2008年10月30日星期四

失敗!!!


放咗幾日假,


諗住今日約老公去南丫島行下,


平時佢絕對唔會主動話同我去行下街!


我又唔鍾意假期同人迫,


平時可以好輕鬆咁入去行下,


已經同佢前後講過兩次,


佢都無出聲(呢個係佢嘅習慣),


我對佢就係咁,我已經講過佢無反應就算,


如果佢係想咪去囉,如果佢唔鍾意我係唔會勉強人嘅!


一心諗住等今日出去玩下,


之前兩日佢都問我係咪去大嶼山?


噚日都仲問緊我係咪入西貢定係長洲?


大老爺就係咁,


永遠我同佢講時佢又唔出聲,


都唔知佢收到定收唔到?


咁見佢係咁問我去邊啫,


以為佢祇係唔記得去邊啫,仲記得我約咗佢!


今朝一早起身,就上網check船期,



點知聽大老爺個鬧鐘響喎,


咁即係點呀,佢要返工?佢無請假?


我叫自己千祈唔好發脾氣,


佢唔去咪算囉!



等到大老爺梳洗完之後,


我平心靜咁問佢"你唔係放假咩"


大:唓,你唔係話因為OT所以先放咩(心諗:乜我講過而唔放咩)


大:咁星期日同你去囉!


如:乜你唔知你老婆唔鍾意同人迫咩?


大:(大聲)問你又唔講?


如:(平靜咁)你做乜仲大聲過我啫?次次我同你講嘢時,你都唔答人,咁我點知你係收到定係收唔到啫,你咁我都唔知原來你收唔到!(其實個心真係好唔開心)


大:(隔咗陣無出聲)咁下星期五同你去囉!


如:唔去啦!(放咗成個星期假仲放咩,都已經無晒心情去啦)



連同佢食早餐都無去啦,對住佢唔知想喊定係想鬧!


我唔想再係佢面發脾氣,發咗又有乜用呀?


我想當叫自己當無事咁,做自己嘢囉!


但係唔得架

,個心真係好唔開心,點解啫!


我少少要求你都唔可以用心去記住!


一年到晚佢都無話放假同我去行下!


生日都要我自己要求佢做乜!


佢祇係識問我去邊度食飯呀,


一家咪出去食完飯返屋企囉,


咁同平時假期出街食飯有乜分別啫?


最多係食貴啲囉!



我唔鍾意唔鍾意,我好重視自己生日的!


好想係嗰日過下二人世界,


今次生日係星期日先叫佢放假陪啫!


啲仔女又唔鍾意去街!


而家無啦,本來想自己去都得架,


又唔係唔識去,不過無心情囉!


今晚買餸煮飯,再post出嚟啦!


而家等我睇下有乜可以做囉!


今晚再續...................




 

24 則留言:

  1. 1111111
    [版主回覆10/30/2008 13:27:00]多謝捧場!

    回覆刪除
  2. 2~~~~
    [版主回覆10/30/2008 13:28:00]多謝你呀,好少人爭我啲位架!  

    回覆刪除
  3. 如月媽~~~唔好咁唔開心啦!!!笑吓啦 ~~笑下靚D架!!
    哎.....男人係咁架啦!!!都唔識講嘢既!!!!我老公心情唔好呀,發脾四呀,或者唔認同時,又係唔講,唔表達自己.....激C人!!!......唉.....
    不過你個大老爺都話星期日or五同你去,咁都叫有心想補獲啦 ~~~你就大人有大量原諒佢lor!!!
     
    [版主回覆10/30/2008 13:30:00]老實講,真係笑唔出,我唔發脾已經好好啦!平時我一定嬲到震呀! 大老爺最好最好一樣嘢就係佢極少發脾氣! 我唔會去啦,勉強無幸福!!!

    回覆刪除
  4. 唔好唔開心,男人就系咁架喇,除咗工作乜都唔上心,我地mrleung咪又系咁,所以去乜嘢旅行都系好last minute,所以我地從來唔會有D咩early bird discount!
    [版主回覆10/30/2008 13:27:00]男人成日都話男人係咪,我唔同佢講佢又唔知我想要乜,同佢講(兩次呀)佢又唔上心,咁想點啫,勉強我我唔鍾意,如果係有心嘅,就會留意我想點,唔係同佢講都唔上心!我唔發脾氣已經做得好好啦!就算佢下星期再話去我都唔會去嘅,佢都唔係自願的!我個人做乜都要有心理準備架,唔能夠即興架!

    回覆刪除
  5. 比着我係你我都會同你一樣, 可能反應比你仲大添!!
    我覺得你已經處理得好好, 起碼無反佢枱先啦!!
    以前細個我都唔係好重視生日, 大大吓就覺得要為自己慶祝一下. 我之前有做工嘅時候都會專登係生日放自己一日假, 有街去就去吓, 無街去就休息吓, 當係慰勞下自己一年以嚟嘅辛勞囉!!
     
    [版主回覆10/30/2008 13:23:00]老實講,以前我脾氣真係好大架! 今次我算幾好啦,自從開咗blog後,個人真係開心咗,無咁自閉,成日自己諗自己想,好灰! 我細個時好窮,邊有人同我慶祝呀,亞媽記得嘅咪有隻蛋囉!從來都未試過有生日蛋糕(20歲前)。所以好想好想我嘅另一半對我好好好.......,可惜佢成日都係咁,食飯平時都會啦,究竟佢明唔明啫,我又唔係要啲乜,想佢陪下我啫,成年都無去過旅行,連離島都無呀,成日返工煮飯,而家叫做有啲勢藝(整包),以前成日都係度瞓咋!

    回覆刪除
  6. 唔好唔開心啦,我都知好激氣架啦,明天同妳開個生日party,等妳開心o下,忘記哂d唔開心既野.ok!
    [版主回覆10/30/2008 13:32:00]激氣都激咗十幾年啦!我係佢心目中都唔知有乜地位??????我起碼記幾年呀,老實講,每年生日前我都會唔開心,因為想起佢祇係生日先就我一日,平時都唔會理我的! 咁你話為佢做煮飯咁多年有乜心機呀????乜平時個老婆唔使氹咩????

    回覆刪除
  7. 明天10時在街市門口等?妳落車地點和上次307一樣架,咁妳識點行啦.
    [版主回覆10/30/2008 13:33:00]知啦!

    回覆刪除
  8. ♥加米與翠絲♥2008年10月30日 下午8:25

    唔好嬲, 唔好唔開心啦!~
    d男人係咁嫁啦~
    成日淨係識話我地唔出聲, 唔出聲既係佢地囉!
    [版主回覆10/30/2008 13:34:00]多謝你留言!明知啲男人係咁,咪已經一早爆響口囉,又唔上心!仲要大聲咁話反我呀!

    回覆刪除
  9. 妳EQ以經好高!!!!!唔好唔開心!!!!
    [版主回覆10/30/2008 13:35:00]老實講,我脾氣好大架,平時我已經嬲到震啦,唔知今日點解可以襟到啲火呢?  

    回覆刪除
  10. 好多男人都係咁o架,你吾好激氣。或者改變下溝通方式,你就當佢係細路無記性啦,又吾上心啦,但吟沉又吾得,第日講完之後,隔無耐寫張紙仔提下佢啦,但語氣當然要輕鬆啲啦,然後又問清楚佢有無請假呀,有無做到呀,諸如此類,就當係揍細路咁揍佢,睇佢重有無藉口依樣果樣。
    [版主回覆10/30/2008 14:42:00]我就係唔鍾意咁做,我鍾意個男人有我心,會記住我喜歡嘅嘢,要我好似成日提佢無意思囉!我情願唔去啦!

    回覆刪除
  11. (Empty)
    [版主回覆10/30/2008 14:43:00]好多謝你呀,寫blog就有呢個好處,多咗好多人關心,真係十萬個多謝!    無事嘅,唔開心梗有幾日嘅,聽日又有人同我慶祝啦,我去BBQ呀!

    回覆刪除
  12. 下次不如試下寫紙子約佢囉,搵下情趣,如果佢冇反應,問佢收唔收到紙子呀?
    [版主回覆10/30/2008 16:38:00]我就係唔鍾意咁做,我鍾意個男人有我心,會記住我喜歡嘅嘢,要我好似成日提佢無意思囉!我情願唔去啦!

    回覆刪除
  13. 你知嗎! 昨天看到這麼多菜色真不知應看那一個!  看到你上面, 另小妹想起已不在世間的父親(他離去時還是在剛過五十)!  他永遠不出聲, 不去街, 不太應小妹亞媽任何提出.  但在應有的場合總會出現.  上面的事件, 發現很多男人會是這樣.  你會說小妹沒親男性在旁, 所以這樣說.  其實有不是, 只在綱上不提.  有否想想下次在日曆上寫下來, 圈出來, 畫點公仔激勵他! 在一些他去的地方留下便條?? 他這樣的反應, 你不開心是理所當然! 找日扮到自己似隻鳥咁(要跟平時不一樣), 你看他什麼反應??
     
    [版主回覆10/30/2008 16:38:00]
    我就係唔鍾意咁做,我鍾意個男人有我心,會記住我喜歡嘅嘢,要我好似成日提佢無意思囉!我情願唔去啦!

    回覆刪除
  14. 如月, 你唔好咁喇, 男人就係咁架喇~ 唔想自己唔開心, 屈就下主動d囉, 我都係咁架, 零願主動都好過自己唔開心丫係係先?
    [版主回覆10/30/2008 17:29:00]我以前係等佢估我想乜架,而家已經主動同佢講我想去邊,係佢唔聽咋!咁唔通我拉佢去咩!

    回覆刪除
  15. 唔好唔開心啦, 男人真係咁家.......大佬爺話下星期同你去, 你咪請多一日假, 一齊去玩番日啦 !  笑口常開 !
    [版主回覆10/30/2008 18:19:00]想唔攪咩,有假都唔好意思請啦,要個拍擋幫我做咁多日! 而且我好衰架,最憎勉強人架,我情願唔去啦! 今日忙咗成個下晏,整咗好多嘢,無時間諗嘢!整到而家好頭痛!

    回覆刪除
  16. 你好! 打個招呼先!
    唔好唔開心啦,有d男人係咁喎! 要你主動安排催促佢地架
    咁你就一終做主動,做話事人,仲好啦!話晒事,仲要係決策好,要佢say yes,無得say no,又試試囉  
    happy halloween
    [版主回覆10/30/2008 20:06:00]我以前係等佢估我想乜架,而家已經主動同佢講我想去邊,係佢唔聽咋!咁唔通我拉佢去咩!

    回覆刪除
  17. 唔好激氣,放鬆d!
    [版主回覆10/30/2008 20:17:00]唔通我拉佢去咩!買完嘢咪鬆咗囉!

    回覆刪除
  18. 唔好唔開心啦!
    我唔開心既時候你都叫我搵自己鍾意既野食
    咁你都要每日開開心心
     
    [版主回覆10/30/2008 20:56:00]所以我整咗甜品俾自己食囉!

    回覆刪除
  19. 咁你約我嘛,等我陪係去,你陪我食,都幾甲架
    [版主回覆10/31/2008 06:02:00]哈哈........陪你食..........你陪我食就真,多謝你先!

    回覆刪除
  20. 我就會直接叫佢陪我,陪就陪,唔陪就算...............要佢估實估錯!!! 所以,我懶得費神,話哂都相處咗咁十幾年嘞!!!!! 你自己做鐘意嘅嘢都可以好開心!!仲有大把人錫你!! 知冇???
    [版主回覆10/31/2008 06:04:00]哈哈........我都叫咗,但佢唔上心啫!唔陪就算,都唔使佢估啦..........不過佢唔聽之ma! 相處咗十幾年.........咁佢都應該了解我架!

    回覆刪除
  21. 如月, 我都係妳粉絲, 日日去妳度睇吓煮乜餸, 但睇到妳唔開心, 又感受到妳鬱住喺個心度, 長遠嚟講對大家都唔好, 如果有機會大家都心情靚靚時, 將妳對佢既期望同佢講清楚,  例如每月去郊遊一次, 但由佢安排, 怕唔記得就叫佢喺電話set記憶提示, 千奇唔好覺得又係妳安排佢咁做, 佢唔懂咪妳教佢囉, 溝通好重要架 ! 我和閒生都努力緊 !
    [版主回覆10/31/2008 22:01:00]你好呀!但第一次見你回應喎! 我有叫佢喎,仲兩次啦!佢唔去記咁我都無法! 佢唔會俾我set佢電話架,佢亦唔識搵節目,佢連戲都無同我睇過一次呀(兩年)!

    回覆刪除
  22. 既成兩夫婦, 有少少唔開心梗有, 但記得唔好比佢惡化, 我前兩晚都同老公為了小事嘈得利害, 不過心平氣和下來, 又覺得都唔係大事, 就笑笑口咁問老公下次同樣情況發生咁點先, 咁今次就算數囉.  然後抱抱鍚返淡就冇事了.
    有時我覺得, 係自己老公, 勉強佢陪自己, 勁LUR佢為自己做D野, 都係情趣黎, 老公唔同其它人, 標準可以不一樣.
    [版主回覆10/31/2008 21:59:00]你好呀!我地好少吵架,得我一把聲點吵呀? 我都無發佢脾氣,係自己唔開心啫!

    回覆刪除
  23. 係唔係已經老夫老妻啦,佢覺得唔需要搞咁多新意?  有心就得啦! 
     
    [版主回覆11/01/2008 11:20:00]佢係咁諗,但我唔係ma! 咁一年到晚都無啲新意,我好悶呀! 如果佢有心就唔會我要求都唔記得啦! 有好多老公公老婆婆仲拖住手仔出街架!

    回覆刪除
  24. 生日都要我自己要求佢做乜! 佢祇係識問我去邊度食飯呀.----->>> 原來係咁~男人都係咁樣的~我老公都係咁架~
    佢唔同您去,您咪找人同您去囉~唔好嬲喇~
    [版主回覆11/03/2008 07:13:00]咁你唔識我咪改囉,我同佢講埋啦,咁講咗兩次唔通仲要我拉佢去咩,咁都唔記得,最好笑係佢自己將件事諗咗個結果當係我講,你話有冇搞錯呀,我都無話唔放假,無話星期日先去!!!!!最慘我嬲佢幾日唔啋佢,佢都無氹我喎同樣係唔啋我呀!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^