2008年9月4日星期四

~行街街~新發現~


落咗成晚雨,好潮濕呀!


今日仲約咗人行街,點算?


朝早去街巿買完餸,




返到屋都好晏,原本想整曲奇都放棄。



噚日的起心肝去買咗個磅(針磅)又買個砧板用嚟搓麵糰!



都好有堅心

!



約咗朋友係九龍城街巿等,又未收到佢電話,



咁咪出去先一路行一路等!


係街巿附近行行下,突然見對面馬路有個招牌吸引我目光,


寫住烘焙店~DIY



ha..........呢度有DIY?同我去嗰間二德惠有乜分別,


猶豫咗一陣,走過去睇,ye......真係有嘢買喎,


正好我想買多張焗紙,


入到去見個亞姐好細心咁同個客講緊嘢,


我咪周圍咁睇下,啲貨同二德惠差不多喎,


有啲二德惠都無得買,


我一路睇一路問

,個亞姐真係好細心,


有乜問題佢都會好詳細咁同我解釋!


知我噚日整麵包唔係好成功,佢仲教我點做!


我見到有個電子磅!$160咁平,



點算我噚日先買咗個針磅都未用

,都要$155啦,


真係考慮好耐

,都係買咗,


因為要整麵包真係要用電子磅先得!


本來想將個針磅送俾朋友,


估唔到吉之島居然可以退錢喎

.......呵呵呵,


 


我地行下食下嘢咁,揀咗間食泰國嘢,


點知個廚師未返,淨係得串燒食,都好啦!



因為太熱行咗三四個鐘就返屋企,


睇下我今日嘅收穫





返到又有時間,

又試下整曲奇,


整曲奇唔係好難,我照書咁整,


但個份量太少,淨係整得九件咋!


好快都無晒!


今次有少少做錯,因為唔記得落雲尼拿油!hehehe..



~腰果牛油曲奇~(可按-製作過程)





是日晚餐


~港式咖喱蘿蔔魚蛋~(可按-食譜)


因為囝囝好鍾意食咖喱魚蛋,以前都煮過,真係好似街邊嗰啲架!



~西蘭花洋葱炒牛肋條~(可按-食譜)



~蜜豆金菇煮魚蛋~(可按-食譜)


係九龍城街巿側邊,有檔新鮮魚蛋咪買嚟試下。



仲有個靚湯~冬瓜鮮淮山茨實瘦肉湯~(可按-食譜)



聽日囡囡生日啦,我會預備好多佢鍾意嘅食物呀!


 

20 則留言:

  1. 請問如果只想做 cookie ,洗唔洗專登去學呢?是否跟住書或網上指示便可做到呢?
    [版主回覆09/03/2008 22:15:00]呢個都係我第一個作品咋! 不過,曲奇應該唔使去學,但要好啲用具囉!

    回覆刪除
  2. 我係上海街買個電子磅 $100之麻
    [版主回覆09/04/2008 06:27:00]係咪一樣?上海街邊度買?有冇白色啲長方形焗盆呀?

    回覆刪除
  3. 祝囡囡生日快乐!學業进步!
    [版主回覆09/04/2008 06:28:00](Empty)

    回覆刪除
  4. 嘩,$155個針磅你都捨得買,電子磅真係好用好多架,好在有得退貨咋,叻!
    你講呢間我想去佐好耐,但次次去親九龍城都好夜,又未去過唔知近邊頭,你知唔知收幾點呀?睇見你咁開心,我都想去下!
    點解包包失敗呀,我可唔可以幫到你呢?
    [版主回覆09/04/2008 06:36:00]你仲話抵?小丙媽話上海街買$100 係朋友教我打去問架! 我都唔知九龍城,如果唔係星期一唔使咁遠去荃灣啦!係九龍城咁耐都無行過南角道!我遲啲post個位置俾你睇!

    回覆刪除
  5. 講漏佐,你個cookies好得得得呀,好靚,仲靚過"談冠"個d呀!
    [版主回覆09/04/2008 06:33:00]哈哈哈.......你氹得我好開心呀!

    回覆刪除
  6. 嘩!!好勁!!
    整包整曲奇仲三餸一湯,俾我就要放大假先至做到------煮完要抖兩三日!!

    回覆刪除
  7. wa............你屋企個乾貨櫃 咪要好大個下
    [版主回覆09/04/2008 06:39:00]我無柜架,周圍都係貨囉!hahaha..............

    回覆刪除
  8. 好好餸呀﹐我痴餐得唔得呀?
    [版主回覆09/04/2008 06:40:00]哇........你痴呢餐咪好貴囉...hahaha

    回覆刪除
  9. 祝您囡囡 :
       生日快樂~學業進步~身體健康~
    [版主回覆09/04/2008 07:27:00](Empty)

    回覆刪除
  10. 你個港式咖喱蘿蔔魚旦好吸引呀,在Mommy到睇到你女女生日,我都祝佢Happy Birthday.
    [版主回覆09/04/2008 08:18:00]多謝! 如你買到麵豉醬可以試,辣咪可以自己調教!

    回覆刪除
  11. 好彩你個針磅有得退錢咋... 我又要食魚蛋
    [版主回覆09/04/2008 09:26:00]係呀我已經打咗電話去啦,呢啲咪叫做大公司囉!
    你要幾多串?

    回覆刪除
  12. 月姐:請問點link up舊「食譜」嫁?我唔識,請指教,tks!
    妳日日都煮咁多餸,好羨慕妳咁叻啊!
    [版主回覆09/04/2008 09:38:00]哈,你問我呢個學生,不過我好好學架! 我好高興你又有好餸啦,係得你叫我月姐呀! 我寫低你唔明再問: 你先用excel儲咗啲食譜link,然後寫blog時,highlight你想擺嘅字,再click上面個function嘅藍色球(underline隔離),你先去excel度個link嘅位置,襟Ctrl-C,再返去個BLOG度,藍色球一click會出現個格你,你再放條link(ctrl-v)落去咁再"ok",你試下!

    回覆刪除
  13. 老公話我買左部打蛋機係前菜咋,一定有下文,睇左你買咁多配件,老公似乎冇講錯喎!
    [版主回覆09/04/2008 09:45:00]我都無嘢講,歡迎你加入!一陣有好嘢!

    回覆刪除
  14. 唔好咁開心~唔係比您的,比您個乖囡囡的喇~
    [版主回覆09/04/2008 09:44:00]我知啦,多謝晒先,今朝mommy個blog我俾咗囡囡睇,佢仲覆咗mommy添,我一陣會post泡夫個blog,因為囡囡好鍾意食泡夫呀!你想第一就要留意啦,今晚有好多好嘢食!我而家要打嘢先!

    回覆刪除
  15. 我要3斤... 1斤蕉爸食...2斤係我自己獨享
    [版主回覆09/04/2008 10:35:00]你講邊樣先?

    回覆刪除
  16. 早晨呀~我都想買個電子磅
    [版主回覆09/04/2008 13:50:00]你整蛋糕你無磅咩?小丙媽話上海街$100個,我係九龍城買$160個喎!

    回覆刪除
  17. 我要魚蛋呀組長
    [版主回覆09/04/2008 13:50:00]得!收到,留番一盆俾你!

    回覆刪除
  18. 呢個磅咪 $100   
    焗盤我係花園買架$20
    我放隻手係到比你知大約係幾大個囉
    係買豆沙餅個檔口附近咋, 成檔都係賣 d 什不甩家品野
    你睇吓囉, 上海街都有, 但個 size唔啱我個爐囉, 好大
    [版主回覆09/04/2008 13:49:00]你個磅好抵喎,係咪包埋個盆? 哈哈,我剛剛咪係嗰度返嚟囉! 我買咗兩個,不過唔係咁嘅色,係銀色!都好抵喎$28咋!又買咗個方包盆!

    回覆刪除
  19. 係無電子磅,我頭先唔敢講$160妳都買 上海街有好多架,我搵日都想去妳果間睇吓,唔使吓吓出油麻地
    [版主回覆09/04/2008 14:24:00]無所謂啦,出得上海街都係去九龍城好啲,嗰個亞姐真係解釋得好好,我係二德惠啲亞姐都唔識答我嘅!

    回覆刪除
  20. 整咁少, 邊夠食呀 ! 我都係用緊呢個電子磅呀, 好似係 $138. 係元朗買家 !
    [版主回覆09/04/2008 15:16:00]算啦,我係吉之島啲仲貴,而家個針磅又可以退錢! 我下次會加大份量!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^