2008年10月2日星期四

交功課~鳯梨酥!!!


十月一日


國慶日


好忙嘅一天!


噚晚買餸時,差不多想走嘅時候先攞到菠蘿買!


煮完飯,就煮定個鳯梨餡先,


諗住趁今日假期整"鳯梨酥"



一起身就預備做功課,


就係mommy dearest嘅鳯梨酥


雖然有食譜,原來都要執生架!


搓完個粉糰,發覺咁乾,根本唧唔到咁滯!



試味後真係唔錯喎,雖然樣子差少少,


但好鬆化,餡可以甜多少少,



仲要研究點樣可以將個麵糰搓得滑一啲! 


都叫做成功啦!


嗱!呢個就係A貨鳯梨酥啦!



  
  
  


跟住去飯茶,之後就去咗九龍城買材料整蛋糕!


買下買下又買咗三百幾蚊!


聽日係大少Ricky生日呀!   


我又會忙成日啦!



夜晚出咗旺角食迴轉韓燒自助餐,


呢間新開我都未去過,


都好抵食喎,假期$128,



有迴轉壽司,有罐裝汽水任飯,



啲食物都醃得好好味,食物添得好密,有足夠食物供應!



仲可以加火鍋,呢啲係火鍋料!



燒烤料!



醃菜,啲蘿蔔絲好好味!



甜品柜!




龍蝦沙律!



燒秋刀魚好好味!



好難得囝囝肯同我合照!




 

30 則留言:

  1. 111111111
    [版主回覆10/01/2008 22:07:00](Empty)

    回覆刪除
  2. 我等了成個鈡头结果都不枉我的心机,pineapple rolls 第一次就有这样的成绩很好了,再接再厉,跟我的贴士啦,你好叻啊!
    祝囝囝生日快乐!
    [版主回覆10/01/2008 22:09:00]我下次會努力啦!多謝你指導!

    回覆刪除
  3. 祝囝囝生日快樂呀!
    P.S. 妳個仔既SYTLE同我個仔真係好相似.....
    [版主回覆10/01/2008 22:39:00]多謝你先,你成日咁捧我場!  
    個個十幾歲嘅囝都差不多!

    回覆刪除
  4. 加油!你也弄得不錯呀!繼續努力!
    [版主回覆10/01/2008 22:38:00]多謝你嘅鼓勵呀!  

    回覆刪除
  5. 妳的仔仔女女好乖啊!請問鳳梨酥皮用具係响边樹買嫁。
    [版主回覆10/01/2008 22:36:00]個模香港無得買架,係個blogger送俾我架!   

    回覆刪除
  6. 嘩都好抵喎,我要帶佢地兩個去先得,不過最衰係旺角啦
    [版主回覆10/01/2008 22:42:00]係好抵,最抵C係有罐裝汽水喎! 去呀,不過千祈唔好行下面啲鋪頭呀,唔係我驚你唔識你啲仔女呀!      嗰度係四仔商場呀!

    回覆刪除
  7.   鳳梨酥整得好成功哂呢~~恭喜哂~~
    個鳳梨餡料點整架??我又懶~不想山長水遠的出九龍或荃灣買,
    您教了我點整個餡後,等我咁得閒都整吓先~ 早幾日卓高教過我,
    但~~好似好多步驟的,您的做法會否簡易一點呢~~
        呢間野的下午茶自助餐幾抵食噃~您知嘛??帶埋個女去吃自助餐,
    次次都蝕大本的,所以,拖住亞女,都不想去吃自助餐的~
    呢間下午茶咁抵~好似去茶餐廳的價錢差不多~去得過呢~~
       您不是說您老公21/10生日嗎??點解會變了明天的??
       
     
    [版主回覆10/01/2008 23:08:00]個餡唔係咁難,簡單啲係買盒去咗皮嘅新鮮菠蘿返嚟,刨絲,揸亁水份,用白鑊炒到完全無晒水,大約1個小時。咁雪下佢再搓粒粒就得。 你講邊間下午茶自助餐呀?    大少係我個仔呀,老公叫大老爺!  

    回覆刪除
  8. 你講邊間下午茶自助餐呀?    ---->>> 您呢間梨和園的"豐富下午茶自助餐"囉~平日才$30元,連加一時 $ 33 /位吧~仲三十款野食~我看您張相咋~
    大少係我個仔呀,老公叫大老爺!   --->>兩仔爺同一個月生日~您呢個月都好忙呢~
    [版主回覆10/01/2008 23:25:00]唉,我係五個月都好忙呀,八月兩個媽咪生日,九月囡囡生日,十月老公同囝囝生日,十一月我生日,十二月老豆生日..............
    梨和園...........係四仔商場喎,我驚嚇親MAMIPOHPOH喎!

    回覆刪除
  9. 終於見到你整啦!!!好開心!!
    我仲以為用特別嘅唧筒就得,原來都係硬!!我都偷偷哋加多咗牛油先唧得出!!!
    [版主回覆10/01/2008 23:34:00]但加咗牛油都仲係硬喎,唔知可唔可以加牛奶呢?   唧完隻手指好痛呀,麵糰軟啲可能好唧啲!

    回覆刪除
  10. 我都有功課交呀, 咁啱既 ! 但我個餡係買現成既, 你真係好野呀, 個伯餡都自己整 !
    [版主回覆10/02/2008 06:05:00]樣樣都要自己試下先覺得完美! 噚晚唔見你有做呀?

    回覆刪除
  11. 早晨!
    [版主回覆10/02/2008 06:04:00]早晨呀!

    回覆刪除
  12. 係四仔商場喎,我驚嚇親MAMIPOHPOH喎!
    ~~我好大膽喎!唔會受驚受嚇0架!出招啦!
    [版主回覆10/02/2008 06:06:00]哇,你咁大膽!   咁你諗定食乜未呀?

    回覆刪除
  13. 係四仔商場喎,我驚嚇親MAMIPOHPOH喎! --->>(我都唔係呢個意思~我係話平日帶我個女去咋.我點會叫MAmiPOHpoh去呢D地方呢 )
     
    ~~我好大膽喎!唔會受驚受嚇0架!出招啦! ----->>>(MAmiPohpoh您不是想趁機當觀光吧~~那不是旅遊景點噃~哈哈哈~)
    [版主回覆10/02/2008 08:41:00]哈哈.............咁你去多啲啦,同你兩個家去試下呀,佢有兩間vip房呀,好正,但攞食物會遠啲! mamipohpoh係咪想見識下四仔商場買乜呀?    mamipohpoh話同你食晚飯,咁你安排下啦,我食乜都無問題架!

    回覆刪除
  14. 乜都得,你地話事吧!
    祝如月囝囝 生辰快樂!學業進步!身體健康!
    如月媽媽今日有冇整生日蛋糕?
    [版主回覆10/02/2008 08:38:00]咁等我諗下同你去邊度飲茶再行上海街! 多謝你!希望佢生性勤力啲讀書啦! 今日我會由朝忙到晚呀,諗咗好多樣佢鍾意食嘅食物! 會整蛋糕,不過無乜信心呀!仲會整pizza呀!仲有仲有..........

    回覆刪除
  15. "用白鑊炒到完全無晒水,大約1個小時"-- you need to add some sugar and a stick of cinnamon ah... or else it wont be sweet enough, you can choose rock sugar, yellow sugar or gula malaka depending on the smell you prefer!
    [版主回覆10/02/2008 12:06:00]haha.......我講一半唔講一半喎!mommy dearest我有加冰糖同玉桂架! frances:你睇唔睇到呀,要加乒乓球咁大粒嘅冰糖同1支玉桂一齊炒架!

    回覆刪除
  16. 你真係越玩越激喎!
    [版主回覆10/02/2008 12:07:00]點樣激啫????  

    回覆刪除
  17. 韓燒...正!! YUMMY!!
    [版主回覆10/02/2008 13:55:00]囝囝好喜歡韓燒,試過好多間,呢間算最正!

    回覆刪除
  18. 呢間韓燒d野好唔好食呀? 祝你仔仔 生日快樂 學業進步呀~
    [版主回覆10/02/2008 13:56:00]幾好架,除咗啲壽司飯硬咗啲咋!

    回覆刪除
  19. 出新blog未??
    [版主回覆10/02/2008 15:32:00]未呀,今晚個餐咁豐富,要九點十點喎!   

    回覆刪除
  20. ∞∞∞∞∞∞∞∞∞ Ðädä ∞∞∞∞∞∞∞∞2008年10月2日 下午10:28

    我鍾意 BBQ 多過韓燒。
    [版主回覆10/02/2008 18:01:00]BBQ咁熱,韓燒可以坐定定呀!

    回覆刪除
  21. 仔仔幾多歲?
    [版主回覆10/02/2008 18:01:00]大少17歲啦!高我個半頭呀!   

    回覆刪除
  22. Happy BIRTHDAY to Ricky !!!!
    Your mommy LOVES you lots!!! You are such a blessed young man!!!
    [版主回覆10/02/2008 16:47:00]我代囝囝多謝你先! 我個蛋糕衰咗啦!   

    回覆刪除
  23. 唔知聽日有冇鳳梨酥食呢?祝囝囝生日快樂!努力讀書,鍚哂媽咪!
    Happy Birthday to Ricky!
    [版主回覆10/02/2008 17:01:00]你唔介意我攞少少請你食啦,不過今日我食好似有少少腍喎!

    回覆刪除
  24. 點解個樣有點似腸仔卷(不要介意)看多點小妹想吓吓是否在什麼地方見過你..
    [版主回覆10/02/2008 19:05:00]都有啲似架! 乜你見過我咩??你知邊個係我???肥嗰個喎~

    回覆刪除
  25. 國慶節快樂呀!!!
    [版主回覆10/02/2008 19:06:00]遲咗一日喎!

    回覆刪除
  26. 生日快樂   
    [版主回覆10/02/2008 20:16:00]做乜咁鬼遲先入嚟呀!你好早已經去咗主席度喎!   多謝你先!

    回覆刪除
  27. "個蛋糕衰咗啦"---不要紧,可以补救吗?什么蛋糕啊?可以同他们說是新款的,加多多decoration啦!
    [版主回覆10/02/2008 20:15:00]補求.........有呀,隨機應變囉,我今日好黑呀!    想買士多啤梨又無,想買花邊又買唔到,做pizza攞啲芝士出嚟,居然發咗霉!   

    回覆刪除
  28. 可以試吓減粉,因為上次我偷加牛油同蛋,食開Jenny Bakery出品嘅朋友話個皮做到九成,如果加牛奶,我驚你個皮會塌呀!!
    [版主回覆10/03/2008 11:42:00]可能都係咁,mommy dearest都係咁話,我呢隻粉可能無咁靚!我唔知係咪炒得個餡唔夠亁,所以隔日食個皮腍咗啲!

    回覆刪除
  29. 小妹緊知在相中那個是你...你有點面善..比點時間小妹...你有去做瑜伽/跳舞..不是健身房?? 係咪..Kowloon??
    [版主回覆10/03/2008 16:55:00]我個樣太普通啦! 瑜伽我係九龍做~星期三晚。 健康舞係香港做架,二、四中午
     
     

    回覆刪除
  30. 我都鐘意去梨和園~因為個到有炸好既多春魚
    [版主回覆10/03/2008 22:28:00]咁你有無去過呢間呀?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^