2008年9月23日星期二

颱風!!!


噚晚夜咗瞓,今日就

啦!


呢幾日成日想飲凍嘢


飲極都好口渴咁!


唔知係咪同天氣有關呢?


好似又有個颱風會打到嚟........


希望佢快啲啦!


唔好打亂我去玩嘅計劃!


今年香港都打咗幾個好勁嘅颱風,


比往年成功率高咗好多!


以前啲颱風多數係做過客.....


今年個個都係香港落腳??


都係入番啲貨冰箱先,


唔係食都無得食就慘啦!



~開

啦~


~奇妙一口雞~(可按-食譜)


囝囝好鬼鍾意食雞,不論雞翼、雞扒


想盡辦法搵啲新煮意


今次呢個應該啱佢口味,但拆骨真係有啲難度!


好彩囝囝食完話好過癮喎,完全無骨,


囡囡都豎起手指公話正喎!



~蒜心炒肥牛~(可按-食譜)


每次煮呢味餸,囡囡見到都會yeah一聲!



~蒜茸豆豉煮花螺~(可按-食譜)


想買花螺煮好耐啦,不過覺得好貴,所以今日先買嚟試!



~無花果南北杏合掌瓜西施骨湯~(可按-食譜)



好完滿咁完成今日晚餐,不過大老爺仲未返呀,


唔知係咪寫字樓要搬,所以咁多嘢做呢?

32 則留言:

  1. 1111111111
    [版主回覆09/22/2008 22:21:00](Empty)

    回覆刪除
  2. 點解你可以又返工,又煮飯咁勁.你唔攰咩? 仲可以煲湯,請問d時間點用架?
    [版主回覆09/22/2008 22:21:00]我做嘢好快架,所以咪好易忟憎囉! 個湯係噚日用真空煲煲定架,今晚返屋企滾番半個鐘就有得飲啦! 一放工返到屋企,就入廚房煮到食飯(大約8點),梗係倦啦,不過想佢地有好餸食,次次我都會問佢地好唔好味架(因為我多數飲湯同食菜,肉我食少少咋)。佢地話好食我就開心,好似今日個一口雞,囝囝食咗落口先知無骨,佢話好正喎,個雞翼係噚日起咗骨醃咗先架!

    回覆刪除
  3. 原來系甘,我做野有d慢,有d講feel,唔甘feel就唔鍾意,我好容易攰,成日都要午睡(唔洗返工時),and食零食.
    [版主回覆09/22/2008 22:32:00]我都想食零食,但我唔食都咁肥,食咪C得!門口都入唔到呀! 我唔快咪樣樣都無得食囉,我又無工人,食完飯仲要洗衫呀!

    回覆刪除
  4. 洗3,唔用洗e機?你唔系仲用掍去河邊打下打下 你好勤力呀!008calling over over
    [版主回覆09/22/2008 23:18:00]係仲要打水洗衫呀

    回覆刪除
  5. goodnight baby calling from 008 over over
    [版主回覆09/22/2008 23:17:00]007call008 goodnight

    回覆刪除
  6. 我可算是第二吧!
    [版主回覆09/22/2008 23:30:00]係呀,亞軍!

    回覆刪除
  7. 我同妳一樣做嘢好快,妳見我唧個曲奇就知啦,唔鍾意遲到,個人好急,食嘢就好慢,係咪好怪呀
    [版主回覆09/22/2008 23:31:00]除咗食嘢之外,樣樣都同我一樣喎!

    回覆刪除
  8. 好想飲呢個湯,唔知點解我煲d湯唔好飲,你地煲個d個色靚好多!
    [版主回覆09/22/2008 23:40:00]咁你點煲呀,你要用大火煲半小時,轉中小火煲1 1/2-2小時喎! 因為要返工,我用真空煲架,又慳火!

    回覆刪除
  9. 奇妙一口雞,我鍾意呢個名丫!
    [版主回覆09/23/2008 06:06:00]係呀,一啖放落口就得!

    回覆刪除
  10. 哇!花螺超正!好想食呀!!
    [版主回覆09/23/2008 06:05:00]如果辣辣啲就好啦!

    回覆刪除
  11. 哎!排第六喎!
    [版主回覆09/23/2008 06:17:00]都好喎!

    回覆刪除
  12. 早晨!咁早起床?!我現在正在整提子飽呀!
    [版主回覆09/23/2008 06:16:00]早晨呀!我日日都係咁早起身,我今日無提子包食囉,留番個俾我! 你睇咗我地同frances去玩的片段啦,係咪好想加入呢? 香港今日會三號風球呀!

    回覆刪除
  13. 點只想加入,直情係好想好想啊!你昨日做的飽飽口感好成功啊!
    [版主回覆09/23/2008 06:41:00]噚日嘅提子包口感好好!你幾時加入呀?我而要返工,一陣再傾!

    回覆刪除
  14. 你日日都煮D咁靚嘅餸,你仔仔女女真係有口福喇.
    [版主回覆09/23/2008 08:40:00]
    希望佢地識咁諗啦!

    回覆刪除
  15. 妳好好心機呀, 又要返工, 又可以整到咁多送...我就唔係日日煮, 通常都係以簡單快捷, 除非假期先整多d..
    我都係煮多過食, 妳講得冇錯, 最緊要係食既人話好味就開心晒.... 
    [版主回覆09/23/2008 09:56:00]我都係星期日預備咗啲料咋! 噚日又預備今日啲料呀! 我都唔係日日煮,星期一煮到星期三咋,星期四又食麵!冬天可以得閑啲啦,我地成日都係打邊爐,啲嘢熱啲好好食!

    回覆刪除
  16. 你呢個媽咪真係廿四孝 ,  連骨都起埋
    [版主回覆09/23/2008 09:54:00]係呀,當亞仔話"乜連骨都無嘅,正呀"我就乜都抵番啦!

    回覆刪除
  17. 超鍾意個一口雞。。。
    [版主回覆09/23/2008 10:37:00]多謝!咁你咪按入食譜跟住整囉!

    回覆刪除
  18. ~事頭婆~唔該順手整多份嘛~
    我呢幾日好慘~冇啖好食的~
    [版主回覆09/23/2008 10:50:00]點解我會變咗事頭婆呀? 唔緊要啦,食少啲當減肥,你同Rachel講佢好番我請佢食pizza啦!

    回覆刪除
  19. 蒜茸豆豉煮花螺 - yummy!!
    [版主回覆09/23/2008 11:24:00]好味,不過細粒咗啲!

    回覆刪除
  20. 我要拜師學廚藝, 千萬不要嫌我蠢呀! 師父
    [版主回覆09/23/2008 11:30:00]你有問題寫低問我啦,我會好快答你架,唔好call我咁多呀,係公司唔係咁方便架!人地聽到晒呀!

    回覆刪除
  21. 做你的細路真係開C啦!好正呀!
    [版主回覆09/23/2008 14:03:00]唔係細路係大細路啦!

    回覆刪除
  22. 花螺我次次都只係灼, 因為唔識其他煮法. 家陣又偷到師喇, 多謝呀師父!!!
    [版主回覆09/23/2008 14:33:00]灼會寡啲囉,咁香口啲! 唔好咁講呀,我啲係家常小菜咋,俾人笑C呀!

    回覆刪除
  23. 如月,你的blog越來越popular,恭喜恭喜!你真係寫得好好呀!
    [版主回覆09/23/2008 15:42:00]我寫咁多餸都係將心比己啫!以前我上BLOG去睇下今晚煮乜餸,咁而家咪方便人方便自己囉! 你個包好靚呀! 我寫低晒啲整麵係俾自己睇番架!

    回覆刪除
  24. 如月....個風打到黎.....天文台話下午六時或之前改發八號烈風或暴風信號 ...在外要小心
    [版主回覆09/23/2008 16:22:00]係呀我知,而家等緊放工,不過一定好多好多人呀!唉

    回覆刪除
  25. 你份工都好FREE喎,可以成日都上綱
    [版主回覆09/23/2008 16:29:00]我份工唔係free,係要對住部電腦! 記得細聲啲,唔好俾我老細知呀,我係趁小小時間答你咋!千其唔好揭穿我呀!唔係連麵包都無得食呀!

    回覆刪除
  26. 希望明日8號啦,因為仔仔琴晚已經好想可以放下假.
    [版主回覆09/23/2008 16:42:00]唔好呀,上次八號落咗波我等咗八架車都上唔到巴士呀!

    回覆刪除
  27. 慘喇 !!!!! 放工又要迫餐死
    [版主回覆09/23/2008 18:49:00]我已經千辛萬苦咁返到屋企呀!

    回覆刪除
  28. 返到屋企未呀 出面好大風呀,好驚個冷氣機又入水呀
    [版主回覆09/23/2008 19:19:00]我部冷氣機無入水喎!我排除萬難咁返到屋企啦,損失係一把傘!

    回覆刪除
  29. 主席我上次個冷氣機都入水呀
    [版主回覆09/23/2008 19:18:00]喂,你真係無耐性啦!我部冷氣機無入水喎!

    回覆刪除
  30. 008 calling you!
    Where are you now?
    I miss you so much!
    [版主回覆09/23/2008 19:20:00]唔好一陣又話我無功課交呀,我要煮飯架! 星期五同星期六你咪好掛住我?我唔能覆你喎!

    回覆刪除
  31. 好大風呀!!!
    [版主回覆09/23/2008 20:19:00]係呀,傘都難埋呀!

    回覆刪除
  32. 邊個夠膽篤你背脊, 我殺o左佢!
    [版主回覆09/24/2008 12:26:00]????

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^