2008年11月16日星期日

BLOG聚-師奶仔~笨啦啦~syc204


BLOG聚


師奶仔~笨啦啦~syc204


唔經唔覺我開呢個BLOG已經有半年啦!


係呢段時間,我嘅人生起咗好大轉變,


亦係BLOG度識咗好多朋友,


仲有好幾個見過面,


係開BLOG初期,


我祇係寫煮過嘅餸,


後來認識到呢個BLOG友~師奶仔,


咁就開始咗我嘅烘焙人生,


第一次見一個人可以整出咁多包,真係好羡慕!


自己開始學人做包,


第一個做出嚟嘅腸仔包真係笑C人!


跟住問下人,自己又去睇書,再做多幾次,


摸索點樣做出軟熟嘅包,


因為我由細到大都係麵痴,


唔食飯都得,但朝朝都要食包!


  
  


因為要見大師傅............所以都唔知整乜好,


又好似無乜時間,


就搵咗兩樣好簡單嘅嚟整,


~椰子曲奇~(詳細食譜)


唔好以為好易,要早一日預備啲材料,


第二日造型時都好有難度,因為好難做到個個形狀差不多,


唔知點解焗唔到四邊金黃色嘅?



~芝麻薄脆~(詳細食譜)


因為睇咗食譜,每份分大咗,


成個變咗江蘇餅似啲,又唔係好脆!


希望你地兩個唔好見怪!



  
  


一早做好個芝麻薄脆,就出門口啦,


今次要入元朗,我諗差不多二十年無入過去,


(基本上我祇活動係個幾區,唔會周圍去嘅)


上網search好個站圖,咁就無咁驚(驚唔識落車),


原來由我嗰度出發去元朗都唔使1個鐘,


上咗268c半個鐘就入到去!


輕鐵咁耐我都未搭過呀!



恆香老餅家~原來係呢度!



係約定地點等緊嘅時候,


突然有位靚女行埋嚟問我係咪如月,


我仲以為係笨啦啦,

哈哈......原來係syc204,


我都唔知佢都嚟喎,我都有睇佢個blog架,


佢整包都好靚,好驚喜呀!


原來佢地三位都係元朗居民,


帶住我呢個大鄉里周圍行!


佢地好熟呢個地方,唔好以為元朗係鄉下地方,


條街好鬼多人架!


我地選咗個地方好企理嘅台灣麵店,


呢間麵真係好寬敞,坐得好舒服,



我地傾下講下就坐咗成2個鐘,就嚟俾人趕啦!


我地交換咗伴手禮

,成枱都係呀!




跟住師奶仔話帶我去買嘢,


但行過呢間甜品店,

笨啦啦話好正,


又入咗去食咗兩碗綿綿,好好味,多謝晒~笨啦啦!



  
  


佢地話有間叫"宜輿"(唔知有冇記錯)買凍肉好抵!


我買兩磅安格斯肥牛(每磅$40﹐佢仲有隻靚啲嘅$80),



又買咗包老闆話好正嘅墨魚丸$55,



因為大老爺order今晚要打邊爐,


所以行埋街巿買埋菜返屋企,你話係咪人都癲,


要係元朗買餸返屋企!


 
 
 
 


六點幾返到屋企,梗係影相先啦,


再欣賞下啲伴手禮先,



你地食咗我啲笨手禮,千其唔好見怪呀!


笨啦啦,唔好意思,本來你有兩份小食,


因為我唔知仲有個blog友出嚟,


所以無預備到啲伴手禮俾syc204!


師奶仔嘅威風蛋糕同鳯梨酥!


師奶仔,我鍾意食個紅豆威風蛋糕!


本來寫好呢個blog架啦,點知之後食完你啲鳯梨酥,


好鬼正正正呀!



syc204嘅千層糕同海苔!


syc204,大老爺話好啲千層糕好味呀,佢仲以為係買架!


遲啲請教你點整!



  
  


好啦,開飯啦,


一路打邊爐,一路欣賞無線嘅頒獎禮先!



晚安!!!


 

35 則留言:

  1. 我是你的忠實粉絲.
    有沒有獎品呀?
    [版主回覆11/15/2008 21:05:00]抄嘅...........無奬!  

    回覆刪除
  2. 又打邊爐?
                     正呀!!!!!!!!!!
    [版主回覆11/15/2008 21:10:00]係呀............大老爺order..........小婦人唔敢唔做!............要睇電視呀!!!!!!!!!!!!!!!!!

    回覆刪除
  3. 獎呀! 我要呀! 我要呀!
    [版主回覆11/15/2008 21:15:00]咁你唔可以咁懶架..........

    回覆刪除
  4. 哈哈~唔記得同妳講元朗D魚蛋好正架
    [版主回覆11/15/2008 21:18:00]元朗好多嘢都好正喎,我買唔到咁多啦,我攞咗兩大袋啦!

    回覆刪除
  5. 今次要入元朗,我諗差不多二十年無入過去---->>> 老人痴呆又發作了~ -->>>Mommy Dearest來港時,您咪去過"B仔"囉 ,邊有二十年啫~
    哇~好開心的網聚呢~師奶仔好好人,上次與她通過電話,她與我分享小孩敏感的事.
    [版主回覆11/15/2008 21:58:00]係呀係呀...........不過淨係係B仔度食嘢咋,都無行出去! 係呀,佢好好人架,我總係覺得佢好熟面口!一啲都唔陌生! 佢做啲鳯梨酥........好鬼正架!

    回覆刪除
  6. 你整既伴手禮真係好正!
    [版主回覆11/15/2008 23:10:00]多謝,都唔知好唔好食!

    回覆刪除
  7. 好正呀!!!元朗一日遊!! 好正呀!!!D伴手禮!!! 好正呀...............你呀...........廿四孝老婆!!!!!!!!!
    [版主回覆11/15/2008 23:10:00]多謝,都唔知好唔好食!

    回覆刪除
  8. 嘩,原來如月是做餅食高手,佩服.
    [版主回覆11/16/2008 08:13:00]早晨呀!唔好咁講.........我係初哥,你唔見我樣樣都差少少咩?

    回覆刪除
  9. ♥加米與翠絲♥2008年11月16日 上午7:45

    睇親你的blog之後, 都會去搵野食..........
    [版主回覆11/16/2008 08:12:00]早晨呀!........你係咪講我呀?  

    回覆刪除
  10. 有得聚, 有禮物收, 有野買.....好開心呢
    你地每個人的伴手禮都好靚呀
    syc204 & 笨啦啦我都有同佢地傾過計架
    [版主回覆11/16/2008 08:12:00]早晨呀!多謝你呀! 都唔知唔好食呢?(我整嗰啲呀) SYC204佢好有心機包裝架,你睇見幾靚!

    回覆刪除
  11. 嘩,好多yummy嘅伴手禮呀 ,我鍾意食椰堆呀,但我個胃唔系幾好,唔敢食咁多.睇你個食譜都唔系太復雜,等我都試下先!
    [版主回覆11/16/2008 08:10:00]早晨呀!你唔食咪整俾囡囡食囉!

    回覆刪除
  12. 我在啦啦那边看到了。。。好正的blog聚啊!不如我们也去元郎lu,我的朋友未去过
    [版主回覆11/16/2008 08:10:00]早晨呀!咁我地玩完元朗再出嚟打邊爐囉!

    回覆刪除
  13. 早晨呀!
    [版主回覆11/16/2008 09:49:00]早晨呀!今日去邊度WET呀

    回覆刪除
  14. 未知呀,E架等緊老公外買早餐反來,佢今朝放工. 好肚餓呀!!!!!!
    [版主回覆11/16/2008 10:03:00]咁009咪要休息囉? 我一陣出去飲茶..........跟住去伊甸園觀禮呀!

    回覆刪除
  15. aiya~~墨 魚 丸 又 加 左 價 ,
    e 樣 係 我 家 雪 櫃 必 有 既 野,
    用 黎 打 邊 爐 或 煮 麵, 正~~
    兒 興 泰 既 安 格 斯 小 牛 扒 切 粒 黎 打 邊 爐 好 正 架,
    下 次 再 入 黎 時 記 得 掃 返 去 擺 雪 櫃 存 倉,
    吾 用 黎 打 邊 爐 都 可 以 加 黑 胡 椒 就 咁 炒 都 非 常 好 味
    [版主回覆11/16/2008 18:42:00]佢地話部機(切割機)壞咗,無小牛扒切粒呀!我冰箱一定有,時不時都囉嚟炒!下次一定會試!

    回覆刪除
  16. 點呀如月 牛肉同墨魚丸得唔得呀? 因為我自己都未試過呢間呀
    [版主回覆11/16/2008 18:46:00]兩樣都試過啦,墨魚丸同百佳買嗰隻一樣好味,不過百佳好似一包得9粒要$18,計落都係呢度抵!如果用嚟焗仲好味! 兩磅肥牛.........已經落咗大老爺同大少個肚度啦!

    回覆刪除
  17. 嘩, 好充實既一日呀....D伴手禮個個都整得好靚
    妳真係好多時同BLOG相聚喎,.....仲有妳地都好鍾意打邊爐.....正呀..
    [版主回覆11/16/2008 18:48:00]係呀,一星期梗有一兩次打邊爐! 咁啱........有blog友想聚一聚囉,其實blog友同朋友一樣.........時不時出嚟見下面!

    回覆刪除
  18. 我覺得今年打邊爐既材料好似貴左好多哦 ~
    d 肥牛由 50 幾蚊加到 68 蚊一磅,d 丸丸都貴左,樣樣野都加價啦 ~ 
    [版主回覆11/16/2008 18:49:00]我以買肥牛$55一磅,買$80就夠食,而家$65一磅要買$100先夠食!所以呢度可以用$40一磅買到啲咁好質素肥牛真係好抵!

    回覆刪除
  19. Blog 友相聚真係好開心呀!
    [版主回覆11/16/2008 18:50:00]係呀........真係好開心!

    回覆刪除
  20. ~噢噢,很开心的BLOG聚呢!
    [版主回覆11/16/2008 18:50:00]係呀.............真係好開心!

    回覆刪除
  21. my blog
    [版主回覆11/16/2008 21:32:00]食緊飯呀..........俾咗主席第一啦!

    回覆刪除
  22. 我都想join埋一齊.
    [版主回覆11/17/2008 06:07:00]你識唔識佢地?

    回覆刪除
  23. ∞∞∞∞∞∞∞∞∞ Ðädä ∞∞∞∞∞∞∞∞2008年11月17日 上午8:10

    嘩...好開心既聚會呀
    [版主回覆11/17/2008 06:08:00]好得意囉,係blog度可以識到咁多朋友!

    回覆刪除
  24. 喂....我都話我唔係大師傅咯, SYC 就係, 我仲有好多野唔識呀.... .
    個日真係好開心呀 ! 你 d 拌手個好好味呀 !
    [版主回覆11/17/2008 08:52:00]早呀!.........你地兩個都係師傅,係你引我做麵包架!我係你度先識syc嘅!佢好叻! 我個芝麻餅失敗咗你地都肯食,真係感動!

    回覆刪除
  25. 見到你地啲伴手禮,真係無地自容呀!
    我都係麵包痴嚟o架,一日吾食過包吾安樂,啱啱開始學整,重未見得人呀!
    你地blog 友見面真開心,難得志同道合中意整包包。
    元朗?真係一年去吾到一次,我o既活動範圍都係返工同屋企附近果幾區,好狹窄。o係元朗買餸?諗都無諗過,不過咁遠買返去,緊係特別好味。
    [版主回覆11/17/2008 13:02:00]早呀!我啲嘢唔係整幾好,難得佢地肯收! 我都係剛剛明白點樣整包,但啲技巧都要好好咁掌握!仲未得! 我都估唔到可以識到咁多人,不如下次預埋你呀! 我之前都係好似你咁,無乜約朋友架,都係公司啲同事,而家好似好忙咁!hehehe..........

    回覆刪除
  26. 嘩,又有o野食又有o野買,真係好啦﹗
    [版主回覆11/17/2008 13:03:00]早呀!係呀我最鍾意買嘢架!

    回覆刪除
  27. blog友聚會我都未試過~ 都想試試 ,
    [版主回覆11/17/2008 14:45:00]哈哈.........咁你熟邊個呀,等我安排下好嗎?

    回覆刪除
  28. 師奶仔 is the one I sent the pineapple mold to, right? I can't remember though I visited her blog after she made it.. OLD age ah!
    [版主回覆11/17/2008 14:44:00]係呀,我係見佢成日整包,所以引到我都想學囉!係呀,佢整過你亦都俾咗意見架!

    回覆刪除
  29. 你今次入到元朗見blog友 tim...你開blog半年就见咁多blog友...勁過我好多wor
    [版主回覆11/17/2008 14:45:00]唔好咁講啦! 無話邊個勁架,blog友即係朋友啫,想見咪約出嚟囉!

    回覆刪除
  30. Hi !
    你地聚會當天我剛巧在街上遇到師奶仔, 如果唔係我手上買左好多野,
    我都跟她一起去和大家打個招呼啦 !
    大家得閒交流一下 !
    [版主回覆11/17/2008 14:52:00]hi...好高興你入嚟探我呀! 師奶仔都提過喎..........聽講你整嘢好叻架,我都想同你交流下,下次我約師奶仔約埋你好嗎?

    回覆刪除
  31. 我煮野一d都唔叻, 下次有機會見啦 !
    [版主回覆11/17/2008 15:19:00]哈哈.......你咁講.....我咪唔識煮嘢!

    回覆刪除
  32. 比你行在街也撞到綱友, 真奇? 這幾次也在街上撞到d幾年無見的同事? 很神奇呢?? 元朗,幾年沒去過?  香港住的是要真是入行出才會去呢?  
    [版主回覆11/17/2008 17:24:00]我無行街撞到blog友呀?????點解你咁講??? 元朗.....係有朋友先會入去啫!

    回覆刪除
  33. 你入黎元朗都唔叫埋我....嗚
    [版主回覆11/19/2008 16:30:00]早知預埋你啦,syc都有去!不過我唔知佢有份!

    回覆刪除
  34. 我知呀 ~ 佢做左神秘嘉賓呀
    [版主回覆11/19/2008 16:48:00]我都無睇到師奶仔個留言,唔知有神秘嘉賓! 直至佢叫我,我仲以為係笨啦啦咋!

    回覆刪除
  35. 哈哈哈 ~ 放心喇 如果約我...好易認架咋... 因為你見過我既相嘛... 記住張相再加返30磅個個就係我喇
    [版主回覆11/19/2008 16:58:00]有冇咁多呀?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^