2008年11月22日星期六

大出血!!!


天氣真係凍咗好多,


皮膚開始痕癢,


錢包又要出血啦!


買買買.............護膚品

............潤膚膏等等!


錢包唔出血,對腳就出血架啦!


所以話女人錢好易賺架!


女人.........

係社會經濟繁榮嘅中堅分子,


無咗女人,各行各業都會差好遠!



星期五


梗係我同大老爺拍拖嘅日子啦!


(其實係囝囝囡囡唔同我地食飯就真)


都係係旺角區搵食,


今次試呢間



成日都行過,門面好似好吸引咁,


想試好耐,


雲南酸辣又係我嘅飛弗!


環境幾好,啲亞姐都好好口架,


但食物款式似乎少咗啲,


炸蝦餅,幾好味,成餐最好味就係呢樣!



我嘅酸辣米線,我要小辣8級(最少第三級)﹐


嘩......都好辣喎,


啲魚腐好唔掂,豬紅無味,鹵水蛋咸到C呀!


米線我就覺得硬咗少少!



大老爺嘅中辣米線,好辣架!


佢平時食麵閑閑地都落四五匙辣椒油,


佢都幾乎頂唔順!



魚皮都幾脆!



油菜心,

好老呀!



總括來話,我唔會再去食囉!



前日整餸,淨番少少咸魚,


噚晚就整咗碟炒飯帶飯,


~咸魚雞粒炒飯~(詳細食譜)



今日叮飯時不知幾香,


咸魚嘅香味,真係遠遠都嗅得到!


33 則留言:

  1. 11111111111111111111111111111
    [版主回覆11/21/2008 22:10:00]無人玩都玩?

    回覆刪除
  2. 哈哈~到我唔記得 益咗拾貳添
    [版主回覆11/21/2008 22:11:00]好彩你入下嚟啫,悶C拾貳哥啦!佢仲以為好似你度咁熱鬧!  

    回覆刪除
  3. 我都有33333333333333!
    [版主回覆11/21/2008 22:19:00]我呢度好易有架!傻妹!  

    回覆刪除
  4. 哈哈~妳就好啦仲可以有二人世界,我好耐都未試過啦,今日同佢講我帶個仔搭巴士果陣"樓"到隻手,佢就叫我去睇跌打有保險喎,都無問過我有無事架 完全都無關心過我
    [版主回覆11/21/2008 22:21:00]我唔好得你幾多,上次我病到CC下,大老爺都無問過我一句呀! 佢地嘅關心可能祇會埋係個心度!把口唔會講架!

    回覆刪除
  5. 都係你o既咸魚雞粒炒飯最吸引﹗
    [版主回覆11/21/2008 22:22:00]咸魚雞粒炒飯真係好野味!

    回覆刪除
  6. 譚仔雲南米線好好味,有冇試過??
    [版主回覆11/21/2008 22:25:00]好似係始創附近係咪? 我好鍾意食灣仔嗰間南記架,啲腩肉同春卷好好味架!

    回覆刪除
  7. 今日早DD收工,啱啱陪個女做功課,邊得閒悶呀。
    都係如月姐姐明男人多D。
    [版主回覆11/21/2008 22:37:00]你個女中幾呀,仲要跟功課?好中一係咪? 日日俾你叫姐姐叫到老晒! 

    回覆刪除
  8. 咁乾燥,男人都要用 LOTION啦。女人就更加大條道理添。
    [版主回覆11/21/2008 22:44:00]你就明啫,大老爺唔明喎,佢乜唔使用嘅~

    回覆刪除
  9. 淨係坐佢隔離陪佢咋。做唔夠兩嘢,又話眼瞓,跟住上埋床。
    [版主回覆11/21/2008 23:03:00]我諗佢地坐係電腦前最有耐性!

    回覆刪除
  10. 雲南米線 - 我只會去尖沙嘴樂道個間去食,因為試過幾間,呢間最好味 ~ 
    我都食得好辣架 ~ 
    [版主回覆11/22/2008 08:19:00]我鍾意香港灣仔間南記,好好好味! 我好酸辣但唔係食得好辣,你地以前成日都食辣架係咪?

    回覆刪除
  11. 555555555555
    55都不錯,早前都未出哪 。。。
    我有经过这間,但就被那間忘了名的焼鸭店引左去
    [版主回覆11/22/2008 08:18:00]唔錯唔錯!我每晚都應該係9點出,不過星期五六日可能會遲啲(出街ma)!  這間唔好食囉!淡茂茂!

    回覆刪除
  12. 最初係喺深水埗,依家尖沙咀,始創中心附近都食到,YEAH!!!
    [版主回覆11/22/2008 08:16:00]你試過香港間南記未?真係好正架,有時會買啲春卷(係魚肉炸架)返屋企做餸!

    回覆刪除
  13. 天氣干燥,試吓買枝Ego既QV雪花膏搽吓,澳洲製造的,
    100g既,在藥房賣緊五十幾蚊咋,幾好用的,又不怕太"立",
    我同個女都搽緊它~而睡覺前可以用Ultra Ready E-honi
    (口罩牌子"理的"出品既潤唇膏),藥房賣緊廿幾蚊,好鬼潤的呢~
     
    [版主回覆11/22/2008 08:15:00]QV我用緊啦,之前仲係藥房買咗盒澳洲羊脂膏,$52俾囡囡用!潤唇膏我用Kieth's好潤又keep到好耐$80一枝!

    回覆刪除
  14. 我就淨係鐘意碟魚皮唧.........
    [版主回覆11/22/2008 08:12:00]佢都無乜邊幾碟好食,碟魚皮又幾好食架!

    回覆刪除
  15. 我記得以前有個朋友用好不俏的嘴臉話d女人,係購物狂、無貢獻、又易比人氹、成日買埋d無謂野…
    當時有個女人反問佢,男人努力掙錢係為邊個呢,何賞唔係為女人?!
    當時全場拍掌,不知幾震撼!個男人即時O嘴!
    [版主回覆11/22/2008 08:12:00]無咗女人,啲男人都唔買嘢! 無咗女人,好多人會失業架! 女人扮靚咪又係為咗啲男人,唔通啲男人會想見到個黃面婆咩? 

    回覆刪除
  16. 所有野食都好正啊~!
    [版主回覆11/22/2008 08:10:00]裕一品啲就麻麻地!

    回覆刪除
  17. 好靚既 炒飯...
    .....我 一支johnson baby全家用....低...

    回覆刪除
  18. 係呀 ~  印度式、馬來式、泰式都係食得好辣架 ~
    我在屋企係辣椒王,阿媽成日都話食得多對個胃唔好,但我食左咁多年都無事呀 ~ 
    [版主回覆11/22/2008 15:20:00]食辣皮膚會好靚架,係咪呀?

    回覆刪除
  19. 我同卓高一樣都好鐘意食譚仔雲南米線,好正架!
    [版主回覆11/22/2008 15:14:00]咁我要去試下囉!

    回覆刪除
  20. 唉…我啲護膚品都未得閒轉季~
    呢個我好鍾意食呀:
    [版主回覆11/22/2008 15:14:00]我好鍾意炸蝦餅架,一食我要食兩三塊架!

    回覆刪除
  21. 好耐未試過2人世界去食飯
    個炸蝦餅幾好味咁....
    酸辣米線.....見到都 , 不過睇見你話麻麻
    [版主回覆11/22/2008 15:13:00]我由一開始都已經安排咗一日俾自己兩公婆單獨相處一晚(都係一餐飯啫),咁有嘢可以係呢日傾! 唔好去呢間!隔離街有間門面普通的仲好食過呢間!

    回覆刪除
  22. 雲南米線葵芳廣場有間好好食,你有無去試過
    [版主回覆11/22/2008 16:56:00]葵芳廣場好少入去,未試過!

    回覆刪除
  23. 食辣皮膚會靚?  我真係未聽講過哦 ~
    我皮膚都唔係好好,不過因為從來都唔鐘意化妝,所以個樣同年紀有少少差距 ~
    妳又估唔估到我幾歲? 
    [版主回覆11/22/2008 16:55:00]我亂估架........估錯唔好嬲呀!35?

    回覆刪除
  24. 辣! 我鍾意,最鍾意.我可以一邊食飯一邊食指天椒 正呀!!!!!!!!
    [版主回覆11/22/2008 17:25:00]你嚇C我咩?

    回覆刪除
  25. 我老公話想食咸魚蒸肉餅,但系佢話要d咸魚要有魚味,唔要得個咸字,咁我應該系邊道買呀? 點知d咸魚有無魚味呀?系唔系要試食呀?
    [版主回覆11/22/2008 17:29:00]你買梅香咸魚囉,最香架la!街巿雜貨店有斬件買,我上次個件$22呀,可以分兩次煮又得,落一半挅一半放上面又得!  生架    ,點試食呀,索下咪知香唔香囉!

    回覆刪除
  26. 咁未要用手 仲要索????????? 點呀???
    [版主回覆11/22/2008 17:36:00]咪你咪話亞哥俾舊梅香咸魚你囉,話之佢有無魚味啦!

    回覆刪除
  27. 一入來就第尾了....... ......你仲話易!?!?
    [版主回覆11/22/2008 17:36:00]哈哈.........你又瞓唔着呀,我整緊湯種...咖啡吐司呀!

    回覆刪除
  28. 真人?好!
    38  too 大啦!
    都話要有魚味呀?有魚味呀?有魚味呀?有魚味呀?有魚味呀?有魚味呀?有魚味呀?有魚味呀?有魚味呀?有魚味呀?有魚味呀?有魚味呀?有魚味呀?
    [版主回覆11/22/2008 17:53:00]好肉酸呀!  36囉!  咁你索下索多兩下囉!魚梗係有魚味啦! 

    回覆刪除
  29. 魚味?
    真真?
    I WILL TRY? BUT NOT WITH HANDS。
    [版主回覆11/22/2008 18:39:00]咁你將個頭擺落舊咸魚度囉!  

    回覆刪除
  30. 嘩!  超準呀 ~~     我屬鼠架 ~ 
    [版主回覆11/22/2008 19:45:00]哈哈哈.......................咁我大你好多啦!

    回覆刪除
  31. 我以前帶飯返公司 好小帶咸魚同蝦醬呢d 因為怕比人話
    [版主回覆11/23/2008 15:47:00]我話之佢

    回覆刪除
  32. 自從舊年開始做左 full time mom 之後, 真係好耐冇二人世界出去食飯喇, 行下街都有嘅
    搵 d 機會同老公又去二人世界食下飯先...
    [版主回覆11/24/2008 15:15:00]啲細路幾大呀?

    回覆刪除
  33. 大仔 10歲, 細囡 4歲 ......
    [版主回覆11/24/2008 15:40:00]咁你真係忙啲啦!咁可以叫你老公放假製造二人世界囉!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^