2008年9月24日星期三

一三八!!!

Partly Cloudy
Windy
Hurricane


點解今年咁多風打架,


今日要經歷一號風球、三號風球、八號風球,


打風真係無着數架,交通又擠塞,


餸菜又貴,唔係好過癮咋!


我情願無打風!!!


終於都係等唔到放工就掛波,


去到地鐵已經有幾百人係月台,


第二部上到車,但個人就好似沙甸魚咁,


返到街巿用九秒九咁買啲餸,


等部邨巴都要等第二部先可以上車,


落咗車仲慘,上斜路根本攞唔到傘,


終於把傘報消咗!



C啦C啦..........部PC好似唔得咁呀,


成日係度boot機,

一晚boot咗十幾次,


幾乎打唔到呢篇blog呀,


大老爺話條ram壞咗喎,要大修,


但大老爺又唔係借佢部PC俾我用,


問極佢又唔出聲,佢就係咁架啦!


點算呀,無腦我會C架!



~開

啦~


因為要返工嘅關係,好多時要plan定聽日食乜餸,


今日呢兩味係噚日醃嘅!


所以噚日俾平時用多好多時間去預備!


~香茅焗豬頸肉~(可按-食譜)


豬頸肉都焗過一次,今次試下用香茅醃,


本來想用番上次啲材料,


但係買唔到芫茜咪用香茅囉!



~紅白牛腩~(可按-食譜)


其實係一個好普通餸,用咗紅蘿蔔同白蘿蔔,


祇係諗個吸引啲個名啫!



~金銀蒜炒BB露筍~(可按-食譜)


香蒜即係炸過嘅蒜粒,街巿都有得買,


再加啲新鮮蒜茸,咁係有兩種色囉!



~蕃茄蛋花牛肉湯~(可按-食譜)


一個好普通嘅湯,但夏天總係想有啲湯水飲下咁,


寫食譜係為咗我個good friend呀,佢剛剛做全職煮婦2年咋!



 


25 則留言:

  1. 111
    [版主回覆09/23/2008 21:36:00]...仲有個第一你未攞呀!

    回覆刪除
  2. 哈!哈!仲唔系我.哈!哈!大地在我腳下
    [版主回覆09/23/2008 21:37:00]真係服咗你!

    回覆刪除
  3. what is it?
    [版主回覆09/23/2008 21:42:00]你CHECK晒今晚我啲BLOG未呀?????

    回覆刪除
  4. 我都係最唔鍾意打風....攪到D餸貴晒...
    [版主回覆09/23/2008 22:04:00]最慘係啲人同一時間出晒嚟呀!

    回覆刪除
  5. 係咪中毒呀...成日boot机可能handisk有問題wor
    [版主回覆09/24/2008 08:07:00]
    所以大老爺話要大修囉!C啦無腦,你地無餸睇啦!

    回覆刪除
  6. 嘩!!!你打風都咁好餸???? 我都想喺你屋企住呀!!!
    我頭先望落街,D樹吹到fing哂頭咁,真係戥你辛苦呀!!!
    [版主回覆09/24/2008 08:06:00]
    啲餸係前一日預備咗,噚日淨係買蕃茄同菜咋! 係我屋企住........請都請唔到啦!

    回覆刪除
  7. 見到D牛腩都好想整,D蘿白系唔系一齊同牛腩蚊一個鍾呀?
    [版主回覆09/24/2008 08:08:00]咁要睇你買唔買到靚牛腩啦,通常蘿白炆半個鍾,應該先炆牛腩,後落蘿白!

    回覆刪除
  8. goodnight baby
    [版主回覆09/24/2008 08:04:00](Empty)

    回覆刪除
  9. 呢個風真係好猛呀, 依家係屋入面都成日聽到呼呼聲呀 !
    你地一人一部機家 ? 我要排隊隊家 !
    我好鍾意用 d 唔同既料黎醃豬頸肉家, 但好似點醃都好好味 !
    [版主回覆09/24/2008 07:56:00]個風真係好大,我部腦係大老爺嘅棄將呀,佢換新電腦咪俾我同個女用,我係兩個人用嘅! 豬頸肉真係好多醃法,用焗爐焗點都好好味!

    回覆刪除
  10. 你個豬頸肉食譜link左去蕃茄蛋花牛肉湯呀!!!
    [版主回覆09/24/2008 07:54:00]Thanks!我已經改番啦!

    回覆刪除
  11. 學卓高話齋---->>我都想喺你屋企住呀!!!---->>仲有沒有床位呀??
     
    [版主回覆09/24/2008 07:54:00]大廳就好多位呀,留番個俾你地好唔好?

    回覆刪除
  12. 紅白牛腩係最正嘅, 屋企有碎牛肉,等我今晚又整 蕃茄蛋花牛肉湯先得.............多謝晒!
    [版主回覆09/24/2008 07:34:00]幫到你諗餸係我嘅光榮,多謝晒!

    回覆刪除
  13. 牛腩睇到我流晒口水,你真是要来探我。。。。顺便教我两三招啊!
    [版主回覆09/24/2008 07:53:00]我要請教你先得,我噚晚仲食緊你嘅鳯梨酥呀,個皮好似有啲杏仁粒係咪呀? 我煮啲餸唔係好穩定架,有時會失準架! 你煮啲餸我都唔識,你教我就真!!!
     

    回覆刪除
  14.    good morning!baby!
    [版主回覆09/24/2008 09:32:00]以為你俾風吹咗去添???

    回覆刪除
  15. 好肚餓呀
    [版主回覆09/24/2008 10:45:00]咁仲唔去食早餐???

    回覆刪除
  16. 昨日人次:228
    累積人次:7773
    今日瀏覽:367
    累積瀏覽:34501
    Forgot to congratulate you ah!!! yeah.... 鳯梨酥 no almond flakes, the cookies is almond ! I think they got mixed in the jar!
     
     
    [版主回覆09/24/2008 11:22:00]係呀人次過咗200啦,哈哈.........我唔敢講咋! 我食咗好多次都覺得有杏仁粒,所以問下你,我應該好快試整!

    回覆刪除
  17. 喂! 你講梗o個個兩年全職煮婦, o係唔係我呀! 如果係^_^我會好感動架!
    [版主回覆09/24/2008 11:29:00]梗係你啦,為咗你我會盡量影多相,清楚少少,不過我好趕所以你唔清楚咪問我囉,我會好細心咁解釋俾你聽架!

    回覆刪除
  18. 早排都想買bb露筍食 不過係超市見到 得個廿幾條 要廿幾蚊 即係1蚊1小條 嚇c我
    [版主回覆09/24/2008 11:27:00]我都唔鍾意去超巿買架,又乾又貴,我幫襯開個菜檔成日都有,呢檔菜貴少少,但啲菜靚啲!我買都係$15pack,仲幫個同事買埋添!

    回覆刪除
  19. 香芧焗豬頸肉...正!!
    [版主回覆09/24/2008 14:02:00]多謝!

    回覆刪除
  20. 午安呀...
    [版主回覆09/24/2008 14:03:00]Good afternoon, madam

    回覆刪除
  21. 有セ野俾主席玩呀...我又玩
    [版主回覆09/24/2008 14:03:00]????

    回覆刪除
  22. 真係要再恭喜你!你的網誌越來越受歡迎啊!228.....228.....228.....
    [版主回覆09/24/2008 15:57:00]我噚日見到都好高興,不過唔敢寫出嚟!

    回覆刪除
  23. 今年係動盪年..反是天氣, 樓市, 政壇也會有起跌!  吹風你也要弄3餚一湯...不過小妹也在家弄少許湯水來滋潤...木瓜雪耳魚尾意米湯!
    [版主回覆09/24/2008 17:08:00]我好少煲魚湯架,怕麻煩!

    回覆刪除
  24. 你落左村巴仲要行嫁咩?我地村巴會停係club house,所以唔使開傘。
    [版主回覆09/24/2008 21:58:00]村巴停係路口咋,要行返屋企架!

    回覆刪除
  25. 呢個好pro呀!
    [版主回覆09/24/2008 21:57:00]多謝,你最近有乜新包出呀?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^