2008年11月26日星期三

平衡!!!





自己嘅事,煩到咁多朋友,


真係唔好意思!


仲好多謝你地嘅意見!!!



估唔到咁多人會聽我呻,


講咗出嚟,真係會舒服啲!


希望自己能夠做到唔再計較!


有時真係覺得自己太計較,


無論乜嘢事都想公平,又會睇唔過眼,


但呢個世界係無絕對公平的,


咁樣成日會令到自己好忟憎,


點先可以平衡自己呢?


話就話可以唔去理啫,點可以做得到先得架?



內心真係好矛盾,點都想佢對我再好啲!


真係咁難做得到?


有時以為我已經做得好好,


其實人地未必咁諗!


咁好多時會令到我好氣餒!


若他可以讚我一句,我再做多嘢都係開心嘅!



開飯啦!


~咖喱蘿蔔魚蛋豬皮~



見啲蘿蔔咁靚,

又要整啲蘿蔔食下先!



~節瓜金菇瑤柱肥牛煲~


因為噚日用淨啲瑤柱,咁就諗咗呢味煲仔菜!



我仲加咗魚皮餃,簡單又好味!



~炸菜蒸肉絲~



好耐無整啦,

又係時候整下lu!



仲有飯後燉品


之前都話要燉啲嘢俾囡囡補下,


今日終於燉咗"當歸南棗蛋茶"



我自己就好少煲呢啲嘢飲!




 

42 則留言:

  1. 111111
    [版主回覆11/25/2008 21:08:00]真係少有喎,你應該好忙架?

    回覆刪除
  2. 2
    [版主回覆11/25/2008 21:15:00](Empty)

    回覆刪除
  3. 哈哈~遲咗添,仲未沖涼諗住攞個第一添,而家沖啦
    [版主回覆11/25/2008 21:13:00]沖咗涼返嚟就見到你攞第二囉!~

    回覆刪除
  4. 今日終於燉咗"當歸南棗蛋茶"---->> 這不是甜的嗎??
    點解您會加肉既??您們一家都不愛吃甜?是嗎??
    [版主回覆11/25/2008 21:12:00]以前亞媽會架雞脾,我無雞脾咪加肉囉!

    回覆刪除
  5. 不比較,不計較
    [版主回覆11/25/2008 21:21:00]知道!

    回覆刪除
  6. 當歸南棗蛋茶好正喎,加埋雞會好飲o的。我最鍾意食當歸﹗
    [版主回覆11/25/2008 21:23:00]我好少煲補嘢,見亞囡手腳凍先煲! 我個街巿無雞買呀!以前亞媽用雞脾架!

    回覆刪除
  7. 如月數唔數到我系第幾呀?
     
    [版主回覆11/25/2008 21:37:00]係五仔呀!

    回覆刪除
  8. 主席你都好呀沖完涼都有第二,我沖完涼都唔知e架排到第幾啦.我一邊做mask一邊上blog!!!!!!!!
    [版主回覆11/25/2008 21:44:00]咁你咪唔好沖涼先囉!  

    回覆刪除
  9. 伍仔有咩好?五太就差唔多.
    [版主回覆11/25/2008 21:45:00]乜009有五位太太呀? 

    回覆刪除
  10. 如月你今晚好似無菜喎?
    [版主回覆11/25/2008 21:46:00]喂..............咁節瓜係乜呀?

    回覆刪除
  11. 當歸?? 我都不知無飲幾多年啦, 之前阿媽買落嗰 d 我仲有一包係雪箱, 睇嚟再凍 d 都要煲埋佢喇.
    [版主回覆11/25/2008 21:47:00]我都係咁話,而家為咗囡囡都要燉番啲嘢俾佢食! 冰箱我仲有兩份鹿茸呀!

    回覆刪除
  12. 777777
    [版主回覆11/25/2008 21:48:00]遲咗少少喎,剛剛食完飯?

    回覆刪除
  13. 節瓜系瓜,唔系菜.所以系5算架
    [版主回覆11/25/2008 21:52:00]唔可以煮咁多碟架,大少又嘈架!

    回覆刪除
  14. 我最鍾意煮當歸同人参俾囡囡,她同你囡囡一样怕凍囉﹗
    不開心就寫出来,我们不会覺烦的,分享一下自己的意见都好的,你要加油啊!
    [版主回覆11/25/2008 21:54:00]我囡囡會凍到啲手指腳指好痕架!好奇怪,但都應該係血氣唔夠! 咁我講幾多你聽幾多啦

    回覆刪除
  15. MOMMY DEAREST HOW ARE YOU?
    如月,菜系要有葉有x(c火唔識打嗰個字)你明啦!!!!!
    [版主回覆11/25/2008 21:54:00]我明,都話祇限三碟囉!

    回覆刪除
  16. 開心返D未????
    [版主回覆11/25/2008 21:56:00]DD啦,仲係叫緊自己睇開啲,但未做到! 呢幾日係寫字樓又做到CC下,個人好忟憎,自己都覺得自己好乞人憎,黑口黑面!

    回覆刪除
  17. 鹿茸我都有呀! 你快 d 諗下要點煲, 我要跟住學呀!!
    [版主回覆11/25/2008 22:00:00]前幾年身體唔係咁好,買咗支鹿茸切咗片,燉咗幾次都無心機燉埋佢,我都係燉豬展咋,無加其他嘢啦!

    回覆刪除
  18. 我都系三碟,是日晚餐有,梅菜蒸肉餅, 白菜 ,佛手瓜紅蘿蔔無花果雪e湯.that's all.好攰所以無心記煮.
    [版主回覆11/26/2008 06:15:00]佛手瓜............我鍾意......等我下星期煲先! 得啦得啦...........今晚煮白菜囉!

    回覆刪除
  19. 睇左前一篇 "100分" 同埋呢篇後....
    相信你老公讚你同欣賞你的話都係放喺心裡面
    不過我地做女人都係有時貪心小小,  希望佢地講出黎, 做出黎先開心    
    所以你唔好唔開心, 唔開心咪講出黎, 我地會聽架 .....
    [版主回覆11/26/2008 06:14:00]小學生都要老師獎勵啦,女人都係人,講一句半句都好呀,一年到晚,"壇"就有份,讚就無啦!咁你話做落去有乜心機啫! 所以我咪呻晒出嚟囉!而家知道會有人聽!

    回覆刪除
  20. 小丸子你好!未瞓呀!
    [版主回覆11/26/2008 06:11:00]早晨,佢要睇亞蘇呀,如果唔係佢瞓咗啦!

    回覆刪除
  21. 瞓啦!!
    GOOD NIGHT 
    [版主回覆11/26/2008 06:11:00]早晨,我無咁夜瞓架!

    回覆刪除
  22. 嘩~好豐富呢~飯後仲有燉品,好補呢~
     
    至衰我家人唔係傷風就係咳,所以未食得補野住呢~否則我都要煲番d野補補呢~
     
    其實我感受到你好鬼鍚你老爺呢~ 你咁用心煮食,我諗佢都感受到,不過唔表達咁咋~
    [版主回覆11/26/2008 06:09:00]咁你教下我燉乜嘢呀,我唔係好識! 你真係明白我!係呀,我係好用心咁煮俾佢地食,但佢地未必明白,囝囝成日話我煮得多,(佢唔鍾意食嘅時候,噚晚煲咖喱魚蛋咁大煲佢又無投訴,仲食鬼晒添)!

    回覆刪除
  23. 整d自己鐘意食既野 做d自己有滿足感既野 只要唔傷害大家既 咪開心囉  
    [版主回覆11/26/2008 06:19:00]我會整多包囉!我鍾意整!

    回覆刪除
  24. 我好記得以前好怕聞到煲當歸陣味架!! 哈哈~ 好多年冇飲過lu~ 有咩想講記得要寫出黎呀, 好多人同你分享呢!!
    [版主回覆11/26/2008 06:20:00]知道啦,多謝你地先!

    回覆刪除
  25. 以上的旦茶,不用再加甚麼的了,有時可由藍棗改用紅棗(去核),
    煮法一樣,想簡單快捷的,炒吓薑飯或薑茶,對身體保暖
    都起到作用的,有時間整的,可考慮以下的食療~
    ______________________________________
    防治手腳冰冷的食療  當歸羊肉生薑煲︰
    當歸15g、羊肉1斤、生薑30g、少量冰糖、馬碲60g、竹枝30g、栗子60g(可加辣椒)  功效︰溫陽補血
    ______________________________
    鹿茸燉人蔘︰
    鹿茸15g、人蔘15g、雞肉4,慢火燉3小時。  功效︰溫陽 益氣
    [版主回覆11/26/2008 08:07:00]早晨呀!咁快有咁多資料!!!!!!

    回覆刪除
  26. 早晨呀,如月姐姐。
    嘻嘻,今朝可唔可以慢30秒呀,我真係好想攞返次第一架。
    [版主回覆11/26/2008 08:07:00]早晨呀!你過咗嚟呀! 唔好意思,我而家先睇到呀!你幾時想攞再話我知呀,讓你一次!  

    回覆刪除
  27. 真係好耐冇煲當歸,以前媽媽常常煲比我飲,結左婚之後自己煲真係數得出次數,真係懶到死!

    回覆刪除
  28. 當歸南棗蛋茶" 要加牛肉...
    [版主回覆11/26/2008 09:47:00]唔得架,我加瘦肉係想無咁"醋"咋,加牛肉會好"醋"架!

    回覆刪除
  29. 好耐冇煲當歸~你囡囡幾多歲咁快要飲當歸啦
    [版主回覆11/26/2008 10:23:00]囡囡十四歲啦!

    回覆刪除
  30. 漏左講早晨~如月
    心情好d未
    [版主回覆11/26/2008 10:24:00]DD啦!

    回覆刪除
  31. 你心情好啲,咁就好囉。 要佢對你好啲,你直情開口同講佢點點點做,睇佢點講啦,或者好似佢灌輸個囝咁灌輸依啲思想比佢,慢慢同佢洗腦。
    果啲魚蛋豬皮,雖然簡單,但睇到我流哂口水,我要整個車仔麵,加埋你啲餸先。
    [版主回覆11/26/2008 10:25:00]開口佢都無反應,咁都唔知佢收唔收到? 我成日都e-mail俾佢講我嘅感受架la!都無用! 好,我鍾意食車仔麵!

    回覆刪除
  32. 不如咁啦, 好似我咁, 有時真係同老公講, 我都係一個普遍既女人, 女人係咁架啦, 係鍾意人tum架啦, 話佢知囉.....睇下佢有咩反應先....
    [版主回覆11/26/2008 11:04:00]有架有e-mail俾佢架,不過佢無反應好難搞架!

    回覆刪除
  33. 希望你心情好D啦!樣樣睇開少少啦!
    [版主回覆11/26/2008 11:02:00]好DD啦!我個人就係睇唔開,所以先咁唔開心,EQ唔夠高ma!

    回覆刪除
  34. 親口同佢講呀, 睇下佢仲答唔答妳....
    [版主回覆11/26/2008 11:27:00]試過,成晚得我講,佢無答!

    回覆刪除
  35. 講出o黎會舒服o的o架!! 有咁多 blog 友支持你呢......
    [版主回覆11/26/2008 15:29:00]我知啦!    

    回覆刪除
  36.  快D開心番啦!
    [版主回覆11/26/2008 15:29:00]我會啦!  

    回覆刪除
  37. 記 d 開心既野, 唔開心既野唔好記 !
    其實大佬爺都算唔錯呀, 又幫手做家務, 又會執屋,  人唔會有十全十美既........既然你知佢唔係一浪漫既人, 咁係呢方面就唔好有祈望, 咁自己就可以開心 d......快 d 開心番啦 !
    [版主回覆11/26/2008 16:13:00]我知佢真係幾好!我會盡量架la!

    回覆刪除
  38. 如月,我革命成功咗啦!!!!!!!
    多謝你呀!多謝你的支持
    [版主回覆11/26/2008 16:13:00]咁即係點呀,講多啲呀,係咪換個老師俾你個仔呀?

    回覆刪除
  39. 真係有好多朋友支持你架, 快d開心番啦!
    [版主回覆11/26/2008 16:14:00]知啦!今日大老爺有少少回應啦!

    回覆刪除
  40. 系呀,換反以前個老C比我個仔仔呀!!!!
    [版主回覆11/26/2008 16:42:00]我係主席度睇到啦,恭喜晒,係咪你同校長講架?

    回覆刪除
  41. 我打反學校話要揾校長,校務處叫我留電話&講底關於咩事,之後校長秘書call back我,我就一五一十再話多次比佢聼,過咗好耐之後樂器科主任就call 我,就話ok啦,換反以前個老師&換咗上堂時間.
    就快收工啦,去咗 toilet 未呀??????
    [版主回覆11/26/2008 17:26:00]哈哈.......都話你係BOSS梗係有權話事啦!無理個老師仲惡過你架,如果囝囝因為咁怕咗學咁邊個負責先! 我走啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^