2008年11月28日星期五

斜頸症!!!


斜頸症


今日睇報紙,見到介紹"斜頸症",


相信好多媽咪都唔清楚呢個係乜嘢症?


但係我就感慨良多!



十七年前嘅呢個月,


剛做人媽咪嘅我,帶住個患咗感冒嘅BB仔去睇醫生,


點知個醫生話我地知,呢個肥肥白白個BB(出世時8磅9安士),


有呢種"斜頸症",


叫我地快啲帶佢去睇專科!


當時真係唔知發生乜事,

但個醫生好有經驗,


好肯定咁同我地講,我地個囝囝患有"斜頸症"!


因為佢發現BB個頸部長有一舊嘢(肌肉瘤),


醫生話係斜頸做成的,


BB個特徵係成日瞓埋一邊,


(以前成因不明,而家就話胎水不足,


令胎兒活動空間少引致)



我地帶BB去睇專科,確定BB係有斜頸症,


仲要去即刻去九龍醫院排期做物理治療!


去到物理治療中心,


治療師一見囝囝就話佢情況都幾嚴重,


聽日開始做物理治療,仲要日日去做!


嘿..........點算,我地兩個都要返工喎!


 
 
 
 
 


當時,

係我日日抱住個BB(1個半月大),


朝朝早搭巴士去醫院,


治療師知我跟住要返工,實安排我做第一個,


一組有三四個BB架,


本來每人輪一次,佢會做完第二個又叫我囝囝做,


每次就好似幅圖咁,媽咪將個BB放係枱上,


個治療師就好用力咁,將BB個頭扭向一邊,



個個BB都喊到C,做媽咪見到真係好心痛,


扭完一次,治療師就會俾BB抖一抖,


做媽咪嘅心痛之餘,仲要氹番個BB,


如是者做三四次就可以走,


咁我又即刻搭的士,將個BB送番去姑奶度,


自己跟住搭巴士返工!


呢啲日子都維持成個月,

先可以逐少咁減時間,


隔日一次,一星期二次,


一星期一次,都有大半年啦,先叫做好番,


好彩唔使做手術!


 
 
 
 
 


而家諗番起,真係唔知當時點樣捱到架!


可能係做亞媽嘅天職,

令我唔覺得辛苦!


而家諗番起先覺得太辛苦啦!


希望囝囝大咗,可以知道媽咪為佢做咗幾多嘢!


仲有做媽咪都要好留意BB啲小問題,


好彩我遇到個好醫生,


如果唔係就會好似報咁講,成28歲先知大問題!


頸骨生硬咗就好難好架la!


 
 
 
 
 


今晚大老爺話凍凍地,要打邊爐喎,



行吉之島見有呢隻急凍生蠔($115)咁大包,


又買嚟試下,係日本生蠔!


都唔錯啦!



今次試呢個茄蕃湯底,$11~4包,


而家多咗好幾樣味道!



因為大少今晚唔係度食飯,所以買呢個火鍋包都幾抵!



 



62 則留言:

  1. 1111111
    [版主回覆11/27/2008 21:05:00]剛才唔記得攞第一呀???   你嗰邊係咪好夜呀?

    回覆刪除
  2. 2
    [版主回覆11/27/2008 21:06:00]今晚慢咗少少囉!

    回覆刪除
  3. 我連聽都未聽過呢種病呀!!
    做媽媽真係偉大, 我要向你致敬!!!!!
    [版主回覆11/27/2008 21:09:00]嗰陣時好彩個老細體諒我咋,唔需要我請假,日日陪囝囝做完物理治療,先返工!而家諗番先覺得辛苦! 日日見個BB俾人扭得咁辛苦,真係眼濕濕架!

    回覆刪除
  4. 原來如月媽以前湊b都好辛苦呢!!!仔女有事,真係好心痛呀!!!~~~好在你仔仔遇着好醫生呢!!!
    多謝你分享,我都會留意下自己個b呀!!
    [版主回覆11/27/2008 21:17:00]BB每一樣都要留意架,以前啲老人家唔會覺得咁樣係有問題,你講得啱,真係好多謝呢個醫生,如果太遲先知咁會影響佢嘅治療!

    回覆刪除
  5. 搞到唔記得添
    [版主回覆11/27/2008 21:18:00]聽日囉!

    回覆刪除
  6. 仲要俾小丸子先過我
    同個blog講緊個仔呀 打字又無妳咁快
    妳個日本生豪想試好耐啦
    [版主回覆11/27/2008 21:21:00]你俾小丸子出賣咗啦!   個日本生蠔你見過咩?

    回覆刪除
  7. blog友呀~打少個'友'字
    [版主回覆11/27/2008 21:23:00]你會越嚟越快架啦!唔使驚,如月係大廳! 

    回覆刪除
  8. 如月原來我地都好似呀,我諗個陣時ga情影呀!!!!!!!一邊喂奶一邊好眼瞓呀!!!!!!
    [版主回覆11/27/2008 21:33:00]我係覺得瞓覺係一樣最高享受! 

    回覆刪除
  9. 今晚你個頭仲有無咁痛呀?
    [版主回覆11/27/2008 21:37:00]一陣早啲瞓就無事啦,今日飲咗兩杯奶茶先頂得住咋!

    回覆刪除
  10. 日本生蠔係個yahoo拍賣網都好多得賣架
    [版主回覆11/27/2008 21:37:00]幾多錢呀?

    回覆刪除
  11. 我今日都有望下段新聞.不過冇長細睇..原來咁恐怖..如果一路都唔知.咁bb係未以後都斜頸,,,真係辛苦了你..
    [版主回覆11/27/2008 21:52:00]多謝!

    回覆刪除
  12. 唔係好記得,不過唔會超過一佰蚊
    [版主回覆11/27/2008 22:08:00]咁咪平好多囉!

    回覆刪除
  13. 媽媽真偉大, 你有無同亞仔講呢段往事? 佢一定要好好孝順你先得 =)
    另外, 請問o的日本生蠔有無沙?
    [版主回覆11/28/2008 06:09:00]早晨呀!好講過,不過佢應該收唔到! 無沙!

    回覆刪除
  14. 7777777
    我食完火鷄立刻来報到先!
    [版主回覆11/28/2008 06:09:00]早晨呀!多謝你先!

    回覆刪除
  15. 亚妈你真偉大,你囝囝知不知道你为了他那么辛苦?
    [版主回覆11/28/2008 06:10:00]囝囝應該唔知道架,講咗佢都唔會體會到!

    回覆刪除
  16. ∞∞∞∞∞∞∞∞∞ Ðädä ∞∞∞∞∞∞∞∞2008年11月28日 上午6:55

    我都未聽過有哩個病添
    [版主回覆11/28/2008 06:10:00]早晨呀!好少人知架!

    回覆刪除
  17. 媽媽真係最偉大既,不過咁樣扭個bb法,bb咪好痛囉,我見到都覺得驚呀~我地真係要好好咁孝順父母呀,佢地對我地做既野真係好多好多~得閒黎我度留隻字呀~
    [版主回覆11/28/2008 06:12:00]早晨呀!BB痛唔痛我唔知喎,但佢地喊到C呀! 一定要孝順父母架! 好呀!

    回覆刪除
  18. 做媽媽真的一點不容易,希望您的兒女長大後會識孝順您~
    [版主回覆11/28/2008 06:21:00]早晨呀!佢地都唔知!

    回覆刪除
  19. 做媽媽真係偉大呀....
    為左仔囡, 就算再辛苦都會做得到.....
    我都見過個蕃茄湯底呀, 想試下, 好味嗎 ?  
    [版主回覆11/28/2008 06:20:00]早晨呀!係呀,祇要囝囡好乜都會做! 呢隻係李錦記嘅,今年除咗有傳統的沙爹、豬骨、瑤柱,仲有喇沙、茄蕃、魚湯!
     

    回覆刪除
  20. "斜頸症"我都未聽過...好彩你個仔後來無事咋~
    [版主回覆11/28/2008 06:18:00]早晨呀!囝囝係咁我先知!原來都唔少架,我講緊係十幾年前喎!

    回覆刪除
  21. 唔知點解,我覺得上天的安排係好奇妙,生完bb的媽咪能擋半邊天。
    你留意下,平日行步路都慢吞吞、講句說話差斷氣、手袋都要男友同佢拎的小姐們,但係自己的bb十磅八磅抱足一日都面不改容,呢d係咪所為的力量呢?
    雖然d人成日話生完bb的女人多變肥師奶,但我又確實欣賞上天的安排,做佐媽咪要撐起保護bb的責任,所以要多儲精力!
    呢d全部都係上天巧妙的安排,孩子係大人帶到呢世界,佢地係無選擇要到來走一躺,所以我從來唔會覺得守護孩子係有幾咁偉大,呢d係自己的責任,可能因為呢個原因你樂此不疲。
    [版主回覆11/28/2008 06:17:00]早晨呀!可能真係! 媽媽真係好辛苦架!

    回覆刪除
  22. 真系做人亞媽什艱難,細時担心佢有乜病痛,大D又驚佢唔勤力讀書又怕佢學壞,怕拖又驚佢被人呃,結咗婚又驚佢老公對佢唔好,娶老婆嘅又驚冇咗個仔,總之養兒一百歲就長憂99喇.
    [版主回覆11/28/2008 06:16:00]早晨呀!係啦,做咗人亞媽先會了解亞媽的辛苦!

    回覆刪除
  23. 講俾佢听,会感恩的,好过不講啊,是事实哪
    [版主回覆11/28/2008 09:06:00]早晨呀!會搵機會俾呢篇佢睇!

    回覆刪除
  24. (Empty)
    [版主回覆11/28/2008 09:15:00]早晨呀!未瞓咩?

    回覆刪除
  25. 太凍呀,唔瞓啦!!!!
    幾昤夏天呀?
    我最唔LIKE冬天.
    等我作個法先.
    凍凍快D走,凍凍快D走,熱熱快D黎,熱快D黎.
    [版主回覆11/28/2008 09:21:00]啱啱開始凍喎!邊有咁快走呀?咁你點過呢個冬天呀!

    回覆刪除
  26. 做父母梗係多心酸嘢…但求孩子長大要乖要孝順就好喇
    [版主回覆11/28/2008 09:37:00]早晨呀!係呀,我都有喊到架,見到個bb日日都咁慘!

    回覆刪除
  27. 點解呀?點解呀,點解要有冬天呀????????
    I HATE IT!!!!!!!!!
    [版主回覆11/28/2008 09:37:00]咁你不如 冬眠 呀!

    回覆刪除
  28. 好幸運地你睇0個個係一個多經驗既e生...bb可以得到適當的醫療。
    [版主回覆12/01/2008 09:28:00]係呀,囝囝好幸運!

    回覆刪除
  29. good ideal!!!!!!!
    [版主回覆11/28/2008 09:42:00]咁仲唔去 冬眠 !

    回覆刪除
  30. 我一邊吸塵一邊同你傾計,哈,哈,好勁呀!!!!!
    [版主回覆11/28/2008 09:42:00]你有幾多對手呀?  

    回覆刪除
  31. 暫時一對
    [版主回覆11/28/2008 09:47:00]我屋企無人吸塵呀,借你對手得唔得呀?

    回覆刪除
  32. Good morning Moon,
    Happy Thanksgiving!!!!
    I'm baking chicken instead of turkey right now for thanksgiving. I'ver never tried the tomato base before and I don't see it in CHinese supermarket. Does it taste good? I love tomato.. like soup or tomato soup base with noodle. Yummy!!!
    [版主回覆11/28/2008 09:53:00]早晨呀!一樣咁好味啦! 茄蕃我都係第一次試,幾新鮮啦! 香港都係今年先出!如果你鍾意食茄蕃再加新鮮都幾好!

    回覆刪除
  33. let me think about this!!!!!!!!
    [版主回覆11/28/2008 10:03:00]我今日放咗下晝呀!

    回覆刪除
  34. 岩岩洗咗廳個廁所,BEDROOM嗰個等一陣,因為009反黎會用,等佢用完先洗,做完一輀家務成身熱熱.哈,哈,會唔會瘦少少呢?
    [版主回覆11/28/2008 10:04:00]我諗唔會瘦啦,   我做咗廿年都係咁,你話呢?  

    回覆刪除
  35. 岩岩洗咗BEDROOM個廁所,用熱水,因為真系好凍呀!!!!!!今日清潔行動完成咗啦!岩岩009反來啦,系廁所回應緊大自然ga  calling.收咗衫,&洗ing衫,一陣long衫.
    放下晝?去邊道威呀?
    [版主回覆11/28/2008 10:34:00]我屋企好dirty架,一定請唔到你去! 你使唔使係度報告009幾時用廁所呀? 整餅!
     

    回覆刪除
  36. 洗e機short short地好似個主人咁^ ~ ^ !
    [版主回覆11/28/2008 10:36:00]哈哈........你唔使係度講,個個都知你short short地啦!  

    回覆刪除
  37. 真係算好彩呀!係要做左人阿媽先會感受到你當時有幾 辛苦幾難受。但難捱日子點都會過去,你囝囝一定會好孝順你。
    [版主回覆11/28/2008 10:35:00]但係大老爺唔理解呢,佢淨係識話佢家姐以前有幾辛苦咁捧大啲囝囡,但就未話過我辛苦!

    回覆刪除
  38. 岩岩執完仔仔個e櫃,發覺仔仔高大咗好多!!!!!!!
    [版主回覆11/28/2008 10:56:00]我噚晚先係床底攞番啲衫出嚟,睇下今日仲有冇時間執!

    回覆刪除
  39. 仲有2個鍾收工,倒數啦!!!
    自由啦,自由啦!!!!!
    [版主回覆11/28/2008 11:15:00]係一個鐘&25分鐘呀!

    回覆刪除
  40. 難得我今日無瞓早覺,仲咁勤力執屋,小丸真系好乖,好叻.
    [版主回覆11/28/2008 11:15:00]乖乖啦~!

    回覆刪除
  41. 好啦,今日勤力ga小丸子任務完成咗啦,系時候去入貨啦,緊系要個大力士幫幫忙啦.
    for home: toothpaste,shampoo,mouth rinse
    for son: 襪(黑,白各幾對),校褸,零食.
    for me: marks six,股票.
    for 老公: 靚女一名(即系我)
    [版主回覆11/28/2008 11:31:00]009放工唔使瞓架?   又同你入貨,去俾錢咋ha wa? 

    回覆刪除
  42. 我出去啦!!!!!!!!!
    [版主回覆11/28/2008 11:29:00]去邊呀,幾時出嚟聚下呀?

    回覆刪除
  43. 大老爺吾會吾知o既,但佢始終吾係阿媽,無做阿媽o既咁入心入肺。妨且聽你講佢都吾係一個會講說話tum你o既人。或者掉轉頭,你都可能睇吾到佢對細路付出幾多,而佢自己可能覺得已經做左好多好多,多到加零一。做阿媽o既都係做農夫,只求耕耘,不問收穫(有時亦不能問,或無得問),犧牲好多。
    [版主回覆11/28/2008 11:55:00]我仲未做到不問收穫囉,真係要學!~

    回覆刪除
  44. 你真是一個有心有愛的好媽媽, 有媽的孩子真幸福
    [版主回覆11/28/2008 11:56:00]個個亞媽都為了自己的孩子的!

    回覆刪除
  45. 斜頸症?真係未聽過tim。我個仔都16歲喇,細個帶佢去打針比人拮大脾我都心痛到死死下,如果阿仔咁樣比醫生扭條頸,我估我喊得仲悽厲過bb tim ar 好彩你仔仔e+無事,話件事比佢聽等佢知你呢個阿媽係幾偉大,佢一定好感動同埋以後都孝順你jack
    果隻日本生蠔好好食的,我每次o係屋企打邊爐一定必備嫁
    [版主回覆11/29/2008 15:06:00]唔好意思,咁遲先覆,因為噚日好忙! 所以真係好心痛架!我要堅強架,我仲要日日咁帶佢去做物理治療,做得好就唔使做手術,好彩好得快! 日本生蠔......我都係第一次見,通常買美國桶蠔!

    回覆刪除
  46. 斜頸症~我都未聽過,.將個bb頸咁扭好心痛、肉痛,你好叻朝朝抱bb去又要趕返工,所以話*世上只有媽媽好*
    [版主回覆11/29/2008 15:03:00]唔好意思,咁遲先覆,因為噚日好忙! 本來噚日覆咗你地架,點知部腦又上唔到網,打咗都無用! 嗰時真係幾忙架!

    回覆刪除
  47. 今日天氣凍左我煲左乾瑤柱鴨腎粥..整碗暖下先
    [版主回覆11/29/2008 15:02:00]唔好意思,咁遲先覆,因為噚日好忙! 鴨腎粥........正呀!加碟炒麵仲正!

    回覆刪除
  48. 你想幾時聚呀?星期1,2,5,6,7都唔得,其他時間都OK架.好掛你同主席呀!!!!!!!!!
     
    [版主回覆11/28/2008 16:33:00]6,7主席唔得!咁不如問下主席8號好嗎?

    回覆刪除
  49. 這個症我第一次聽咋!我一邊讀你這篇網誌,心就一邊痛!母愛真偉大,完全漠視自己的辛苦!
    [版主回覆11/29/2008 09:05:00]唔係囝囝有呢個症,我都唔識架! 諗番先覺辛苦,可能嗰時後生啦!

    回覆刪除
  50. 媽媽真係偉大... 到仔仔再大個少少佢會明白的!! 我都好想打邊爐呀...
    [版主回覆11/29/2008 15:02:00]唔好意思,咁遲先覆,因為噚日好忙! 有機會我都會同佢講嘅! 打邊爐又正又慳功夫,冬天我最鍾意!
     

    回覆刪除
  51. 所以話呢, 始終都係母愛最偉...
    [版主回覆11/29/2008 15:06:00]唔好意思,咁遲先覆,因為噚日好忙! 養兒先父母恩,真係架!無仔無女係唔會明白!

    回覆刪除
  52. 我系星期一,二,五,六,日都唔得呀!!!!!!!
    [版主回覆11/29/2008 15:07:00]唔好意思,咁遲先覆,因為噚日好忙! 我諗都要等到一月啦!

    回覆刪除
  53. 8號我得喎,不過小丸子唔係要返工咩?
    小丸子返少一日啦,佢唔會炒妳架
    [版主回覆11/29/2008 15:08:00]唔好意思,咁遲先覆,因為噚日好忙! 佢唔知制唔制,如果唔係要等到1月啦!

    回覆刪除
  54. 9點零8分啦。
    仲未有呀。
    [版主回覆11/29/2008 15:08:00]唔好意思,咁遲先覆,因為噚日好忙! 噚日電腦曾經上唔到網呀!

    回覆刪除
  55. 我又等緊 涼都未沖呀
    [版主回覆11/29/2008 15:08:00]唔好意思,咁遲先覆,因為噚日好忙! 噚日電腦曾經上唔到網呀!

    回覆刪除
  56. 而家要去沖涼啦,小丸子個第一留俾妳啦
    [版主回覆11/29/2008 15:09:00]唔好意思,咁遲先覆,因為噚日好忙! 噚日電腦曾經上唔到網呀! 小丸子沖完涼仲唔即刻跳上床咩,天氣咁凍!

    回覆刪除
  57. 我都去沖啦!!!!!!
    [版主回覆11/29/2008 15:10:00]沖啦沖啦,沖得乾淨啲喎!

    回覆刪除
  58. 8號唔得呀,要返工呀!!!!!!
    星期一,二,五,六,日都唔得呀!!!!!!!
    [版主回覆11/29/2008 15:10:00]唔好意思,咁遲先覆,因為噚日好忙! 主席叫你返少日呀!

    回覆刪除
  59. 嘩~~ 今日凍o左好多呀!! 飲杯熱茶暖暖先啦......
    [版主回覆11/29/2008 15:11:00]唔好意思,咁遲先覆,因為噚日好忙! 飲杯奶茶仲正!

    回覆刪除
  60. 我都好鍾意去吉之島買餸,o的有機無機菜都好抵,又企理。
    [版主回覆11/29/2008 15:12:00]唔好意思,咁遲先覆,因為噚日好忙! 我都係,有機菜好似唔係好靚咁,你行邊間吉之島呀?

    回覆刪除
  61. 呢 d 就係母性, 每個媽咪都會盡力去保護自己既小朋友, 比最好既野佢......但唔知佢地幾時先會明白.....我都係第一次聽到呢個病.
    [版主回覆11/29/2008 15:13:00]唔好意思,咁遲先覆,因為噚日好忙! 講得啱!我都想佢地明白! 如果唔係囝囝係咁,我都唔知!

    回覆刪除
  62. 呢個症我都有聽過, 因為發生左喺朋友個bb身上, 佢3歲至發覺呀, 好彩最後都好番....bb辛苦, 做媽媽真係好痛心呀!
    [版主回覆11/29/2008 15:17:00]唔好意思,咁遲先覆,因為噚日好忙! 實會好番,睇下使唔使做手術啫! 我好彩遇到個好醫生,一早發現,囝囝嘅情況都好嚴重架,一見都要日日去做物理治療!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^