2008年11月27日星期四

唔健康!!!





健康包!!!


前日,買咗個"美x"全麥合桃南瓜籽包!



突然想睇下佢有乜成份?


可能自己識整包,咪八下囉!


一睇見個標籤,嚇C人呀!


點解咁都可以叫做健康包包?


睇下個標籤仲驚,



乜嘢.................乜嘢抗氧化劑(E300)Flour Treatment Agent麵粉處理齊(E972a,E928)Anitoxident抗氧化劑(E330)Bread Improver麵包轉化劑....Antloxidant抗氧化劑(E1100),Preservatives防腐劑(E282)!



嘩................淨係抗氧化劑都有幾種,有冇害架,係咪用嚟增加麵包個保存期呀?唔怪得之第二日食都可以咁軟熟啦!


咁攪法,我以後都唔敢買呢間嘅麵包囉!


嚇C人,食咁多化學劑落肚,都唔知有乜後遺症!




係啲大型超巿(GXXXT),啲麵包就唔會咁,


我都買過,佢地啲麵包都係用好天然嘅材料,鹽、依士、麵粉等等...........


雖然自己整嘅包無佢地啲咁軟熟,


但勝在無防腐劑、無抗氧化劑囉!


 
 
 
 


開飯啦!!!


入冬啦,有一樣食物係冬天先好味,


就係.............


..............................


~臘腸~


我今次仲要買榮華嘅特瘦臘腸,


好味,唔會食到一舊舊肥肉,


正呀!!!



~炸沙薑單骨雞翼~


今次亂咁撈,見有半包沙薑又搵咗嚟醃雞翼,


睇下咁會唔會好味啲,雞翼我好少食,


但自己煮咗一定要試一兩件,咁先可以知道個後果,


又幾好喎!


今次用咗薑粉、沙薑粉、玫瑰露酒、酒、生抽老抽、糖嚟醃,



~白菜心炒魚片火腿~


小丸子......今日有菜啦!有葉有莖架!



~蒸魚~


真係好多餐無買魚啦,成日買下買下又夠餸,


今日一定要買番條魚俾大少食先得!


主席~你同啲魚咁friend,你一定知呢條係乜嘢魚架!




經過呢幾日思前想後,可能我真係要求太高,


諗番下,我都無為大老爺做啲乜,


成日要求佢做呢樣做嗰樣,


係咪過份咗啲呢?


不過仲係有少少諗唔通!


36 則留言:

  1. 哈!!我有111!
    [版主回覆11/26/2008 20:38:00]今日你好叻呀~

    回覆刪除
  2. 唔.................我相信所有light嘅嘢,又要好味,又要擺得耐,都唔多唔少會多D化學物質................啩????
    [版主回覆11/26/2008 20:40:00]所以都唔好信呢啲嘢呀!

    回覆刪除
  3. 哈哈~沖完涼就變咗亞二添
    [版主回覆11/27/2008 06:01:00]早晨呀,你地沖完涼我瞓咗啦!

    回覆刪除
  4. 3
    [版主回覆11/27/2008 06:02:00]早晨呀!  

    回覆刪除
  5. 我都系岩岩沖完涼,都好有第三
    [版主回覆11/27/2008 06:01:00]早晨呀,你地沖完涼我瞓咗啦!

    回覆刪除
  6. 哈哈~點解會買到黃腳立架 今日無架
    [版主回覆11/27/2008 06:02:00]早晨呀,因為樂富有囉!

    回覆刪除
  7. 商品梗係要有利可圖喇!唔係咁多化學嘢,又點會咁可口,兼賺多d添!
    妳都係位好太太喎!佢明嘅,男子普遍都唔會表達,老實掛!
    我會試吓試吓玩其他嘢,希望佢唔好有意見喇!
    [版主回覆11/27/2008 06:03:00]早晨呀,咁你得兩口子,整咁多可能佢覺得食唔晒掛!

    回覆刪除
  8. 我同主席一齊沖涼所以都遲咗!
    [版主回覆11/27/2008 06:04:00]早晨呀,咁咪入咗嚟先沖涼囉!攞第一要付出架!  

    回覆刪除
  9. 如果唔係咁多添加濟, d 飽飽又點可以 keep 幾日都咁軟熟 ?!
    個雞翼焗會健康 d 喎 !
    [版主回覆11/27/2008 06:08:00]早晨呀,我上次用新鮮湯種都keep得幾好!不過雪過啲湯種就唔好啦!

    回覆刪除
  10. 哈哈, 睇嚟呢次更加令你大條道理自己整包啦!!!
    [版主回覆11/27/2008 06:08:00]早晨呀,係呀係呀!  

    回覆刪除
  11. 聽完你咁講....都係自己學整包好過.....
    [版主回覆11/27/2008 06:09:00]早晨呀,你唔使返工又咁聰明,自己整會 健康啲架!

    回覆刪除
  12. 我好耐都無買過包包食,幾日無整包都堅持唔買,咁就可以迫自己整!
    [版主回覆11/27/2008 06:10:00]早晨呀,我仲未搵到時間夜晚整定,朝早又唔夠時間焗,所以都係買,買啲細麵包鋪,佢地唔會keep咁耐,日日清!

    回覆刪除
  13. 咁就非常好啦,有真正ga菜菜,唔唔就會好順暢啦!!!!!
    [版主回覆11/27/2008 06:11:00]早晨呀,咁你唔好再問我菜菜啦!  我不嬲都好暢通喎! 

    回覆刪除
  14. 個雞翼好惹味 wor.....
    我近年買安記 臘腸, 都幾好味
    [版主回覆11/27/2008 06:13:00]早晨呀,雞翼如果係用焗爐焗會健康啲,不過我又唔想整到個焗爐有油! 安記得唔得呀,幾多錢一斤呀,榮華好貴$50兩双呀!

    回覆刪除
  15. GOOD NIGHT BABY
    [版主回覆11/27/2008 06:13:00]早晨呀!

    回覆刪除
  16. 10101010
    嘩,妳今晚早好多啊,不过我都是刚回家!
    [版主回覆11/27/2008 06:14:00]早晨呀,今晚好眼瞓,早咗出,估唔到你又去咗街!

    回覆刪除
  17. 我係呢邊冇咩好食, 就係靠帶過黎包臘腸醫下思鄉病呀 如月睇黎你好快可以變整包大師! 咁就唔駛再食咁多化學野落肚!
    [版主回覆11/27/2008 06:16:00]早晨呀,其實我仲未知你住係邊?    但我夜晚煮完飯都無時間整包,朝早又唔夠時間焗,所以都係買,買啲細麵包鋪,佢地唔會keep咁耐,日日清!

    回覆刪除
  18. hello, 你好。
    我成日入你個 blog 睇的,偷師煮乜送麻。
    我年年都係食美 x 臘腸,今年試下榮華至得
    雞翼好正,我會試下煮
    [版主回覆11/27/2008 06:18:00]hello,早晨呀,多謝你留言呀! 以後多啲講兩句呀! 我post啲餸都係想俾啲靈感啲同行啫(師奶)! 雞翼好易整,醃料可以隨意用自己喜歡的!一樣都咁好味!

    回覆刪除
  19. 臘腸我都幾中意食架...我食包無留意成份架
    [版主回覆11/27/2008 06:19:00]我時都無架,今次唔知點解想睇下有乜成份!點知嚇c你!

    回覆刪除
  20. 早晨~如月
    麵包成份咁似工業用劑咁恐怖,
    [版主回覆11/27/2008 08:57:00]
    係呀,都幾恐怖!  

    回覆刪除
  21. 早晨, 我第一次到訪, say 個 hello先
    你整中菜西菜,蛋糕甜品都咁叻, 真係要向你多多學習
    榮華的潤腸好食嗎, 我鍾意食潤腸多d
    [版主回覆11/27/2008 08:59:00]係咩,點解我好似係邊度見過你架? 哇,你唔好咁講,我煮咗廿幾年,但係麵包蛋糕都係學緊,都唔係好得! 好食,我買特瘦,因為唔鍾意肥豬肉,佢蒸完都唔會好硬!我等緊佢做二送一呀!

    回覆刪除
  22. 會唔會係開心媽咪 blog& 主席 blog 見過呀
    [版主回覆11/27/2008 09:30:00]應該係主席個blog啦!

    回覆刪除
  23. 而家好多標榜健康的食物都唔係真係健康架﹐ 甚至比唔健康的食物更唔健康。。。
    [版主回覆11/27/2008 09:30:00]講得啱!!!

    回覆刪除
  24. 人無十全十美....兩公婆雖然互補不足....++酒。
    右估魚時間........我食過不過都係唔知咩魚....?
    homemade的麵包蛋糕當然無咩...化學劑...所以整來整去都唔夠出面個的耐軟.... .....我都做過麵包店.....其實的師傅唔係好pro之如仲好dirty 嫁...更係落左好多野係我地唔會落嫁....無辦法啦!! 他們(雲)食...我地為健康...大家都係小食好的.....
    唔知的人...真係以為好好味...其實加左唔小野...所以我好小買包食..
    [版主回覆11/27/2008 10:34:00]下面主席咪講咗囉,佢好叻架,同啲魚好friend! 係呀,不過即日食都好好!但係細鋪會唔會好啲呀?

    回覆刪除
  25. 嘩,咁都可以叫做健康包,真係嚇死人呀!我有個朋友重成日話美x包最健康,真係要叫佢睜大雙眼睇清楚。都係自己做最好!
    榮華臘腸,我屋企附近有間,日日都想買,但係又忍住手,因為食到吾停得口呀!
    大老爺確實已經係一個不錯o既男人,可能你比較少接觸果啲真係衰o既男人,話你知,我身邊見吾少o架。
    [版主回覆11/27/2008 10:32:00]唔睇啲標籤都係架~個包名! 我會多啲諗佢好嘅一面!

    回覆刪除
  26. 自從我有o左之後,我都好留意o的o野食o既成份。嘉x麵包呀﹑美x麵包好多添加o既成份,好假﹗不過有時真係無選擇,我估麵包店即焗的會好o的... Great 太遠啦,以前又一城有都好o的...
    o的果汁﹑汽水等都好多添加劑... 少喝為妙呀﹗得tropicana 係真係純天然咋... 最好當然係食橙啦...
    [版主回覆11/27/2008 11:18:00]係呀唔好亂買嘢,咁多化學劑!

    回覆刪除
  27. 食羊腩煲同打邊邊點會唔預你呢!我o係你整羊腩煲個篇已經話請你嘛!
    [版主回覆11/27/2008 11:53:00]我見你無提我個名ma, hahahaha..................你今朝咁得閑???

    回覆刪除
  28. 早晨呀!  哇~~ 原來美心飽加左咁多添加劑, 之前真係冇留意喎! 好彩你提醒! 以後都唔敢買啦!
    [版主回覆11/27/2008 12:12:00]嘿.......我都係無意間睇到,梗係公佈出嚟啦!

    回覆刪除
  29. 今日LUNCH食咩呀???????
    [版主回覆11/27/2008 15:20:00]今日好頭痛......因為噚晚瞓得好少! 食香茅豬扒喇沙湯檬!麻麻地!

    回覆刪除
  30. 冇得來探你2天,好掛住你啊!你的廚藝和飽飽仍然.......更棒!!!
    [版主回覆11/27/2008 15:19:00]唔怪得之你無見兩日啦,仲以為你好忙,可能係你嗰邊網絡有問題喎?

    回覆刪除
  31. 依家好難搵真係健康o既食物喇, 自己整的就最健康!!
    [版主回覆11/27/2008 15:20:00]yeah.........梗係自己整好啦!

    回覆刪除
  32. 今日唔會息電腦,因為好辛苦先開到!!!!!
    [版主回覆11/27/2008 15:16:00]咁今晚9點見啦!   你會唔會出咸魚相呀?

    回覆刪除
  33. My office pc was down for half day... sigh
    [版主回覆11/27/2008 16:09:00]你係咪講今朝呀?我call咗Frances佢話Rachel無乜事啦!

    回覆刪除
  34. 我宜家係瑞典讀書, 都成年幾lu~ 讀到6月讀完, 應該都番香港la! 唔知到時會唔會變雙失... (雖然可能變雙失, 但都唔再係青年la! 我做左幾年野先黎讀書架!)
    [版主回覆11/27/2008 17:13:00]出年可能經濟會好啲呢!

    回覆刪除
  35. 我係趁做 promo 買 "安記", 而家大班做緊 promo, $49.9 有一盒 (454 g), 我數過有 5孖 ....
    我以前都食榮華, 不過愈來愈貴, 我媽咪介紹我食"安記", 都唔錯, 幾好食  ...
    [版主回覆11/28/2008 06:04:00]早晨呀!幾抵喎,等我買番盒先!我一孖都要$25

    回覆刪除
  36. 新界的榮華黎緊12頭做特價呀.
    仲有我差不多日日食美心既健康包, 好似芝士, 合桃包等.
    [版主回覆11/28/2008 23:17:00]但你睇唔睇美心啲包用啲咁嘅化學劑呀? 

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^