2008年11月5日星期三

無得懶!!!


終於放完我嘅悠長假期(6日)啦!


今日開始返工,


今個月都無乜再需要請假,


都係儲番啲假好啲!



停咗成個月嘅健康舞開班啦,


其實上星期係第一堂,因為放咗假無上到,


今日中午係我嘅第一堂,


無跳咗成個月,又食咁多嘢,


呢排又無上過磅,

淨係覺得條褲緊咗喎,C啦!


上完堂磅一磅,嘩...........重咗3磅呀!





有時真係唔想忟架,但當你煮到好攰,


見到大老爺返咗嚟,都淨係掛住係度等食,


啲大少同大小姐又唔理你,


"不"埋碗飯都無人埋位,真係火到嚟埋,


喂,我都係剛剛放工,放低個袋就煮飯,


唔係人地先識攰架!我都好攰!


你地唔幫手都可以自動埋位得唔得!


~蒜片薯角牛仔粒~(詳細食譜)



~節瓜鮮菇蝦乾炆牛丸~(詳細食譜)



~蕃茄腸仔煮蛋~




37 則留言:


  1. [版主回覆11/04/2008 21:18:00](Empty)

    回覆刪除
  2. 2222222
    [版主回覆11/04/2008 21:18:00]今日叻咗喎! 

    回覆刪除
  3. 講真啦。。。他们抵骂!!! 我幫理不幫亲!
    [版主回覆11/04/2008 21:29:00]我真係煮到8點半架,所以"不"咗飯我自己食唔叫佢地,費事自己勞氣!

    回覆刪除
  4. 哈哈~小丸子又閃咗去邊呀
    我都係啱啱洗完碗咋
    [版主回覆11/04/2008 21:36:00]佢仲係度呀!

    回覆刪除
  5. 跳舞停左咪好多上升D磅數
    [版主回覆11/04/2008 22:04:00]個course次次都停三個星期架!我仲食咗四個蛋糕呢!!!!!!!!!!  

    回覆刪除
  6. 3磅咋嘛!!!好快減到嘅!!唔駛愁!! 下次要學亞蘇大嗌................."咋咋淋啦"!!!先得!!
    [版主回覆11/04/2008 22:01:00]所以今日跳完舞,都無食嘢囉! 你做乜要叫"咋咋淋"呀?????????????

    回覆刪除
  7. 哈哈~ 食咗四個蛋糕 重咗三磅咪少囉
    [版主回覆11/05/2008 07:55:00]Morning!!!噚晚我去瞓囉,三磅減唔番架,你知唔知架,可唔可以送十磅八磅俾你呀???????  

    回覆刪除
  8. 我屋企果d又咪咁, 唔叫唔做, 枱面放晒飯餸都唔埋位, 唔埋位我就自己食先以示抗議, 叫都費事叫, 費事勞氣, 煮都咁辛苦, 食就唔想咁勞氣囉, 佢哋就會知衰喇
    [版主回覆11/05/2008 06:28:00]哈哈.............你同我做法100%相同呀!成日勞氣自己都辛苦!

    回覆刪除
  9. 777777.....对吗?
    [版主回覆11/05/2008 06:24:00]哈哈.............你唔係係順德咩?酒店有得上網?攰唔攰呀?

    回覆刪除
  10. 我都話你係好媽咪啦! 我以前如果唔幫手攞餸(包括同阿媽去完街市買既餸/佢入門口時攞住既餸), 開飯同洗碗我阿媽會鬧爆我架! 可能你都要發吓火先得喇!
    [版主回覆11/05/2008 06:27:00]鬧咪棧自己勞氣,我以前叫人食飯叫到成層樓都聽到呀! 咪又係咁,發火都發到無晒gas啦! 人老咗,咪費是理,佢地一個係房,一個玩電腦,一個食緊零食..................我"不"完晒飯咪自己食囉!

    回覆刪除
  11. 我通常叫一聲, 唔聽見佢地應我會再叫, 仲越叫越大聲, 直至佢地應我為止.
    通常一聽到我大聲澄爸同小澄都知我開始有 d 火, 佢地再唔應我就擺埋佢地落鑊度 ~~ 摌埋佢地呀!!!
    [版主回覆11/05/2008 06:23:00]我以前都係咁,但你大聲又話你發脾氣,自己又激氣,EQ高時我會自己食唔理佢地!不過唔係時時都咁高EQ架,多數叫到發火! 見到大老爺坐係度等食都唔理我,真係火到嚟埋架!

    回覆刪除
  12. 係呀 有時真係好嬲架 仲要叫幾次都聽唔到 火都黎
    [版主回覆11/05/2008 06:20:00]所以我開咗飯自己食,佢地鍾意食咪過嚟,費是理佢地!

    回覆刪除
  13. 男人,固然有男人之苦;原來,女人都……。
    [版主回覆11/05/2008 06:20:00]女人又要返工又要揍仔又要買餸又要煮飯,咁你話女人(老婆)點可以日日咁溫柔呀!男人唔識煮都識開飯架!

    回覆刪除
  14. 我屋企d大帝都係咖~! 隻仔有時食食下突然彈起身fing兩下搖搖~!真係想成隻碗車埋去~!
    [版主回覆11/05/2008 06:18:00]食食下玩搖搖? 大老爺一返嚟見我煮到一頭煙,都唔會話幫下手,啲細又話唔識啫,佢咁大個淨係得佢搵錢呀,我都要搵錢架!

    回覆刪除
  15. 屋企人咁對妳好唔岩 要同佢地傾下先得喇  同佢地講 細既要幫手一個洗碗  一個洗褒 如果唔做 妳會剩煮兩碗飯 自己食先  佢地唔做就冇得食
    [版主回覆11/05/2008 06:47:00]早晨呀,講過鬧過都係咁,我又做唔出煮自己碗飯架!做咗又激氣! 而家出門口返工,晏啲再傾!

    回覆刪除
  16. 訓練個女幫吓手仲實際~
    [版主回覆11/05/2008 07:52:00]Morning!!!有呀,不過叫完一樣又叫一樣,叫得嚟我都做咗啦!

    回覆刪除
  17. 佢地成日都係咁 ~ 你都要返工架 ! 但每晚放工得你一個忙... 真係鄧你辛苦...但估唔到你個女都係咁 多數女好錫媽咪架嘛 .. 辛苦你囉 我明你有幾炆
    [版主回覆11/05/2008 07:54:00]Morning!!!如果我唔使返工無問題,樣樣都做晒,但我都做咗成日嘢!都好攰,由其是買完餸! 有得係呢度呻吓咪無咁屈住囉!

    回覆刪除

  18. [版主回覆11/05/2008 08:35:00]Morning呀,掛住係主席嗰邊,都唔知你大駕光臨添!  

    回覆刪除
  19. 所以我覺得你好辛苦,放工返黎仲煮到飯。
    我都明,煮完餐飯,啲屋企人呢…唔食飯都唔埋位,又唔幫手,又真係幾忟嘅…
    [版主回覆11/05/2008 10:09:00]Morning!!! 你使唔使返工??? 要返工仲要買餸煮飯,真係辛苦無人知,之前囡囡返小學,放工仲要去補習社揍完佢先返屋企煮飯呀,諗番轉頭都唔知自己嗰時點捱架!

    回覆刪除
  20. You're such a hard-working mom. You should ask your daughter to help a little. Don't get mad la... Relax Relax... Take a deep breath. SMILE
    [版主回覆11/05/2008 10:08:00]Morning!!! 有呀,咪叫一樣佢做一樣囉! 我無勞氣,係度寫晒出嚟無事嘅,成日都係咁架啦!

    回覆刪除
  21. 算喇......我屋企嗰兩個咪又係咁~ ~
    [版主回覆11/05/2008 10:58:00]Morning!!! 係呀,我"不"埋飯都無人埋枱呀!

    回覆刪除
  22. 我老公就好少少,會計好時間,我剛剛煮完,佢就會自動出現 ~~ 
    我食緊醫生開既荷爾蒙藥都肥左好多,但無辦法,仲要挨多半年 ~~ 
    [版主回覆11/05/2008 12:23:00]Morning!!! 大老爺早返都坐係度睇電視......都唔會幫手鋪枱架! 你做乜要食藥?(係咪好唐突呀)你可以唔答架! 年紀大咗唔知係咪新陳代謝慢,肥咗就減唔番,咁肥下肥下又十幾廿磅!
     

    回覆刪除
  23. 我既子宮有問題,搞到荷爾蒙失調,要 keep 住去威院睇醫生,每半年排期睇一次,希望可以早日擺脫食藥的日子啦! ~~ 
    [版主回覆11/05/2008 12:39:00]咁你要小心啲,食藥會肥咪同食避孕丸一樣???

    回覆刪除
  24. 不過叫完一樣又叫一樣,叫得嚟我都做咗啦! --->>>就係您
    呢種急先鋒性格,睇黎,您想減輕一下家務都好難囉~~
    我現在每當入廚房煮飯時,都係叫個女執檯,鋪報紙~
    佢成日話又係我,我即問她,咁煮飯又係邊個??
    亞女死死氣說,係媽咪,我話~咪係囉~等您大個D,
    媽咪負責鋪報紙,而煮飯就係由您煮比爸爸媽媽食架啦~
    [版主回覆11/05/2008 14:20:00]你就好啦........可以瞓到成點! 我都有叫個囡執枱鋪枱布,我係嬲大老爺好似大爺咁,返到嚟都唔幫手,仲坐定定食嘢,飯都唔幫手開!  

    回覆刪除
  25. 如果太忙同太攰,咁整D簡簡單單嘅,唔駛日日都3餸一湯,有時咪食個飽或煮個公仔麵算囉.我地mrleung咪又系咁,坐在到做大爺,不過我唔鍾意佢搞我廚房D嘢,因為佢會越幫越忙,D嘢又亂咁放,做嘢又做一半,真系唔做好過做嘞!
    [版主回覆11/05/2008 15:25:00]我唔使返工我唔會投訴,但我都做咗成日嘢! 我都係煮三四日啫,都唔係日日都三餸一湯,湯我係一個星期先煲一次!三餸就一定要,香港人唔喜歡食包當晚餐架!星期四係煮麵日!

    回覆刪除
  26. 我都好明你果啲忟法呀!班大少大小姐,飯來張口,重要三催四請。第日你都係叫一次把就,自己埋位食,由鬼得佢地慢吞吞。
    [版主回覆11/05/2008 15:26:00]我都係咁話,我唔叫佢地鍾意埋位咪埋位囉!

    回覆刪除
  27. 我覺得你老公同囝囡好幸福呀! 不過可能佢地身在福中不知福啦, 有個咁好嘅老婆, 媽咪成日煮咁多唔同口味嘅野比自己食, 真係開心都嚟唔切啦, 仲要趨埋枱?  其實要幫手先啱呀!  好明白你忟嘅程度!!!!!
    [版主回覆11/05/2008 15:27:00]佢地明先得!

    回覆刪除
  28. 肥是一種福氣, 我好瘦, 好單薄、無福氣。你真是了不起, 放工買餸煮飯又要洗碗拖地, 我想﹏你好夜才可休息。
     
    [版主回覆11/05/2008 15:52:00]我明,但想瘦到可以着大碼衫就得啦!洗碗拖地唔係我做架,係大老爺嘅職責!

    回覆刪除
  29. 你先生都好好了, 很做家務。點解你唔叫兩個仔女做, 你們上班下班都疲於奔命, 放工後還要煮飯洗碗, 而後生的就齋坐等食。好奇怪!
    [版主回覆11/05/2008 16:10:00]都係嘅,問心嗰句,佢唔激我個時係好好架! 個女我有叫,個囝成日係房,我係嬲佢地"不"埋飯都要叫啫!

    回覆刪除
  30. 我一方面都 keep 住睇緊中醫來調理身體,依家身體既免疫能力強壯左,傷風感冒好少發生,面色都好好多,我老公叫我睇中醫,係希望 d 中藥可以幫到清洗西藥對我身體的影響 ~~ 
    [版主回覆11/05/2008 16:53:00]你可以私人回應喎,唔使咁多人知! 我就做耳針keep住調理身體,以前我好多暗瘡(雖然老),代表我身體失調,針咗之後我好少傷風感冒同無晒暗瘡,但時間要長啲!

    回覆刪除
  31. hihi,多謝你到訪樂樂o既blog,等我都o黎 吸下野先 你煮d餸都真o係唔錯,值得參考呀
    [版主回覆11/05/2008 17:19:00]大家研究下啦!

    回覆刪除
  32. 肥人有肥福,肥少少冇問題*我自已都係*最緊要健康
     
    [版主回覆11/05/2008 17:22:00]如果我係少少肥就好啦!   

    回覆刪除
  33. ♥加米與翠絲♥2008年11月6日 上午1:40

    我都係呀!~
    每晚都唔知要叫幾多次d人先肯位食飯囉~~~
    [版主回覆11/05/2008 21:38:00]我剛剛做完瑜伽返嚟! 係呀,真係叫到火到嚟埋!  

    回覆刪除
  34. hahaha~~~我諗返以前我阿媽叫我食飯,我同家姐細佬又係咁,唔理唔郁~~~無咩原因既,只不過有時掛住睇電視,睇漫畫,做自己嘢......總之無諗過煮嗰個辛苦啦!!!有時我仲同阿媽講我唔想食,我諗佢都俾我激C~~~~
    不過我依家乖啦,因為我都做咗人哋阿媽~~
    [版主回覆11/05/2008 21:40:00]我剛剛做完瑜伽返嚟!

    回覆刪除
  35. 哈哈 ~~  唔緊要啦!  有睇開我既 blog 既朋友,都知道我發生緊咩事 ~~ 
    [版主回覆11/05/2008 21:41:00]我剛剛做完瑜伽返嚟! 我剛剛先認識到你,等我有時間去探下你個blog!

    回覆刪除
  36. 你有沒試過在家自己瑜伽呢? 
    [版主回覆11/06/2008 16:34:00]屋企細無地方人又懶!

    回覆刪除
  37. 叫極都唔聽真係會火都黎埋架.....
    完全明白呀 ....
     
     
    [版主回覆11/07/2008 16:49:00]係呀,通常亞媽一定明白!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^