2008年9月9日星期二

~世紀賤男~

本來想整月餅俾奶奶食,


但無諗過今年會趕得切!


又無時間search食譜,


個個都係整冰皮月餅,


但老人家梗係唔鍾意白雪雪!


算吧!出年先整啦!


點知今朝攞份'都巿日報'


咁啱教人整奶皇月餅喎,


哈哈.......可能個天知我孝心,


又或者唔俾藉口我唔整!


好!好!好!........晏晝即刻出去買咗個月餅模先!


好緊張

,都唔知整唔整成?


盡量啦!




今日似平時咁,放咗工去買餸,


買完左一袋右一袋,隻手仲挽住一大袋餸,


我係搭邨巴返屋企,


嗰種邨巴係平時學生返學放學嗰隻大巴,


啲位都唔會好濶,


我上車已經好"論盡",


因為早落車嘅關係,所以都唔會坐好入,


見到第二行有位咪坐落去囉,


點知個賤男成個人坐到斜晒,


我半個"蘿"都坐唔到,


咁咪出聲叫佢坐好啲,賤男係坐開咗一寸咋,


算!坐得穩個人都算啦,


其間賤男大傷咁,我梗係用手掩住鼻,有錯咩?


佢居然細聲話我"痴X線",


我梗係唔會認輸咁話番佢"痴線"


記住全程我都係坐半個人咋!


落車時我見到佢都落車,


行行下我覺得佢跟住我,所以我停咗步,


等佢行先,個賤男好似好輕鬆咁行係我前面,


本來我無諗住有乜事發生,


呢個世紀賤男應該係讀過書嘅人,


佢居然突然轉頭向我旁邊行過嚟,


仲係我身邊低頭咁細聲同我講咗句.....


"減肥呀"


我頂你個肺呀,嬲到我轉身跟住佢嚟鬧,



佢居然頭唔轉行番轉頭,


我一路鬧佢一路行上去(佢應該係住下一個站啲樓),


大家都係同一個屋邨,


我下次搭車一定會有機會見到佢,


呢個死佬點解我話佢係世紀賤男,


佢居然為咗頂我一句,而特登早一個站跟住我,


正死佬,賤男!



唔好意思,各位BLOG友,無端端聽我講咗一輸廢話!


我今就好似呢隻黑貓咁黑,想煮雞絲唔記得買雞肉,


想滾湯唔記得買豬肉,仲撞到個咁嘅賤男!



今日晚餐


~蒜心肥牛卷~(可按-食譜)



~雙丸蚊節瓜~



~木耳絲冬菇金菇炒火腿~(可按-食譜)



~腐乳A菜~



今晚煮啲餸我都無食到,本來己經無事,我唔會俾自己嬲好耐!點知食飯時,大老爺將啲煲"得"晒係我面前,我話咁點食,佢居然話"咪唔好食囉",咁我仲點食得落...........................今晚都無食到飯............都唔知日日咁辛苦為乜??????????????



 


 

25 則留言:

  1. 唔好咁嬲啦 ! 唸下整 d 乜野好野食會開心番家啦 !
    [版主回覆09/09/2008 10:49:00]整乜嘢好嘢佢地都唔會讚!

    回覆刪除
  2. 唔好嬲啦 嬲對自己身體唔好架 快d笑返
    [版主回覆09/09/2008 10:48:00](Empty)

    回覆刪除
  3. 333333333333333
    [版主回覆09/09/2008 10:48:00](Empty)

    回覆刪除
  4. 唔好嬲啦,過黎我果邊會開心d架,小丸子好掛住妳,如果提早請假就搵我啦
    [版主回覆09/09/2008 10:48:00]得啦,都話十月先放得假呀!呀29號我會放假去報名喎,你睇得唔得?

    回覆刪除
  5. 您今天真的好黑仔噃~比個死人佬激完,
    又比屋企人激~唉~~早點去睡個靚覺,
    明天又是新的開始~希望在明天~
    [版主回覆09/09/2008 10:47:00]仲要買餸呢樣唔記得買嗰樣唔記得買,炒雞絲無雞肉,滾豬肉無豬肉!

    回覆刪除
  6. 算啦,有d人真係好賤格,聽朝訓醒冇事架啦.妳老公鍾意激下妳,妳唔好咁蠢唔食飯,餓親自己.........
    [版主回覆09/09/2008 10:46:00]個賤格佬啲嘢我煮完飯都無事啦! 老公成日都係咁講嘢,乜佢講啲好聽啲說話好難咩,句句唔係鬧人痴線,就係叫人唔好食囉! 有彈無讚!

    回覆刪除
  7. 唔好嬲啦 !  You know what,  we made the same dish last night , I also made the beef roll with asparagus and carrot.  I can't believe that, I guess sisters are think alike.
    [版主回覆09/09/2008 10:43:00](Empty)

    回覆刪除
  8. 早晨~咁早去人地個blog,都唔識番自己個blog~哈哈哈
    [版主回覆09/09/2008 10:43:00]無心情覆人!

    回覆刪除
  9. 香港好多痴線佬,唔好嬲壞自己.不過你真系好叻,点放咗工重可以去買餸再整咁多靚餸出黎,你家人真系好幸福!
    [版主回覆09/09/2008 10:43:00]你家人真系好幸福! ...... 唔知佢地覺唔覺啫?

    回覆刪除
  10. 唔好嬲,嬲壞自己for what??? , SMILE.... Have a blessed day today!
    All your dishes are SOOOO nice... never mind, enjoy looking at your kids finish up all the yummy food!
    [版主回覆09/09/2008 10:15:00]我知唔應該係囝囡面前咁樣,但實在忍唔住,佢成日都係咁窒人,讚人就無,有彈無讚!有時真係學得唔知做咁多為乜,你地成日講我啲家人好幸福,佢地都唔覺得!

    回覆刪除
  11. 又真係好激氣喎!! 不過呢個世界咩人都有, 唔好上心啦!! 為咗呢 d 賤人多條皺紋就唔抵啦!!
    [版主回覆09/09/2008 11:04:00]塊面已經有好多皺紋啦,我唔會嬲好耐架!

    回覆刪除
  12. 香港真係好多讀"屎"片既人嫁! 好多人成日話香港既女姓眼角高,現實等~~ 但佢地又唔反省吓自己既質地!! ... 香港不齊既男人太多啦!!! 唔好嬲! 我地女人大方d!!
    [版主回覆09/09/2008 12:12:00]我地女人大方d............... 佢真係得得地咁,又唔想俾人知佢同女人鬧交,情願早一個站落車,仲要靜靜雞咁係我傾邊度講,有胆就鬧大聲d!

    回覆刪除
  13. 蒜心肥牛....正爆呀
    [版主回覆09/09/2008 13:42:00](Empty)

    回覆刪除
  14. 唔好為左呢d人唔開心啦,有屋企人欣賞你煮d野食咪個囉!
    [版主回覆09/09/2008 13:43:00]賤男唔會激我好耐,反而係俾大老爺激到CC下!

    回覆刪除
  15. 嗰件野冇資格做男人, 咁小氣仲要咁衰格, 你下次見到佢都係小心d, 可能佢有d心理變態.   你唔好唔開心啦!
    [版主回覆09/09/2008 13:44:00]個賤男真係心理變態,今晚見到佢係車實炳鑊稠佢!

    回覆刪除
  16. 真係世紀賤男, 唔好嬲....
    仲有, 妳整野最緊要係d仔女鍾意食, 食得開心咪得囉.....咪鬼理d男人....
    [版主回覆09/09/2008 15:26:00]我個囡見到碟肥牛卷不知幾開心呀!

    回覆刪除
  17. Even my kids take me for granted very often, but I will REMIND them , and they have to agree RELUCTANTLY that they are very fortunate to have me as a MOMMY !  Yes, make myself happy and let them know how you feel too!
    [版主回覆09/09/2008 20:27:00]明白啦!

    回覆刪除
  18. 香港 真係好多這些無品的男人!   你演變d豆腐做紅心型...教命呀 ~前兩年小妹留起了一份報紙, 教人弄各式各樣月餅...小妹有弄過酥皮有涵的豬仔餅, 連料也買了回來...(可到Joy at the kitchen相簿一轉看)
    [版主回覆09/09/2008 17:23:00]豆腐丸我係惠康買架,我無咁叻!

    回覆刪除
  19. 月姐:依d衰人冇得救!你响边到買月餅模呀?我都想買。
    [版主回覆09/09/2008 17:22:00]你住邊,你可以上網SEARCH一間"DIY"嘅烘焙店,那裏有得買,其他地方我就唔係好知~

    回覆刪除
  20. 都未走妳就覆咗我,好勁!俾個月餅食譜我,tks!
    [版主回覆09/09/2008 19:01:00]我都未整過月餅,我今個星期六先試下整咋! 我係睇都巿日報架!

    回覆刪除
  21. 我覺得其實D男人衰起上嚟衰過D女人多多聲
    [版主回覆09/09/2008 19:02:00]咪係囉又要同人鬧又怕俾人知,咁小家!

    回覆刪除
  22. 如月,唔好甘嬲啦!賤男事件我都試過一次.就系有一次早上搭MTR比個男人踩到我隻腳,佢仲LOOK大隻眼話踩到啫.無SAY SORRY.好黑人曾
    [版主回覆09/09/2008 19:07:00]我今晚金精火眼咁望下班有冇個賤男係度,係度我實俾眼色佢睇,居然撞唔到佢!

    回覆刪除
  23. 唔好嬲啦!我都覺得香港有好多賤男
     
    [版主回覆09/10/2008 06:28:00]你話呢個男人係咪奇怪,特登早落車行到我身邊講句嘢走都走唔切!

    回覆刪除
  24. 個男人又真係幾賤喎!! 仲好小家添!!....至憎呢類人!!
    [版主回覆09/10/2008 16:03:00]係呀,真係小家,我追住佢鬧,叫佢過嚟你頭都唔敢回呀!我祇係叫佢坐好啲,咁都俾佢鬧"痴X線"喎,我回敬佢"痴線"都少咗個字啦!

    回覆刪除
  25. 罷煮﹐大家唔好食﹐叫老公買外賣。我老公激親我﹐都係有噤既下場
    [版主回覆09/12/2008 23:26:00]我都好衰,成日俾老公食住!唉,佢今日先call我食飯呀,我唔睇佢面都要俾面啲仔女啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^