2008年10月21日星期二

公德心!!!


公德心


以下我講幾個例子:



我日日搭地鐵,


都有攞免費報紙睇,


但係唔明啲人究竟知唔知道,


自己打開睇報紙睇會影響人架︳


地鐵啲位咁窄,坐咗係度,


隻手都唔敢郁啦,


佢地仲打大份報紙咁睇,


個報紙角成日拮住隔離隻手,


真係忟人憎,


你望下佢,佢仲好似當你黏線咁!


我都有睇報紙,但就好小心咁輕輕咁打開少少嚟睇!


張報紙都有寫啦,閱報要顧及他人!


 


仲有港鐵都有買廣告,


車廂內不准飲食,


但不時都見到啲後生仔女,仲有學生添呀!


"大模司樣"

咁攞個包出嚟食,


最勁一次係一對男女,


攞咗盒嘢(唔記得)出嚟你拮俾我食我拮俾你食!


天啊!學生學乜架,

一啲公民意識都無,


好趕咩,趕就早啲起身,食完早餐先返工返學!


咁大個人俾人話就唔好啦!




榴槤


大家都知有好多人唔頂得佢順啦!


我地一家都好鍾意食,


放工係街買咗,都要個老細同我包好佢,


怕搭車時"供"親人唔係咁好!


點知,有次我係粥鋪食嘢,


突然嗅到陣榴槤味,仲好大陣味添,


周圍望下,見到有個後生女同個婆婆食飯,


啲嘢未嚟,

佢居然攞咗盒榴槤出嚟,


用筷子夾嚟食,俾周圍啲人望下望下,


佢都若無其事咁繼續食,


我當然睇到眼定定啦,


佢知唔知影響人架,雖然唔影響我!


終於,佢要俾個食店經理叫佢先肯收番盒榴槤!


咁都得!


香港人呀香港人,多點公德心得唔得!





!


~沙薑雞脾~(詳細食譜)


而家啲雞檔都唔開,


唯有係超巿買咗兩隻美國雞脾頂住先!


但食落真係差好遠,唔知幾時先有新鮮雞脾買!



~蝦醬蒸豬肉~(詳細食譜)


今次我改用咗啲粉絲墊底,仲好味!



~豆豉鯪魚油麥菜~(詳細食譜)


噚日睇見人地食呢,好想食!


卓高,我睇清楚係豆豉鯪魚啦!



~節瓜章魚豬骨湯~(詳細食譜)


沒有留言:

發佈留言

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^