2008年9月2日星期二

~開學啦~

九月一日


開學喇!



一早就見啲學生、媽咪、校車穿梭大小街道,


個個都忙著返學,返工!


反而我呢個媽咪,就唔使返工!


一早自己梳洗完,

準備叫醒囡囡,


點知佢自己起咗身喎!


如果日日佢都可以自己起身就好啦!


佢出門口仲叫我慳電唔好開冷氣喎!



見佢咁乖,煮啲好嘢佢食啦!


上次係馬莎買咗啲好得意嘅意粉,


去街巿買餸煮俾佢食先!


朝早去街巿係好享受嘅,


因為樣樣都好新鮮,樣樣都想買!


睇下我買幾多嘢....好辛苦!



~鮮蕃牛肉花花意粉~(可按-食譜)



再加埋碟蒜茸炒BB露荀


呢味好簡單,祇係用蒜茸炒香啲露荀!




因為想趁呢個假期學整麵包,



所以食完晏出咗去荃灣"二德惠"買材料,


又買咗成300蚊呀!



明日明日一定整!

我想學整麵包,


今日本來想整曲奇,


終於無時間!


未來幾日都好忙,有好多嘢要做!


9月4日就到啦......



"家常便飯"



~椒鹽焗小雞腿~(可按~食譜)



因為驚大少又話無肉食,咁多煮多一味,


~泰式甜梅醬雞翼~(可按-食譜)



~蒜香煎豬扒~(可按-食譜)



~梅菜肉餅~



~潮州白菜粉絲煮魚角~



~木瓜花生眉豆雞腳豬骨湯~(可按-食譜)



今日囡囡返學都幾開心,


雖然佢呢班同學大部份都唔識,


但佢收到中二個老友去台灣旅行啲手信,


你地睇下,勁得意呀!



微形字典


好得意呀,仲有個放大鏡添呀!



睇下有幾大,3CM呀!



柔棉體驗~~~~棉花糖



囡囡本來都唔係幾開心,以前中二嗰班有八個同學拆咗出嚟,


大部份都保留原班,佢就係個八個同學其中一人,


所以今年有大半班同學佢唔識,


佢有啲担心!因為有兩個同學係好壞嘅!


我祇有安慰佢話"咁咪可以識多啲新朋友"



一開學又要填好多好多................表!


而家囡囡會自己填咗啲佢識嘅,


但囝囝啋我都傻,全部我填!


當囡囡搵緊出世紙時,


居然俾佢搵到哥哥張幼稚園畢業相,


囝囝六歲個樣呀!


 



中間嗰行中間嗰個呀,今晚我問佢,佢都唔認得!



咁下面呢個又係邊個呀?????


登登登................



就係我啦.....hahaha..........,19XX年架!


亞女仲搵到我張幼稚園畢業証書!


堅架!無花無假!


靚唔靚啫!!!!!!!!!!!



睇下我個樣,都唔好差呀!


 

23 則留言:

  1. 嘩, 你仲搵到張証書咁勁!!! 我嗰 d 全部留晒係外家呀!!
    [版主回覆09/01/2008 22:02:00]我特登係外家攞返嚟,因為有紀念價值,所以保存得好好!

    回覆刪除
  2. 妳就好啦証書都有,我就連細個D相都無架
    [版主回覆09/01/2008 22:54:00]我特登係亞媽度攞返嚟,驚佢地唔見咗!

    回覆刪除
  3. 仲有唔記得講我又想整曲奇,而家得緊亞仔番全日架,因為我有個好靚嘅餅模呀
    原來二德惠荃灣都有架,我都好鍾意去架
    [版主回覆09/01/2008 22:55:00]二德惠你成日去?咁你係咪識整蛋糕同曲奇呀?

    回覆刪除
  4. 哈哈~原來妳無去起我個底,我做咗貴師傅(佢係我個朋友)個入室弟子呀,都整過吓啦
    我就算返亞媽屋企都唔會有我嘅相架,以前屋企好窮架相機都無,所以而家就成日同個囡影番夠本,其實係唔想佢好似我咁
    [版主回覆09/02/2008 06:38:00]我邊有時間起你底呀?我平時返工,五月先學人寫BLOG! 成日聽你講貴師傳係邊個,係花名?咁我整蛋糕有乜唔明問你啦? 我以前屋企都好窮,每日祇得一個麵包,自已又大食,成日想食多個都無! 唔知係咪咁,而家鬼C咁鍾意食麵包,所以咁肥! 我地都無相機,每年全家都係新年時去相鋪影,細個時亞爸叫我地着好靚衫,我仲以為去街街添,點知原來去樓下影相咋!

    回覆刪除
  5. 個露筍好靚呀
    [版主回覆09/02/2008 06:33:00]露筍仲好好食,仲係健康食品!

    回覆刪除
  6. 哇~今晚七餸一湯,真係好豐富呢~~
    哇~未計D餸,仲有椰汁 (呢隻椰汁,我細個成日飲的 )
    仲有呢D粉,點攞呀??仲攞住去跳舞呢~我真係佩服得五體投地
    呢隻棉花糖,我在葵涌廣場頂樓都見過~仲有好多甚麼"喇叭正露丸",
    毒藥..很多不同"好笑"包裝的糖果~
      您個女真係好乖,自己搞得掂的,都不煩亞媽~真係好抵錫呢~
    哇~您就好啦~我小時候的東西只得番三年級至六年級的手冊及
    成積表,仲有一張升中派位表而已~再細個D的文件都冇哂了~
    呢個粉仔好正噃~看看明天我"懶不懶"先,整比女兒
    當午餐吃都不錯呢~
      您今天一定很累的了~早D去睡吧~期待看您明天的曲奇~
    [版主回覆09/02/2008 06:33:00]我係五餸一湯呀,意粉同露荀係晏晝架! 呢度影啲粉係噚日買,跳舞嗰日祇係買咗啲用具,我就係留番有時間去買囉,我攞背襄去買架! 手冊我就無啦,升中派位表我都有呀,之前係媽子度摷返嚟! 今日會整麵包,如果時間會整埋曲奇! 放假我仲忙,樣樣都想整俾佢地食!

    回覆刪除
  7. 嘩 ! 好多餸呀 ! 仲係二德惠入左咁多貨, 女人有得買野就會好開心家啦, 你係唔係家 ?  仔仔咁大個仲要你填 d 通告 ?! 我兩個女連細佬個 d 都會填埋, 我只係簽名, 特別要睇個 d 大姐仲會提我, 大姐就係呢類 "管家女", 所以真係幫左我唔少.
    你放緊大假呀 ?
    [版主回覆09/02/2008 06:27:00]有得買嘢我對會發光! 我係天生購物狂呀! 今日想學人整麵包,唔知成唔成功,都要試第一次! 男仔同女仔嘅分別係咁,女仔好細心又定,真係幫我唔少! 我放到星期五先返工!

    回覆刪除
  8. 幼稚園畢業證書重保留得咁好 勁
    [版主回覆09/02/2008 06:24:00]我特登係媽咪度攞返嚟,驚第一唔見咗!好有紀念價值架!

    回覆刪除
  9. 好多靚餸啊!!!! 個牛肉粉女女一定好鐘意!!
    我仲稔﹐典解個同學仔買包M巾啊
    [版主回覆09/02/2008 06:23:00]個粉係囡囡話買,我咁有心機煮俾佢食,佢梗鍾意! 包M巾我問囝囝,知唔知係乜,佢居然知但話點講呀,當我食得時,佢都笑呀!

    回覆刪除
  10. 哎呀,连張kindergarten証書都留得咁好,佩服!你買好多粉,重啊!厉害!
    [版主回覆09/02/2008 07:44:00]重呀,樣樣都買啲,樣樣都係幾蚊咁,費事想用時又無係度!我好好咁保存佢架!

    回覆刪除
  11. 忘记話你靓靚靚添!
    [版主回覆09/02/2008 07:42:00]THANKS!

    回覆刪除
  12. 如月。你去開email啦 !
    [版主回覆09/02/2008 07:52:00]你係話email定係msn呀?

    回覆刪除
  13. 哈哈~貴師傅係我個囡同學媽媽,佢整蛋糕好叻架,以前一得閒就會過我"超細"嘅屋企玩整蛋糕曲奇,而家我無工人就少咗啦,不過有貴師傅嚮樹我地就講多過做架,好開心咁又一日啦,我見好多blog友都係高手嚟架,我又唔係勁點敢教妳呀 妳連証書都仲嚮樹會窮得去邊,細個果陣爸媽都成日去做野都唔得閒理我地架,但我地好多嘢都唔使人教都會識,而家d細路俾埋錢佢學極都唔識,唔知佢地蠢定係我地聰明呢
    [版主回覆09/02/2008 09:48:00]超細屋企?你個焗爐有二層呀?我嗰個焗得6個鬆餅咋!有証書代表唔窮?點解?以前個個爸爸媽媽都要搵食,淨係得番啲細路自己照顧自己,而家又話要安排點點點......樣樣都要父母同佢地安排,留佢地係屋企,監都有得坐呀!

    回覆刪除
  14. 哈哈~而家真係要等坐監啦,我成日都要放亞哥一個人係屋企呀,因為要帶亞妹出去學嘢,亞哥又唔肯去
    二層焗爐都係我嘅夢想呀
    有証書就代表屋企人仲有時間去留底你嘅嘢,妳諗吓佢地由朝到晚又要做野又要帶住我地四個差唔多大嘅豆靚,出世紙都唔見咗兩張啦,如果屋企有錢的話就唔會咁忙,相信亞媽就一定係記得架
    [版主回覆09/02/2008 10:23:00]呢個係我老豆嘅功勞呀!佢好好心機架,我地都好窮,小六就要出嚟做暑假工啦!一路做到中學畢業呀!

    回覆刪除
  15. 哩包手信真有心思!哈哈~~~
    9月4日咁啱係我大女個生日,到時我會照你既食譜去整野食!
    [版主回覆09/02/2008 11:22:00]咁啱?我個女係94年9月4號幾好記呀!hahaha...........我而plan緊個晚食乜呀!

    回覆刪除
  16. 9月4號 is my colleague's birthday too, going to have karaoke party for her tmr night.  I sent some recipes to your hotmail EMAIL account ah!
    [版主回覆09/02/2008 12:47:00]我個hotmail emai accouny開唔到呀,你可以再sent去我yahoo個email嗎 ?ngsksandy@yahoo.com.hk ,thanks! 咁你聽日咪好happy有得玩,9月4日我會整一個蛋糕俾佢食,但呢隻蛋糕你係唔會整嘅.........hehehe.......到時你就知!9月4日會有個豐富晚餐呀!
     

    回覆刪除
  17. 點樣先可以炒到咁翠綠呢
    [版主回覆09/02/2008 13:09:00]唔使炒咁耐
     

    回覆刪除
  18. 你地一家人真係食肉獸喎!一餐要煮咁多肉,真係辛苦你喔!你家老爺一定俾多D家用先得,晚晚咁好餸 幼稚園張証書我都有留番,不過我地都好窮喎!!!!!!!!!!!!!!!!!!!
    [版主回覆09/02/2008 13:49:00]係呀,我地係食肉獸架!大少唔食肉餅咪煮多幾雞翼俾佢囉!

    回覆刪除
  19. 我家都係食肉獸,但比起你地真係小毛變大毛,佩服!
    [版主回覆09/02/2008 15:06:00]你三個人我四個呀!

    回覆刪除
  20. 嘩~~~你個椒鹽焗小雞腿好吸引!
    [版主回覆09/02/2008 15:30:00]多謝你到訪!用焗爐焗幾好架!

    回覆刪除
  21. 嘩,又真係肉多左d,妳真係驚佢地唔夠肥呀?我今日終於完成所有"煲冬瓜"啦,舒服哂!記得明天的約會嗎?
    [版主回覆09/02/2008 16:12:00]我已推咗瑜伽班嚟約你呀,你朝早call我啦!

    回覆刪除
  22. I sent to yahoo already.  I am sure it will be a GREAT banquet on Sept 4th!
    [版主回覆09/02/2008 16:11:00]THANKS!我做好腸仔包,不過有好多好多要改善嘅地方!

    回覆刪除
  23. 哈哈 ! 我果張幼稚園畢業證書都係度 ,  不過冇你果張保存得咁好 ,  我張相已經化開左  我有時都會攞出黎睇下 , 諗番下細個d野
    [版主回覆09/02/2008 16:13:00]係咪好懷念呢?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^