2008年11月21日星期五

有腦用!!!


我部腦好番啦!


有腦用啦!!!


無腦的日子真係難過,要低聲同囝囝借電腦,


仲要快快趣趣喎!


好嘢,今晚可以慢慢咁打囉!



 
 


今日星期四,本來係簡簡單單煮麵,


不過前日俾主席個blog引到我流口水,


羊腩煲

係我冬天最鍾意食嘅菜,


但係出街都無得食,


點解???


咪係人地唔鍾意食囉!


都唔明,我鍾意食嘅餸都無人食,


成日都要遷就佢地,


叫餸都要叫佢地鍾意食嘢,


有一次,因好耐(都有大半年)無叫粟米班塊(我鍾意食),


所以咪叫一次俾自己食下囉,


點知大老爺問我,

做乜叫呢碟???


咁我咪話,叫一次都得ma,


次次都就你地!見咁耐無食,叫一次都得掛!



唉.......祇有我就佢地,想食下自己想食嘅都唔得!


早幾日,見牛肉檔有新鮮羊買,已經心郁郁,


點知俾主席引一引,即晚買嚟整!


都好貴呀,成$85,仲未計其他材料,


唔理得咁多啦,


今晚一於用羊腩煲嚟打邊爐,


唔理得咁多,

食就食唔食就算!


 
 
 



~枝竹冬菇馬碲羊腩煲~(詳細食譜)



yummy yummy yummy


我煮羊腩煲喜歡多啲汁,因為可以放啲生菜落去滾一滾,


記住唔好放生菜落去煮呀!


無咁好味架!


仲有呢個腐乳醬一定唔少得嘅!



仲有好多配料架!



 


33 則留言:

  1. 1
    [版主回覆11/20/2008 21:32:00]恭喜! 

    回覆刪除
  2. 哈哈~差d唔記得,果個拾貳又話咩....
    [版主回覆11/20/2008 21:33:00]拾貳話嘅嘢你都信! 

    回覆刪除
  3. 哈哈~我今日又係打邊燼,牛肉都買咗$100,盲毛講咁貴洗乜係屋企食(佢估係屋企食唔洗錢 )
    妳夠時間蚊咩?
    [版主回覆11/20/2008 21:35:00]又咁啱...............你又打錯字啦!  點解啲男人永遠都唔知價架?  我用真空煲架!

    回覆刪除
  4. 2
    [版主回覆11/20/2008 21:55:00]鴨仔2.............好!

    回覆刪除
  5. 哈哈~終於拿番隻鴨仔二喇~
     
    羊腩煲..哈哈~我家老爺見到一定流口水呢~但我戒咗牛同羊呢~
    [版主回覆11/20/2008 21:55:00]戒牛同羊? 我好鍾意食牛架!

    回覆刪除
  6. 我比較少食羊肉,好多時屋企人鐘意食,我就埋佢地,費事掃興 ~ 
     
    [版主回覆11/21/2008 06:08:00]早晨呀!我都少........一年食幾次!

    回覆刪除
  7. 點呀?
    點解會咁架?LATE少少......
    主席你都黎呀?
    [版主回覆11/21/2008 06:08:00]早晨呀!點解咁late呀,又出咗去食飯?

    回覆刪除
  8. OH!羊.I DON'T LIKE!
    但我老公like.
    [版主回覆11/21/2008 06:09:00]咁你整俾佢食啦,佢實錫晒你!

    回覆刪除
  9. 55555555555
    我妈咪好出名这度菜啊,所以我好中意食
    [版主回覆11/21/2008 06:09:00]早晨呀!我都鍾意,但唔係時時食!

    回覆刪除
  10. 你又補一補呀! 其實我都唔食羊肉架! 不過覺得你太廿四孝, 搞到成日自己鍾意食既野都冇得食
    [版主回覆11/21/2008 06:10:00]早晨呀!唔係廿四孝............係被迫架,費事又俾大老爺話做乜叫呢味呀?

    回覆刪除
  11. 都好貴呀,成$85,仲未計其他材料---->>我係您,就自己約朋友出去食冇咁嬲,您自己整,仲貴過出去叫,仲要老公都唔欣賞的,唉~真慘~
    [版主回覆11/21/2008 06:12:00]我唔會成日煮,真係貴過出面,不過呢隻係新鮮羊喎,好腍架! 係呀.........噚晚佢地三個都食得好勉強!

    回覆刪除
  12. 咦???好耐冇煮飯,乜依家有豆苗買嗱???
    [版主回覆11/21/2008 06:12:00]早晨呀!咁你真係好耐無入街巿啦,買咗成個月啦!

    回覆刪除
  13. 打邊爐即刻暖哂喇! 做煮婦真係慘,樣樣都要就佢地口味,不過........又會您鍾意既,佢地個個都唔鍾意既?
    [版主回覆11/21/2008 06:18:00]早晨呀!係咁啱囉,我鍾意食泰國菜佢地又唔鍾意,羊腩煲佢地都唔鍾意!上次叫粟米班塊又俾人話!

    回覆刪除
  14. 你個羊腩煲炆得好靚呀 你屋企次次打邊爐都好多美食呀 仲要樣樣係靚野呢
    [版主回覆11/21/2008 06:17:00]早晨呀!邊係靚嘢啫?

    回覆刪除
  15. 唔該~!!加多雙筷
    [版主回覆11/21/2008 06:16:00]早晨呀!隨時歡迎!

    回覆刪除
  16. 個羊腩煲好yummy, 佢地唔識恩賞咪自己食囉,重enjoy呀!
    [版主回覆11/21/2008 06:15:00]早晨呀!好大煲架......一個人點食得晒!

    回覆刪除
  17. 早晨呀,如月姐姐。
    尋晚又俾個女激到暈,無心機呀。
    [版主回覆11/21/2008 08:06:00]早晨呀!哈....你過咗嚟呀! 主席噚晚真係等你同佢玩架!

    回覆刪除
  18. 我呢幾日上blog成日load唔到相,比yahoo激C!!!!~~~今日睇到啦!!!yeah~~~
    羊腩煲喎!!!咁正都唔識欣賞???~~~咁佢哋有無食晒呀???
    澳洲D羊又平又靚架,所以我老豆成日整!!!我老公以前唔食羊,但都鐘意咗食羊腩煲啦!!
    [版主回覆11/21/2008 08:18:00]早晨呀!YAHOO有時好唔穩定架! 唉,成家得我鍾意食咋,我呢隻係新鮮草羊,啲肉好腍,唔同街食嗰啲架! 咁你試下用澳洲羊整羊腩煲俾佢食啦!

    回覆刪除
  19. 腐乳醬一定要多的先好味... ...羊的骨同肉都一半一半就最very good la...
    [版主回覆11/21/2008 10:51:00]早晨呀!係呀,我買嘅時候個老細都係咁講!

    回覆刪除
  20. 啱呀,吾可以全部就哂佢地o架,要對自己好啲。我地做人老婆阿媽,成日都要犧牲好多,有最好食o既都比哂人食,有咁大件就比咁大件,所以佢地有時都應 該就下我地嘛,絕對支持你!!!
    [版主回覆11/21/2008 10:52:00]早晨呀!係亞媽先明啫!今次對自己好啲啦!

    回覆刪除
  21. 羊腩煲炆得好靚仔,佢地唔食叫我地去食,你叫到唔得閒都飛身黎
    [版主回覆11/21/2008 10:53:00]早晨呀!好腍架!

    回覆刪除
  22. I also agree with what mother said .... 佢地有時都應該就下我地嘛
     dont want to eat, dont eat LAW!  oops,   not a very good role model  !
    [版主回覆11/21/2008 12:22:00]哈哈..........講得好,我都想十次佢地就我一次架!

    回覆刪除
  23. 嘩, 羊腩煲我鍾意呀 ..等我都跟妳個食譜學下炆先....
    好在我對囝囡既口味都似我者, 不過可能係佢地細個既時候, 我都係自己鍾意食咩就煮咩, 佢地食慣左我既口味.....
    我覺得係咁, 梗係做煮飯果個話事啦, 自己鍾意食咩咪買咩整囉...
    [版主回覆11/21/2008 12:21:00]要買新鮮草羊喎,雪藏嘅無咁腍架! 咁煮出嚟食淨晒我都唔想啦,咪煮啲佢地鍾意食囉!

    回覆刪除
  24. 好豐富喎
    [版主回覆11/21/2008 12:20:00]啲羊腩好腍架!

    回覆刪除
  25. 呵!有無咁多野食?我琴晚食麵麵咋!你蝦我!
    [版主回覆11/21/2008 13:59:00]你幾時得我請你食囉,乖乖唔好喊! 

    回覆刪除
  26. 早晨呀! 嘩~~羊腩煲.... 賣飛佛    你整得好正喎, 等我又搵日整吓先 ^^
    [版主回覆11/21/2008 14:00:00]羊腩煲.........我唔係成日有得食架!

    回覆刪除
  27. What are you going to do on the weekend ah?
    [版主回覆11/21/2008 16:29:00]星期六剪髮! 星期日想整包! 無街去!

    回覆刪除
  28. 恭喜哂.....
    對於我黎講, 冇腦用的日子真係少左人生樂趣呢   
    [版主回覆11/21/2008 17:01:00]多謝,我諗佢地唔明白架!

    回覆刪除
  29. 嗚嗚~~~俾你引C我啦!流哂口水o添!
    [版主回覆11/21/2008 21:13:00]哈哈............你做乜咁夜都唔瞓呀,又整麵包呀? 呢個羊腩煲真係又腍又好味呢!

    回覆刪除
  30. 我部腦好慢 要用舊腦
    [版主回覆11/22/2008 07:52:00]用慣公司部腦,我都覺得屋企部好慢!

    回覆刪除
  31. 我一直都覺得羊腩煲真係一個超級大 project 呀!! 只有阿媽煮咗叫我返去食, 我自己從來無煮過呀!
    [版主回覆11/22/2008 09:02:00]
    早晨呀,用真空煲早一晚炆定啲羊腩,第二日放工,加埋啲支枝炆15-20分鐘就得,好易,不過我整咗呢次要到第二年啦,佢地都唔鍾意食羊!

    回覆刪除
  32. 羊腩煲都係我飛佛呀!不過自已整真係唔平喎。
    [版主回覆11/22/2008 15:08:00]如果你請埋我同Frances,卓高咁就差不多食得晒啦! 

    回覆刪除
  33. 哈哈,好呀!冇問題!除左你整的羊腩煲,仲有邊間好味呀?
    [版主回覆11/24/2008 22:04:00]哈哈.........老細話事啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^