2008年10月6日星期一

着魔!!!



着魔!!!  


我已經為麵包着咗魔啦!


每當有假期,我都會諗下整乜嘢包!


因為,整包需要起碼3-4個鐘,


唔係隨時都可以做嘅玩意,


玩意?


真係好好玩架,


但每當你成功咁整咗個好靚嘅麵包造型,


當你嗅到焗得好香嘅麵包仲興奮!


其他蛋糕仔同曲奇,


隨時用1個多小時都可以整好!


而麵包要有用好多時間呢!




今早成朝都傾盆大雨,


等到大少同大小姐起身,就坐的士去飲茶,


飲完又要去超巿買煲湯料,


買咁多嘢梗係又坐的士返屋企啦,


一返到屋企,就開始整包,


今次用咗師奶仔教嘅"中種"法,


以前都聽過"中種",不過無乜去研究點樣整,


見blog友師奶仔post咗個份量出嚟,


咁就好有信心,




一開始已經出錯,將水嘅份量落多咗,


個麵糰好難搓,睇番張紙先知自己落錯咗份量,


跟住搓主麵糰時,又奇怪點解無水嘅?


又無唔可以問師奶仔,咪頂梗上咁搓囉,


靠估咁落咗少少牛奶令到容易搓啲,


到焗包時候又出錯,


唔知道個制祇係較咗下火,見焗極個面都唔金黃嘅?


先發現出錯,


咁再用高啲嘅上火再焗多幾分鐘,


所以個pizza包個底好梗,個面又燶咗啲!


第二盆就好好多啦!


好靚仔又好鬆軟,係攞起手都覺得鬆軟嗰種呀,


呢次都算係好成功咁,


自己試食咗個餐肉包,真係好正,


不過下次個麵糰可以做60g一個,咁個餐肉包就perfect啦!



~吞拿魚pizza包~(可按-食譜)



~餐肉包~



~吞拿魚包~



點解會出現兩種吞拿魚包?


因為飲茶問大少想食乜嘢包,


佢話想食pizza包,但大老爺話將啲吞拿魚包入去好食啲,


咁咪兩種都整囉!



兩位大人仲話要食椰汁糕,


又趁麵糰發酵時整咗8杯俾佢地食,


呢隻椰汁糕真係幾好食,


唔同出邊食嗰啲,呢隻好滑,


Mamipohpoh我終於好容易咁打起啲忌廉啦!




今晚仲可以嘆埋"蔡欄食坊",


因為大老爺"煮"意大發,


佢話買啲牛扒返嚟整喎!


佢行完旺角先返嚟煮,睇怕都要9點先可以有得食呀!


好在有我啲包頂下肚,


個pizza包雖然有啲失敗,但一出焗大少已經食咗兩個啦!


終於9:15分有得食囉,


大老爺煮咗成兩個鐘,


睇下大老爺嘅出品!!


~香蒜肉絲意~


雖然樣子唔係幾靚,但味道OK喎!



~蒜茸西蘭花~



~清蒸紅鮪~


大少見到已經話要食晒成碟呀!



~薯仔~


大老爺話呢個唔知會係乜嘢味喎!



~牛扒加火腿扒~


點解有火腿扒?因為我講過我唔喜歡食牛扒,


如果整牛扒就預備份火腿扒俾我!



原來坐係度有得食好正架!


而且大老爺出品都幾好味架!


多謝晒,老公!!!!!



個C人電腦都唔知乜事,


大老爺幫我攞咗條ram去check咗又話無事,


但一日boot機boot到黑,


用電腦真係用到忟呀!


大老爺話裝過個window試下喎,


唔係話~乜你估下咋!



 

38 則留言:

  1. 嘩 ~ D 麵包賣相好得喎.... 加油啦 ~
    [版主回覆10/05/2008 22:20:00]啲意粉係大老爺出品架,一年佢都係煮幾次咋!

    回覆刪除
  2. 222222
    [版主回覆10/05/2008 22:21:00](Empty)

    回覆刪除
  3. PIZZA包~好易整的,也不用花太多時間整~用整厚批底的方法
    快好多的,呢個我鐘意~
    您就好啦~您老公肯入廚整野比您食~不要再話他不好了~
    [版主回覆10/05/2008 22:23:00]pizza包都係用整麵包方法,時間都要3個鐘喎,祇係造型快啲咋!要發酵兩次架! 唔知今日佢都乜咁有興致喎!我難得坐定定有得食!見到佢煮到身水身汗,問佢使唔使幫手佢又話唔使!今餐唔錯架!

    回覆刪除
  4. 樣樣都好想食呀﹗
    [版主回覆10/05/2008 22:39:00]咁你想食邊樣先呀?

    回覆刪除
  5. 555555555
    [版主回覆10/05/2008 22:46:00]仲未瞓,你聽朝唔係要返工?

    回覆刪除
  6. 妳呢一板D相得咗好耐都係好細張睇唔到架
    [版主回覆10/05/2008 22:48:00]無理架,size一樣架!可能太多相啦!你慢慢睇啦!

    回覆刪除
  7. 遲咗少少就已經第5啦,
    希望明日黑雨唔洗返工
    [版主回覆10/05/2008 22:49:00]哈..........你去邊度wet呀,平時好早架!  

    回覆刪除
  8. 當我回應後又睇到啦 佢肯整都好啦
    [版主回覆10/05/2008 22:51:00]一年先得幾次咋!

    回覆刪除
  9. 嘩!比我系道見到 主席 呀!!!!!
    HI!hi!HI!HI!
    [版主回覆10/05/2008 22:52:00]你同主席又叮噹馬頭喎!

    回覆刪除
  10. 黑雨呀,黑雨呀,黑雨呀.come on, come on,come on.........
    [版主回覆10/05/2008 22:53:00]黑雨好多人好慘架,唔好咁啦!   

    回覆刪除
  11. 今晚去咗太古城,原本要買黑鞋比仔仔點知D黑鞋成$600有多甘貴,你知啦我D窮等人家邊樹買得起呀!!!!!!!!!!!!!!!
    [版主回覆10/05/2008 22:55:00]太古城唔係我地啲窮等人去嘅商場呀,你啲有錢人成日去都話窮!   

    回覆刪除
  12. 甘又系,的確黑雨時會有D人會好慘.Oh!都系唔好黑雨啦
    [版主回覆10/05/2008 22:57:00]咁就乖乖啦!  

    回覆刪除
  13. 如果您用做PIZZA厚底的方法便不用三個小時了~~
    我上之自己搓厚底的,前後連搓,連上配料及出爐,
    都係一個半小時而已~
    如果我叫我老公煮~佢一定會撤嬌或扮時運高聽唔到的~
    [版主回覆10/05/2008 23:01:00]我知有啲書係話發酵45分鐘,不過我無試過,你試下然後話我知!   哈哈.......我叫都唔得喎,呢次係佢自己身痕咋! 

    回覆刪除
  14. 如月呀!主席唔理我呀!
    [版主回覆10/05/2008 23:01:00]乖乖..........你要佢點理你呀??

    回覆刪除
  15. 如月,你老公識煮野架,好叻呀!
    [版主回覆10/05/2008 23:05:00]識嘅,不過慢啲囉!

    回覆刪除
  16. 好專業喎!唔講以為係買番黎添。
    [版主回覆10/05/2008 23:07:00]多謝你先!

    回覆刪除
  17. 我想買返個焗爐呀 你d包包好正 好有進步呢 流口水ing~
    [版主回覆10/06/2008 06:08:00]快啲啦,俾你加入啦! 真係有進步架........似樣好多!

    回覆刪除
  18. 我知有啲書係話發酵45分鐘,不過我無試過,
    你試下然後話我知!---->>. 整PIZZA果日,我咪試咗囉~~
    質地不錯的,幾好食架~~
    http://hk.myblog.yahoo.com/kitypanghk/article?mid=9715&prev=9793&next=-1
    [版主回覆10/06/2008 06:07:00]嘻嘻.......我睇咗啦!

    回覆刪除
  19. 嘩,睇下你老公几好,我连老公煮的蛋都未食过
    你的包包好靓,仔女老公又欣赏,继续加油!
    [版主回覆10/06/2008 08:17:00]哈哈....一年我都會有幾次咁幸福嘅!   我啲包包係咪有進步呢?我會加油,因為我真係好鍾意整包,我同大老爺想買多個焗爐淨係用嚟整包同蛋糕(因為唔想整餸同包用同一個),但大老爺唔俾我買呀!  

    回覆刪除
  20. 有大老爺煮飯 咪可以多D時間做包囉
    做包真係要做幾次先掌握倒D技巧 我今日再做中種麵包 又進步佐
    [版主回覆10/06/2008 09:10:00]好呀,做包好好玩,咁你做中種時個主麵糰覺唔覺得好亁呀?

    回覆刪除
  21. 成日話自己唔幸福,你睇d幸福滿(捨)喎,大老爺仲記得你唔食牛扒,煮火腿扒你食,好細心呀!
    [版主回覆10/06/2008 09:34:00]但俾佢激嘅日子多的是呢!

    回覆刪除
  22. 妳越黎越專業啦,真叨!
    妳問既問題,請看學員個blog啦!
    [版主回覆10/06/2008 11:07:00]本來想留個餐肉包你架,點知諗起你放假喎! 無得食!今日放假做乜呀? 

    回覆刪除
  23. 巧羨慕喔~ ~ 老公煮嘢過妳食
    [版主回覆10/06/2008 11:07:00]哈哈....一年我都會有幾次咁幸福嘅! 但俾佢激嘅日子多的是呢!

    回覆刪除
  24. 又見到妳焗野啦....成日睇到妳d製成品, 真係好鬼吸引......攪到我都好想學整, 但係我係未焗過野架...平時都係用個多士焗爐仔焗下芝士意粉....唔知點樣埋手整, 我諗我要出去報番幾個 course 學左d 基本功夫先得....
    仲有呀, 妳老公好掂呀, 一個人咁多野都得.... ...最重要既係佢肯去整丫麻, 我老公就連雞蛋都煎過呀, 印象中只係好似煮過一次即食麵.....都攪到一鑊泡.....
    妳老公咪對妳幾好囉......抵妳成日整好野比佢食呀....
    [版主回覆10/06/2008 11:57:00]course?我都無報! 你買本書咪得囉,呀!仲要買番個焗爐!

    回覆刪除
  25. (Empty)
    [版主回覆10/06/2008 11:56:00](Empty)

    回覆刪除
  26. 如月小姐~VIP卡已經印製好了~請親臨本Blog領取~~
    [版主回覆10/06/2008 11:56:00]睇咗啦!  

    回覆刪除
  27. 我想要椰汁糕食譜呀,唔該.
    [版主回覆10/06/2008 12:35:00]食譜係度啦! 
    http://hk.myblog.yahoo.com/MoonCook-MoonLife/article?mid=1586

    回覆刪除
  28. 月姐:妳越來越多產,我依家唔敢整,得兩丁人,大老爺又唔吼,要我啃晒,no way 喇!
    [版主回覆10/06/2008 12:36:00]係呀,我都係問過佢地想唔想食先整架,自己一個點啃呀?

    回覆刪除
  29. D包包好得喎....正!!
    [版主回覆10/06/2008 13:59:00]今次又進步咗少少啦!  

    回覆刪除
  30. 好厲害!都話如月出品,必屬佳品啦!
    見到你幸福滿瀉呀~~坐定定等大老爺煮俾你食喎!真好!我今天就慘了,開會開到下午六點,拖著疲累的身子回家,見大老爺和三少正享受著他們的午睡,就不想吵醒他倆,唯有自己立即動手煮晚飯......
    [版主回覆10/06/2008 14:39:00]我終於等你睇我啲成果啦! 哈哈....一年我都會有幾次咁幸福嘅! 但俾佢激嘅日子多的是呢! ha.........午睡到6點?      佢地真係幸福呀! 女人就係咁架啦!佢地可以唔做,我地病都要做呀!
     

    回覆刪除
  31. 我返來啦!
    [版主回覆10/06/2008 16:20:00]咁鬼遲!!!  

    回覆刪除
  32. 會唔會係粒CPU有問題呀 叫你家老爺幫你睇睇啦 BOOT機問題 多數係CPU / 中毒
    [版主回覆10/06/2008 16:39:00]我細妹都係咁同我講,佢都話係中咗毒,可能囡囡成日睇片,所以LOAD咗啲毒返嚟!我會搵日叫大老爺大修部電腦架!

    回覆刪除
  33. 我買咗餸tim,今日我煮西蘭花炒牛肉,蒸魚,冬瓜蜆湯.yeah!
    [版主回覆10/06/2008 17:03:00]得個講字,影啲相出嚟睇呀!  

    回覆刪除
  34. 掂啦掂啦!! d 包同出面街買個 d 個 look 都好似呀!! 你又更上一層樓啦!!
    [版主回覆10/06/2008 17:11:00]個包好細架,都唔同出邊嗰啲!仲要學呀! 

    回覆刪除
  35. 喂喂喂, 仲乜豐左我做 "偶像" 呀 ?! d 人唔知真係 "以為" 我好叻, 以後無人肯教我整野食點算呀 ???
    我整既時侯個中種麵糰濕好多家 ?!  點解呢 ???!!!!
    Frances 都講得啱喎, 整 pizza 飽可以用整 pizza 既方法整, 咁咪可以快好多 囉 !
    見你之前個椰汁糕甩模甩得好靚呀, 點整家,  有無先掃油家 ?
    睇下你幾幸福呀, 坐係到就有得食, 真係羨慕 c 人呀 ! 大老爺煮得好正啊 ! 
     
    [版主回覆10/06/2008 17:11:00]哈哈........你真係我偶像喎,學海無崖,邊有學得完架! 我啲中種粉都好濕架,咪係枱席灑高粉囉! pizza係咪搓完粉發酵45分鐘就得架? 椰汁糕......我用牙籤打一個圈咁就好易甩!無掃油,因為啲椰汁都好油架! 師傳.......我個包點呀?????

    回覆刪除
  36. 老爺咁好既 煮埋比你地食 haha~ 開心啦你
    [版主回覆10/06/2008 20:47:00]唔知佢做乜興志咁有喎!  係呀噚晚嗰餐係笑住嚟食架!  

    回覆刪除
  37. 快D來我個BLOG!!!!!!!
    [版主回覆10/08/2008 14:24:00]嚟咗啦

    回覆刪除
  38. 係喎, 寫漏添, 個飽梗係......正正正 啦 !
    [版主回覆10/08/2008 14:25:00]都幾正架!  

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^