2008年10月5日星期日

女人!!!


今日仲係一號風呀!


又成日天黑黑!


好悶嘅天氣!


都唔知女人點解要咁辛苦!


男人係屋企可以乜都唔做,


見到都唔做!


乜啲家務一定係女人做咩!


有時真係好勞氣,


唔係樣樣都理所當然架!


女人都要返工啦,幫下手都應該架!


跳完Funky Dance已經攰到C 


又見到機衫洗完都無人理,又火起啦!


終於做完先可以坐低休息!


做女人............真係好辛苦呀!


 
 


通常放假我都會攪下新意思,


而家因為要跳舞,所以計過唔夠時間做中種包,


聽日多點時間才試下做!


今日選咗呢味甜品!



~酥皮蛋撻~(可按-食譜)




做出嚟嘅效果唔錯喎,因為無時間又想清咗啲存貨,


咪用咗現盛嘅酥皮做,


個蛋好滑好成功,唔難做!

23 則留言:

  1. 唔錯喎!!!
    [版主回覆10/04/2008 19:21:00]俾你攞到第一!  

    回覆刪除
  2. 111111
    [版主回覆10/04/2008 19:36:00]喂........你有冇睇清楚呀,有個小妹妹先過你十幾分鐘喎!

    回覆刪除
  3. 我攞亞軍
    [版主回覆10/04/2008 19:39:00]點解你又攞第二呢?  

    回覆刪除
  4. 我打開您個Blog後~見到您在我個Blog留言,便回覆~
    回來後打完第一,才知自己原來第二才對~我唔制呀~~
    我今天本來都想整酥皮旦撻的,後來~又想食芝士旦糕~
    不然~我整的同您一樣呢~
     
    [版主回覆10/04/2008 19:38:00]做乜你唔整啫,等我地孖公仔咁出蛋撻ma! 

    回覆刪除
  5. 我今日叫盲毛帶兩個落去樓下食晏等我吸塵啦,洗衫(要用手),佢唔肯話寧願佢做喎,咁咪好啦我帶落去,約45分鐘上返黎,佢話已經做晒仲沬埋地喎,妳估吓佢會做成點
    [版主回覆10/04/2008 21:52:00]洗衫(要用手)........... 點解呀?  咁佢做成點呀? 今朝我一早起身叫個囝返學,之後整呢整路,洗咗衫,點知大老爺瞓到11點先身,知洗完衫都唔做,去咗部電腦度搵佢啲VIDEO!咁又咪我做! 點知跳完舞,佢洗咗機校服又擺度唔郁,係廳度又瞓咗!你話激唔激氣呀,老友我都要返工架!又唔係佢搵錢俾我使?  

    回覆刪除
  6. 啊, 呢度有好多嘢食喎,  仲整得好靚添, 等我慢慢睇, 多謝分享
    [版主回覆10/04/2008 21:53:00]歡迎慢慢欣賞!多謝你到訪!

    回覆刪除
  7. 咁我咪做到 c 下 c 下都無聲出, 我唔駛返工喎 !?  
    個蛋撻好靚呀 ! 我未試過整酥皮蛋撻呀, 次次都係整牛油皮 !
    [版主回覆10/04/2008 22:10:00]我下次都會整曲奇皮,呢隻酥皮麻麻地,自己整酥皮又麻煩!

    回覆刪除
  8. 其實妳仲好彩有得返工咋,我地要等人俾錢果D咪仲慘
    我其實已經湯晒D衫啦,得有D衫D污積機洗唔甩,要用嘖潔麗再搞搞,最重要係D校服嘛
    佢緊係做到天一半地一半啦,不過就好過唔做囉
    [版主回覆10/04/2008 22:19:00]好過我呀,我都不知講咗幾千次,洗衫分三類洗,白色,雜色同黑色,點知今日返嚟又見幾條灰色褲同啲校服洗,又係我老公嘅傑作呀,佢真係好激氣架,咁大個人仲衰過個囡,堅持己見,唔會聽人講架! 好似個仔而家中五,學校幫佢地補課,佢同我講點解亞仔學校唔係F.4谷佢地,F.5先嚟谷,我同佢講學校唔係必然要同你谷架,讀書係你個仔嘅事,人地幫佢補課係義務架! 我都唔知佢點解咁mou塞!

    回覆刪除
  9. 我無分開顏色洗架,係日日開一機架
    [版主回覆10/04/2008 22:34:00]唔得架,校服同其他衫會染色架! 黑色同牛仔褲一齊洗,如果唔係啲衫會灰灰咁架!

    回覆刪除
  10. 係呀,咪咁同我個心情一樣囉
    佢果D運動衫分唔分都唔著得耐啦,起晒毛粒架,仲以為可以留到俾亞妹,著多年都好難
    [版主回覆10/05/2008 09:00:00]男仔啲衫好難留俾個妹架,佢地着到好污穢架!

    回覆刪除
  11. 妳真係幾乎日日開焗爐咁滯....個蛋撻好靚呀.....
    [版主回覆10/05/2008 08:58:00]都唔係日日開爐,放假先有時間咋!

    回覆刪除
  12.  如果現成酥皮擀多幾次會唔會多幾層鬆脆D呢???
    做家務"Lau Lau哨哨"係男人嘅通病,唔好嬲啦!!
    你D插圖好笑死我,係點整嘅呢???
    [版主回覆10/05/2008 09:02:00]而家個酥皮係脆架,不過我覺得有啲酸酸地囉,應該唔可以擀幾層會裂架! 嬲........都嬲咗咁多年啦!又唔見佢地讚下我地!

    回覆刪除
  13. 個蛋撻好靚!
    [版主回覆10/05/2008 09:03:00]我影得靚啫! 

    回覆刪除
  14. 琴日病咗,八點幾就訓咗,今朝一起身就黎,嘩......系龍尾tim.如月,如月......見唔見到我呀?HELLO!HELLO!can you see me
    [版主回覆10/05/2008 09:29:00]你梗係知我有老花啦,咁大隻字! 放心你應該唔係龍尾呀,我噚日7點就出喎!可能知你8點要瞓呀!   今日好啲未呀?我而家等緊屋企起身去飲茶呀!

    回覆刪除
  15. 如月的蛋撻好靚,如月出品,必屬佳品!
    [版主回覆10/05/2008 09:31:00]大老爺唔係好鍾意食咋!唔知點解,我都食過無乜問題呀! 佢平時乜都食架,剩番兩個細嘅佢都唔肯食呀!  

    回覆刪除
  16. 依家好好多啦.
    星期日去飲茶,好多人架.
    今日要同仔仔去太古城永安買鞋.
    008 報告完畢
    [版主回覆10/05/2008 09:46:00]我個個星期日都family day去飲茶架!慣咗啦!

    回覆刪除
  17. 我琴日好勁一個朝早用完咗公司一個toliet roll,哈,哈,無蝕低啦,可以用到公司福利.
    [版主回覆10/05/2008 09:46:00]咁乜事呀, 而家點呀?

    回覆刪除
  18. 唉, 我都唔會點要求屋企隻公做家務喇, 我覺得唔叫仲好 d 喎, 因為佢有時見你做緊無叫佢幫, 反而會自動自覺出手呀!
    [版主回覆10/05/2008 10:02:00]好難囉!我呢件係講心情架,唔知係咪老咗佢而家好懶呀!唔做仲要攪破壞,放啲灰色褲落去啲白色衫度洗!

    回覆刪除
  19. 個鼻開水喉!
    [版主回覆10/05/2008 10:03:00]咁今日無工開咪要用自家啲廁紙???? 

    回覆刪除
  20. 你都有個女可以幫下手,我兩個仔呀,做c我!
    [版主回覆10/05/2008 13:37:00]女真係好好架,不過讀書就懶啲囉!

    回覆刪除
  21. 我都做都好煩,沒完沒了,又無得放工,人都癲
    [版主回覆10/05/2008 18:17:00]我成日都同大老爺呻,我係一個識賺錢嘅賓妹! 真係好慘,所以你個仔仔大啲無咁痴身,你真係搵番啲自己嘅興趣玩下!

    回覆刪除
  22. 好鐘意食酥皮呀 鬆脆haha~
    [版主回覆10/05/2008 18:19:00]不過肥C呀,當我知道酥皮係點整出嚟,真係唔敢食呀!

    回覆刪除
  23. 如果家中有人日日弄到好嘢就very good  有時做細未必會領情! 做女人可止苦, 做人亞媽總苦啦! 
    [版主回覆10/06/2008 20:44:00]做得辛苦唔緊要,最緊有人明白就得啦!但情況唔係咁呢?煮到身水身汗,仲要開埋飯先肯出房呀!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^