2008年11月13日星期四

紅白藍!!!



紅白藍


一個好大嘅發明!


每年到咗呢個時候,


成屋都係紅白藍,

仲要維持一段時間,


每次換季,

我都變咗大忙人,


一有時間又要變身大力士,



我要將啲衫係牀底攞出嚟,


屋企有四個人,


每個人啲冬天衫我都要攞出嚟,


仲要收番啲夏天衫入袋,


而家天氣又未定,

唔可以一次過換晒,


所以換一啲冬天衫又要留番一啲短袖衫,


真係麻鬼煩!


佢地三隻嘢手都唔使郁手,


就可以冬暖夏涼


唉............真係難為了媽媽,


我幾時先可以中六合彩,


買番間大屋,每人一間房放衫,


全部都掛晒出嚟,

咁咪唔我做到CC下囉!



懶媽......


我真係好懶架,一路都無煲嘢俾囡囡食,


佢而十四歲啦,

近排發覺每逢天氣冬天,


又或者佢啲手腳太凍,


佢啲手指同腳指都會紅晒,


仲會覺得好痕癢!


呢次我都唔懶得囉,


都係時候煲番啲當歸紅棗俾佢飲下先得!



今晚上最後一堂瑜伽,


Miss會去旅行,要到1月先開班啦,


囡囡噚晚投訴我次次星期三,


都去咗做瑜伽,唔煮飯令佢無飯食!


佢聽到上埋呢堂要到1月先有堂,當堂大叫"yeah"


噚晚又預備咗盒炒飯做今日午餐,


~泡菜炒飯~(詳細食譜)


係吉之島有呢隻細盒泡菜,

剛剛夠一次份量,



唔使買大包咁,驚食唔晒,


加咗泡菜嘅炒飯,真係好正,


可能我鍾意食泡菜啦,以前公司下面之food court,


有間韓國料理,

有隻泡菜麵我好鍾意食,


可惜而個food court執咗,好耐無食囉!



34 則留言:

  1. (Empty)
    [版主回覆11/12/2008 22:02:00]剛做完瑜伽回家! 

    回覆刪除
  2. 哈哈~唔辣咩
    [版主回覆11/12/2008 22:04:00]剛做完瑜伽回家! 我今日食厭太少泡菜添呀!再多半盒就perfect啦!

    回覆刪除
  3. 泡菜.....心心怕辣呀!!
    [版主回覆11/13/2008 06:08:00]咁你試我第二隻炒飯囉! 

    回覆刪除
  4. 手指同腳指都會紅晒, 仲會覺得好痕癢! 這是乾燥所致呀, 用澳洲的羊脂hand cream 呀, 好有效架, 因我個仔同妳個女情況一樣!
    [版主回覆11/13/2008 06:07:00]香港有好多隻牌子都係話羊脂膏,但又唔係隻隻都好喎!

    回覆刪除
  5. 要煮多些补湯俾囡囡食!
    [版主回覆11/13/2008 06:06:00]係呀,要煮啲行血嘅嘢俾佢飲!

    回覆刪除
  6. 係啦~!一到換季就做到隻績咁~!
    [版主回覆11/13/2008 06:05:00]仲要分幾個星期換喎,真係換足成個月!

    回覆刪除
  7. 囡囡係咪因為天氣太乾燥所以一冬天就會痕? 如果係, 除左煲野佢飲仲要搽cream呀, 會痕的話記得每次洗完手, 趁濕濕地搽少少!
    [版主回覆11/13/2008 06:04:00]佢唔係天氣乾燥,有呢情況嘅係我!   佢夏天都會係咁,應該係血氣唔夠,係凍嘅時候啲血去唔到手指腳指。

    回覆刪除
  8. 我昨天早上都執了"部份"的冬天衣物出來,
    又係做到CC吓~
     
    [版主回覆11/13/2008 06:38:00]你執三個人又唔使工,我要待星期六日先有時間執!

    回覆刪除
  9. 黎澳洲住咁多年,都唔使好似喺hk咁轉季,唔係因為住大屋,而係澳洲D天氣好飄忽,日頭可以熱到嘔,夜晚又可以凍到震~~~真係人都顛!!
    以前我阿媽要我哋幫手轉季架,你屋企D大爺真幸福啊!!
    [版主回覆11/13/2008 11:10:00]咁都要有間大少少嘅屋先得,你知香港啲屋有幾大架啦!

    回覆刪除
  10. 泡菜炒飯正呀﹗我去韓國成日見到有,但係一次都無食過.... 因為每次去都比其他o野食吸引,食得太飽。
    [版主回覆11/13/2008 11:17:00]我呢啲唔係正宗韓國泡菜炒飯,係改良港式泡菜炒飯!

    回覆刪除
  11. 泡菜係我嘅至愛呀!
    [版主回覆11/13/2008 11:16:00]me too!!!yeah!!!

    回覆刪除
  12. 唉......講起換季,我都仲未夠膽去挑戰.....但見天氣開始轉涼,又唔可以眼白白睇住d囡凍親....睇嚟都係時候去攪攪去喇....
    [版主回覆11/13/2008 11:16:00]無得話唔做,凍親仲衰架!

    回覆刪除
  13. 早晨呀! 要轉季真係好煩惱, 你仲要煩惱 x 4, 辛苦晒你啦!
    [版主回覆11/13/2008 11:29:00]早晨呀! 轉季我係煩足一個月,因為天氣唔係一次過凍晒!

    回覆刪除
  14. 早晨呀,你真係Wonderful Woman,我自問吾及你。我只係打理細囡同自己o既衫,其餘一干人等,自己搞掂。
     
    [版主回覆11/13/2008 11:28:00]早晨呀.....點解你咁講啫? 你啲仔女有幾大呀? 我個大老爺都要我攪架!

    回覆刪除
  15. 妳對囝囝囡囡都咁大個, 叫佢地幫下手做囉....
    我都係自己執番自己果份, 我老公d野就一向都係佢自己攪....我會搵一日同佢地講, 要換季喇, 跟住叫佢地自己拎d要既衫出唻, 換番d唔著既入去囉...其實囝囝囡囡都唔係好多衫, 最多既都係我者....所以佢地都好就攪掂...我自己就比較慢手腳, 要執成個禮拜架....

    回覆刪除
  16. 我都好懷念紅白藍袋啊,我呢度冇得買,要收野好煩o架
    [版主回覆11/13/2008 16:02:00]咁你如果返香港就買番十個八個啦!

    回覆刪除
  17. 恭喜,恭喜就黎夠鍾收工.
    泡菜,我都好鍾意食,不過呢隻牌子唔岩我,因為佢有D過咸&唔夠辣.
    [版主回覆11/13/2008 17:04:00]你真係知我心架啫,我而家等緊放工啦! 咁請問邊個牌子好味呀,吉之島祇係有呢隻牌子喎!

    回覆刪除
  18. 我鍾意去金巴利街買佢地韓國人自己做嗰D,會辣D我鍾意,呀,好想食泡菜呀.老公今晚去食蛇,得我同仔仔兩個食.
    [版主回覆11/13/2008 17:28:00]我唔識去喎,你幾時帶我去呀?

    回覆刪除
  19. 去咗厠所未呀?準備收工啦.
    [版主回覆11/13/2008 17:28:00]唔好阻住我放工呀,今晚九點見!

    回覆刪除
  20. 這種天氣想食辣嘢是無可口非!  小妹就愛煮冬x 公!(不知個字以速成怎樣拆出來), 泡菜更加是小妹"飛佛"!
    [版主回覆11/13/2008 21:09:00]冬蔭(廿戈)公湯我唔喜歡喎! 我都係喜歡泡菜多啲!

    回覆刪除
  21. any time ,up to you.
    [版主回覆11/13/2008 20:34:00]好嘢小丸子請食韓國菜

    回覆刪除
  22. 好嘢小丸子請食韓國菜
    我又去              
    [版主回覆11/13/2008 20:21:00]主席:即刻同老公攞假呀!隨時都得。

    回覆刪除
  23. 呢個天氣真係好麻煩 凍下又熱下
    [版主回覆11/13/2008 21:08:00]真係幾麻煩,着少件又凍,着多件又熱!

    回覆刪除
  24. 泡菜ONLY. noting else
    [版主回覆11/13/2008 21:07:00]NO呀.........我要食韓燒!

    回覆刪除
  25. 哈哈~妳同公司攞假好d喎
    [版主回覆11/13/2008 21:07:00]有人請食飯,一定要請假,你知啦,我唔鍾意迫人嘅!

    回覆刪除
  26. 唔係化 小丸子,我地講緊要請假喎,泡菜only

    回覆刪除
  27. 我一直都系講緊泡菜呀!SEE!
    不過下次我地可以約去老尖食韓菜,系金巴利街,有一間細細間價錢比起同一條街合利好多.好食呀.不過我都系鍾意THAI FOOD 多D.我又想食柚子沙律啦!
    [版主回覆11/13/2008 21:06:00]咁你想食韓國菜定係泰國菜啫? 樣樣都想食,不如分兩日去食囉! 主席帶我地去食泰菜,你帶我地去食韓國菜!yeah!!!!!!

    回覆刪除
  28. 仲未有野睇?
    [版主回覆11/13/2008 21:31:00]出咗囉,因為今晚整咗兩樣嘢,所以唔可以準時出度!  

    回覆刪除
  29. 我唔鍾意迫人嘅! 哈哈~諗緊妳係講我定小丸子呢
    如果如月請假就等我請妳,豪呢 唔好初一十五就o.k.
    [版主回覆11/13/2008 21:32:00]我係話唔鍾意多人呀! OKOKOK你話乜都得,慳得一餐得一餐!

    回覆刪除
  30. 韓燒個D地方好臭架,諗起都想嘔。
    [版主回覆11/13/2008 21:29:00]要你請食你又話臭!   

    回覆刪除
  31. 我都未執衫呀!!執一次好耐!!唔想面對!!!
    [版主回覆11/13/2008 21:30:00]你執兩個人做喎??????????

    回覆刪除
  32. 系老尖間小店唔系韓燒,系家庭式菜式。
    [版主回覆11/15/2008 23:00:00]家庭菜咪家庭菜囉,幾時請呀?

    回覆刪除
  33. 哈哈~人迫呀,迫人 差好遠喎
    [版主回覆11/15/2008 23:01:00]差不多啫!

    回覆刪除
  34. 我都剛剛幫我老公整理 d 冬天衫出來,但短袖真係唔可以收晒住呀 ~
     
    [版主回覆11/15/2008 23:01:00]我仲未開始呀!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^