2008年11月2日星期日

發夢啦!!!


而家星期六又回復正常,


Funky Dance個course完咗,


暫時都唔想再報,抖下先!(懶)


變咗星期六好似好得閑咁,



大老爺一早去咗跑步,


八點幾出去,十二點幾才返嚟,


仲以為佢去咗邊添(買花????),


NO..........佢乜都無!!!!


又係自己呃自己,佢點會咁做呀!正傻婆!



明知佢唔會做啲乜,


都成日係度發白日夢啫!



晏晝係下面商場飲完茶,

就同囡囡出咗花園街,


因為表姊會係十二月結婚,


同佢出去睇下買唔買到裙,


好彩,呢個奄尖囡囡都買咗條裙,


仲襯咗件短外套,

咁就攪掂晒!


咁就開始為囝囝啲飲衫而頭痛啦,


囝囝指定要買白色西裝喎!


做白馬王子咩,一定要白色,好難搵架!


頭痛!!!!



今日無整嘢,所以介紹之前整嘅.............


~煙芝士波~(詳細食譜)


應該個個都整到架,無乜難度,難嘅我又未必整到啫!



夜晚,落咗去大姑奶度攞餅,


係嫁女餅呀,好耐食囉,


大姑奶三個女會輪流咁嫁出去,


十二月嫁咗個大女先!


睇下幾多嫁餅!!!


沒有留言:

發佈留言

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^