2008年9月5日星期五

囡囡生日~壽司蛋糕

Carrie



囡囡今日係你嘅生日,媽mi會好忙忙呀!


你order嘅食物,你喜歡嘅禮物我都會為你準備!


希望你開開心心,健健康康,勤勤力力!


有乜嘢可以令你開心,

媽咪一定會盡量去做!


 
 
 
 


第一次整泡芙,都算成功,


淨係啲吉士餡唔知點解會出水呢?



仲自己諗到好似個間麵包鋪咁,入啲雪糕入去,


嗰間麵包店要買成$12個架,而家我整咗8個!



一早整完泡芙,上埋blog!


咁就出去買禮物同壽包俾囡囡!


出到花園街,買完禮物。


去咗間買雜貨店,睇下有冇我要嘅焗盆,


真係好,有好多款呀,又唔貴,咁又買咗幾個,


梗係幾個啦,我仲有好多嘢要學架!


睇下我送俾囡囡嘅禮物!



一共有三份,個背襄係佢想要嘅,


另外個兩份係我靜靜買俾佢架,唔知佢鍾唔鍾意?


而家啲女仔唔係你買就會用架,


唔鍾意就唔用架!




成日都好忙,希望佢會開心啦!



下晏就開整我個生日蛋糕,


講起呢個蛋糕,都係因為佢地太喜歡食壽司啦!


因為一本雜誌嘅關係,舊年我就整咗我第一個..........



~壽司蛋糕~


佢地鍾意食三文魚,我又用咗鰻魚做中間嗰層!


無人教架,但都唔會好難!


今次個樣仲好過上次呀!




囡囡生日餐單


媽mi煮到

..........


囡囡食到

......................


~壽司蛋糕~(可按-食譜)




~香蒜肉絲意~(可按-食譜)


之前煮過啦,不過上次無買火腿呀!



~蒜香芝士焗青口~(可按-食譜)



~黑椒焗雞翼~(可按-食譜)



~芝士焗雜菜~(可按-食譜)



~鮑魚壽司~


見有飯淨,咪整多幾件壽司囉!



~甜蝦~買嘅!



~雜果賓治~


我用咗七-up、soda drint、蒟蒻粒、什果,好易,


又係囡囡order嘅,收到之後咪上網search囉!



仲有五色壽包,賣架!



睇下成枱都係食物呀!



囡囡吹蠟燭,許個願先!



囡囡收咗禮物,睇下佢開唔開心?


 

27 則留言:

  1. 囡囡生日快樂 ~ ~兼祝你與家人中秋節大大大大快活呀 ~ ~
    圖片: 開心高人
     
    [版主回覆09/04/2008 22:11:00]多謝!

    回覆刪除
  2. 你真係一個200分媽咪呀!!!!! 
    個蛋糕整我好靚, 好有心機呀!! 仲預備咗咁多囡囡中意食嘅野, 雖然佢無笑到見牙唔見眼, 但一定都係甜在心頭呀!!!
    祝囡囡生日快樂, 每日都開開心心, 笑口常開呀!!!
    [版主回覆09/04/2008 22:11:00]呢200分我收架! 食蛋糕食到厭,咪諗過第二樣囉! 因為囡囡鍾意食雪糕泡芙,就試下囉! 多謝你呀!我囡囡而家都似BB咁,要我將啲禮物收埋﹐俾佢攞喎!

    回覆刪除
  3. 祝囡囡生日快樂
    個壽司蛋糕好靚呀!
    [版主回覆09/05/2008 06:15:00]多謝晒!

    回覆刪除
  4. 世上只有媽媽好
    好幸福呀!我好感動呀!我有耐都冇收個媽媽的禮物及蛋糕.
    祝你個囡囡健康,快樂.
    [版主回覆09/05/2008 06:14:00]我都無喎,最多係一封利是咋!你幾時生日呀,等我同你慶祝好唔好? 多謝晒!
     

    回覆刪除
  5. 果然係一個廿四孝媽咪,抵女女咁錫您呢~
    [版主回覆09/05/2008 06:13:00]係呀,囡囡真係好鍚好鍚我架!

    回覆刪除
  6.  假如我媽咪甘叻就好了·哈哈···
    [版主回覆09/05/2008 06:13:00]唔好咁講,佢會有第二個方法同你慶祝啫!

    回覆刪除
  7. 我祗可寫一个 服 字!
    Carrie,生日快乐!
    [版主回覆09/05/2008 06:12:00]你個服字好大喎 我係咁架,做到人地開心我就開心,唔理有幾辛苦!

    回覆刪除
  8. 真係好豐富, 好有心思呀 ! 個壽司蛋糕真係好有心沁思好靚呀 ! 囡囡收到媽媽既愛心晚餐同 d 禮物, 一定開心到訓唔著呀 !
    HAPPY BIRTHDAY TO 妹妹 !
    [版主回覆09/05/2008 06:11:00]我諗咗好耐啦,囡囡唔會開心到訓唔着架! 多謝晒!

    回覆刪除
  9. HAPPY BIRTHDAY TO CARRIE..
    真係好 有個廿四孝媽咪~
    [版主回覆09/05/2008 06:09:00]我真係廿四、廿五、廿六.......孝添呀! 多謝晒!

    回覆刪除
  10. 你實在太勁勁勁勁喇!!!!!!!!!!!!!!!!!!!!!!!!!!!!!!!!!!!!!!!!!!!!!!
    SUSHI蛋糕整得好靚好靚﹐yummy!
    [版主回覆09/05/2008 06:08:00]唔好咁講啦 不過真係做到好倦!個蛋糕真係幾滿意!

    回覆刪除
  11. 哇))))))))))))))))))))
    壽司好靚丫))))))))))))))
    好豐富O既生日大餐丫)))))))
    我都想坐埋去食丫~! 哈哈~!
    嗯嗯~!(我要冷靜D先)
    祝囡囡生日快樂丫~!
    一日靚過一日丫~!
     
    [版主回覆09/05/2008 06:07:00]氹得你咁開我都好開心,總之囡囡開心媽mi就開心...........多謝晒!

    回覆刪除
  12. 祝你女女生日快樂!開開心心!
    [版主回覆09/05/2008 06:06:00]多謝晒,你咁有心真係多謝晒!

    回覆刪除
  13. 好特別好靚呀!三文魚壽司蛋糕,仲有甜虲撻,5色壽飽.  成枱美食仲有三份禮物,你真正你廿四孝媽咪呀! 祝你囡囡生日快樂.身體健康,開開心心. .
    [版主回覆09/05/2008 06:17:00]真係幾特別架,除咗係壽司度食到之外,我諗無人自己整! 嗰啲壽包真係幾靚! 多謝晒!

    回覆刪除
  14. 如月~早晨~
    [版主回覆09/05/2008 07:44:00]早晨呀,我剛剛先返到公司!今日你有乜嘢攪呀,又係瞓覺?

    回覆刪除
  15. good morning如月,今朝都未食早餐就成朝見到d美食.依架個肚打古ing
    [版主回覆09/05/2008 08:25:00]早呀!你咁早唔食就上網?囝囝返學未? 你要邊樣我打包俾你!

    回覆刪除
  16. 很多年前,(我19歲果陣)我在匡湖居的會所酒吧,做過半個月
    初級調酒師(學師仔),果陣第一堂"大佬"也教過我整什果賓治的~
    如果,您女女鐘意飲的話,不妨去超級市場買枝"紅糖水"
    加入什果賓治中,就色香味俱全了~
      今天沒甚麼搞作,下午一點便要接女兒車,今天有同學仔來我家,
    老公收工後,會跟舊同事出去吔飯,我與女兒食自己,也許...........
    晚點沒下雨的話,打比兩個家姐看看她們,今晚出不出去
    葵芳陪我食飯,我想去葵涌廣場買少少野~
    [版主回覆09/05/2008 09:36:00]紅糖水?乜嚟架?我加咗soda 汽水咋!唔係加橙咩?我今次加咗啲蒟蒻粒,又幾好味喎!

    回覆刪除
  17. 囡囡咁開心,媽咪辛苦左成日都值得啦!
    [版主回覆09/05/2008 09:50:00]佢地話要乜我做得到我都會做!

    回覆刪除
  18. "我係咁架,做到人地開心我就開心,唔理有幾辛苦!"  YEAH, me too!!! GIVE ME FIVE!
    [版主回覆09/05/2008 09:49:00]yeah!yeah!yeah! 我今日先覺得好倦呀!

    回覆刪除
  19. 唔怪得妳囡囡咁鍚妳啦!
    [版主回覆09/05/2008 10:22:00](Empty)

    回覆刪除
  20. 紅糖水?乜嚟架?--->> 我以前在大型的超級廣場曾見過~
    同果D LIME SODA或濃縮果汁放埋一堆的~
    個玻璃樽外有寫明是Red Syrup的,有紅色或綠色的,
    綠色的係用來做薄荷賓治(當時,如果是大人飲得酒精的,
    便可以用"葫蘆樽薄荷酒代替")
    一般外面"酒吧"做的雜果賓治係用
    橙汁+菠蘿汁+梳打水+雜果+紅糖水做成的~
     
     
    [版主回覆09/05/2008 11:45:00]你講得好清楚呀,等我遲啲再整俾囡囡試下先!

    回覆刪除
  21. 呢個牌子ROSE'S的紅糖水~有時在那些專賣東南亞產品的店舖
    有得賣的,價錢仲平過連鎖超級市場
    [版主回覆09/05/2008 11:46:00]你好犀利呀,連個圖都搵到!

    回覆刪除
  22. 除咗囡囡之外,樣樣都要D啊.THANKS!!!!!
    [版主回覆09/05/2008 15:40:00]外賣地址呀,小姐?

    回覆刪除
  23. 囡囡,祝你生日快樂,學業進步.
    [版主回覆09/05/2008 15:41:00]多謝晒!

    回覆刪除
  24. 呢個真係超水準之作,靚到爆!
    祝你囡囡生日快樂愈大愈靚!
    仲有,幫我話比你囡囡知,我好羨慕佢有個咁錫佢,整野食又咁叻的媽咪。
     
    [版主回覆09/05/2008 21:54:00]多謝晒!我都幾滿意架! 多謝先! 唔使羨慕呀,個個亞媽都咁好,祇不過表達方式唔同啫!

    回覆刪除
  25. 哈哈~好靚喎 不過妳有幾多人食架
    祝囡囡生日快樂呀
    妳個囡係幾多號生日呀
    [版主回覆09/06/2008 08:38:00]多謝先,乜你無起我底? 我囡囡個年份同生日係一樣嘅數字,佢9月4日生日!

    回覆刪除
  26. 唔洗客氣,見到你對女女份心思真係令人感動!
    [版主回覆09/06/2008 10:49:00]自己囡囡梗係錫啦!

    回覆刪除
  27. 嘩!, 妳整左好多野食呀....雖然遲左D, 同囡囡講聲生日快樂呀!
    [版主回覆09/08/2008 06:27:00]多謝你,唔遲唔遲!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^