2008年11月24日星期一

包包包!!!



包包包


又係包,


呢兩日整咗三款包,


自從開始整包以來,


見證自己由乜都唔識,到而家明白咗好多,


技巧上已有少少進步,


滾圓.....以前整極都唔得,


而家已經可以掌握到,仲滾得好圓添!


搓包.......已經可以掌握到幾時要加粉,幾時要加水!


唔係淨係識看住個份量,


要看每次嘅情況!(濕度、溫度和唔同麵粉都唔同)


搓包真係好好玩,

我會繼續玩嘅!



不過,


大老爺已經投訴我成屋都係架撐,


啲嘢成日俾佢執到啲嘢唔知去咗邊,


每次要用時又搵唔到,好鬼C激氣,


佢夠成屋都係喇叭同CD啦,


又唔見我話佢?


最憎佢攪我啲嘢架!


要用嘅時候又搵唔到!


今朝想用之前SYC送個樽海苔粉,


點知噚晚又唔知佢將樽嘢放咗係邊,


後來囡囡幫我搵到,


我又無睇清楚,以為綠色就係,


今日整包做型之後,


灑咗兩三個包後,嗅到陣香草味,


幣....

.....係all-purpose香草(何師奶用嗰隻呀)!


有冇攪錯呀,即係仲未搵到樽海苔粉!


又周圍咁搵,都唔知大老爺幫我放咗係邊,


搵到個人真係忟晒,


幾乎想殺人呀!


好彩最後都搵到咋!


 
 


買咗本湯種書好耐,


噚日整咗個湯種,所以今日繼續我嘅整包之旅!


SYC樽海苔好鬼C香架!


但因為烏龍嘅關係,

有一半係香草腸仔包!


~海苔腸仔包~(詳細食譜)



仲有湯種咪再整個吐司做聽日早餐囉!


牛奶吐司最軟熟架la,I love it!


~北海道牛奶吐司~(詳細食譜)



噚日好多人想見下我個新look!


今日特登係公園影咗兩張相交代下!


係咪好樣衰呀,


好鬼C短!


左面!



右面!



35 則留言:

  1. 1
    [版主回覆11/23/2008 21:42:00]哈哈哈..........啲師奶煮緊飯呀!

    回覆刪除
  2. 後面呢?
    [版主回覆11/23/2008 21:45:00]點影呀!你估犯咩! 使唔使揸個牌呀!  

    回覆刪除
  3. 你整包包真係好掂!
    個新髮型好清爽呢
    [版主回覆11/23/2008 21:46:00]個包都幾好食架! 髮型啱我咩????

    回覆刪除
  4. 都唔係好短啫你個新髮型,我覺得幾清新呀﹗久不久轉個完全唔同o既髮型,好刺激架﹗我最鐘意,反正頭髮好快長之嘛....
    [版主回覆11/23/2008 21:58:00]好短喎,個髮型師又話剪一寸,點知越剪越短,冬天先可以咁咋,夏天一條頭髮我都唔可以掂到塊面架,我好怕熱! 我都唔介意架,我啲頭髮好快長,而家長到夏天又可以束馬尾!

    回覆刪除
  5. 我初頭都諗緊係咪用海苔粉整的腸仔包呢,一路睇一路想同你講,唔見佐咪比過樽你囉,唔好咁動氣啦,見你話搵返,就想同你講,好囉,鬆口氣啦,咁你鍾唔鍾意呀?點知你話搞錯佐,原來個樽係香草,我真係比你笑死我!
    [版主回覆11/23/2008 21:55:00]係呀,前一晚囡囡話搵到,我都以為係, 灑咗落個包度先知唔係,咁又周圍搵,幾乎搵到想殺人囉先搵到,所以上面三個係香草包三個係海苔包!哈哈哈.........係咪好攪笑呀.....

    回覆刪除
  6. 仲有,個北海道好靚呀!
    你個新look都好靚呀,我都會每兩三年剪一次短髮,有時長有長好睇,短有短好睇,可能你未睇慣啫!
    [版主回覆11/23/2008 22:07:00]多謝! 個腸仔包就差啦,包邊披晒出嚟,整得好肉酸! 係呀,我成日都轉髮型架,邊日突然覺得樣衰,就會想即刻剪咗佢架!

    回覆刪除
  7. 兩隻包我都鍾意食~想問問 海苔粉係邊處買??
    [版主回覆11/24/2008 06:31:00]呢樽係人地送架,我都唔知,如果見到話你知啦!

    回覆刪除
  8. 剪新LOOK都唔錯喎!
    [版主回覆11/24/2008 06:30:00]多謝!

    回覆刪除
  9. 除咗煮餸叻, 連整包都好掂呀
    [版主回覆11/24/2008 06:30:00]多謝!我都係學緊咋!

    回覆刪除
  10. 6666666
    喂靓女。。。好正
    [版主回覆11/24/2008 06:30:00]多謝!唔使咁讚我喎!

    回覆刪除
  11. d腸仔花好靚呀! 你d包包真係愈黎愈好啊!
    [版主回覆11/24/2008 06:08:00]整得唔係咁好,個邊披晒出嚟! 係呀,有少少進步!

    回覆刪除
  12. 都唔係好差啫!!遲D再長少少再修多DD就得!! 唉!!我都冇位擺D架生呀!!!堆積如山!!!點算呀!!!
    [版主回覆11/24/2008 06:21:00]無法啦..........留多啲會好啲嘅! 咁有冇人投訴你呀?

    回覆刪除
  13. 哇~!你好厲害呀~!連續整3輪包~!勁呀~!
    新髮型唔錯呀~!好有秀氣呀~!點解唔鍾意呀?!
    [版主回覆11/24/2008 06:29:00]多謝!今次真係好勤力! 算係咁啦,不過我好怕熱,夏天一定唔得!~

    回覆刪除
  14. 牛奶吐司好令呀!
    我就係吾識整面包..!成日都吾識發酵..好想學呀~~
    [版主回覆11/24/2008 06:05:00]我都係學緊,你可以click入呢度睇下,會清楚啲! http://hk.myblog.yahoo.com/MoonCook-MoonLife/article?mid=9265

    回覆刪除
  15. 妳整飽越黎越叻  
    [版主回覆11/24/2008 06:03:00]多謝!我會繼續學習!

    回覆刪除
  16. 個髮型幾襯你喎!
    哇…你好叻呀!識整包,唔駛買啦?
    等我搬咗出黎九龍之後,一定要向你請教!!
    [版主回覆11/24/2008 09:25:00]多謝!但我鍾意夾起前面啲頭髮架,做嘢唔方便!我係咪成個亞嬋咁呀! 你問我識答一定答你,我都係學緊!

    回覆刪除
  17. 如月,你有無整過曲奇?我突然間好想整朱古力曲奇
    [版主回覆11/24/2008 09:24:00]有呀!http://hk.myblog.yahoo.com/MoonCook-MoonLife/article?mid=4009

    回覆刪除
  18. 我又係比老公投訴我周圍都係 架撐 ,其實我比起你哋真係好鬼少野。沉晚咪卒之買左個架,專係放我啲 架撐囉,佢地自己果啲咪又係周屋都係,再講落去又扯火呀!
    乜野係湯種呀?好好食o架?要研究下先。你啲包包做得好靚呀,我依家都未識得點樣滾圓呀,又個個o既份量都吾平均,要再鍛鍊。
    你個新look好迷人啫,我就幾十年都係咁o既樣。
    [版主回覆11/24/2008 15:04:00]我已經好多地方擺架撐! 湯種....你可以睇我前兩篇~湯種做法! 滾圓....我都要做咗幾次先可以掌握到,無得教,你要用手去感受個麵糰,輕壓然後打圈咁! 多謝,你氹我嘅!

    回覆刪除
  19. 我就我既用具全部放0麗係廚房......我老公就唔會理.....但我個仔..就成日唔知比佢攞左去邊度玩..辦我整野...
    [版主回覆11/24/2008 15:04:00]我個廚房好細無地方!

    回覆刪除
  20. 哇!個腸仔包好型呀!i'm lovin' it~~
    [版主回覆11/24/2008 14:57:00]但你唔見披晒口咩,失敗架!

    回覆刪除
  21. 個新髮型好爽....
    尋日係馬健記都見到你本書, 但好似好貴, 仲未捨得買 !
    個北海道牛奶吐司好令呀 !
    [版主回覆11/24/2008 14:56:00]所以我無錢淨囉,我見鍾意就買架la!我已經有二十本書啦! 個湯種雪咗整無咁好,如果用湯種即日整真係好軟熟!

    回覆刪除
  22. 嘩, 整咁多包邊度食得晒呀???? 最衰唔係住係妳附近.....
    妳d頭髮都唔係好短者....ok喎...我覺得妳d頭髮放落唻好睇過扎起呀....
    [版主回覆11/24/2008 15:05:00]兩日嚟架,個吐司係今日同聽日我嘅早餐! 哈哈.......你住係我附近一定變豬!    我知放落嚟好睇,但我怕熱,情願做亞婆都要扎起佢!

    回覆刪除
  23. d 包包好靚 wor... 由其係個北海道吐司
    個髮型都唔錯吖....唔算短
    [版主回覆11/24/2008 15:06:00]個樣都幾靚(腸仔)!北海道吐司可能肥do do所以靚囉!

    回覆刪除
  24. 我個廚房都好細....但間左好多廚櫃...可以放多的位..
    但間屋大部份都係我老公既野...所以只係廚房最多我既野.
    [版主回覆11/24/2008 16:08:00]我個廚房祇可以行入一個人咋!無乜廚柜!

    回覆刪除
  25. 新髮型好cute好靚呀!
    你估唔估到我剛才做乜?讀到你分享搓飽的經驗,我立刻衝入廚房加麵粉入麵飽機內,因為正在搓的麵團好濕,今次我唔跟份量做,將剛渣完豆漿的豆渣放哂入去,垃亂來做,唔知成唔成功??
    [版主回覆11/24/2008 16:54:00]個份量都係參考啫! 總之執生啦!

    回覆刪除
  26. 新髮班好清爽呀!
    [版主回覆11/24/2008 17:01:00]但我鍾意扎起前面啲頭髮架,做嘢唔方便!

    回覆刪除
  27. 好好睇呀,好清爽,一D都唔樣衰
    [版主回覆11/24/2008 17:02:00]但我鍾意扎起前面啲頭髮架,做嘢唔方便!

    回覆刪除
  28. 快D.....走呀......收工啦!
    [版主回覆11/24/2008 17:22:00]你買咗咸魚未?

    回覆刪除
  29. 個 look ok 喎! 之前講到好短我仲以為真係男仔頭嗰隻添!
    [版主回覆11/24/2008 21:08:00]多謝!長番少少仲好啲! 哈哈.........講嘢梗係誇啲啦!

    回覆刪除
  30. 個新髮是你提出去剪定髮形師呢?  上面好鬼美, 成個蝶形~  你弄麵包已經出神入化了!
    [版主回覆11/24/2008 21:09:00]係做負離子衰要剪咋,我想扎馬尾架! 無咁誇,我都係跟書啫!

    回覆刪除
  31. 新造型都幾清爽呀!! 我成日都覺得搓包好煩好多野洗又多步驟, 都係咪搞我~ 你d包包好靚好吸引呢~
    [版主回覆11/24/2008 21:10:00]多謝! 我又好鍾意搓包喎!洗就煩啲!
     

    回覆刪除
  32. 佢都冇乜投訴,不過自己用都唔方便,仲慘!!
    [版主回覆11/24/2008 21:10:00]我用仲慘啦,周圍搵啲嘢!

    回覆刪除
  33. 你攪到我好鬼死想整包包呀.....我唔喜歡食包,都想整呀,可能我由細到大都買唔到好食既包包,如果我整得好食,我可能會喜歡食包既
    [版主回覆11/24/2008 21:12:00]我都係俾BLOG友引到我走火入魔咋! 我都學緊點樣整到啲包可以放到第二日都咁軟熟!

    回覆刪除
  34. 都不是很短啫~幾清爽呢~
    您d包包可拿出去賣了~
     
    [版主回覆11/24/2008 21:12:00]係咩? 唔得呀,仲研究緊點樣可以整到啲包放到第二日都軟熟?

    回覆刪除
  35. 明日放工就去買啦,蒸肉餅好OR炒介蘭呢?
    去主席嗰個街市.
    [版主回覆11/24/2008 21:13:00]咁聽日記得出BLOG呀!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^