2008年9月6日星期六

~倦~老啦~


成日都天黑黑,一陣有雨一陣無雨,


我唔係好鍾意呢啲天氣!



人老啦,今日先覺得好倦!


噚日忙嘅時候,都唔覺得倦,


今日個人好似散晒咁,唉!



返到又忙到C呀!仲要被人玩,

做完晒佢話唔係咁做喎!


嗄.........又要重頭做過,咪一早同你講話唔係咁做囉,你又話得得得,而家又要人做過,

乜一返工咁黑仔呀?


好彩都有好人,有個同事一早就俾咗個好Q嘅包我!


甘荀包~似唔似呀?



係咪好似呢,都幾好味呀!


忙咗一日




收工唔代表我得閑,


今晚想入嚟搵餸嘅blog友,


真係要令你失望啦!



今日仲要趕去囝囝學校家長會,


我同大老爺講飯都無得食呀!


點知大老爺話同我食飯喎,


咁我梗係話好啦!


哈哈..............我咪唔使返屋企煮公仔麵!



開完家長會,居然大老爺仲未到,


佢啲遲到習慣都係唔改!


~翠華餐廳~


相信好多人都試過,之前我都試過,


但裝潢咗之後,真係好靚好有特色!



我揀嘅"香菇炸醬麵"


幾好喎,我見個樣以為唔會好味!



大老爺嘅甜辣蝦球麵。



$15蚊碟,都好抵喎,咁大碟!



呢杯檸檬薄荷特飲,好好飲!



好倦啦,早啲瞓啦!


14 則留言:

  1. 哈哈~妳就好啦又同老公X枱腳啦,翠華個海南雞飯都好味喎,不過都幾貴喎
    [版主回覆09/06/2008 08:45:00]佢貴得嚟有價值,啲雞好大碟,不過我唔食雞!好過大家樂三十幾蚊得兩舊排骨

    回覆刪除
  2. ∞∞∞∞∞∞∞∞∞ Ðädä ∞∞∞∞∞∞∞∞2008年9月6日 上午8:33

    個包係包點先生買架?
    [版主回覆09/06/2008 08:43:00]係,你真識貨!

    回覆刪除
  3. 個飽又幾特別喎 !
    [版主回覆09/06/2008 08:43:00]你住邊?呢間包點店啲包又抵又得,啲饅頭仲有麥味,芝麻味,各種各種味道,仲有大大個壽包呀,個女嘅五色壽包咪係嗰度買囉!

    回覆刪除
  4. 444444444444
     個包好可愛,仲有餡的呢~有老公同您去吃飯~
    累D都無所謂啦~我個衰公昨晚與舊同事吃飯~
    我同女兒食------->>自己~
    [版主回覆09/06/2008 08:34:00]早呀,唔好喊 咁你食咗乜呀?個囡無事呀,入學好容易感染,叫囡囡小心啲,見到同學仔咳,傷風唔好行咁埋,而家啲菌好犀利!

    回覆刪除
  5. 翠華 d 脆脆包都好好食呀!!!
    [版主回覆09/06/2008 08:53:00]脆脆豬仔包我都想識,我係包痴嚟架! 不過太夜唔好食咁多嘢!

    回覆刪除
  6. 個甘荀包好靚好得意呀, 你知唔知喺邊度買呀?
    [版主回覆09/06/2008 08:54:00]花園街口,旺角街巿對面,好似叫包點先生!

    回覆刪除
  7. 唔,翠華係"賣飛佛",我最鐘意食佢D豬軟骨啦。
    [版主回覆09/06/2008 11:10:00]佢不愧為名牌,樣樣都幾好味!

    回覆刪除
  8. 呢間包點先生既包包都幾好味,仲可以買番去自己蒸
    [版主回覆09/06/2008 17:35:00]係呀,我多數買返去蒸,食時蒸一個!

    回覆刪除
  9. 係甘架,而家反工d人無以前97年之前甘好啦.97之前人事關係好好,但係系97之後做ga工d同事好以好怕你做得好過佢.大家關係都唔好,所以反工反得好辛苦.
    [版主回覆09/06/2008 17:34:00]嗰個同事係唔識扮識啫,人事我唔怕,我做好本份就得!

    回覆刪除
  10. 咁你食咗乜呀?--->> 昨晚在樓下餐廳吃干炒牛河而已~
    個囡無事呀,入學好容易感染.--->> 只是有少少咳及鼻塞塞~
    已看了醫生的了~飲多一點水,瞓多少少,應沒事的~
    見到同學仔咳,傷風唔好行咁埋-->> 我有跟她說過~她答:哦~知道了~但~回到學校後,有小朋友同她玩,她一定會又忘記我說的了~
    [版主回覆09/06/2008 17:33:00]無辦法啦,又早起身!乜你相睇完啦?

    回覆刪除
  11. 唔緊要唔緊要﹐有大老爺約你食飯﹐涼返灑涼返灑
    [版主回覆09/06/2008 18:14:00]我係覺得啲人唔明白就問清楚啦,叫人做嘢唔使本咁!
     

    回覆刪除
  12. 我住係元朗家, 但好似唔多覺有呢間 "包點先生" 呀, 等我留意下先 !
    [版主回覆09/06/2008 20:53:00]呢間包點先生係旺角,不過應該有好幾間分店,如果你經過可以試下!

    回覆刪除
  13. wa.........................個蝦球麵好正呀
    [版主回覆09/06/2008 21:21:00]快餐店有啲咁脆口嘅蝦球真係唔錯!

    回覆刪除
  14. 碟蝦球麵好吸引!
    [版主回覆09/07/2008 08:57:00]幾新鮮架,好脆口!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^