2008年10月24日星期五

老人!!!


點解而家香港點會攪成咁,


啲老人家為咗個飯盒要排成兩個鐘!


今日有單新聞,


深水埗有間敎會每個星期二,都會派一次免費飯盒,


成三百個公公婆婆排隊領取,


點解要啲公公婆婆咁樣啫,


政府仲話要經濟審查先俾老人金,


個幾百蚊係佢地一生人應得嘅褔利!


納稅人咁多年嘅貢獻,


都係想老咗有啲福利啫,


老人家有少少錢都唔可以亂咁使,


每個月俾幾百蚊啲老人家,


咁都唔過份,


好過俾啲生埋幾個仔女,兩公婆又話唔做得嘢,


攞成萬蚊一個月綜援,


仲好過出去做看更清潔!


老人家年輕時供獻社會,


老咗都應該係社會報答佢地嘅時候!


而家啲老人家分分鐘有八九十歲命,


如果有十幾萬都未必夠佢使二三十年架,


真係好有錢啲又唔會去攞你個幾百蚊啦,


政府使唔使咁呀!



勞氣完,講番啲開心嘢,


聽日又係一個好日子,


我可以一日裏認識三個素未謀面嘅blog友,


好期待呀!


一個仲係遠自加拿大返嚟添!


今晚仲要趕工呀,


因為我要返工,又想俾送啲新鮮啲嘅!


所以煮完飯,即刻要開工,


希望佢地會喜歡啦!



星期四


多數都係食麵,預備少少餸,


煮個麵就可以,簡單好多!


~鴛鴦腸~


係公司訂咗啲雞肉蘑菇腸,咪煎啲加啲雞肉腸!



~洋葱煎安格斯漢堡扒~


又係上次訂過啲安格斯漢堡扒,


好過買啲普通漢堡扒!



~迷你水餃~


係吉之島買嘅,細細粒一口一粒幾得意!



~拌手禮~


因為聽日要見blog友仔,

要趕工做伴手禮,


今次都係做啲自己有信心啲嘅!


希望佢地都會喜歡啦!




 

16 則留言:

  1. no1
    [版主回覆10/23/2008 22:30:00]哈哈............你都玩呀!   

    回覆刪除
  2. 33333
    [版主回覆10/23/2008 22:34:00]You are No.2呀!好嘢!我聽日可以見MAmaPOHpoh啦!我剛剛整咗啲伴手禮呀,你上次嚟嘅時候,我乜都唔識整,無乜整嘢俾你,你下次一定收到雙倍嘅!  

    回覆刪除
  3. 我包佢地中意啦,我都睇咗Frances那些,你们真是好o野,可惜我上次回来时你地未開爐。。。唉!
    [版主回覆10/23/2008 22:35:00]Frances真係好有創意,我祇會跟住個食譜做,一成不變! 你下次一定收到雙倍嘅!

    回覆刪除
  4. Good morning, Moon! I am so blessed and meet you in time to try your yummy baking gift! Thank you very much! See U in a few hours!
    [版主回覆10/24/2008 06:56:00]早晨呀,一陣同大老爺出去食完早餐,去買少少嘢,又要返嚟開工啦,之後就可以見到你啦!一陣見,你應該認得我啦!

    回覆刪除
  5. 咦,你咁早起身架???早晨!!!我呢度快hk三個鐘,所以夜晚無得玩''第一''啦~~
    伴手禮??咩黎架??~~~我下次返hk都要揾你啊!!~~haha!!
     
    [版主回覆10/24/2008 08:55:00]有時我會日間出BLOG架,你留意啦!     伴手禮即係話同你一齊帶出去嘅禮物仔,送俾朋友嘅,唔係兩梳蕉! 好呀,你幾時會返香港呀?我細妹都12月返香港呀!

    回覆刪除
  6. 好想食你o的腸仔呀.... 好香咁呀...
    政府o的官,個腦生係pat pat度呀,定係根本無腦?真係令人費解...
    [版主回覆10/24/2008 09:04:00]都唔知政府點諗,個個納稅人供咗稅咁耐,梗係想老咗搵唔到錢,有啲福利啦,連個幾百蚊都無! 啲腸仔我本人麻麻地啦!但同事次次都訂架!

    回覆刪除
  7. 昨日睇報紙,有一個婆婆一碟豉蒸豬肉食足三日,連食剩既豉油都要留番下餐送飯.睇完之後真係好肉赤...政府真係唔應該咁.....
    [版主回覆10/24/2008 10:08:00]中國人以孝為先,係咪唔應該咁對啲公公婆婆呢?

    回覆刪除
  8. Have a nice lunch & dinner!!!  Dont forget to EAT FOR ME!
    [版主回覆10/24/2008 11:06:00]我一定食埋你個份!我啲伴手禮好好味呀!我試咗味啦!

    回覆刪除
  9. 但係有d呀毛呀公好有錢,都會去攞呢d飯,屋企人都吹佢地唔脹,我識得有幾個呀公,銀行有幾伯萬,但係個身世好似黑衣咁,食唔捨我食,箸又唔捨我箸,你無佢符
    [版主回覆10/25/2008 10:35:00]早晨呀!實有啲咁嘅人嘅,但唔衰得嗰啲生幾個仔女攞綜援,日日去飲茶嘆世界,仲可以年年去旅行!

    回覆刪除
  10. 我以為你去o左潛水添, 點解唔見o左人, 好在你浦翻出來。
    老人家係應該得到尊重, 但係有d老人家其實唔係咁窮架, 不過佢地好慳儉。
    [版主回覆10/25/2008 10:32:00]早晨呀!我幾時潛咗水呀,我日日都係度啦! 而家無事啦,政府公報啦! 啲老人家唔係咁窮都唔應該亂咁使錢,因為佢地真係唔知仲有幾耐命,如果仲有二三十年咁邊度有咁多錢呀,俾幾百蚊啲老人家,好過俾啲後生呀!

    回覆刪除
  11. 今日又有聚會呀 ! 一定玩得好開心 !!!
    [版主回覆10/25/2008 10:30:00]早晨呀!我今朝先有時間答你,我噚日等咗你成日,返到屋企第一時間去你度睇你個壽司蛋糕!

    回覆刪除
  12. 我都覺得好唔公平,D老人家系年輕時為香港出過很多貢獻,但系老咗竟然不及一D都未為香港做過任何事的大陸人,可以用到香港人的福利系香港生BB,攞綜援.又唔做野,成日都諗來香港情願嫁比自己大幾十年ga啊伯.
    [版主回覆10/25/2008 10:25:00]早晨呀!噚晚唔得覆你! 而家政府公報咗唔做經濟審查啦! 你講得啱,政府都唔知點諗,自己香港人得咁少福利仲要攞番! 啲女人嚟到香港又話唔適應香港,又要離婚,咁香港人又係香港生活咗咁耐,咁香港人係超人呀!

    回覆刪除
  13. 哈哈~如月咁夜仲未返今日一定好開心啦
    [版主回覆10/24/2008 22:38:00]剛剛坐的士返咗屋企啦!如果唔係真係好夜呀,而家努力咁打blog呀!

    回覆刪除
  14.  我都知無咁早啊
    [版主回覆10/24/2008 23:42:00]出咗啦!  

    回覆刪除
  15. (Empty)
    [版主回覆10/24/2008 23:42:00]出咗啦!  

    回覆刪除
  16.  night night!
    [版主回覆10/24/2008 23:42:00]出咗啦!  

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^