2008年10月10日星期五

負責!!!



邊日有單新聞,


真係越聽越忟憎!


人,應該對自己負責,


自己決定嘅嘢唔係人地迫你嘅!


有事發生嘅時候,


就唔好懶得就懶!


我地啲納稅嘅錢,唔係用嚟幫你包辦風險架!


你地簽紙嘅時候無諗過有風險咩?


邊有嘢無風險又有錢賺架?????


唔識字都識諗啦,


唔去衡量下風險,


政府都有忠告巿民,唔好做"羊太"啦!


低風險唔係等於無風險!


有乜理由輸咗賴人啫!


咁使唔使買股票都要政府包底呀!


而家啲議員麻木咁去幫呢班人,


係咪咁有道理呀?


咁佢地賺到錢嘅時候又唔同政府對分???


無理由無理由,


納稅人啲錢去幫啲有需要嘅人仲好啦!


投資=賭博,


無話一定贏錢架!



 
 
 
 
 
 


發完"嘈蘇",講番今晚食乜先!



本來想打邊爐,但係囝囝姑媽聽日請佢地去打邊爐,


無理由又打邊爐架!


Noodle Day


又食麵????


呀,食pizza餐呀!!!!



一心諗住做餐pizza餐,點知放工收大老爺電話,


佢話買咗牛肉餅同咖喱牛腩喎,


咁我個pizza餐計劃祇好放棄!



大老爺就係呢間"清真肉館"買咗兩盒外賣,



最著名嘅~牛肉餅~


勁多汁,我偷食嘅時候攪到成地都係!正呀!



~咖喱牛腩~


佢啲咖喱真係唔同其他食店啲香港咖喱架,


好味好腍!



其他我預備嘅餸


~雪菜肉絲~


用嚟送上海麵最正!今晚我就食上海麵啦!



~水餃~現盛嘅



~鹵水雞翼豆腐~




我而又要去搞嘢啦!聽日你地就知!



 
 
 
 
 
 

26 則留言:

  1. 11111
    [版主回覆10/09/2008 21:45:00](Empty)

    回覆刪除
  2. 等死人咩, 我等了很久才得到第一次的no.1, 快d開香繽
    [版主回覆10/09/2008 21:46:00]大佬呀,都要煮完打完先得架!你估我會飛咩????   要做第一要有代價架!你真激C小丸子!   

    回覆刪除
  3. 222
    [版主回覆10/09/2008 22:24:00]亜二都好呀!

    回覆刪除
  4. OH!MY GOD !WHY I'M SO LATE???????
    [版主回覆10/09/2008 22:24:00]下次努力呀!

    回覆刪除
  5. 你同我的意見一樣, 輸打贏要, 實賺唔洗攞出來sale啦, 實賺的話, 益自己人及內部認購, 還叫政府賠錢, 關政府何事, 有本事就同銀行deal, 唔係同政府, 如果政府包底, 我地又上街抗議, 抗議浪費公帑。
    [版主回覆10/09/2008 22:27:00]哈.............我諗香港大部分人都係咁諗,佢地啲唔知係乜道理,俾人氹,你唔貪心邊有人氹到你! 我地啲公帑唔係咁用嘅!

    回覆刪除
  6. 點解會激死佢嘅!唔好意思!
    [版主回覆10/09/2008 22:28:00]我講笑啫,邊有人咁小氣!

    回覆刪除
  7. how to make 雪菜, where can I buy it?
    [版主回覆10/09/2008 22:28:00]聽日話你知,聽日再攞第一呀!

    回覆刪除
  8. 我都系咁話,呢個政府無用架,人地嘈d就驚.佢地d人自己買做咩要政府賠,如果賺咗會5會分d比政府?d人都痴架!!!!!!
    [版主回覆10/09/2008 22:42:00]係呀,俾埋錢俾啲議員幫呢班友!費嘅!

    回覆刪除
  9. 聽聞講呢間清真牛肉館好出名!
    [版主回覆10/09/2008 22:43:00]係九龍城架,真係好味架,不過要食得辣囉!

    回覆刪除
  10. 今晚要早訓明天要返工,good night!
    [版主回覆10/09/2008 22:44:00]乜你唔係返1,2,6咩,咁你究竟返乜嘢工呀??????

    回覆刪除
  11. 做乜唔理008呀
    [版主回覆10/09/2008 22:44:00]咪同佢傾緊囉!

    回覆刪除
  12. 九龍城兩間牛肉餅都有食開,都係咁好食的~
    [版主回覆10/10/2008 06:17:00]乜有兩間牛肉餅咩?我淨係知一間咋!

    回覆刪除
  13. 我今早起床就來探你啦!
    [版主回覆10/10/2008 06:18:00]早晨,我噚晚整紙包蛋糕失敗咗呀! 

    回覆刪除
  14. 呢班苦主真係好慘 亦可能係買個時 D人講得唔好 唔清楚 而導致佢地誤會 但係點都好 任何投資/投機 都一定係有相對既風險 冇風險既 係人都放晒D錢去買啦 有得拎返D 就見好就收啦 仲拎返晒? 仲要拎返之前賺左個D? 會唔會真係過份左呢~...................... 清真牛肉餅唔好偷食呀 唔係一定比人發現架 HAHA~
    [版主回覆10/10/2008 06:20:00]咁咪係囉,佢地係慘,人地話賠6成,佢地仲獅子開大口話要十足,邊有人咁架,6成已經開錯先河,第日咪個個都要賠囉!

    回覆刪除
  15.  D人太過份 商業買賣蝕佐又賴政府 賺佐就騎騎笑
    [版主回覆10/10/2008 08:04:00]好似政府欠咗佢地咁,無錢又關政府事,有錢輸咗又闗政府事,香港係商業自由社會,你地啲交易政府點理呀??????

    回覆刪除
  16. 咪係囉~! 呢個話題今日同人傾計講左好耐~!點解蝕左要政府全數比返~!太誇張喇~!食得鹹魚抵得喝嘛~!
     
    [版主回覆10/10/2008 08:05:00]佢地好似老逢咁,6成都話唔得,咁結婚使唔使包生仔呀!太離譜啦!

    回覆刪除
  17. 乜有兩間牛肉餅咩?我淨係知一間咋!---> 一間是清真牛肉館(在街頭), 另一間叫北京牛肉館(在街尾),聽講"北京"那間是由"清真"那間做了很久的師傅,自己跳出來開的,牛肉餅一樣的好食~
    咁使唔使買股票都要政府包底呀!--->> 我手上的股票都跌超過五份之四,不過~~我有睇廣告的,投資涉及風險的嘛~食得咸魚抵得渴 .
    但~如果當中有人是"真正"受騙的就另作別論了~但,都不可能要政府賠償架?
     
    [版主回覆10/10/2008 07:53:00]我都做咗蟹啦!你都講得啱,大老爺睇一次(新聞)鬧一次,咁大個人你唔簽紙邊個郁得你啲錢呀?點樣先叫受騙先,買親債券同基金都有一定風險,如果唔係使乜俾高過出邊嘅息俾你呀?

    回覆刪除
  18. 喂! 你知唔知最近有單新聞好離譜架, 就係一個78歲亞伯加一個45歲女人, 靠綜援維生, 在他們努力之下, 生了六個子女, 知唔知點解生咁多!?
    我今晚想煮雪菜, 你教點make啦!衰鬼
     
    [版主回覆10/10/2008 09:32:00]下晝會出啦,你去街巿買豆腐檔口買一種啡黃色嘅雪菜,唔好買綠色嗰隻呀!番嚟再睇下點整啦! 呢單我知呀,呢啲咪係中港產品囉!   

    回覆刪除
  19. 成日都想去試牛肉餅,但我住新界,出去好遠呀...
    [版主回覆10/10/2008 12:00:00]咁你要趁BB未出世去試啦,BB出咗世好忙架!

    回覆刪除
  20. 係囉係囉係囉!  I TOTALLY AGREE with you, who can guarantee profit ga!
    [版主回覆10/10/2008 12:02:00]都唔係淨係guarantee嘅問題,輸打贏要,呢個係乜嘢遊戲呀????真係唔可以話人地呃你,咁你賺咗錢嘅時間有冇攞出嚟同人分享呀???

    回覆刪除
  21. 佢地生咁多原因係, 可按人頭計算索取多些綜援金, 8個人都有差不多兩萬元掛, 我想以他們的質素要在勞動市場上賺取兩萬元的薪金是很難的, 所以選擇不停生育來博取綜援!
    點解香港政府無條件, 無限制綜援人士生育架咩。你係法律界幫我地反映下!
    [版主回覆10/10/2008 12:10:00]咁又生多兩件攞綜援咪仲好過咁捱!   

    回覆刪除
  22. 嗰班人都short架, 講到人家用支槍指住佢逼佢哋買咁喎!! 好彩今次政府冇陪佢哋short埋一份咋...納稅人既錢唔係咁用架!!
    [版主回覆10/10/2008 13:07:00]講到理直氣壯咁,好似政府欠咗佢咁???有冇攪錯?嗰啲係我啲錢嚟架??????????我搵得好辛苦架!

    回覆刪除
  23. 我d股票都蒸發左唔少,我都諗住叫政府包底囉, 輸打贏要有病呀>>>>>>>>>>>
    [版主回覆10/10/2008 14:36:00]我諗無乜邊個香港人唔衰咗架!咁政府咪要破產????

    回覆刪除
  24. 嘩!你這篇網誌的回應區好似變左股市論壇喎!好熱鬧呀!
    [版主回覆10/10/2008 15:18:00]咁啲人抵鬧呀ma,咁都得,咁賠得一個又要賠第二個,有錢又要政府無錢又要政府,你估政府係你亞媽咩????

    回覆刪除
  25. 上次同老公去錯左第一間(因兩間都叫清真),所以個牛肉飽唔好食,但個牛腩又幾好味喎!搵日要試阿so介紹個間先。
    [版主回覆10/10/2008 15:47:00]乜有兩間清真牛肉館咩?????

    回覆刪除
  26. 有人幫小妹寫埋, 自己個問題, 要政府去承擔, 前所未聞~昨天財政司講得對...無可能要人去包底, 人到了這個地步見到血本無歸就失去理性 ! 清真牛肉館忘記了在那裹...總有以為你喜歡猫??  咁多公仔!
    [版主回覆10/10/2008 21:55:00]清真牛肉館係九龍城龍岡道! 嗰啲人失咗理性,但啲議員呀ma?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^