆刪除
  2. 仲以為你聽日先至返嚟!!
    [版主回覆12/22/2008 06:16:00]早晨呀!返呀啦,你搵我乜事?

    回覆刪除
  3. 咁趕,  真係幾攰下......
    [版主回覆12/22/2008 06:17:00]早晨呀!為咗遷就囡囡要返學呀!

    回覆刪除
  4. 哈哈~我都好想去呀 不過妳無揼骨咩
    [版主回覆12/22/2008 06:17:00]早晨呀!無時間呀,揼骨就無得shopping啦!

    回覆刪除
  5. 如月,妳買咗很多嘢喎 !!!
    妳最近咁忙,聖誕節放假要抖抖
     
    [版主回覆12/22/2008 06:17:00]早晨呀!我淨係買咗好多禮物盒咋!

    回覆刪除
  6.  您不是明天才回來嗎??今晚我見過卓高,她有東西叫我轉交比您,
    明天下午您有空打電話比我.我想約您星期二~
    [版主回覆12/22/2008 06:23:00]早晨呀!星期二我要返工呀!卓高係咪有好嘢俾我呢?

    回覆刪除
  7. 好開心呀! 係咪好多戰利品呢?
    幾年前都去過廣州, 一個商場都行成日
    買到要買多個手拖喼先到返到HK呀! 死未~~
    [版主回覆12/22/2008 06:24:00]早晨呀!小小咁啦!今次買得少啦!未喎!

    回覆刪除
  8. 卓高有件"藝術品"比您~
    咁~您幾時得閒?
    明天您Lunch及下班的行程是怎樣的??
    [版主回覆12/22/2008 06:55:00]我都估到! 今日中午有少少時間,我今日放咗假,你有冇時間出黃大仙?聽日我係香港返工,你過香港會好遠呢?

    回覆刪除
  9. 報到,已回到家了~哈哈哈~
    [版主回覆12/22/2008 19:53:00]哈哈..........你真抵死! 多謝你咁遠送嘢嚟呀!今晚玩得開心啲呀!

    回覆刪除
  10. 你咁辛苦重要打埋blog至訓,真係難得。
    咁多戰利品,係咪好滿足呢?
    [版主回覆12/22/2008 19:52:00]攰呀,攰到去揼骨都唔想郁!我想日日update個blog!

    回覆刪除
  11. Morning, in office already!  Yahoo ate up my early morning msg lei
    This time, I recognize the places you went to, heee....
     
    [版主回覆12/22/2008 20:42:00]No啦,我仲放埋今日!因為又約咗人!

    回覆刪除
  12. 嘩~ 好趕喎!
    如果多一日時間, 應該舒服好多~~
    [版主回覆12/22/2008 19:51:00]攰呀,攰到去揼骨都唔想郁!但要遷就囡囡返學!

    回覆刪除
  13. 好羨慕呀,你又上去喇,上面凍唔凍呀,好懷念食街d嘢食呀
    [版主回覆12/22/2008 20:42:00]你又去過祈福???? 我上去嗰幾日好熱!! 咁就搵日(過咗年先)同你地上去玩下啦!

    回覆刪除
  14. 你去左广州~~
    啊```唔知我哋有无 曾经系某个街头 擦身而过呢??!!
    哈哈~````
    [版主回覆12/22/2008 19:50:00]你住廣州?仲有冇好地方介紹呀?要方便去喎,我怕難搵架!

    回覆刪除
  15. 都好趕喎,咁你咪好攰???
    [版主回覆12/22/2008 19:49:00]攰呀,攰到去揼骨都唔想郁!

    回覆刪除
  16. 好趕好忙 ~
    [版主回覆12/22/2008 19:49:00]攰呀,攰到去揼骨都唔想郁!

    回覆刪除
  17. 的袋好正的
    [版主回覆12/22/2008 19:49:00]真係超正!

    回覆刪除
  18. ∞∞∞∞∞∞∞∞∞ Ðädä ∞∞∞∞∞∞∞∞2008年12月23日 上午2:53

    真係幾累下噃
    [版主回覆12/22/2008 19:45:00]真係好攰!

    回覆刪除
  19. 幾時都話生囡好架啦....
    D 曲奇盒有冇我份架........
    [版主回覆12/23/2008 08:05:00]早晨呀!曲奇盒之ma,無問題,寄個俾你呀!

    回覆刪除
  20. 當然曲奇盒內要有曲奇呀.....

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^